Bootan Barre Samatar. 

 

S. Qaabka uu shirka u socdo maxaad ka qabtaa? 

 

J.Waxaan u arkayay shirkan inuu yahay mid looga baxayo dhibaatada Dowlad la'aaneed ee ka jirta dalka, mudo markii uu socdayna waxaan arkay in shirkan la majara habaabiyay, in talada dadka soomaaliyeed laga weeciyay, gacantana ay u gashay IGAD iyo Beesha caalamka(IPF), faragalina ku sameeyay Xulida baarlamaanka taasna ay iska cadahaya, waxaa kale oo ay talada ka qaateen una arkeen dad kaligood wax goyn kara hogaamiyayaasha dagaalka. Shirkan in laga leexiyay nidaamkii saxda ahaa waxaa tusaale kaaga filan waxaa ugu horeeya oo aan ka xusi karaa haweenka oo ahayd in 12/% laga siiyo hadda ay haystaan qaar wax ka yar 5, halka kuwo kalena aysan haysaninba. 

 

S. Shirkan waxay dad badan qabaan in uu yahay midka ugu rajada dhaw, dhinaca ka soo qayb galka hogaamiyayaasha siyasada iyo waliba beesha caalamka, miyaan loo dhamayn adiga aragti ahaan? 

 

J. Shirkan looma dhama, siyaasiyiina ma joogaan ee waxaa ka soo qayb galay oo kaliya Qabqablayaasha dagaal oogayaasha ah, umana arko in ay xal keeni karaan hadda ayaanba waxaan garan karnaa wararka maalamahan soo baxaya ayaaba muujinaya inuusan socon karin shirkan, waayo dagaal oogayaashi awooda la siiyay kaligood ayaa wax qasaya. 

 

S. Waxaa jirta in hadda uu shirka gabagabo yahay lana dhisay baarlamaan ay soo xuleen siyaasiyiinta iyo madaxda dhaqanka  beelaha soomaaliyeed sida ay IGAD cadaysay,sideed u aragtaa qaabka loo xulay? 

 

J. Marka hore sidii sharciga ahaa waxay ahayd in baarlamaanka ay ka taliyaan siyaasiyiinta iyo madax dhaqameedka beelaha, isla markaana ay u wada dhamaadaan dhamaanba beelaha soomaaliyeed, waxaa muuqata in ay maqan yihiin beelo badan oo aan laba xusiba dalkana dagan, deegaana ku leh, xuquuqdii ay lahayeena laga tagay, dhinaca kale waxaa jira xildhibaano baarlamaanka ku jira oo aysan xulin siyaasiyiinta iyo madaxdhaqameedkaba oo ay IGAD soo magacaabatay wadamada safka hore gaar ahaan, ayna ka warqabaan dadka oo dhan, wadamada dhaqaalaha shirka bixiyana ay ka warqabaan, wadamada midawga yurub, QM, iyo jaamacada carabtaba. sidoo kale baarlamaanka waxay ahayd in lagu saleeyo xulasho, sida shahaado, waxaaana jira hadda in aysan jirin wax lagu soo xulay dadkan oo aqoon ah waayo wax walba waxay u baahan yihiin hogaamin toosan, dadkii la hogaamin lahaa hadii ay iyaga wax hogaaminayaan uma arko in shirkan mira badan ka soo baxayaan.

 

S.Sida ku xusan Axdiga KMG ah xulida baarlamaanka way u wada siman yihiin siyasiyiinta iyo odayasha dhaqanka, haddii ay kaalintoodi gabeen madaxda dhaqanka ma waxaad ku eedaynaysaan IGAD?

 

J. Sida warbaahinta ay maalin walba ka sheegaan odayasha waa duudsiiyay xaqoodi, wax awood ah oo ay ku leedahayna ma jirto, haday talo dhaqan ahaan lahayd wax badan ayaa hagaagi lahaa soomaliduna waxay ku shiri jireen geed hoostiis wax walbana u dhamaysan jireen, IGAD haddii aysan fara galin ku samayseen shirkana waxaan hubaa in uusan qaateen laba sano iyo wax u dhaw waayo soomalida waa dad is afyaqaana oo wax walba meel isla dhigi kara heshiis buuxana gaari lahaa mar hore, eedna maahan ee waa wax loo wada jeedo oo iska cad in IGAD ay wadato shirka. 

 

S. Maadaama aad dhaliiil u soo jeedinaydisay shirkan kenya, ma waxaad qabtaa in uu ka wanaagsanaa kii carta ee lagu soo dhisay Dowlada KMG ah? 

 

 

S.Baryahaan waxaa socda olole dagaal oo laga cabsi qabo inuu ka dhaco kismaayo dagaalkaas sidee u aragtaa? 

 

 

S. Maxaad u soo jeedin lahayd dadka soomaaliyeed ee rajada wayn ka qaba shirka ka socda kenya? 

 

J.Waxaan u rajaynayaa nabad, waxaan qabaa dhibaato walba ha jirto in ay lagama maarmaan tahay in soomaaliya ay dhexdeeda ka heshiiso, la wada hadlo waxyaabaha dhex yaalana ay uga wada hadlaan si soomaalinimo ah, kuna dadaalaan in nabad waarta laga dhex dhaliyo dadka soomaaliyeed ee dhibaatada dagaalada sokeeye ay soo martay taladoodana aysan ka sugin shisheeye ee ay iyagu isku tashadaan wax walbana ay nabad ku wada noolaanshaha ka hormariyaan. 

 

waxaa wareysigan qaaday Canab Mumtaz.

somalitalk.com.

Nairobi.  

canabmumtaz@yahoo.com