Madaxweyne kuxigeenkii DGPL Maxamed
Cabdi Xaashi oo loo Dhaariyay Madaxweynaha DGPL. Iyo Dabaaldagyo
lagu taageerayo Dawlada Federaalaka Soomaaliyeed oo ka dhacay
Boosaaso....
Waxaa
Maanta oo Taariikhdu tahay 12-10-2004 Jagadii Madaxweynaha DGPL loo
dhaariyay Madaxweyne kuxigeenkii hore DGPL Maxamed Cabdi Xaashi,
Waxaa munaasabadaa Dhaartaa lagu Qabtay Xarunta Golaha Baarlamaanka
DGPL ee Garoowe, Munaasabadaa ayaa waxa ugu horeentii ka hadlay
Gudoomiye kuxigeenka Labaad DGPL Xassan jaamac Afqurac oo tilmaamay
Dhaarta in ay farayso Dastuurka DGPL.
Waxaan la sheegin meesha uu ku
maqanyahay Gudoomiyihii Baarlamaanka DGPL Yuusuf Xaaji Saciid, waxaa
jira warar sheegaya in ay jiraan kuwo kasoo horjeeda Dhaarta
Madaxweynaha DGPL ee Xiligaan xubnahaas ayaa la sheegayaa in
ay ka mid yihiin kuwo ku jira Xubnaha Golaha Wasiirada, Golaha
Baarlamaanka iyo Golaha Guurtada lakiin kuwaa ayaa Dhagaha laga
furaystay Hadalkooda oo ah in Maamulka DGPL Golaheeda Baarlamaanka
iyo Golaha Xukuumada ay u hartay mudo labo Bilooda mudadaa haday
dhamaatana ay doonayaan in laga dhabeeyo balantii ay xukuumada
gashay, Madaxweynaha Cusub ee DGPL Maxmed Cabdi xaashi ayaa
Qudbadiisa Maanta ee Dhaartii kadib uu ku sheegay hadii ay suuro
gali waydo in la qabto Dooroshooyin xiligii loogu tala galay uu sii
hayn doono Jagadaa Madaxweynaha DGPL.
Waxaa dhanka kale la filayaa in
jagada Madaxweyne kuxigeenka DGPL in loo soo doorto Ruux kale oo ah
Muwaadin Reer Puntland oo ku salaysan sidii hore loogu soodoortay
jagada Madaxweynaha, Madaxweyne Kuxigeenka iyo Gudoomiyaha
Baarlamaanka DGPL oo ku salaysan Qabiil.
Hore ayay u ahayd in loo dhaariyo
Jagada Madaxaweyne Maxamed Cabdi Xaashi lakiin waxaa la tilmaamayaa
in ay jirtay in ay Puntland ku mashquulsaneed ka warkeenida
Shirka Dib'uheshiisiinta Kenya ee hada lagu soo doortay Madaxweynaha
Dowlada Kumeelgaarka Federaalka Soomaaliyeed Col: Cabdulaahi Yuusuf
Axmed.
Waxaa Dhanka kale Maalinnimadii
Taariikhdu ahayd 11-10-2004 ka dhacy Magaalada Boosaaso Dabaaldagyo
aad u balaaran oo lagu tageerayo Dawlada kumeelgaarka Federaalka
Soomaalaiyeed ee lagu soo dhisay Dalka Kenya oo lagu soo Doortay
Madaxweyne Habeenimadii Isniinta soogalaysay oo bilaabatay subaxnimadii
Axada Tariikhdu ahayd 10/10/2004, Shirkaas oo hore loogu soo xulay
Golaha Baarlamaanka DKGF Soomaaliyeed laguna soo Doortay Gudoomiye
Baarlamaanka iyo Labo ku xigeen Dabaaldagaa ayaa waxa uu ka dhacay
guud ahaan Magaalooyinka Gobolada Puntland.
Magaalada Boosaaso oo ah Magaalada
Ganacsiga ee Soomaaliyeed ayaa waxaa ka dhacay dabaaldeg aad u
balaaran oo lasoo xiray goobihiii Ganacsiga, Iskooladii iyo
Xarumihii Dawlada, Dabaldagaas ayaa ugu horeentii waxaa Sacod lagu
soo dhex maray magaalada dhexdeda ayadoo markii ugu dambaysay isugu
yimi Garoonka Cayaaraha Kubada Cagta ee magaalada Boosaaso,
Dadweynaha Dabaaldagaa sameeynayay oo isugu Jiray Xubnaha Maamulka
ee Gobol iyo heer Dagmo waxaa kaloo ka qayb qaatay Golaha
Baarlamaanka DGPL, Ardayda Iskoolada, Hooyooyinka iyo Culimada
Diinta iyagoo Ruxayay Calanka Soomaaliyeed iyo Sawirka Madaxweynaha
loo doortey Dawlada Federaalka Soomaaliyeed Col. Cabdulaahi Yuusuf
Axmed oo hore u ahaa Madaxweynaha Dowlad Goboleedka Puntland.
Dadweynahaa iyo Madaxdaa ayaa waxa ay
ku dhawaaqayeen halkudhig ay ka mid ahaayeen Soomaaliyeey Midooba,
Waabaa Baryay Bilicsan.
Waxaa ugu horeentii halkaa ka hadley
Gudoomiyaha Gobolka Bari Yusuf Wacays Dhado oo tilmaamay sida ay
Soomaali Aduunka ku tahay Taasoo keentay buu yiri Dawlad la,aanta.
Waxaa isgana halkaa ka hadlay Gudoomiyaha Degmada Boosaaso Cabdi
Yaasiin Xirsi oo sidoo kale tilmaamay Dhibaatada ay leedahay Dowlad
la'anta waxaa iyagana halkaa ka hadlay Wasiir kuxigeeno ay ka mid
yihiin Ibraahin Cartan Ismaacil (Xaaji Bakiin) iyo Maxamed Saciid
Shabeele, Waxaa iyagana halkaa ka hadlay Talixigeeno Ciidamada
Daraawiishta iyo Kan Booliska DGPL, Waxaa kaloo ka hadlay halkaa
Ururada Bulshada oo ay ka mid yihiin Ururka Ardayda Puntland PSA,
Ururka u heelanayaasha Danaha Haweenka WAWA. Ururka Ardayda
Bari BSO. Waxaa Isla Ururku BSO uu magacaabay
Gudoomiye ku xigeen iyo Xubno kale ee Maamulka Ururka.
Waxaa iyagana Calanka Soomaaliyeed
lagu xiray Baabuurta iyo Goobaha Shaaha laga Cabo iyagoo Dadweynaha
ay ka muuqatay Farax ayaa hadana waxaa la is weydiinayay sida loo
Taageeray dawladaan iyo Soomaaliya oo ku kala tagtay Dagaal sokeeye
sida ay noqonayso Tageerada Gudaha Dalka ee kala Gogo,an, Waxaa
kaloo la hadal hayay sida uu ku helay Col: Cabdulaahi Yuusuf
Jagadaan oo ahayd si Dimoqaraadiya hadana ay aad Dadka ugu
badinaayeen in uu Goboladuu Madaxweynaha ka ahaa ay yihiin kuwo
Xasiloon oo aysan ka Jirin Waxyaabaha ka jira Koonfurta Soomaaliya.
Dadweynaha qaarkood ayaa yiri waxa jirta Murti oranaysa "Ninkaad
kabahaaga u Dhiibanayso waxaa la Fiiriyaa Kabihiisa", waxayna
kusii xoojiyeen "taas ayuu ku helay Jagada Col: Cabdulahi Yuusuf".
c/fatax jaamac
Somalitalkpl@yahoo.com
Boosaaso, SOOMAALIYA
Daabaco
Boggan | Print
