SOMALITALK.COM
w w w . S o m a l i T a l k . c o m
SOMALITALK - LONDON, UK

21-Oct-04

Bismilaahi Rahmani Rahiim 

Taariikh Nololeedka Beeldaaje Xaaji Abdullahi Beeldaaje Maxamed Beeldaaje Ismaaciil

1910-2004


Beeldaaje Xaaji C/lahi

Beeldaaje Xaaji Abdullahi Beeldaaje Maxamed Beeldaaje Ismaaciil waxa uu ku dhashay tuulada Dhaadaar ee degmada Qandala, kuna taal dhulbuureedka sare, sanadkii 1910.

Aabihiis Beeldaaje Maxamed Ismaaciil waxa uu ahaa Beeldaajaha Cali Saleemaan, kaasoo ka dhaxlay Aabihiis Ismaaciil, ka ab, ka ab, iyagoo sida la ogyahay todoba (7) qarni ahaa Beeldaaje, dawlad kasta oo timaada oo isticmaari ah awood uma laheyn iney faragashato. 

Beeldaaje Xaaji C/laahi waxa la dhashay a) Cali Beeldaaje oo ka weynaa, b) Xasan Beeldaaje, c) Maxamuud Beeldaeje. Cali oo ahaa curadkii dhaxalka lahaa markuu hanaqaad noqon lahaa ayuu geeriyooday, halkaas ayuu Xaaji C/laahi ku noqday (Waliyal Cahdi), saas daraadeed markuu aabihiis geeriyooday sanadkii 1926 dii, Xaaji C/laahi waxa uu noqday Beeldaajihii todobaad (7) ee Beesha Cali Saleemaan. 


BEELDAAJE XAAJI C/LAAHI BEELDAAJE
Sawirka waxa SomaliTalk soo gaarsiiyey Maxamuud Beeldaaje oo ah wiil uu dhalay Beeldaaje C/laahi, waxaana lagala xiriiri karaa: mahamudhagi@yahoo.com

Xaaji C/laahi wuxuu yaraantiisii nasiib u yeeshay inuu ka mid noqdo ardaydii ugu horeysay ee Xaaji Maxamuud “Dharas”, kaasoo ah dugsi magaalda Qanadala caan ka ahaa. Sidoo kale Xaaji C/laahi wuxuu waxbarasho iyo safaraba u aaday Xamar iyo Yemen sanadadii 1930-35 kii. 

Markii ay dowladii Fashiistiga ee Benito Musselini qabsatay Majeerteeniya, waxaa dhacay dagaal culus oo badda iyo bariga laga duqeeyey deegaanadaas, sida la ogyahay Beeldaaje Xaaji C/laahi iyo adeeradiis, Xaaji Cartan Ismaaciil iyo Siciid Ismaaciil waxa lagu eedeeyey in ay amarkii Governerka ka hor yimaadeen, dabadeedna waxa loo musaafuriyey xabsi ku yaal Xaafuun, oo markaas aheyd magaalada Soomaaliya ugu horumarsan, halkaasna waxa ay ku xiraayeen sanad. 

1937-41 dagaalkii labaad ee dunida Beeldaajaha iyo Ugaas Yaasiin C/raxmaan, waxa ay ku howlanaayeen wax ka qabadka (xaaladaha deg dega oo Ingiriiska ku soo rogay Soomaaliya ee beegida raashinka), oo cunta la`aanta saameysey noloshii dadka. 

1941-49 waxa uu ka mid ahaa Guddiyadii Ururka Leegada, S.Y.L.

1950, markii UN ku Talyaaniga soo cesheen, waxa uu ka mid ahaa Isimadii diidanaa ee doonaayey watayna figrada “Great Somalia” Soomaali in la isku daro. Isla sanadkaas 1950 waxaa la casriyeyey warshada kalluunka ee Qandala taas oo uu door weyn ka qaatay furideeda. 

Beeldaaje Xaaji C/laahi wuxuu ahaa oday dhaqanka Soomaaliyeed iyo ku dhaqanka diinta Islaamka ku dheer. Waxaana lagu tilmaami jiray Isimada Gobolka ugu dhaqan adag. 

1959 waxa uu ka mid noqday xildhibaanadii Soomaaliyeed ee la doortay, galayna baarlamaankii ugu horeeyey (Assemblea Nazionale Somala), waxaana laga doortay degmada Qandala. Wuxuu mar labaad soo galay baarlamanka 1964-69, halkaasna wuxuu siyaasada ku jirey toban (10) sano. 

Wuxuu safaro badan ku aaday dalalka Yemen, Sucuudi Carabia, Kuweit, Bangaladesh, Shiinaha, Ruushka. Mareykanka, Yurub iyo Beitul Qudus intii ay gacanta ku heysey Urdun.

Wuxuu ka sheekeeyay in uu joogay Dallas (USA) maalintii la dilay John Kennedy madaxwaynihii maraykanka 23kii September 1963, halkaas oo uu u joogay wafdi ahaan.

Madax badan oo aduunka ayuu la kulmay,wuxuuna aaminsanaa midnimada Soomaaliyeed iyo ku dhaqanka diinta Islaamka. 

Mudaddii burburka 1991-2004 wuxuu joogay  oo ku noolaa dalka Imaaraadka halkaas oo shaqo badan ka qabtay, dadwaynaha Soomaaliyeedna guud ahaan iyo gobolka Bari uu si gaar ah wax ugu raadin jiray. Waxa uu ka mid ahaa isaga iyo ugaas Yaasiin odayaashii aaday dalka Holland oo biyo galinta Boosaaso loo soo ogalaaday, soona saxiixay sanadkii1994. Waxa uu ka mid ahaa Issimadii ( boqor Maxamuud iyo ugaas Yaasiin ) ee ka dhameeyay sheekha Sharja Al-qasim, garoonka Boosaaso in la dhiso kaasoo maamulka Puntland si toos ah u diiday.  

Waxa uu ahaa nin nasiib badan oo waxa uu damco u hirgalaan. Waxa uu ka tegay 11 rag ah iyo 7 dumar ah iyo 3 ooryo

Allaha u naxariisto Beeldaaje Xaaji C/laahi Beeldaaje Maxamed Beldaaje Ismaaciil. 

F.G. Marxuumka waxaa lagu duugi doonaa magaalada Boosaaso ama degmada Carmo 

Source: Dr Yaasiin Faarax Cartan Beeldaaje  

Waxaa SomaliTalk soo gaarsiiyey: mohamed yusuf  darwiishka2@hotmail.com

 

TACSI:::: BEELDAAJE XAAJI C/LAAHI BEELDAAJE

Qoyska iyo qaraabada uu ka geeriyoodey marxuum Beeldaaje Xaaji C/laahi, Allah ha u naxariistee,waxaa tacsida loogu hagaajin karaa Email mahamudhagi@yahoo.com oo laga helo Maxamuud Beeldaaji (oo ah wiil uu dhalay Xaaji C/laahi Beeldaaje)

Tacsi
 
1.Mohammed Ali Farah (shiino)
2.Mahamud hayir Ibrahim ( Caaqil)
3.Mohamud said yaasiin( kashakiyay)
4. Abdisalan farah hasan ( cadoosh)
5.Eng.Adbukadir asair said
6.Abdirahman farah  Ali
7.Mohamed Abdulahi Jama
8.Ismail farah yusuf (xaji dacam)
9.Mohamud mahamed Halani
10.Mohamed Abdinur
11.prof Ismail Ali Artan
12.Mohamed Farah dalmar
13.Mohamd Farah yaasin
14.Mohamed said Hasan
15.Sheekh Ali Nuur Ahmed
16.Mohamed Abdukadir Osman (shariif)
17.Dr.Ahmed yusuf Galan
18.Haaruun bowladle
19.Abdifatah Mohamed (Qow)
20.Abdirizak bootan
21.Mohamed Isse
 
Anaga oo ah dhamaan Dadkan kor ku xusan waxaanu TACSI U DIRAYNAA EHELADII, QARAABADII, ASXAABTII  IYO DHAMMAAN DADWEYNAHA SOOMAALIYEED EE UU KA GEERIYOODAY MARXUUM BEELDAAJE XAAJI C/LAAHI BEELDAAJE MAXAMED BEELDAAJE ISMAACIIL OO KU GEERIYOODAY MAGAALADA LONDON, 19-KII BISHATAN. WAXAANU ILLAAHAY UGA BARYAYNAA MARXUUMKA INUU JANADII KA WARAABIYO, INTII UU KA TEGAYNA SAMIR IYO IIMAAN KA SIIYO.
 
Aamin Aamin Aamin
 
Mohamed Ali Farah  m_alishiino@hotmail.com

October 20, 2004

TACSI 

Anagoo ah:

  1. XAAJI IBRAAHIM UNLAAYE
  2. XAAJI CALI UNLAAYE
  3. XAAJI CALI DALMAR
  4. DR. YAASIIN FAARAX CARTAN BEELDAAJE
  5. DR. MAXAMED CALI XASAN
  6. MAXAMED AXMED CARTAN BEELDAAJE
  7. CABDISAMAD YUUSUF BEELDAAJE
  8. XAAJI SICIID SH. MAXAMED XASAN
  9. XILDHIBAAN MIRE XAAJI FAARAX
  10. SULDAAN CIISE XASAN CUMAR
  11. MUSE XAAJI MAXAMED (MUSE HALAC)
  12. MAXAMED MAXAMUD AXMED (GURUNGUR)
  13. ABYAN MAXAMED SAALAX (LADANE)
  14. FAARAX MAXAMUD (FAARAX KUWEYT)
  15. ENJ. MAXAMED SAALAX SHIRWA
  16. C/RAXMAAN AXMED NUUX
  17. MAXAMED YUSUF AW CALI
  18. MAXAMED CISMAAN CABDI (TAAGANE)
  19. KULMIYE C/LLAAHI MAXAMED
  20. SICIID AADAN ROORE
  21. LADANE MAXAMED BOOS
  22. CALI FAARAX XAAJI SICIID
  23. ANIIS AXMED IDIRIS
  24. C/CASIIS CUMAR DALMAR
  25. MAXAMUD CISMAAN X. FAARAX
  26. YUUSUF GUURE YUUSUF

WAXAANU TACSI U DIRAYNAA EHELADII, QARAABADII, ASXAABTII  IYO DHAMMAAN DADWEYNAHA SOOMAALIYEED EE UU KA GEERIYOODAY MARXUUM BEELDAAJE XAAJI C/LAAHI BEELDAAJE MAXAMED BEELDAAJE ISMAACIIL OO KU GEERIYOODAY MAGAALADA LONDON, 19-KII BISHATAN. WAXAANU ILLAAHAY UGA BARYAYNAA MARXUUMKA INUU JANADII KA WARAABIYO, INTII UU KA TEGAYNA SAMIR IYO IIMAAN KA SIIYO.

AAMIIN!!   AAMIIN!!     AAMIIN!!

mohamed yusuf <darwiishka2@hotmail.com>

ALLAH HA U NAXARIISTO BEELDAAJE XAAJI C/LAAHI BEELDAAJE

Waxaa maalintii talaadada ee bishan October, 2004 ku geeriyooday London allaha u naxariistee Beeldaaje Xaaji Cabdullahi Mohamed. Xaajiga oo da’diisa lagu

qiyaasey 80 sano waxuu soo hogaamyey muddo kor u dhaaftey 60 sano Beesha Ali Saleebaan iyo kuwa ku dhafan  oo ka mida ah beelaha waaweyn ee degan gobolka bari iyo kismaayo. 

Xaajigu waxuu horomar guud kasoo qaatey horumarinta iyo u shaqeynata dhamaan beelaha ku nool gobolka bari. Xaajigu waxuu ahaa nin nabada aad u jecel hase

yeeshee xaga siyaasadana ku horeeya, meel dheerna arimaha ka fiiriya. Waxuu ku jirey barlamaankii Somalia ilaa markii xoriyada la qaatey oo u metelayey shacabka bari. Xaajigu waxuu guulo badan oo nabadeed kasoo hoyey marar badan oo colaad ay dhex martey beeshiisa iyo beelaha la degan bari. Markastana asogoo eegaya danta guud ee dhamaan ehelada wada  degta Gobolka bari. Marar badan oo dhalinyaradiisu ay la baxday seefta colaadeed ayuu is hortaagey asagoo eegaya nabada beelaha guud oo dhan oo u arkay dad walaalo ah. 

Waxaanu uga mahad celinaynaa dhamaantaya jaaliyada ku nool North America  sidii sharfta laheyd ee Xaaji Abdullahi uu soo hogaamiyey, isuguna duubey beeshiisa Cali Saleebaan mudadan kor u dhaaftey 60kii sano ee lasoo dhaafey. Waxaan kale oo uga mahad celinaynaa sidii qiimaha lahayd ee uu walwaaley magaca beeshiisa mudadan dheer oo kor ku sheegay. 

Inskastoo ay adagtahey in la helo maantey nin buuxiya booskaas xaajigu baneeyey, hadana waxaan u rajeyneynaa hogaamiyaha (ama hogaamiyaasha) qaada magaca  tolkooda iney maraan tubtii uu horey u marey marxuum Xaaji Abdullaahi, howshiina meeshii iyo in ka dheer kasii wadaan. Magacana tolkooda iyo xilka la saareyna ay ilaaliyaan.

Xaajigiina Jannaddi fardawsa allaha ka waraabiyo. 

Mohamoud Mire X. Saciid,
Somali Community Representative
NJ, USA
For comments email: mohamoudsaid@yahoo.com
20/10/2004

BEELDAAJE XAAJI C/LAAHI BEELDAAJE OO 19/10/2004 AFURKII KUGEERIYOODEY LONDON, UK

inaa lilaahi wa inaa ilaahi raajicuun tacsi

Anigoo ah abdisamad yuusuf mohamed (abwaan) waxaan halakan tacsi uga dirayaa ilma beeldaaje xaaji c/laahi beeldaaje maxamed iyo umada gobolada puntland iyo guud ahaan umadda soomaliyeed, waxaanan uga tacsiyadaynayaa geerida naxdinta leh ee ku timid isinki ugu dada weynaa gobolda puntland BEELDAAJE XAAJI C/LAAHI BEELDAAJE MAXAMED BEELDAAJE ISMAACIIL BEELDAAJE oo ku geeriyooday caawa magaalada london 19-10-2004 oo ku aadan bisha barakaysan ee ramadaan 4-ramadaan.

Beeldaajuhu wuxuu geeriyooday xiliga afurka magaalada london, wuxuuna ahaa shaqsi cibaado badan laguna xasuusan doono, hogaankiisii toosnaa iyo qayb ka qaadashadii nabada, beeldaajuhu da ahaan wuxuu madaxa la galay sagaashameeyo, waxaan ilaahay uga baryaayaa in ilaahay naxariistii jano ka waraabiyo, intuuu ka tegeyna samir iyo imaan ka siiyo  

                   aamiin            aamin

abdisamad yusuf <xsangaale@hotmail.com>

Faafin: SomaliTalk.com | Oct 19, 2004

Sawirada waxaa somaliTalk soo gaarsiiyey: Mahamud Mahamed <mahamudhagi@yahoo.com>

Kulaabo bogga  www.SomaliTalk.com 

© www.SomaliTalk.com
 
Allah Is Great
TAARIIKHDA ISLAAMKA
Silsiladda Taariikhda Islaamka
Hordhac | 1aad | 2aad
Qore:Shiikh C/risaaq Macalim
TACSI::::
Marxuum Bashiir Ducaale Saalax oo ku Geeriyoodey Pakistan::: Guji



HTML CD