SOMALITALK.COM
w w w . S o m a l i T a l k . c o m
SOMALITALK - BOGGA CISMAAN DAAHIR

Osman Dahir
Tayasir7198@yahoo.com



Cusman Ducalle Daahir

HORTA YAA LA HESHIIYEY 

Cusmaan Ducaalle Daahir
 Minneapolis, Minnesota, USA.

Maansadan "horta yaa la heshiiyey" waxaan tiriyey ka dib Markaan arkay in nimankii sheeganayey in ay yihiin hogamiyeyaal U dagaalamaya danta umada soomaaliyeed oo u kala tartamaya Dawlada Itoobiya iyagoo taageero uga raadsanaya sidii dib loogu Soo celin lahaa qaranimadii Somaliyed ee burburinteeda Itoobiya Bud dhigaha u ahay iyagana u adeegsatay. 

Maansadiina waxay kubilaabatay sidan:

  • Xabashi waanu is haynoo                      Waqeen waa hardamayney
  • Ugaadeeniya Hawd iyo                          Gobolkii Hararge
  • Iyo Hawaas baa ku maqnaydoo             Habeen aanan ka seexanoo
  • Godobtii ma hilmaamin                         Oo dagaal baan holinaayey
  • Dhibta maanta na haysiyo                      Dhiigeenaa hibiq leeyey
  • Iyo boqontaa ina heeran                         Sidii loo hojin laayee
  • Nabad loo heli laa                                  Iyadaa na hageysoo            
  •  Sama noo hor kacaysa                           Rag hilaw u hayo                        
  • Iyo hadaaq baan maqlayaaye                 Goormay hooyiyo aabe
  • Gacalkeen ma huraan ah                        Oo inoo hiilinaya
  • Hayin aynu ku guuro                              Iyo hebed ay noqotoo
  • Hogaankeena u dhiibnoo                        Horta yaa la heshiiyey
  • Xabashi waanu is haynoo                     Waqeen waan hardamayney
  • Halkii layga qaniiniyo                           Cadaw aan wax hanbaynoo
  • Weligeedba huqdeena                            Hadaan aynu ka duulo
  • Halaageena u taagan                              Iyo halis baan u arkaayey
  • Dabka maanta holcaayee                       Geyigeena hadheeyey
  • Hafiyee wada gaadhey                           Hoosadii laga daaree
  • Laga sii hurinaayo                                  Bay hoyaad u ahayde
  • Goormay hooyiyo                                   Gacalkeen ma huuraan ah
  • Oo inoo hiilinaya                                    Hayin aynu ku guuro
  • Iyo hebed ay noqotoo                             Hogaankeena u dhiibnay
  • Xabashi waanu is hayney                      Waqeen waan hardamayney
  • Saymahaa ina haystiyo                           Dariiqaa lagu hoobtay.
  • Gacanteena halbawle                             Iyo hanaqa aan isku goyney
  • Hilbeheena dugaaga                               Iyo haadu ay ka dhergeen.
  • Waxa hoog iyo baaba,                         Haydaartaa bixi waydey.
  • Ragii soo hindisee                                  Habeeyee ka shaqeeyey.
  • Waxa aan isku hayno                             Iyo hurgumooyinka beeray
  • Hubku kuu ka dhamaado                        U soo hoobinayey
  • Bay horsed u ahayde                               Goormay hooyiyo aabe
  • Gacalkeen ma huraan ah                         Oo inoo hiilinaya
  • Hayin aynu ku guuro                               Iyo hebed ay noqotoo
  • Hogaankeena u dhiibnoo                         Horta yaa la heshiiyey
  • Soomaalaay habilaay                             Umushaa is hilmaanta
  • Oo hadadiiba ilawda                              Kaarkii fooshu ku hayseye
  • Nacabkii shalay heeray                         Cadawgii haylaha gooyeey
  • Iyo kan hedeeda jaraaya                         Intay shaal u hagoogto
  • Hoyga soo gashatooy .                         Geesigii hana qaada
  • Iyo halyeygeeda wareemay.                 Filkeeday ka hadhay
  • Intay haybsan lahayd                            Isku hoos noqotooy.
  • Ratigii huga saaran                               Iyo heeryadiis cunaay.                        
  • Taan hilaada aqoonee                            Hanku uu ka maqnaayeey,
  • Hawo raac iyo faan                               Huu haa beena ku nooleey.
  • Taan hubsiino lahayn                           Hiin raacdee weligeed
  • Dhalanteedku hodaay                          Hal abuur wax u sheega
  • Iyo hawraari taanay gelayn                Iyo agaan hoos ka dalooshaay
  • Haro aan biyeheedu                            Haraad kaa bi,inayney.
  • Damal aan hadh lahayn                      Iyo hoosiiskii galabtiiyey.
  •  
  • Inkastoon halakawney                        Hamigii bulshadeena
  • Iyo himiladii laga leexday                  Xornimadii ku hungownoo
  • Hasheenii horor hiigay                       Horaadkii laga gooyey.
  • Kan amxaaro hagaag                          Iney hiil u taraan
  • Ama hooy u dhisaan                           Hiyigiisu qabaw
  • Hordhacii aragtee                               Hambadaa ka qadhaadh.
  • Anse ma ahi hacoo                            Hebed aan noqon maayo.
  • Hagardaamo dalkayga                      Halaagii talin maayo
  • Hodi maayo dadkayga                      Oo Hagar aan geli maayo.
  • Halgankaan wadayaayoo                   Heegan baan u ahaan.
  • Dhulkaygow kuma heeroo                Halbowlaa kuma gooyo
  • Cadaw kuuma horseedo                    Huwan gaalo tigree.
  • Mid ay ciidu habaarto                        Iyo laga hoog ma noqdo.   
  • Haybadii magacaaga                          Sharaftii ma haleeyo .                  
  • Hanti kaama jeclaado                        Hunguri aan kuma siisto
  • Qabiil hoodo ma moodoo                  Waqay hiil kama raadsho
  • Anigu hayb kuma faanoo                  Ma hilbeeyo dadkayga.
  • Wixii dhiig kugu hooray                  Ama geesi hal doora ah
  • Hanad aan kugu waayey                  Halyeygii ma ilaawo.              
  • Cadaankii ina  haystey                     Anoo hooto ku saaray.
  • Markaan haada cunsiiyey                 Ka huleelay talyaani
  • Hoosadii xamar weyne                     Iyo janaday dhex hurdeen.
  • Ingiriisna hargeysa                            hadh cad aan ka dhaqaajey.
  • Jabuuti hoogi ka raacayna                 Faransiis hakan waayey,
  • Oo heryadiisa ka qaatay                    Hadhaagoodi amxaarona
  • Dab iney huriso                                 Hulaaqiis  uga dhaarto.
  • Hilib ceedhin siiyey.                         Wayaanaa habqamaaya
  • Iyo kuwan heeda baryaaya               Inaan haa ku idhaado       
  • Hadalkooda adeeco                          Hebed aan u noqon maayo
  • hogaankooda ma yeelo                    Ugaadeeniya hawd
  • Harar aan ma hibeeyo                      Hadiyad aan uma siiyee
  • Jabhadaha halgamaayow                  Hub hadaanan ridayn
  • Guubaabaan hedi yaaye                   Hibo eebe xagiis ah
  • Iyo hogol baa curanaysoo                Hareertiin iga eega.

WA BILLAAHI TAWFIIQ
 Osman Dahir
Tayasir7198@yahoo.com

Faafin: SomaliTalk.com | August 28, 2004

OSMAN DAHIR -2

OSMAN DAHIR - 4

Kulaabo bogga  www.SomaliTalk.com 

© www.SomaliTalk.com

FEEDBACK | SEARCH

Allah Is Great

SOOMAALAAY IS GARO

Giraan Suugaaneed hal abuur Cusmaan Ducaalle Daahir

QAYBAHA DOODWANAAG
CURIYAYAASHA DOODWANAAG
Ka eeg halkan....



HTML CD