Radio Australia SBS
oo Waraysi La Yeelatay Salaad Faatax: 17.5.2007
Ciise Dholawaa | SBS Australia , Laanta
Af-Soomaaliga |
Waraysiga ku dhegeyso:
Play Real |
Play MP3
| [ama
Dhegeyso halkan]
Radio Australia SBS laanta
Afka Soomaaliga ayaa waraysi la yeeshay Salaad Faatax oo ku
sugan magaalada Dubai. Salaad ayaa Radiyuhu ka waraystay
dhagaxa shirkadiisu ay dhoofineysey ee madaxweyne ku
xigeenka Puntland uu joojiyey, sida Salaad Faatax uu
waraysigaas ku sheegay.
Salaad Faatax ayaa arinka
joojinta dhoofinta dhagax ku tilmaamay mid siyaasad salka la
gashay oo la siyaasadeeyey.
Salaad ayaa waraysuga ku
sheegaya in dhaxani yahay mid ilaa 30 mitir xeebta u jira oo
aan bada ku dhexjirin sida Somali websites-ka qaarkood
qoreen.
Waraysigaas waxaa qaaday
Ciise Dholawaa oo ka tirsan idaacada Laanta Afka Soomaaliga
ee Australia SBS.
DHegeyso:
Play Real |
Play MP3
|
May 17, 2007
Dhagaxa Xarshada
waxaa Rartay Ganacsato reer Puntland ah, waxaana
lagu Qurxiyaa Guryaha Qadiimka ah.....
Qoraal Kasoo Baxay
Ganacsato reer Puntland ah
May 14, 2007 | Updated:
Sawirada | May 16
Asalaama caleykum
waraxmatulaahi wabarakaatuhu.
Waxaanu halkan ku
beeninaynaa maqaalada beryaan wesaydyada lagu soo qorayey
ama afkaba laga sheegay oo kusaabsan dhagxaan Boosaaso laga
raray.
Dhagxaanta mageceeda waxaa
layiraahdaa korelriif (Corel reef) oo Soomaaliya looga
yaqaan Xarsho, waana dhagxaantaa aanu soo sawirnay, waa
korelriif dhintay ee aan badda gudeheeda laga soo saarin,
badana wuxuu ujiraa ugu yaraan 30 mitir iyo inkabadan,
marhaduu bada kasoo boxona waa dhintaa, marhaduu dhintana
waxaa loo isticmaalaa Soomaaliya nuurada guryaha lagu
cadeeyo, meesha hadda loo rarayna waxaa loo isticmaalaa
guryahaa qadiimiga ah ee aad aragtaan oo lagu qurxinayo ama
lagu dhiso dhagixii Boosaaso laga qaaday, waxaana
dhagtaantaa rartay ganacsato reer Puntland ah.
Guryaha lagu qurxinayo/dhisayo dhagaxa loo yaqaan Xarsho
"Waxaanu u aragnaa maadaama
aanu nahay ganacsatada Puntland in aanu xaq uleenahay in
aanu rarano dhagaxaa aanu soo bandhignay, waxaanuna usoo
bandhignay inaanu reer Puntland tusno, waxa aan kararnay
dekeda Boosaaso si sharciya mana aha wax dawladdu ay shaqo
kuleedahay, sida ay jaraaidku u qoray in ay dawladu leedahay
ma aha. Marka waxaan kusoo gunaanadayaa xalaal iftiin baa
lacunaaye ciddii haysa caday sidaas ha usoo bandhigto oo
sawiro hakeento. Waxaana talo soo jeedinaynaa waa in lakala
saaraa siyaasadda iyo ganacsiga ragga internetka wax
kuqoraya amaba kahadlaya siyaasad bay kawataane cadayma
hakeeneen sida aanu cadaymaha ukeenay".
DHagaxa oo lagu dhisayo guryo:: Dubai
NB:Qormadan waxaa lagala
xiriiri karaa dadkan hoos kuqoran cidii faahfaahin rabta.
Bootaan Barre Samatar |
Email: botanbare@hotmail.com
Faarax Maxamuud Saalax | Email: farax12@hotmail.com
Faafin: Apr
14, 2007
| 
Daabaco
Boggan | Print