SIMINAARKA URURKA MIDOWGA
DHALINAYARADA SOOMAALIDA SWEDEN
Shir ay soo
qabanqaabinayaan maamulka ururka midowga dhalinyarada soomaalida Sweden oo
magacooda loo soo gaabiyo SSUF ayaa kulan siminaar ah ku yeelanaya maalinta
berito ah oo ku beegan sabti tr. 19/03/2005 xaafadda Kista ee magaallada
Stockholm, dalka Sweden.
Shirkaan oo ay isugu
imaanayaan dhammaan xubnaha ururka oo ka kala imaanaya dhammaan gobollada
dalka uu ka kooban yahay ayaa looga doodi doonaa waxqabadka uu qabtay ururka
SSUF laga soo billaabo aasaaskii ururka oo laga joogo qiyaastii hal sanno.
Qaar ka mid ah
dhalinyaradii isugu jiray wiilal iyo gabdho ayaan caawa ku arkayay, iyagoo
ku casheenayay makhaayad ku taalla xaafadda Rinkeby ee magaallada Stockholm,
iyagoo si farxad iyo kaftan ku jirta halkaas ku sheekeesanayay. Ahmed Hassan
oo ah agaasimaha ururka SSUF ayaa ii sheegay inay jiraan marti ka imaan
doona dalka dibaddiisa, iyagoo barnaamijyo waxtar u leh dhalinta u soo
jeedin doona. “horumarka iyo kor u qaadidda mustaqbalka ubadkeena ayuu yahay
ula-jeeddada ururka SSUF” ayuu yiri Ahmed Hassan oo caawa ku mashquulsanaa
soo dhoweynta iyo qaabilaadda martidii ka kala yimid magaalooyinka kala
duwan ee Sweden.
Xubno ka socda qaar ka mid
ah axsaabta siyaasadeed ee dalka Sweden ka jira iyo qaar kale oo ka socda
hay’adaha deeqa bixiya ayaa misna ka soo qaybgali doona shirweynaha koowaad
ee ururka SSUF oo si rasmi ah u furmi doonaa maalinta berito.
Wixii faahfaahin ee ka soo
baxa shirweynaha ururka midowga dhalinayarada ee SSUF ayaan insha Allaah
shabakadda somalitak idiinkaga soo gudbin doonaa.
Ibraahim Saalax
Stockholm, Sweden
ibra88@hotmail.com
Faafin: SomaliTalk.com | Maarso 18, 2005
Aniga
Oo Ah Xildhibaan G/Wakiilada Somaliland Waa Sidee Arinta Sool, Bariga
Sanaag iyo Buuhoodle:
Qoraal dheer oo uu soo saaray
C/risaaq Warsame Xayir ayaa tibaaxay in..
Guji..
Dec 7, 2004
Waraysi Samsam
iyo Codsasho Caawinaad Soomaalino...
iyo
Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u
gudbineyso Maxkamadaha Aduunka ee Caalamiga ah, waxana ay...
Guji...
Kulaabo bogga www.SomaliTalk.com
Daabaco
Boggan | Print