Kaftandhable :Puntland sallad ninba maalin suuqa la aado
Sallad
ama Dambiil, ayaa qoyskii Soomaaliyeed ee meel dagan wax weyn ugu
fadhiday, sida lawada xasuustana waxa subaxdii loosii walwaali jiray suuqa,
iyadoo laga soo buuxin jiray quutulyoonka maalintaas la quudan jiray,
Waxa kale oo dhici jirtay in mar mar si kale loo adeegsan jiray, halkii wax
lagu soo qaadi jirayna inta la joojiyo, marka horeba lagu sii walwaali jiray
alaab suuqgeyn ah oo qooska Soomaaliyeed maciishadooda ka soo saari jiray
Hadaba Salladda ama dambiishaas ayaan waxan oran karnay meel weyn ayay waxa ay
ka joogtay nolasha qoyska Soomaaliyeed, kaalinteeduna ma aheyn mid la
dhayalsan karo.
Ruuxa had iyo jeer Salladda u
walwaali jiray suuqa ayaa waxa ay ahayd hooyada Soomaaliyeed, inagoo wada
qireyna waxa hogaanka u ahaa aqalka Soomaaliyeed in hooyooyinka ahaayeen.
Aan u soo laabano Kaftan Dhablahayagan ku qotoma Salladda ama Dambiisha iyo
sida aysan u aheyn wax laga maarmi karo, xataa hadii ay timaado magaca
Dowladnimada, oo runtii aanba sheekadayadaan maanta kusoo ururinayno Salladda
Puntland.
Salladdan Puntland ayaa waxaan ka bilaabaynaa markii Cade Muuse iyo Xertiisii
ku Wareejinayeen Madaxweyne Faroole iyo xulufadiisa.
- ******************************
*********************
Afqurac:
Cade iyo Gaagaabow Waar Hurgufa inta saladu ayan gacantayada ka bixin,
waqee dhururuqna uusan ka heline!
- Gaagaab:
Dhururuq? aa !!! waar Cadaa dhinac walba uga baxay, ayadoo isku dhacsan oo
dhinac iyo dheg wax celisa aan laheyna waatan, ninkii Faroole ahaa oo
Salladdan u dhankin jirayse muxuu ka dheefi?
- Cadde:
Mar la arkaba Yaa in u wax ku dheefo ugu talagalay?, Gaagaabowse, waxa
Salladdan ka dhigay weel dhex furan, oo aan waxba celin, sida Qumbe
daloolshihiina uga dhex baxay, saw adiga maaheyn?
- M/faroole:
Dhex furnaantaas Cadow Mar, Hade waa Mar Cadow, Hade waa Mar Cadow,
Hade waa Mar Cadow, dhinacayga ku keen?
- Gaagaab:
Fiiri, Fiiri, Fiiri waaba fara baxsi, Walee Waliyo in naloo ku yeero,
ninkii waaya sii noolaadow waad arki doontaa, sansaan aan hore u gees
galinay weeye waxa muuqda!
- Afqurac:
Waar anagu Dibiyo Daankooda uba shaqeysta ayaa aheyn ee Waxa Muuqdaa
Gaagaaboow waxan u fahmay in aad u Jeedid Dhurwaa Hilbo ku raro?
- Cadde:
Oo Salladii u gacangalinaya Faroole ayaa yiri????
- ?Dhegteeda Qabo , waxbadan baa dhareerku
kaaga da?ay Salladdan?e,?
- Shacabkii:
Oo goobta Sallada lagu kala qaadanayo ka agdhawaa ayaa yiri
- Dhurwaayo marka dhurwaa wax ku hor cunaan
dhareer in uu daadin su?aali kuma jirto taas.?
- M/Faroole:
Jawaabtiisii waxa ay noqotay ????.
- ?Dhareeri kuu fiicnaa, Dhidid iyo Dhiig in
uu iigaba Dhamaaday, miyaa wax dahsoon aheyd??
- Nuuradiin:
Oo ka naxsan Foolxumada Salladan Faroole loo soo gacangashay ayaa yiri
????
- ?Waar Faroolow tani waa talaftay?e (Salladda)
ee inta aananba suuq la aadin, aan karkarno dhego adag iyo sal aan dhexda
mar dabe ka dhicin aan u sameyno??
- Saleebaan:
oo aan ka aragti fogeyn Nuuradiin ayaa yiri?..
- Dee Waa Run?e hadii aanan la wada badeli
Karin, kabkabku ka dari mahayo, inta mid kale lasoo gadi doono? waxanse la
yaabay raggii Gaabgaabnaa ma dhulkay ku jiidi jireen Salladda, maxaa salka
ka riday?
- M/Faroole:
Oo Gaabnaanshaha ka gubanaya ayaa u jawaabay Saleebaan, yirina ?.
- Hadii Dherari Salladdan badbaadinayo
Afqurac dhankuu ka hayay ayaad ka arki laheyd in ay samabaxdo, Gaabnaansho
kuma xirna Saleebaanow, Dherarna waa kaas Afqurac hadii aad faa?iido ka
raadinaysid.
- Saleebaan:
Oo gadaal ka ogaaday in Ninkani Gaabnida la wadaago ragii hore ayaa yiri
????.
- Waar ileen adaaba Gaaabow kale ahaa, Wagar
!!!!!!!!!, Walee Salladdani in aysan Salkadhac ka badbaadeyn inta rag
Gaabani jiidahayaan?
- Nuuradiin:
Oo Quustay markuu ogaday in Salada aan waxba laga badaleyn ayaa yiri ?.
- U maleynmaayo in Salladdan Dheg iyo sal
wax cesha aan laheyn, kula walwaalayo M/Faroolow!.
- Saleebaan:
Oo mar walba la aragti ahaa Nuuradiin ayaa yiri?.
- Anna Sidoo kale M/Faroolow, ee Foostadaan
salka go?an Cidii kula dhaamin laheyd u Habar Waco!
- M/Faroole:
Oo qaadan waayay in loola yimaado in Sallada uu kabkabo ayaa isna yiri?..
- Sangeyaal Salladdan iyo Suuqgeynteeda aan
la socon, uguma horeysaane, ina kala weydaariya,
- M/Faroole oo isla sii Nuunaasaya??.
- ,,,,,,,,, ?Waxey yiraahdeen Dheg u samee,
????.
- ??..see ugu sameeyaa Cadeba u sameyn
waayee,??.
- ?..teeda kale Suuqyadii Cade la aadi jiray
Salladdan hadii aan badalo amase kabkabo,
- miyaa wax looga soo helayaa,???..
- ?? dheg gonaanta iyo salka isku furan
waaba waxa ay caanka ku aheyd Salladdani,??.
- ?.. suuqyadana markii la arko xageedaa
loosoo wada jeedsadaa,??..
- ???. in ay I wanjalaan ayay damceen
Sangayadan aan wali indhofuran??.?
- Xulufadii Faroole:
Waa su?aalle, Salladdan maxaa lagu qaadi Jiray, oo dheg iyo dhinac
tiray?
- M/Faroole:
War baydun hayn, alla war moogidinaa!!!!!!!!!! wax alla oo lagu qaadi
jiray horta marka hore waa sadexjibaareynaa, marka xigtana wax aan
waligeed lagu qaadin ayaan la damacsanahay in aan saaro, Eebe iyo Aniga
ayaa is og waxan damacsanahay.
- C/samad iyo Siciid
Samatar: Anagaa ogooynoo dhagax
iyo Ciidbaa ugu weynaa wixii Salladdan salka u riday!!!!
- Ilka Jiir iyo Faarax
Cali: Malahayaga wax kasii daran
ayaa ayaa Salladdan Helay, marka aad eegtig sida lisan iyo Rifanku ugu
dhacay?
- M/Faroole:
Miyaan idiin waramay wali? Warkayguse idinma galin miyaa?
- War wax walba oo dheg jaray ama dhinac
furay, aniga meel bay iigu dhigan yihiin,
- Risanka iyo lifankana waxa keenay Dholowaa
idinkagama waramin miyaa?,
- Salladda dhuun Saliid ayaa ku fatahday!!!!!!!!!!!!
- waxa talfiyayna waataas,
- una maleyn mahayo, in ay dib danbe wax u
ceshen karto,
- idinna ha walwalina wax la idin weydiinayo
majirtee,
- Xisaab xirna salladdani in aysan laheyn
waa in aad ogaataan.
- Shacabkii: Waa Run oo Salladdani in
ka badan 10SANNO ayay sal la?eyd,
- Dhururuq iyo taanona waligeed ma ceshan,
- maantana Ceshan mayso,
- balse waxanoo dan ah in suuqyada subaxna
aysan ka maqnaan, haba sal furnaatee!!!!!!!!!! Cajiiiiiiiiiiiiiiiiiiiiib.
- Xanta Suuqa:1
?Waa Sallad ninba
maalin Suuqa la aado?
- Xanta Suuqa2
: Maxaa Madaxweynuhu sadexjibaarayay hadiiba wali sal go?an tahay?
- Maxaase kasii weyn Ciidii iyo Dhagxaantii
Cadde ku salgooyay Salladdan?
- M/Faroole:
Wali Sallada salkeeda Go?an iyo sababteeda ayaa laga dhamaan waayay?
- Waar Hadii Cadde Dhagax Sallada ku
Suuqgeyn jiray, Annigu Buuraha ayaan ku suuqgeyndoonaa!!
- Hadii Ciid iyo Batrool ku suuqgeyn jirayna,
Badd iyo Berigaba waan ku suuqgeynayaa,
- Kuna seexda in Salladani subaxna Suuqyada
Caalamka ayan ka maqnaaneyn,
- wax ay ahaatabana wax lagu suuqgeyndoono,
- Balanse waxa ah in DADKA NOOL, aan
Suuqgeynta ugu danbeysa ee Salladan lagu walwaalayo kaba dhigi Doono!!!!!!!!!!.........
Tixo
isbarid ah oo shacabka ugu khudbeeyay M/Faroole
Warka ma sariigo sidii Cadee,
Saafi ma u sheegay
Ma sifeeyay arartaydiyo,
Halkay saarantahay seeftu
Sir iyo saaq,Sasab iyo salaax,
Sarbeeb waqtiga lagu suusho
Ama Sooyaal iyo aduun laga
warmoo, Laga saxiix qaato
Ama seeriwale iyo xeer dabar
ahoo, Saanta laga qaadin
Intaba in ayan ii sugnaan,
Duul allow saafi ma u sheegay
Sal furan In aan laygu iman,
Duul allow saafi ma u sheegay
Sal furan in aan laygu iman,
Duul allow saafi ma sheegay.
Sal furan in aan laygu iman,
Duul allow saafi ma sheegay.
- Xanta Suuqa3:
- Sito iyo sal baa go?an hada,
- Adna saableyda iyo sararaha weeye,
- Waxaan kaa sugeyno in sarsarataa.
- Shacabkii: Oo iyagu mar walba ku
caanbaxay in sacabka iska tumaan, iyaga oo aadan garaneyn, waxa ay
xeerinayaan, ayaa dhinac walba kuwo dan lihi ka bilaabeen sacab tunkoodii,
Gudaha: Sacab, Kow,
Labo, Sadex,
Dibada: Sacab, Kow,
Labo, Sadex
SII WALWAAL
M/Faroole:
Oo aan shifeysaneyn sacabka Shacabka,
ayaa waxa uu yiri,
?Waligiinba waa laydiin
yaqaanaa, oo ninka wax xeeriya uma sacabtuntaan,
Sacabkiinan maantana, iima
ahan wax aan ka aheyn SAMIR, aad ka qadeen Salladan, Markay ina Shiikh
Maxamed u soo gacangashay,,,,,,,,,,,,,,, oo sarwaantiisa surgooyadeeda laga
wado baqo,,,,,,,,,, saas baan rabaaa, hayskaayo seejinina.
- Shacabkii: Sacabkoodii ayay iska
sii wadaan, ayagoo hadalkii Madaxweyne Faroolena, runta ugu sheegay, si
cad uwada maqlayay
Gudaha: Sacab, Kow,
Labo, Sadex,
Dibada: Sacab, Kow,
Labo, Sadex
SII WALWAAL
Sawaabka I sitaa, Waxayga sii daran
Kuwa sacabkiyo, Salowga u tumoo
Midkii silciyaba, Sareeye u yahoo
Aan kala saarikareyn, Sax iyo qalad,
- Xanta Suuqa4:
- looga samiryay, laga samiryay, lagaa
samiryay
- looga samiryay, laga samiryay, lagaa
samiryay
- looga samiryay, laga samiryay, lagaa
samiryay
- Xanta Suuqa:1
?Waa Sallad ninba
maalin Suuqa la aado?
Xanta Suuqa:6 Waxaan
La aqoon Cida Samatabixnta ay ka sugeyso Salladan deegta maalinba nini u
RIDANAHAYO.
- Xanta Suuqa4:
- looga samiryay, laga samiryay, lagaa
samiryay Salladyahay
Xanta
Suuqa:1 ?Waa
Sallad ninba maalin Suuqa la aado?
Muxiyadin Xuseen Ciid <alcarab1@yahoo.co.uk>
Afeef: Aragtida qoraalkan waxaa leh qoraaga ku saxiixan
MAQAALLADA
KALE KA AKHRI HALKAN...GUJI.... Faafin: SomaliTalk.com | March 28, 2009 |