Islaan Maxamed Islaan Muuse oo xalay ku geeriyooday Garoowe

Madaxwaynaha Jamhuuriyada Federaalka Kumeelgaarka ah ee Soomaaliya Mudane Cabdulaahi Yuusuf Axmed,ayaa isaga oo ka hadlay maanta Xarunta Madaxtooyada ku meelgaarka ah ee Nairobi Tacsi Tiiraanyo badan u diray Eheladii iyo Qaraabadii Alaha u naxariistee  Islaan Maxamed Islaan Muusse oo Xalay ku geeriyooday Magaalada Garoowe. 

Madaxwaynaha Soomaaliya Mudane Cabdulaahi Yuusuf Axmed waxa u tacsidiisa ku yiri waxaan umada Soomaaliyeed iyo Isimadaba uga tacsiyadaynayaa Geerada naxdinte leh eek u Timid Islaan Maxamed Islaan Muusse, 

Madaxwayne Yusuf waxa aan alla ugu Baryayaa in alle ka waraabiyo Janadiisa Islaan Maxamed Islaan Musse Dadkii Eheladii iyo Dhamaan shacabka Soomaaliyeedna Samir iyo Iimaan ka siiyo, 

Sidoo kale waxaa Tacsi gaarsiiyay Umada Soomaaliyeed iyo dhamaan Qaraabadii iyo Ehelkii Islaan Maxamed Islaan Muusse, Marwada Koowaad ee Soomaaliye Marwo Xaawo Cabdi Samatar Rabina uga Barisay in Janadiisa Fardoowso Galiyo Islaan Maxamed Islaan Muuse, 

Waxaa kaloo Tacsi Tiiraanyo badan u diraya Eheladii iyo qaraabadii uu ka geeriyooday Islaan Maxamed Islaan Muusse Axmed Cabdulaahi Yuusuf, Xasan Abshir Faarax Maxamed Cawil, Cabdi Casiis Faarax Dhagawayne, Xubno ka tirsan Baarlamaanka iyo Golaha Wasiirada Ku meelgaarka ah ee Soomaaliya, 

Alla u naxariistee Islaan Maxamed Islaan Muusse waxa uu Tiir adag u ahaa Salaadiinta Waqooyiga Bari ee Soomaaliya iyadoo lagu Xasuusto Qaybtii uu ku lahaa Dhisida Maamul Hoosaadka Puntuland Islaan Maxamed Islaan Muusse waxa uu ahaa nin Alle ka cabsi badan Cibaado badan deeqsi ah laguna yaqaano Nabad ka shaqayn Alaha u naxariisto Amiin

Waraysi: Cusmaan Caato
Waraysi dheer oo Axmed Yaasiin Maxamed Sooyaan oo ka tirsan IQRA uu la yeeshay Cusmaan Caato ayaa... Guji..