Daabaco Boggan | Print

---

Waxaa la aasaasay dalka sucuudiga 1902 waxaana aasaasaya ABDI AZIIZ BIN ABDUL-RAHMAN AAL SUCUUD oo magacana u baxshay kadib markii uu isku dayay in uu Carab mideeyo in kasta oo lagu sheego in Abdul aziiz uu la dagaalamay gumaysigii BRITISHka garanigii 19aad ayaa waxa uu ka dhigay boqortooyo dhaxaltooyo oo reerkiisa gaar u ah, waxa uu kula dardaarmay in xukunku uu gacantooda ku jiro wax walba ha ku qaadatee walow diinta islaamku aysan banaynin dhaxaltooyo oo islaamku ogolyahay WADAHADAL [DISCUSSIONS] ama waxa la yiraahdo AL-SHUURAA oo ah wada tashi ayaa hadda dadka qaadaa dhiga siyaasada bariga dhexe waxa ay qabaan in boqortooyada aasaaskeedu uu ka dambeeyay reer galbeedka si islaamka lagula dagaalamo.

Dalkan oo ah dhulka ugu barakaysan ee ay ku yaalaan meelaha ugu daahiran ee dhulka kan aan ku noolahay ee AL-MAKKAH & AL -MADIINA ayaa moodaa in xurmada qofka islaamka ee wadanka u dhashay loo hayo ay ka qayma sareeysaa kan loo hayo qofka reer galbeedka ah doonayana in uu dhulka & adoomada alle fasahadiyo, waxaad dhulka sucuudiga ku arkaysaa iyadoo gabdhihii muslimaadka ahaa loo diidan yahay inay suuqa wax ka soo gataan ama gaari wataan iyagoo xijaaban aanan u baxayn wax aan dantooda ahay halka kuwa gaalada ay daadsan yihiin xeebaha iyagoo qaawan aan naas galis qabin oo wada cawro ah waliba ku dhex wata baabuur meeshii ay doonaan taga ku waas oo ciidamda calooshood u shaqaystayaasha ah ee usrada waardiyaha ka hayaan maalin walba.

Akhristayaal cadaalad darada ka jirta boqortooyada sucuudiga waxa ay gaadhay heerka ugu saraysa iyadoo xukunka ay fuliyaana xukuumada faasidka ah ay ku fuliyaan oo kaliya kuwa iyagu fuqarada ah ee aan haysanin luqmatul cayshka ama waxa loo yaqaan "QUUTUL DARUURIGA " [THE DAILY LIFE] bacdamaa haddii dambi lagu helo qof reer boqor u shaqeeya aan lala hadli karin iska daa waxa ay dhaleen ama waxa ay sii dhaleen tan oo ka dhigin waaba haddii sharci islaam lagu dhaqmo qolo waa lagu xukumi qolada kale shareecada islaamku ma qabato.

Makka Al-Mukaramah

Madiinah al-munawarah

Sida ku qoran xeerka xukunka sucuudiga waa "ISLAMIC LEGAL SYSTEM " iyadoo sharciga islaamku yahay kan ugu sareeya ee wax lagu kala xukumo waa sida ay qoreen Wasaarada Arimaha gudaha ee sacuudiga [THE SAUDIAN INTERIOR MINISTRY] dhaqanka ayaa ka sareeya sharciga islaamka walow aan dhag jalaq loo siinin muftiyada waaweyn ee shareecada islaamka iyagoo kuwa qaarkoodna la yaso maadamaa aysan wax sharaf ah ku lahayn boqortooyda agteeda maadama aysan ka iman qoys la yaqaan taas oo ah beenin & ku tumasho kitaabkii ilaahay.

MAGACYADA LIXDA SOOMAALIDA EE LA DILEY

Abdullah bin Adam Abdullah, Abdul Fattah bin Ali Hassan, Hussein bin Harun Mahmud, Ali bin Sheikh Yussef, Abdul Nur bin Mohammad Wahili iyo Abdullah bin Hassan Abdi. [Waxaa magacyadaas laga soo xigtey hay'adda sucuudiga wararka u faafisa ee loo yaqaan SPA news agency.]

GOORMA AYAA LA XIRAY LIXDA SOOMAALIDA AH

Lixda Soomaalida waxay ku xirnaayeen xabsiga magaalada Jeddah, Saudi Arabia ilaa bishii May ee sannadkii 1999, xilligaas oo lagu eedeeyey dembi la xiriira tuuganimo. Xilligaas waxaa lagu xukumay shan sano, taas oo u dhammaatay - Bishii May ee sannadkii 2004 waxaa lala dhacay Jeedal. Martin Hill oo ka tirsan Amnesty International ayaa sheegay arintaas, asagoo intaas ku daray in lixdaas Soomaalida ah si qarsoodi ah loogu xukumay qoor-gooyo ayagoo aan la ogeysiin, lana diley maalintii Isniinta ahayd ee April 4, 2005, arintaas oo Amnesty International ay ku tilmaantay mid caddaalada ka fog.

BANNAANBAX LOOGA SOO HORJEEDO SUCUUDIGA

Ka AKhri halkan bannaanbaxa....

Waxaa naxdin lahayd qisadii ISNIIINTII (APRIL 4, 2005) ka dhacday dalka sucuudiga oo ahayd dhacdadii ugu xumayd ee ku dhacda shacbiga soomaaliyeed meel kasta oo ay joogaan taas oo ah waxa laga wada naxo kadib markii si shareecada islaamka & qaanuunka caalamiga ka baxsan lagu daldalay dhalinyaro soomaaliyeed oo aan waxba galbasan meel fagaara ah , Waxa ay mudan lahayeen haddii falka ay sameeyeen in gacmaha laga gooyo ee dilka waa arin ah "EXTRA JUDICIAL KILLING", waxaa shacbiga soomaaliyeed saaran raadsashada xuquuqda dhalinyarada soomaaliyeed sida xaq darada ah diinta islaamkana aan waafaqsanayn loogu laayay waxaa taas looga baahan yahay inay horkacaan garyaqaanada, xeer ilaaliyayasha & culumida shareecada islaamka ku takhasusay si markaas cadaalada & maxkamad islaami ah la horkeeno xukuumada faasidka ah ee reer boqor dambiyada ay ka galeen muwadiniita sucuudiyaanka, soomaalida & dhamanaba dunida islaamka ee ka xoogsada gudaha wadanka.

Xukunkan ayaa waxa uu u dhacay si aan shareecada islaamka waafaqsanayn anigoo culumo badan oo soomaaliyeed arintaa kala sheekaysatay ayay dhamaantood ii sheegay inay ka xumaadeen falkan arxan darada ah ee sucuudigu kula kacay dhalinyaro soomaaliyeed oo si sharci ah ku joogay kana xoogsanay dalkaas mudo dheer oo dhowr sano. Wasaarada arimaha gudaha ayaan wax macquul ah u cuskan daldalka loo gaystay dhalinyaradaas lagu laayay meel fagaare ah oo ku taala bartamaha magaalada RIYADH, waxa ay sheegeen in mudo lix sano ah ay xirnaayeen dhalintaan oo ay dhac & falal burcadnimo ah ka dhex wadeen boqortooyada laakiin arintaa waxa ay ahayd arin been & propaganda ah oo qoyska reer boqor ku raadsanyo sumcad iyadoo la ogsoon yahay in uu ka mid yahay dalalka ugu hooseeya ee DIIWAAN "RECORD" ahaan lagu tunto xuquuqda aadanaha iyadoo qofka la xiro ama la dilo oo qoorta laga jaro iyadoon wax maxkamad ah la soo taagin & iyadoon la isu ogolaan in aad hesho QAREENO [ADVOCATE ama FREE LAWYERS] madax banaan si uu dacwadaada ula socdaan.

Waxaan dalka Sucuudiga ka jira nidaam aan ku dhisnayn shareecada islaamka & qawaaniinta caalamiga ah ee ka jira aduunka aan ku noolahay, boqortooyadan oo ku dhisan hal qoys kama dhacaan wax la yiraahdo doorasho ay dadku ku doortaan hogaankooda saxda ah dhalinyarada diinta faafisa ama ducaada ayaa la xirxiraaa lana laayaa walibana waxaa lagu sheegaa in ay yihiin

"KOOX DHUNSAN" Waana sida wasaarada arimaha gudaha ee NAYEF BIN ABDUL AZIZ uu haysto ay ugu yeerto ducaada xaqqa ee dalkaa iyadoo mar mar na ay dhacdo inay ugu yeeraan argagixisada , ujeedada wasaarada ayaa ah in dagaal ay ku qaadaan mucaaradka ka soo horjeeda qoyskooda & danaha reer galbeedka walow RECORD xun uu ka yaalo wadamada reer galbeedka ayay wax ay qancin ka raadshaan mar walba reer galbeedk iyagoo sheega ama ku faana inay la dagaalamaan kooxo mayal adag oo lid ku ah danaha maraykanka & reer galbeedka kale walow taas ay reer marya dheer ay guul daraysateen

Ogaadana in dalkaan uu kow ka ahaa duulaankii gardarada ahaa ee lagu qaaday dalka Ciraaq 2003 ee uu horboodayay maraykanku si shacbiga reer ciraaq la isaga horkeena loona qabsado saliida ciraaq si markaasna loo damaanada qaado nabad galiyada yuhuuda maadama hanjabaad badan & cabsi badan ay yuhuudu ka qabeen madaxwaynaha reer ciraaq ee SADDAAM HUSIEN.

Sucuudiga oo dawlada islaam ku sheeg ah waxa ay u muuqatay inaysan ka qaybgalayn dagaalkan kadib markii ay caalamka u sheegtay in aan loo baahnayan in maraykanku adeegsado xoog si uu u rido xukuumada shacabka ciraaq ee uu hogaaminaya SADDAAM HUSEIN in kasta oo aduunka kale loo sheegay in aan sucuudiga dagaal garab siinayn maraykanka & acwaantiisa ayaa haddana waxa uu siiyay garoomo diyaaradeed dakadaha ay adeegsanayeen saanad & hub iyagoo waa qoyska reer boqore maraykanka ka gargaaray qabsashadii & burburintii magaalada FALLUUJA ee kal hore la burburiyay taas oo ka dhigan inay ka qayb qaateen dagaalada ciraaq & la safnaa haddana la safan gaalada kana soo horjeeda dhalinyarada reer ciraaq ee  maraykanka ka xoraynaya dalka ciraaq

Qofna kama qarsoono cadaalada darida ka jirta dalka sucuudiga haddii ay ahaan lahayd dadka u dhashay dhulka ee sucuudiyaanka ah & ajaanibta xoogsatada ee ka soo haajiray wadamada faqiirka ee AFRICA & ASIA waxaa kaloo dad cumaal ah ay ka yimaadaan wadamda reer galbeedka kuwaas oo si aad ah loo ilaaliyo xuquuqdoodana la dhawro halka kuwa ka soo xoogsi tagay wadamada islaamka ah ee waqooyiga afrika , bariga afrika lagu tunto xuquudooda oo aan la siin xaqii shaqadooda haddii ay ka hadlaan lagula degdego in loo tarxiilo dalkii ay ka yimaadeen amaba xukun degdeg ah oo qoor gooyo lagula degdego iyadoon wax lagu dilayaa ay tahay dhulmi & in xaqiisa la duudsiyo

Ugu dambayntii waxaan shacabka soomaaliyeed u soo jeedin lahaa in la midoobo si wadajir ah u dhisano dowlada soomaaliyeed oo muhiim u ah ogaanta dadkeeda haadu banaanka ku dal dalanayso meel kastna daadsan si markaas xuquuqdeena aan u raadsano si wadajir ahna uga hortagno cadowgeena kuwa ku soo gabanaya diinta islaamka ee garab marsan , xukuumadaha gaalada ee dariskeena & kuwa dabadhilifka u ah ee amxaaradu wadato ee ay ugu horeeyaan Madaxwayne ku sheega Abdullahi yuusf "GABOWE" & Raisul wasaare ku sheega ALI MAXMED "GEEDOW "

Crown Prince of Saudi Arabia: Abdullah bin Abdulaziz al-Saud

Madaxweynaha DFKMG:  Abdullahi Yuusuf Ahmed

Ra'iisul wasaaraha DFKMG: Prof. Ali Mohamed Ghedi

Waxaa tacsi balaaran gaariinayaa dhamaan umadda soomaaliyeed & eheladdii ay ka geeriyoodeen wiilasha 6 ah ee sida shareecada islaamka ka baxsan loogu laayay dalkaas SUCUUDIGA ay mas,uul ka yihiin nidaamka MUJRIMIINTA ah ee MAAFIYADA AH kana soo horjeeda shareecada islaamka & qawaaniinta caalamiga ah !

Waxaa Qoray iskuna soo duba riday.
Ahmed_Nuur Sheekh Abdullahi
ahmedpo@hotmail.com
Oslo Norway

Afeef: Aragtida qoraalkan waxaa leh qoraaga kusaxiixan

• History of Saudi Arabia

Faafin: SomaliTalk.com | April 10, 2005

• MUDAHARAAD: OGEYSIIS SOOMAALIDA DALKA INGRIRIISKA...
   
• DFKMG oo Laga Codsaday in ay Sucuudiga Kula Xisaabtanto Dilkii 6dii Soomaalida ahaa

Kulaabo bogga  www.SomaliTalk.com 

SEARCH