Nin
Diin la dirir ah,Ummad la dirir ah xalkiisa kuwii doortay buu u yaal !
Maxaad ka taqaan Madaxwaynaha DFKMG ah
Col.C/laahi Yuusuf Ax'ed?Waa Nin ad-adag,dagaalyahan ah in badana sheegtay
in uu safka hore istaago goobta dagaalka,waxa uu meelo badan ka sheegay in
uu baaba'a iyo burburka Qaranka soomaaliyeed ku sugnaa muddada shan iyo
tobanka(15) sano ah uu isagu Qof ahaan u horseeday,waxaa xusid mudan in
Madaxwayne C/laahi mar ay idaacadda BBCda waraysi la yeelatay (xiligii
musharaxnimadiisa Jagada madaxwaynenimo ee uu maanta hayo) isagoo ka
jawaabayana su'aal ku saabsanayd sida uu xalka u arko haddii uu guulaysto
wuxuu sheegay Madaxwaynuhu in loo baahan yahay in la helo ciidamo hub ka
dhigis sameeya si awood dadka hubka looga dhigo,waxaana isla jawaabtiisaas
loo tibaaxay Madaxwayne C/laahi in ay imaan karto dagaal dad badan ay ku
naf waayaan hanti badana ay ku lunto waxaana uu ku jawaabay madaxwaynuhu "Dadka
in la laayo dantoodaa ku jirta" hadalkaas waxaa kaaga muuqanaya in uusan
madaxwaynuhu aqoon in Dadku yahay hantida ugu muhiimsan ee qaran kasta,
sidoo kale marka aan dib u jaleecno Madaxwayne C/laahi xilkan kii uga
horeeyey ee uu ahaa Madaxwaynihii DG/Puntland waxaa xusi karnaa in markii
loo doortay madaxwaynaha maamul goboleedka puntland 1998 uu waxqabad ka
bilaabay dhismaha ciidan farabadan iyo soo daabacasho lacag been abuur ah oo
shilinka soomaaliga ah, xiligaa deegaanka Puntland wax awood ah oo ka soo
horjeeday ma jirin,Siyaasiyiin ay is-hayaan ma jirin,cabsi in deegaamo kale
looga soo duulo oo muuqatayna ma jirin balse baahidda Madaxwayne C/laahi baa
mar kasta ah in uu ciidan helo,ciidamadaas oo uu ka faa'iidaystay markii
xiligiisii dhamaaday ee uu diiday in uu u hogaansamo Xeerkii KMG ahaa ee u
qornaa DG/puntland taas oo u sahashay inuu dib ugu qabsado si xoog ah
Puntland waxaana Madaxwaynuhu u gaystay gumaad foolxun Shacabka reer
Puntland iyadoo uu deegaankaas uu ku laayay Dumar,Caruur iyo Nin door
farabadan oo ay ka mid ahaayeen Issimo,Maalqabeeno iyo Aqoonyahano waxaana
uu Madaxwaynuhu awood sheegashadaas ku guulaystay in isagoo Puntland gacanta
si xoog ah ugu haya madaxwaynana ka ah uu ka qaybgalo shirkii dib u
heshiisiinta Soomaalida ee Kenya taas oo uu ku gaaray in uu ku guulaysto
jagada Madaxwaynenimo ee DFKMG ah ee soomaaliyeed ee uu maanta hayo(WIIL
HOOG) mar kale ayuuna haddana dalbaday baahidiisii joogtada ahayd ee Ciidamo
in uu helo tilaabadan ayaa markan u muuqata in Madaxwaynuhu uu wax walba ka
jecel yahay in uu Muqdisho tago isagoo horkacaya cutubyo ciidamo ah oo si
aad ah u gaashaaman taas oo uu hadda olole wayn ugu jiro Madaxwaynuhu sidii
dawladiisu ay cod uga heli lahayd Golaha Baarlamaanka in loo guuro meel aan
ahayn Muqdisho,Madaxwaynuhu marna iskuma mashquulin bal in ay isku soo
dhawaadaan Hogaamiyeyaasha Kooxaha hubaysan ee Muqdisho si ay talo midaysan
uga yeeshaan dhismaha qaranka xalna loogu gaaro wadahadal maadaama ay ka
midyihiin Golayaasha Dawlada(Golaha Wasiirada iyo kan Baarlamanka) wuxuuna u
muuqdaa Madaxwaynuhu mid aan fursad siinayn saaxiibadiisa ay xilwadaaga
yihiin xiligan, Madaxwaynuhu safaradiisii uu ku aaday xaga gudaha dalka
wuxuu magaala walba uu tagay ka jeedinayey khudbaddo uu ku dhaaranayo kuna
sheeganayey in uu yahay Ninka ugu geesisan ugu dagaalyahansan ugu kartida
badan maanta Soomaaliya isla markaasna haysta hubka ugu faraha badan,waxayna
tani muujinaysaa in madaxwaynuhu yahay Nin isku kalsoon dhinac kasta oo
tilaabada uu qaadayana u arka mid uu u madaxbanaan yahay dhamaan Awoodaha
Goloyaasha fulinta iyo sharci dejintana ay hogaamintiisu hoos
yimaadeen(Bilaawe Cadde).
Dhinaca xiriirka mar madaxwaynaha waraysi isla idaacada BBCda ay la yeelatay
lagu waydiiyey xiriirka isaga iyo carabta u dhaxeeya waxuu yiri "Carab iyo
Islaamba Aduunka kale baa ka badan" hadalkan waxuu madaxwaynuhu hilmaamay in
uu madaxwayne ka yahay Dal Dadkiisu 100% islaam yihiin kana mid ah Ururka
Islaamka ee Aduunka ahna Dal carbeed oo ka tirsan Jaamacadda
Carabta,Madaxwaynaha ma xiriir la'a asxaab farabadana ma laha xaga Caalamka
balse saaxiibkiisa koowaad waa meles Sanawiga itoobiya dabcan isaga ayaana
uga filnaaday dunida inteeda kale.
Dhinaca Diinta Madaxwayne C/laahi Yuusuf isagoo ka waramaya Dagaalkii dhex
maray Isaga iyo ururka Al-itixaad waraysi uu siiyey Idaacadda BBCda wuxuu
yiri "waxaan aragnay iyagoo gacanta ku dhigay Dumarkii iyo Caruurtii oo
Diinta baraya" isagoo ulajeedadoodii sii cadaynayana wuxuu yiri madaxwaynuhu
"waxay doonayeen in ay diinta wax ku xukumaan Annaguna arintaas aad baan uga
soo horjeedsanay".xaga aqoonta Diineed waxaa Madaxwaynaha laga cabiri karaa
sheekadaan dhex martay Isaga iyo qaar madaxdiisii maamulkii DG/puntland ah
xiligii uu madaxwaynaha ka ahaa Maamulkaas mar uu booqasho ku soo maray laba
dugsi oo ku yaal magaalada Boosaaso oo la kala yiraahdo IIMAAMU SHAAFICI
iyo IIMAAMU NAWAWI waxaana uu Madaxwaynuhu si uu u ogaado raga lagu
magacaabay dugsiyadaas uu waydiiyey madaxdii la socotay Nimankaas(Shaafici&Nawawi)
cida ay yihiin waxayna u sheegeen in uu Iimamu Shaafici yahay Iimaamka mad-habka
Soomaalidu ay ku dhaqanto Nawawina uu yahay raga mad-habkaa ugu waawayn
markaas buu wuxuu yiri Madaxwayne C/laahi Yuusuf "way fiican yihiin haday
isku meel yihiine Nimanka managa hubtaan oo mayihiin rag Qaadiriya ah oo
ahlu dariiqa ah?"Hadalkan ayaa ka yaabiyey madaxdii markaas la socotay
waxaana mid ka mid ah ku yiri isma diidana Madaxwayne.
Haddaba Col.C/laahi Yuusuf Ax'ed oo loo garanayo in uu yahay Nin Diinta la
dirirsan waxna ka aqoon isla markaasna ku sifoobay Shaqsi xasuuq waxaa
maanta xalkiisa uu u yaal kuwii iyagoo wakiilka ka ah Ummadda Soomaaliyeed u
doortay xilka uu hayo ee Madaxwaynenimo iyagaana shacabku ka sugayaan in ay
khatartiisa dhinac kasta Diin,Dad iyo Dalba ay isha ku hayaan waxaana
leenahay gabagabadii (Nin lagu seexdoow ha seexan)
Wargal Soomaaliyeed (Somali Journalist)
Dr.Ax'ed Ciise Qullaan
ahmeding@hotmail.com
Qoraalkii Hore e
Qulaan.....
Afeef: Aragtida qoraalkan waxaa leh qoraaag kusaxiixan
Faafin: Somalitalk.com | Maarso 12, 2005
Waraysi Samsam
iyo Codsasho Caawinaad Soomaalino...
iyo
Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u
gudbineyso Maxkamadaha Aduunka ee Caalamiga ah, waxana ay...
Guji...
Kulaabo bogga www.SomaliTalk.com
Daabaco
Boggan | Print