Waxaa
maanta si rasmi ah oga bilowday
magaalada kismaayo qaybinta deeq
raashin ah ay bixisay hay'ada
"world Concern" oo loogu tala
galay dadkii ku waxyeeloobay
musiibadii tsunami
SomaliTalk | Kismaayo | Feb 22, 2005
Raashinka la qaybinayo |
Waxaa maanta si rasmi ah oga bilowday
xeryaha qaxootiga ee magaalada kismaayo qaybinta raashin mucaawino ah oo
loogu tala galay dadkii ku wax yeeloobay musiibadaii badgariirka ee ku
dhuftay xeebaha gobolkan jubada xoose iyo meelo badan oo caalamka ka mid ah
ayadoo ay raashinkan qaybinayeen hay'ada afrek ee magaalada kimaayo oo ayada
kala wareegtay hay adii keentay raashinkan oo ahayed hay ada world concern,
Bille cabdule cabdi oo ka mid ah ragii
gudiga ahaa ee uu maamulka dagmada u xilsaaray qaybinta mucaawindan ayaa
waxa uu war baahinta u sheegay in raashinkan mucaawinada ah ay gaarsiin
doonaan ilaa 35 xerro qaxooti oo ku yaala gudaha magaalada kismaayo iyo
nawaaxegeeda asagoo tibaaxay in ay mucaawinadan isugu jirto raashinka kala
ah bariis sonkor saliid digir boorash iyo waliba qalab kale oo ah jerigaamo
joodariyo iyo macuun yar ayadoo uu sheegay bille cabdule cabdi in
mucaawinadan ay tahay wajigii kowaad oo wax lagu siinayo dadka qaxootiyada
ah ee ku dhaqan magaalada kismaayo ayadoo ay hartay sida uu sheegay wajigii
labaad ee mucaawinda kaasoo lasiin doono dadkii ay qalabka iyo hantida oga
burburtay xeebaha gobolka jubbada hoose qalabkan lasiin doono dadka
qasaaraha uu ka soo gaaray xeebaha gobolkan ayaa waxaa ka mid ah shabaagaha
kaluumaysiga baroosimyaal iyo xargo iyo waliba alwaaxda laga sameeyo ddnyaha,
Hadaba
qaybinta mucaawinadan ayaa waxay timi kadib markii maalinimadii shalay ahayd
uu gudoomiyaha isbahasiga dooxada jubba xildhibaan barre aadan shire (bare
hiiraale) uu ku baaqay in la qaybiyo raashinkan kadib markii muran iyo
isqabqabsi xoogani uu ka dhex aloosmay ururada maxaliga ah ee ka jira
magaalada kismaayo balse uu hada sheegay bille in arintii la xaliyay isla
markaana hada ay toos u socoto howsha mucaawinada aydoo la arkayay
baabuurta waaweyn oo ay istaaf u yahiin baabuur tikniko ah oo uu leeyahay
maamulka isbahaysiga dooxada juba oo la sheegay in amaanka ay sugayaan la
arkayay manta ayaga oo daabulaya raashinkaasi ilsa markaana gaarsiinayay
xeryaha qaxootiyada ee magaalada
Si kastooy ahaataba waa markii ugu horaysay
oo raashin deeq ah la gaarsiiyay dadyowgii ku tabaaloobay musibadii bad
gariirka ahayed ee tsunami iyo dadka qaxootiga ah ee ku dacdaraysan gobolkan
jubbada hoose ayadoo la filayo in ay sii socon doonto qaybinta mucaawinda
cabdi qadar nuur maxamed (filipiin)
kismaayo soomaaliya
cabdiqadar84@hotmail.com
Faafin SomaliTalk.com | Feb 22, 2005
Hay'adda 'HAPA' oo Kadigtey Ciidamo Lageeyo Soomaaliya
Hay'adda Nabad
Raadiyaasha Geeska Afrika ayaa sheegtay in ciidamo la geeyo
somaliya ay ....
Guji...
Feb 20
Waftiga Baarlamaanka FKMG oo Booqday Vatican-ka ee Rooma
oo ah xarunta looga taliyo
Masiixiyadda, waxaana waftiga halkaas booqday hogaaminayey...
Guji...
Feb 19
Islaan Maxamed Islaan Muuse oo ku geeriyooday Garoowe
Waxaana tacsi u diray
madaxweynaha DFKM iyo...
Guji
Feb 18
Waraysi: Cusmaan Caato
Waraysi dheer oo
Axmed Yaasiin Maxamed Sooyaan oo
ka tirsan IQRA uu la yeeshay Cusmaan Caato ayaa...
Guji..
Feb 18
Kulaabo bogga www.SomaliTalk.com
|