Goorma ayeey free-zoneku noqday dhul
iibin?
Dad qaarkiis , dedeg-goodu wuxuu
banaanka soo dhigaa heerka aqoontoodu ay ka taagan tahay mawduuca
ay markaas ka hadlayaan sida ninka la yiraahdo C/waxid oo ku
tilmaamay goobaha mushtarka xorta ah in ay yihiin dhulboob, runtuna
waxay tahay haddiiba Somaaliya ay nasiib leedahay oo ay soo ceshato
dawladnimadeedii in ay yeelan karto goobaha aan soo sheegay .Free-zoneku
waxaa iska leh wadamo badan oo aduunka ah oo habka siyaasadda ku
kala duwan, kuwaas oo ay ka mid yihiin :-
1. China, oo xisbiga shuuciga ah uu
talada hayo, oo ka dhigaty Shanghai in ay noqoto goobta ugu nolol
fiican wadankaas.
2. Iran oo iyaduna xagga
wadaniyadda lagu yaqaano.
3. Jabuuti oo freeport ka dhigtay ddakadeeydii .
4. Imaaraadka ayaa goor dhow ka
kaaftoomi doonta batroolka ee uu dhaqaalaheeda ku tiirsanaa, markii
ay habkaan ku dhaqantay.
Waxyaabahaas oo dhan waxay na
tusayaan in ninkaas daraasad uusan ka sameeynin qoraalkiisa ah "Ana
weey kan" ,sababta oo ah xeebaha Puntland waxay ku yaalaan degaan
istraateeji militeri iyo dhaqaalaba leh , iskuna xira mariinka badda
cas badweynta Indiya. Marar badan oo hore aya dawladihii Somaaliya
ka jiray laga codsaday in ay ka faaíideysato fursadda degaankoodu
leeyahay balse cid soo dhogatay eeyan jirin .
Waxaa kaloo jirtay in Jabaan ay
iyaduna isku dayday in degaankaas laga kireeyo oo ay hormariso ,
kana dhisto meelo maraakiibta halkaas khasabka ku tahay in ay maraan
shidaalka ay ka qaataan iyo warshado aad u tiro badan iyagoo
dhulka uu ku yar yahay ,Afrika & Bariga Dhexena aad uga fog.
Mashruucaas , wuxuu inoo keeeni lahaa in shaqo iyo dhaqliba.
Taas markii hore ma dhicin,
waxaanse rajeeynayaa in ay dhacdo mustqbalka dhow haddii Eebe idmo
ee intaadan wax iska oran horta ka fiirso.
B. S. Khalaf
baydan@mail.com
Afeef: Aragtida qoraalkan
waxaa leh qoraaga ku saxiixan
Faafin: SomaliTalk.com |
Feb 19, 2005
Daabaco
Boggan | Print
