Barnaamijkii Radio Xoriyo
22 Feb. 2005
-
·
Dhacdooyinkii
dagaalada ee ugu danbeeyay
-
·
Itoobiya oo mar
kale ku celisay inay Soomaaliya ciidamo keenaysa
-
·
Guddigii xaqiiqo
raadista oo Gaalkacayo booqdey
-
·
Gaadiidka
dadweynaha oo gabaabsi ku noqdey Magaalada Adis Ababa
-
·
Eritreya oo ay cuno yari ka
jirto
-
·
Iyo barnaamijkii Aragtida
Halgamaaga
======================
Dhacdooyinkii dagaalada ee ugu
danbeeyay
2/02/05,
Laandheer oo ka tirsan degmada Danood waxaa isku dhacay oo
dhacay dagaal ba’ani dhexmaray dadwaynaha rayadka ah ee dega
nawaaxiga Laandheer iyo cutub ka tirsan ciidanka nacabka ah ee
gumaysiga Itoobiya. Waxaana cadawga halkaas lagaga dilay 10
askari, qaar badan oo kalana waa lagaga dhaawacay. Shacabka
waxaa goobtaas kaga shihiiday 3 qof.
10/02/05
Magool oo ka tirsan gobolka Qorraxay, dagaal CXO uu ku qaaday
ciidanka gumaysiga Itoobiya waxaa ciidanka nacabka lagaga dilay
8 askari, 6 kalana waa lagaga dhaawacay.
16/02/05
Yucub oo ka tirsan gobolka Doollo, dagaal dhaba-gal ah oo lagu
qaaday kolonyo ciidamada gumaysiga ah oo jidka socotay waxaa
cadawga lagaga dilay 11 askari, 7 kalana waa lagaga dhaawacay.
Waxaana kolonyadii ciidanka gumaysiga ahayd halkaas lagu
horfadhiyay muddo 2 habeen ah.
18/02/05
Ceel-xaar, oo ka tirsan gobolka Qorraxay, weerar uu CXO ku
qaaday saldhigii ciidanka gumaysiga ee ku yaallay degmada
Ceel-xaar waxaa cadawga lagaga dilay 12 askari, 15 kalana waa
lagaga dhaawacay.
dhinaca kale
sidii caadada u ahayd gumaysigu dhib aad u badan ayuu ku hayaa
shacabka, hadday noqon lahayd naftooda iyo hantidoodaba. Waxaa
wali sidii u socda dilkii, kufsigii iyo dhibaatooyinkii kale ee
gumaysigu ku hayay dadwaynaha soomaalida Ogaadeenya. Waxaa sidoo
kale aan kala go’ lahayn boobka aan loo miidaan dayin ee cadawgu
ku hayo hantida shacabka.
Waxaana ugu
danbeeyay dilka, iyo gufsiga loo gaysto shacabka dhacdooyinkan
soo socda.
25/01/05
Qaruud oo ka tirsan Iimay wuxuu cadawgu ku dhaawacay nin shacab
ah oo magaciisa la yidhaahdo C/llaahi Axmed Cabdi.
17/02/05 isla
Qaruud oo ka tirsan Iimay, wuxuu cadawgu ku kufsaday, jidh-dil
ba’ana ugu gaystay gabadha lagu magacaabo Nimco Maxamed Xaaji.
Itoobiya
oo mar kale ku celisay inay Soomaaliya ciidamo keenayso
Wasiirka
warfaafinta ee xukuumadda Itoobiya Bereket Simon ayaa mar kale
ku celiyey in xukuumaddiisu ay ciidamo nabad ilaalin ah u
dirayso dalka Soomaaliya.
Xukuumadda
Itoobiya waxay mawqifkan ku celisay xilli ay sii kordhayso diid
mada shacabka soomaaliyeed uu diiddan yahay in ciidamada
Itoobiyaan ah la keeno dalka Soomaaliya.
Wasiirka
Itoobiya oo u warramayay wakaalada warar goboleedka Qaramada
Midoobay ee IRIN ayaa sheegay in Itoobiya ay go’aan ku gaadhay
inay qayb libaax ka qaadato qorshayaasha nabad ilaalinta ee
Soomaaliya loo tegayo.
Itoobiya
waxay hadda ka hor daboolka ka qaadday inay ciidamo nabad
ilaalin ah u dirayso dalka Soomaaliya, kuwaasoo qayb ka noqda
ciidamada nabad ilaalinta ee dalalka IGAD ay Soomaaliya u
dirayaan, hase yeeshee waxaa arrintaas aad uga dhawaaqay oo
mawqif diidmo ah ka muujiyay siyaasiyiin badan oo soomaali ah
iyo inta badan dadwaynaha soomaaliyeed oo aan ku kalsoonayn
xukuumadda
Itoobiya.
Ururrada
bulshada rayidka, Wadaada Diinta, iyo Maxkamadaha Islaamiga ah
ee magaalada Muqdihsho iyo weliba qaar ka mid ah saraakiishii
hore ee ciidanka xoogga dalka Soomaaliya ayaa iyaguna si weyn
uga soo horjeestay in ciidamo Itoobiyaan ah la keeno gudaha
Soomaaliya.
Magaalada
Muqdisho waxaa muddooyinkii u denbeeyay ka dhacay laba
bannaanbax oo lagaga soo horjeedo imaatinka ciidamo shisheeye
ah, gaar ahaan kuwo Itoobiyaan ah.
Wasiirrada
guriyaynta iyo hawlaha guud iyo ammaanka gudaha ee dawlada ku
meelgaadhka ah ee Soomaaliya ayaa iyaguna ka mid ah
siyaasiyiinta sida cad ugu gacan saydhay in ciidamo Itoobiyaan
ah la keeno dalka Soomaaliya, waxayna ku baaqeen in dadwaynaha
soomaaliyeed ay isu diyaariyaan difaacida ciiddooda hooyo.
Guddi
xaqiiqo raadis ah oo Gaalkacayo booqdey
Guddigii
xaqiiqo raadista ee koobnaa Jaamacadda Carabta, urur goboleedka
IGAD, Midowga Afrika iyo saraakiishii hore ee Soomaaliya ayaa
beryahan socod ku marayay meelo kala duwan oo Soomaaliya ka mid
ah ayaa shalay soo booqdey Magaalada Gaalkacayoee Gobolka
Galguduud.
Gudigan oo
dhammaadkii toddobaadka soo gaadhay magaalada Baladweyne,
halkaasoo uu kula shiray qaybaha kala duwan ee buslahada,
wuxuuna soo kormeeray magaalada, iyagoo booqdey xarumihii
burburey ee dawaladii Soomaaliya, sida xeryaha Ciidamada iyo
xarumihii Maamulka Gobolka.
Guddigu inta
ay joogaan Magaalada Gaalkacayo waxay dhegaysan doonaan mawqifka
bulshada rayidka ah iyo masuuliyiinta Gobolka ee ku aadan in
Soomaaliya lakeeno Ciidamo ka socda IGAD, sida goobihii hore ee
ay soo mareen. Kuwaas oo guddiga gaadhsiiyay mawqifkooda ah
inayna marnaba ogolaan doonin in Soomaaliya la keeno ciidamo ka
socda dalalka safka hore ee IGAD.
Gaadiidka
dadweynaha oo gabaabsi ku noqdey Magaalada Adis Ababa
Wararka naga
soo gaaraya Magaalada Adisb Ababa ayaa sheegaya in Ciidamada
Wayaanuhu bilaabeen olole hor leh oo ay ku taxaabayaan Gaadiidka
dadweynaha. Kuwaas oo ku daad gureynaya Ciidamada ay u rarayaan
dhinaca Waqooyi ee dalka Itoobiya oo ah Soohdinta ay Itoobiya la
wadaagto wadanka Eritrea.
Hadaba, sida
ay sheegtay Idaacada ku hadasha afka Oromada, waxaa gabaabsi
noqdey dhamaan gaadiidka dadweynaha gaar ahaan Magaalooyinka
waaweyn, halkaas oo dadweyihii adeegsan jirey gaadiidku ay
hoganayaan boostejooyinka laga raaco baaburta.
Warku wuxuu
intaa ku daraya, ilaa intii Eritrea ay ku gacan sartey 5 qodob
ee Meles Zenawi soo jeediyey si xal nabadeed loogu helo
soohdinta labada dal, waxay Itoobiya bilowday tabaabushe dagaal,
iyadoo kordhisay Ciidamada kaga sugan soohdinta labada dal, gaar
ahaan aaga Baadame, halkaas oo ay todobaadkii hore Jamciyadda
Quxumaha ka dhaxaysa ay ka digtey dhaq-dhaqaaqa ciidan ee ka
socdaa in uu keeni karo dagaal mar kale ka dhex aloosma labada
dal.
Eritreya oo ay cuno yari ka jirto.
Sida ay
sheegtay hay’ada Cuntada aduunka ee WFP waxaa cunto yari soo
wajahdey wadanka Eritrea, taas oo sheegtay in laga joojiyey hal
milyan (1 million) oo Eritrean ah cuntadii gar-gaarka ahayd ee
la siin jirey, kadib markii wadamada deeqda bixiya ay si caajis
ah uga jawaab bixiyeen qaylo dhaanta gargaarka laga codsadey.
Hay’adda WFP
waxay intaas ku dartey in 70,000 oo tan (70,000 tonnes) oo ah
kaydii ugu danbeeyey ee ay haysay ay bixisay, isla markaana
aysan filaynin wax gargaar ah ilaa laga gaaro bisha June ee
sanadkan.
Madaxa WFP ee
wadanka Eritrea Jean Piere Cebron ayaa walaac ka muujiyey
xaalada soo food saartey, iyadoo Qaramada midoobey bishii
Janaayo, 2005 ay ka digtey in 2/3 ay dadweynaha wadanka Eritrea
u baahan yihiin gar gaar cunto
Radio Xoriyo, 22 Feb. 2005
Axmed Xiddig
radioxoriyo@ogaden.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 31 MB ee
dhererkeedu yahay 9820 KHZ, Maalmaha Talaadada iyo Jimcaha 7:
30PM waqtiga Afrikada Bari
Afeef:aragtida warkan waxaa
leh radio xorriyo