Dood kulul oo ka dhex
taagan Golaha wasiirada kuna aadan Qaabkii Soomaaliya
Nabad galyo loogu soo dabaali lahaa.
Xiisadan kulul
ee ka dhex taagan gollaha wasiirada ayaa ka dhalatay
kadib markii Wasiirka koowaad Cali Maxamad geddi uu
magacaabay sadax guddiyo uu ka mid ahaa kan nabad
galyada soona qiimeeya sida somaliya gaar ahaan
caasimada ay kutagi lahayd dowladda FKMG ah, Guddigii loo
xilsaaray nabad galyada waxaa ka mid ahaa wasiirka
Amniga oo soo saaray qoraal dheer oo uu kaga
warbixinayay shaqada hortaala wasaaradiisa ee wax ka
qabashada Nabad galyada Somaliya waxa uuna ku sheegay
qoraal dheer in ciidamo ajnabi la’aantood aysan
dowladani shaqayn karin waxa uuna xusay in hubka
somaliya yaala aan la aruurin karin waxaana jira ayuu
yiri maleeshiyaad aan cidna ka amar qaadanin ayna dhib
badan tahay sida loogu guulasto hubkooda sidii looga
qaadi lahaa sida uu hadalka u dhigay W/Amniga Qaranka
Maxmad Qanyar Afrax.
Maxamad Qanyare
Afrax oo qoraalkan ka jeedinayay Kulan ay lahaayeen
Golaha wasiirada waxaa ka soo horjeestay qaar ka mid
ah Gollah wasiiradda oo sheegay in Somaliya aysan u
baahnayn ciidamo shisheeye xiligan xalkuna uu ku imaan
karro wadahadal iyo in meel dhexe la iskugu yimaado
sidaasna hubka hal meel loogu aruuriyo,waxayna soo
jeediyeen wasiiradaas in ay Dowladani tahay mid dib u
heshiisiineed ee aysan ahayn mid milatari oo si xoog ah
ku keenaysa xal,doodan ayaa keentay in Ra’iisulwasaare
Geddi uu kala diro Gollaha wasiiradda isagoo dib u
magacabay Guddi ka kooban 11 xubnood oo isaga shir
gudoomiye u yahay si ay iskugu habeeyaan qorshayaashi ay
soo bandhigeen sadaxdii guddi.
Xoogga Buuqan ayaa ku
salaysan dalabka ciidamo ka socda qaarada Afrika oo
gacan ka siiya dowladda sidii ay ugu guulaysan lahayd in
la helo ciidamo ajnabi oo dhexdhexaad ah,wasiiradda
qaarkood ayaa qaba in hogaamiyaayashi isa soo dagaalay
aysan wali ku dhex jirin kalsooni ay iskugu
wareejiyaan hubka ay haystaan,waxaana wali muuqata in
aan lagu guulaysan dib u heshiin buuxda oo dhex marta
hogaamiyaasha siyaasadeed ee madaxda ka ahaa dagaaladii
soomaaliya ka dhacayay waxii labaatankii sano ee la soo
dhaafay.
Ra'iisul
wasaaraha Cali Mamaxad Geddi mar uu waramayay TV
iyo Idaacad lahadasha Muqdisho Waxa uu xusay in Dowladda FDKMG
ah aysan barnaamijkeeda ay hadda wado ugu jirin ciidamo
ka howl gala dalka soomaaliya si ay hubka u aruuriyaan
waxa uuna intaas ku daray Geddi in ciidamada dalka ku
sugan ay yihiin kuwo dabooli kara baahida looga baahan
yahay ciidamo ajnabi ah oo dalka yimaada.
Warar
Xog-ogaal ah ayaa sheegayay in Madaxweynaha Dowlada
FKMG ah iyo Ra’iisul wasaare Cali maxmad Geddi ay
arrintan iskaga hor yimaadeen ku saabsan baahida
ciidan ee dowladdu qabto, Madaxweye C/llaahi yuusuf
waxa uu qabaa in ciidan la'aantiis aysan dowladda
KMG ahi talaabo qaadi karin waxa uuna sheegay in
maliishadka is dilay aysan lahayn kalsooni ay
hubkooda iskugu wareejiyaan mana ahan mid uu sinaba
u yeelayo in dowladdu ay ka howlgasho somaliya
iyadoo ka fara maran ciidan afrikaan ah.
Shirkan uu haatan ka
qayb galayo Madaxweynaha ayaa la filayaa in laga soo
saaro go'aamo ku aadan sida Afrika ay uga qayb
qaadan karto sidii dowladda FKMG ah loogu dhiiri
galin lahaa nabad in ay ku soo dabaasho dalka
soomaaliya Madaxweynuhuna uu marka ka dalban doono
ciidamo.
Laakiin hadii loo
ogolaado lama oga waxa ay ka yeeli doonaan
hogaamiyaal siyaasadeedyo hadda ka biya diidsan
ciidan la geeyo somaliya waxaana la sugayaa waxa
Gollaha wasiiradda ka soo baxa kulamooda ugu horeeya
maalmaha soo socda.
Magaalada mogadisho oo
ay baryahaan ka dhacayeen dilal loo gaysanayo
saraakisiishi ciidanka kala duwan ayaa qaar badan oo
ka mid ah baarlamaanka iyo wasiirada ku
abuurtay,halka qaarkoodna ay qabaan wax aan loo
rafaadin inaan laga salgaarin ee ay tahay in dalka
la tago lana ogaado halka uu ka jiro dhibka waxayna
ku waramayaan hogamiyaasha ka soo jeedda mogadisho
qaarkood in arrintani aysan walwal badan ku abuuri
doonin dowladda oo ay ka dagi doonto caasimada waxna
ka qaban doonto amniga iyo kala dambaynat Shacabka.
Canab Mumtaz |
SomaliTalk.com
canabmumtaz@hotmail.com | Feb 1, 2005