SOMALITALK.COM
w w w . S o m a l i T a l k . c o m
DHISMAYAASHII - SOOMAALIYA
W/Q: Xasan dhaaleey
dheel10@hotmail.com
Muqdisho, Soomaaliya


Waa Sidee Xaalada uu ku Suganyahay 14-sano kadib Garoonka Diyaaradaha ee Caalamiga ahaa ee Magaalada Muqdisho:::

Garoonka Diyaaradahu wuxuu bartamaha magaalada Mogadishu u jiraa 12km (7miles), waxana uu cabbirka adduunka kaga yaal: 092504"S, 1600213"E. Cabbirka garoonka inta diyaaraduhu kucararaan waxaa lagu qiyaasaa: 2,500 m [dherer] iyo 45 m [ballac].


Qaab Dhismeedkii Garoonka Diyaaradaha ee Muqdisho::

Eeg sawirka oo weyn: Airbus A.310-304 oo fadhiday garoonka Frankfurt, sannadkii 1989:

Boeing 707, oo fadhida garoonka Stansted Airport (UK), March 1985.

Garoonka Diyaaradaha ee Muqdisho

Garoonka caalami ah ee Diyuuraduhu ay ku soo caga dhigan jireen waxaa uu ahaa mid ay soo caga dhigtaan noocyada kala duwan ee duyuuradaha, markii ay dagaaladu ka qarxeen Soomaaliya waxaa uu shaqeeyay waxoogaa sanada ah hase yeeshee masii saconin shaqadiisu, Garoonka oo ku fadhiya masaafo dheer ayaa xiligaan waxaa uu u muuqdaa mid la ildaran diiftii dagaalada sokeeye waxaa ka qodmay Boholo waa weyn, waxaa is dhaafaya Gawaarida loo yaqaano (ISKA ROGA YAASHA) ku waasi oo mashquul ku ah daadgureynta caradii, jaygii, iyo dhagaxaantii Garoonka.

Garoonka waxaa uu noqaday mid kala qeybsan oo lakala heyto, waxaana hada Gacanta ku kala haya qaar kamid ah ciidamadii Cirka ee Soomaliya oo iyagu halkoodii ku sugan, ciidamo Boolis ah iyo kuwa Hogaamiye kooxeedka Cumar finish.

Mar aan lakulmay saddex xarigle Maxamed Cabdi Maxamuud oo katirsan ciidamada cirka ee xooga dalka soomaliyeed ayaan weydiiyay xaalka Garoonka iyo in iyagu ay qaataan qadar lacageed oo gaaraaya 10kun sh.so halkii gaari ee caro ama dhagaxaan kasoo doonta Garoonka, inkastoo uu iska fogeeyay eedeemahaasi loo soo jeediyay hadane waxaa uu qiray in meelo kamida Garoonka laga qaato Baabuurta lacag si loogu raro carrada iyo jaayga ay doonayaan, wuxuuna intaas ku daray in goobta ay joogaan ay wanaagsantahay gaar ahaana waddada RUN-WAY-ga Milatariga  oo uu sheegay inay Badqabto.

Gegida Diyaaraha ee Muqdisho waxaa hareeraheeda camiray Qubuuro aad u farabadan iyo dhismayaal cusub, taasoo laga yaabo in mustaqbal dhaw iyo midka fogba uu isu rogo bartamaha Garoonka meel deegaan ah oo dad farabadani ay ku hoydaan kana soo shaqa tagaan subax waliba.

Inkastoo ay adagtahay in sharaxaad Guud laga bixiyo xalada guud ee garoonka hadana waa meel u muuqaal eg Goob bari hore laga hayaamay, waayo waxaa dul heehaabaya dabeylo xoogan oo wata boor iyo habaas farabadan, waxaan kamaraneyn qashin meel waliba iska yaala ee aan cidina ka qaadin.

Sikastaba ha ahaatee Garoonka ayaa ah Goobaha muhiimka u ah adeeg yada kala duwan ee Bulshada, iyadoo hase yeeshee laga filayo Dowlada lasoo dhisayo ee soomaiyeed ineey wax weyn ka qabato dibu dhiska iyo dayactirka Garoonka bacdamaa uu halbowle u yahay isgaarsiinta soomaliya.

W/Q: Xasan dhaaleey
dheel10@hotmail.com

Daabacaad: SomaliTalk.com | October 5, 2004


Aswan High Dam
Biyo-xireenka Aswan, Masar

::MA OGTAHAY::

Ma Ogtahay in Biyo-Xireenka dunida ugu baaxada weyn uu ku yaal dalka Masar. Biya-xireenkaas waxaa loogu magac daray meesha uu ku yaal oo ah Aswan [Aswan High Dam]. Waxaana la dhamaystiray sannadkii 1970, waxaan dhismihiisa ku baxay lacag gaareysa ilaa $1 billion doolar. Baaxada biyaha ee uu qaadaana waa ilaa 5.97 trillion cubic feet. Waxana uu biyo xireenkaasi sameeyey war (ama laag) loo yaqaan "Lake Nasser". Biyo xireenkaasi waxa uu xakameeyaa fatahaada webiga Niil, waxuuna dhaliyaa koronto lagu qiyaasay 10 billion kilowatt-hours  sannad kasta. Waa koronto ku filay in ay shido hal-million oo Telefison oo ah kuwa midabka leh muddo 20 sanadood ah. ISHA: PBS.org: http://www.pbs.org/wgbh/buildingbig/.

Niil (Nile) waa webiga ugu dheer adduunka, dhererkiisana waxaa lagu qiyaasaa ilaa 6,670 km (ama 4,145 miles), waana webiga ay ku faanaan reer Masar.

"DAL DADKIISA AYAA DHISA"

Daabacaad: SomaliTalk.com | October 5, 2004
Isha Sawirrada: Google search | Dhererka Garoonka Muqdisho

 

QAYBTA 1aad QAYBTA 

URL: www.SomaliTalk.com/taariikh

© www.SomaliTalk.com

SEARCH

Allah Is Great
BILICDA SOOMAALIYA... GUJI



HTML CD