JAWHAR URURTAY

HADALLADII DADKII ILAAH U DHAWAA

Qore. Maxamed Axmed,
Toronto, Canada.  
alhudaa1@yahoo.ca 

Assalaamu calaykum,

Ilaah baa ammaan mudan rabbiga samooyinka iyo dhulalka, buuraha iyo badaha, daruuraha iyo xidigaha, barriga iyo wabiyada, Ilaaha maroodiga iyo quraanyada. Nabadgelyo taam ah iyo naxariis rabbi Nabi Muxammad korkiisa ha ahaato ilaa inta qiyaamaha laga gaaro.

Halkaan waxaan kusoo gudbinaynaa Salafkii waxa ay kayiraahdeen arrimahaan muhiimka ah:

DUCADA:

~ CALI BIN ABII DAALIB: Alle raalli haka noqdee wuxuu ka yiri DUCADA, " Hirarka masiibooyinka waxaad ku awdaan (joojisaan) ducada ".

~ ANAS BIN MAALIK: Alle haka raalli noqdee wuxuu yir: " Haka caajisina ducada, maxaa yeelay qofna mahalaagsamo ducada darteed ".

~ ABUU-THAR: Alle haka raalli noqdee asna wuxuu yiri: " Duco baarinimo wadataa way daryeeshaa qofka, sida cuntada milixu u daryeelo ".

~ MUJAAHID: Alle ha unaxariistee, wuxuu isna yiri " Salaadda waxaa layeelay dhexdeeda waqtiga ugu barakada badan waqtiyada, sidaas daraaddeed ducadiinna ku aadiya waqtiga salaada dabadeeda ah ".

SABIRKA:

~ CUMAR IBNUL KHADHAAB: Raalli Alle haka noqdee wuxuu yiri: " Haddii SABIRKA iyo SHUKRIGU ay ahaan lahaayeen laba rati, dan kama galeen midkii aan fuulo " (yacni labadaba waan ubaahnahay) .

~ CALI BIN ABII DHAALIB: Alle isna haka raalli noqdee wuxuu yiri: " Waxaad ogaataan in sabirku arrimaha kayahay sida uu madaxu uyahay jirka intiisa kale, haddii maduxu ka go'o jirka intiisa kalena jirkii wuu fasahaadayaa, Haddii sabirka laga waayo xaaladahana amuurtii way fasahaadday ".

~ CALI WUXUU KALOO YIRI MAR KALE: " Waqtigu waalaba nooc, waqti kula jira iyo waqti kaajira, haddii waqtigu kula jiro haqooqin, haddii uusan kula jirinna sabir ".

~ CABDULLAAHI BIN MASCUUD: Ilaahay haka raalli noqdee wuxuu yiri " Iimaanku waa laba qaybood, qaybi waa shukriga, qaybta kalena waa Sabirka"

~ MASAAJIDKA:

CUMAR IBNU AL KHADHAAB, Ilaahay raalli haka noqdee wuxuu yiri: " Masaajiddu waa guryihii Ilaahay ee dhulka kuyaalley, qofkii ku tukadaana Ilaah buu soo booqday, kan lasoo booqdaana wuxuu aad usoo dhaweeyaa ruuxii soo booqda"

~ XAKIIM IBNU CUMEEYR: Alle ha u naxariistee, wuxuu yiri " Kunoqda adduunka sidii martidii oo kale, masaajidadana kasamaysta guryo, quluubtiinana jileeca bara, fakarka iyo boohintana badsada, yeeysanna idin kala geeynin hawo badnaan ".

~ QATAADA: Alle ha unaxariistee wuxuu yiri, " Mu'minka ma haboona in lagu arko meel aan ahayn saddex meelood: Masaajid uu joogo, gurigiisa oo uu fadhiyo, iyo xaajo aan xaaraan ahayn oo uu qumsanayo".

~ AL NAZAAL BIN SUBRAH: Ilaahay ha u naxariistee asna wuxuu yiri, " Munaafaqu markuu masaajid galo waxaad mooddaa shimbir santuukh lageliyey ".

ILAAHAY XAQA HA NAWAAFAJIYO.

WQ. Maxamed Axmed,
Toronto, Canada. 
alhudaa1@yahoo.ca 

Faafin: SomaliTalk.com | Jan 18, 2004

Isxisaabi inta aan lagu xisaabin..... GUJI

Powered by www.SomaliTalk.com
All About Somalia and More...