Wararkii Maanta: April 2, 2008

• Xarunta Dr.Ismaaciil Jumcaale ee Xuquuqda Aadamiga waxay oo cambaaraysay weerarkii Lagu Qaaday Arday Dhigata iskolka Al-fatix
• Qayla dhaan ka soo yeertey Hisbitaalka Dhimirka Xabeeb
• Deeq la gaarsiiyay 80 Qoys oo aqoon ah oo Waalidiintooda ku waayeen dagaalada ka socda Magaalada Muqdisho
• South Afrika oo ku baaqay soo afjarista Khilaafaadka Soomaaliya
• Dagaallo lagu jabiyay ciidammada gumaysiga Itoobiya
• Musharax Professor Muxidiin Cali Yuusuf oo booqday London, UK. 

Xarunta Dr.Ismaaciil Jumcaale ee Xuquuqda Aadamiga waxay oo cambaaraysay weerarkii Lagu Qaaday Arday Dhigata a iskolka Al-fatix

Ref: DIJHRO-007342/08                   April 1, 2008 

Ujeeddo: Warsaxaafadeed  

Xarunta Dr.Ismaaciil Jumcaale ee Xuquuqda Aadamiga waxay cambaaraynaysaa weerarkii waxashinmo ee lagu qaaday arday dhigata iskolka Al-fatix eeku yaal degmada Dharkaynley ee magaalada Muqdisho. Hal Ardey ayaa ku geeriyooday 5 kalena waa ay ku dhaawacmeen kadib markii kooxo hubeysani ay 31/03/2008 rasaas ku fureen gaari ay saarnaayeen ardey ka soo rawaxday iskuulka oo marayay deegaanka xoosh ee magaalada Muqdisho. Ardayga dhintay ayaa waxaa lagu magacaabay Cabdulraxman Mahdi Ibrahim. 

Falkan argagaxa leh ayaa xadgudub ku ah: Shareecada Islaamka, Xeerarka Soo Jireenka Ah Ee Dhaqanka Soomaalida, iyo dhammaan shurucda caalamiga ah ee la isla wada oggolyahay oo idilkood reebaya xadgudubyada dhanka ka ah carruurta. 

Toddoba iyo toban sano kaddib oo shacabka soomaaliyed isu geysteen dhammaan nooc kasta oo xadgudub ah waxaa weli muuqata in ay jiraan dad u hammuun qaba daadinta dhiiga carruurta aan dambiga lahayn, taasoo caddeyn u ah saameynta ay colaadu ku yeesheen ummada Soomaaliyed. 

Haddaba, xarunta oo aad uga xun falkaas murugada leh waxay ugu baaqaysaa shacabka iyo dawlada Federalka KMG ah: 

1. in loo hawlgalo dib u heshiisiinta dhab ah iyo soo celinta nidaamka iyo kala dambeynta, taasoo la’aanteed ay iska caddahay in ay bulshada Soomaliyeed goobjog u noqon doonto xadgudubyo kale oo xanuun badan;

2. in dadka geysanaya falalka noocan oo kale ah ee lagu waxyelaynayo caruunrta Soomaaliyeed in ay joojiyan xadgudubyada dhanka ah carruurta;

Waxaa xaqiq ah, ha dhowaato ama ha dheeraatee, in mar uun la xisaabin doono kuwa geystay fal dambiyeedkaas ee ay ku dhinteen kuna dhaawacmen carruur Soomaaliyeed oo an waxba galabsan. 

GUDDONKA XARUNTA DR. ISMACIIL
MARWO, MARYAM XUSEEN MAX’ED

---

Qayla dhaan ka soo yeertey Hisbitaalka Dhimirka Xabeeb Public Mental Hospital

• Sawirada Cisbitaalka Halkan ka daawo.....

Ujeedo:- Shir Jaraaid aay wada qabteen Hayadaha Wasaaradda caaqfimaadka Dowladda Federaalka, COGWO, Hayadda Dr. Ismaa-iil JImcaale Cosoble eexaquuqda aadanaha , Madasha Bulshada Rayidka, Elman Human rights, Habeb Public Mental Hospital . 

Ujeedada Shirka Jaraaid :-  

• In qayladhaan loo sameeyo bukaano tiradoodu gaareeyso 867 oo isugu jira caruur dadoodu ka yar tahay 5 sano, haween, iyo ragba, oo gabi ahaanba ka go-aday Daawadii aay u qaadan jireen cudurka qalalka daawadaasi oo kolkii hore aay bixisay Mahadi ha ka gaartee Hayada Caafimaadka Adduunka WHO.
• In dadaalka dhinaca Caafimaadka Maskaxda ee bulshada (Mentasl Health Activity in community) ee uu waday Habeb Public Mental Hospital kaligii, uu maanta wixii ka danbeeyaa aay ka wada qayb galaan Hayadaha sere ku xusan aayna yihiin Mental health Task force, iyagoo hawsha dhinaca caafimaadka maskaxda ay fuliyaana, ayna fadhi kulan ahna ka yeelan doonaana Bilkasta maalinimada khamiista ugu danbeysa, shirkaasi oo bilaha ah, goobta lagu qabanaaya waxa aay ahaan doontaa mid meerta ah oo kolba Hayad, Qabato, ama marti geliso.
•    waxaa uu yeelan doonaa Gudiga  Mental health task forces,        Gudoomiye, ku xigeen,Xogheeyn iyo xubno fulineed, Bacdamaa mudo 17 sano dalkeena aay ka jireen waxyaabaha sida dhabta u sababa cudurada dhimirka sida:- dagaalada, shaqo la-aanta, furiinka, Muqaadaraadka sida Jaadka, Xashiishka iwm

In looga  Mahadceliyo  Hayada caafimaadka aduunka (WHO) Doorkii aay ka soo qaadatay Daryeelka caafimaadka bukaanada la il daran cudurada dhimirka ee uu gacanta siiyo Habeb Public Mental Hospital, lagana codsado in aay kordhiso gacantii aay horay u siin jirtay bacdamaa, marka laga hadlaayo, mashruuca kahortaga iyo daweeynta cudurada ku dhaca maskaxda, aay san qaban Karin ama fulin      Karin Dawlad aayna u baahan tahay kaalmo wax ku ool ah.

     BAAQ:- Waxaan Baaq si wadajir ah ugu soo jeedineeynaa dhamaan      Hayadaha,United Nationka, wadamada Deeqaha bixiya (EECda), iyo Afartanka (40) HAyadood ee caalamiga ah ee haatan ku sugan somaaliya, Waxaan cod mideeysan ugu baaqeeynaa:-

    in Loo Dhiso Habeb Public mental hospital dhismayaal cusub, ee uu ku daryeelo bukaanka, daweeyn ahaan dhaqan celin ahaan, waxbarasho ahaan, sports iwm.

In aay Hayadaha samafalka ah ee AFARTANKA ah ee ka howlgalo somaaliya waxaan, xusuusineeynaa in dadka dhimirka la, aay ka midyihiin dadka aay usoo gurmadeen, leeyhiina xaquuqda ugu horeeysa, sidaa darteed waxaan, ka codsaneeynaa, in aay soo booqdaan labada isbitaal ee lagu dawaeeynayo bukaanadaasi, oo aay haatan jiifaan 154 bukaan, Qiimeeyna aad ku sameeysaan Xaalada dhabta ah ee ka jirta, ma,aha in la fiiriyo dhaqaalaha faraha badan ee ku  baxaaya, ee waa in aad fiirisaan xaqa aay u leeyhiin, in aay helaan daryeel caafimaasd oo dhameeystiran.

           Xubnaha ka qaybgaley shirka Jaraaid waxay kala yihiin

1-     Sahro Maxamed Nuur (Cogwo)
2-     Maryan Xuseen Owreeye (Dr  Ismaaciil Jimcaale)
3-     Axmed Diini ( Bulshada Rayidka )
4-     Jaylaani Shiikh Cismaan ( Wasaarada Caafimaadka )
5-      Dr Cabdiraxman Cali Cawaale (Habeb Public Mental Hospital . 

Mahadsanidiin

Waxaa soo tebiyey Amiin Yuusuf

---

Deeq la gaarsiiyay 80 Qoys oo aqoon ah oo Waalidiintooda ku waayeen dagaalada ka socda Magaalada Muqdisho

• Sawirada Deqda Lacageed halkan ka daawo...

Iyadoo ay socoto kaalmada Caalamiga ee dadka Soomaalida ku dhaqan Dibadda siinayaan Walaalahoda Soomaaliyed ee ku dhibaataysan gudaha dalka ayaa Qaar ka mid ah gabdhaha Soomaalida ee ku dhaqan dalka Ingiriiska Magaalada London Gaar ahaan South East wool wich oo ay hor kaceysay Raxmo Maalin Xasan waxay kaalmo lacageed soo gaarsiiyeen qoysas Waalidiintooda ku waayeen dagaalada ka socda Magaalada Muqdisho.

Raxmo Maaalin oo soo gaarsiisay Lacagtaan oo dhan 800 $ C/llaahi Ibraahim Aadan Dhagey oo joogo magaalada Muqdisho waxaa uu deeqdaas gaarsiiyay dadkaas oo ku dhaqan degaanka Tiida ee Xaafadda Dayniile ee Duleedka Magaalada Muqdisho.

Lacagtan oo saaka Waaberigii loo qeybiyay Qoysaskan oo gaarayay ilaa iyo 80 Qoys, waxay lacagtan u heleen min 200 oo Shillin Soomaali, iyadoo 12 kamid Si gaar ah loo siiyay min 500 oo Shillin Soomaali ah. Daruufo jira awgeed

“Hadda ka hor sidan oo kale ayay deeq u soo direen dadkaas ku nool London, waana uga mahad celinayaa”ayuu yiri C/llaahi Ibraahim Aadan Dhagey oo markii Lacagtaas ka dib la qeybiyay la hadlayay saxaafadda.

Mr Cabdulaahi ayaa sidoo kale ugu baaqay Dadka somaalida ah ee oo jooga dibadaha in ay ku daydaan gabdhahaan walaalahood ah ee ka damqaday dhibaatada heysata dadka somalida ah jooga Muqdsiho

Xaalada Soomaaliya ayaa ah mid daran oo lala yaabay maadama dalka dagaalo ka socdaan waxaa dagaaladaas barbar socda abaaro kulul oo saameeyay nolosha dadka Soomaaliyed.

Sawirada halkan ka daawo...

Muuse Maxamuud Jiisow
Musejisow@hotmail.com
Muqdisho Somaliya
0025215576666
002521653623

---

South Afrika oo ku baaqay soo afjarista Khilaafaadka Soomaaliya

New York,1 April,Balcad Times – Dowlada South Africa ayaa ku baaqday in lasoo afjaro rabshadaha dabo dheeraaday iyo khilaafaadka Soomaaliya ka jira kuwaas oo geystay tacadiyo ka dhan ah Xaquuqda Aadanaha.

Wakiilka Dowlada South Afrika u fadhiya Jamciyada Qaruumaha ka dhaxeysa oo la yiraahdo Dumisani Kumalo oo qabanaya Hogaanka 15-ka dal ee Golaha Amaanka ee Jamciyada Qaruumaha ka dhaxeysa bishan April ayaa sheegay Isaga oo ku hadlaya Magaca Dowlada South Afrika in uu ku baaqayo in lasoo afjaro Khilaafaadka ku saleysan Gacan isku adeegsiga ee ka jira dhulal badan oo dunida ah gaar ahaan Soomaaliya oo rabshaduhu ay qeyb ka noqdeen Nolol maalmeedka Bulshada Soomaaliyeed.

Mr Dumisani Kumalo waxa uu codsaday Ciidamo ka socda Qaramada Midoobay si loosoo gabagabeeyo Dagaalada Soomaaliya, laakiin Xubnaha kale ee Golaha Amaanka ayaa muujinaya in wali aan Soomaaliya loo dirikarin Ciidamo ka Socda Qaramada Midoobay.

Hay'ada Xaquuqda Aadanaha ee Human Rights Watch la yiraahdo ee fadhigeedu yahay New York ayaa Warqad ay u dirtay Wasiirka Arrimaha Dibada ee Dowlada South Afrika Mr Nkosazana Dlamini-Zuma ku sheegtay in South Afrika ay ku hogaamiso Golaha amaanka siddii hormar cad looga sameyn lahaa Wadamada ay ka jiraan xadgudubyada ka dhanka ah Aadanaha sida Wadanka Soomaaliya.

South Afrika Hogaanka ay u qabatay Golaha Amaanka

Kenneth Roth oo ah Agaasimaha Hay'ada Human Rights Watch ayaa yire:"Golaha Amaanka waa in ay noqotaa rajada dadka dhibaateysan,laakiin waxaa si cad loogu guuldareystay samata bixinta dadka Soomaaliyeed,Kuwo Darfur iyo Reer Burma".

"South Africa waa in ay ku hogaamisaa Golaha Amaanka dadaal weyn oo heer caalami ah si loo soo afjaro xadgudubyada ka jira dhulalkaas islamarkaasna loo badbaadiyo Noolaha."

Human Rigts Watch waxa au ku baaqday in South Afrika ay dhisto Gudi Caalami ah oo baaritaano ku sameeya Dambiyada Dagaalka ee Soomaaliya ,iyada oo la xoojinayao xigashooyinka Kooxaha Xaquuqda Aadanaha u orda ee Soomaaliya Jooga.

"South Afrika waa in ay tilaabo xoog leh ugu sheegto Golaha Amaanka baahiyaha Deg deg ah ee qasbaya in Tilaabooyin laga qaado Xaalada Xaquuqda Aadanaha ee Soomaaliya," ayuu hadalkiisa sii raaciyay.

Ururo kala duwan oo aan Dowli aheyn ayaa Isniintii ku baaqay gargaar deg deg ah oo Soomaalida lala soo gaaro,iyagoona Golaha Amaanka ka Codsaday in ay gaaraan go'aan adag oo lagu soo afmeero Xiisadaha Soomaaliya oo la tuhunsan yahay in ay lug ku leeyihiin Dowlado ka tirsan Quwadaha Koowaad ee Dunida.

Barakacayaasha aan nasan oo gaaray 700,000 oo qof.

Safiirka Britian John Sawers oo la kulmay Ururadan ayaa sheegay in loo baahan yahay in qorshaha Siyaasadeed qeyb ka noqoto Dib u heshiisiin iyo tilaabooyin dhab ah oo looqaado dhanka soo afmeerista dhibaatada dabo dheeraatay ee Soomaaliya.

John Sawers waxa uu sheegay in Golaha Amaanka ay ka doodidoonaan tilaabooyin laga qaado dhanka xalka Soomaaliya inta lagu guda jiro Bishan April.

Hay'ada Fadhigeedu yahay New york ee Human Rigts Watch ayaa ku qiyaastay dadka ku barakacay Muqdisho in ay gaarayaan 700,000 oo qof sanadkii 2007dii ,iyadoona Dagaalada ay sii socdaan iyaga oo qeyb ka noqonaya Nolol maalmeedka Bulshada Soomaaliyeed,Hay'adaha gargaarka waxa ay muujinayaan baahiweyn.

Kooxda Xaquuqda Aadanaha waxa ay sidoo kale ku baaqday in la qaado tilaabo lagu soo afjaro tilaabooyinka ka dhanka ah ee Xaquuqda Aadanaha ee ka jira Gobolka Darfur ee Suudaan iyo waliba wadanka Myanmar,halkaas oo muddo ay maamulayaan Militry xoog isticmaalaha.

"South Africa waa in ay Sudan ku cadaadisaa in la geeyo Gobolka Darfur Ciidamo nabad ilaalineed oo ka socda meelo ka baxsan Afrika si dhibaatada loo xaliyo,"ayeey hadalkooda kusoo afmeertey Human Rights Watch.

W/D:Muxyadiin Axmed Rooble
Nairobi,Kenya

Email: saadaam_7@hotmail.com

---