GABAY: Cabdullaahi xeelad iyo dagaal dirir
la xaaleeyo
(Gaby ku socda Madaxweyne Cabdullahi.)
Maxamuud
Axmed Cabdalle (Shiine)
Email:
abdalle9@hotmail.com
HORDHAC:
Walaalayaal waayadan dambe waxad mooddaa in
bulsha weyntu ay aad uga cabanayaan keenista ciidammada xabashida. Haddaba
abwaanka gabaygan tiriyey Maxamuud Axmed Cabdalle, waxa uu kaga hadlayaa
arrintan, waana farriin si gaara ugu socota Madaxweyne Cabdullahi Yuusuf.
Akhris wanaagsan wixii faallo ah waan soo dhoweynaynaa.
Wuxu yiri:
- Cabdullaahi xeelad iyo dagaal dirir la
xaaleeyo
- Adigaa u xuub siibta oo xoog ku
maammula e’
- xusullada kolkaa duubatoo guuta ku
xambaarto
- Millateri xawaariyo markaad xulafadii
keento
- Inaan xamar lagaa celin karayn waan
xaqiiqsadaye’
- Anse kaa xanuunsaday kolkaad
xabashigow baaqday
- Cadowgii I xuubsaday inaan xamar u soo
hooyo
- Oon xiis dawaaf iyo nidhaa xeebta bari
aaddan
- Xaradheere lagu sooro iyo xarumihii
jawhar
- Xiddo iyo carmaaliyo masagan nacab
xalaalaysto
- Uu xadhan dusheediyo burciyo ximan u
soo guuro
- Xiqdi iiga dhigan gacaliyow ila
xadhaadhaatay
- Xaashee ma kari karo inaan xera
wadaagnaaye
- Xaaraamigaa inaga daa gaal xinjira
quutay
- Oo xaafadaha wiilashaa xuubey lagu
meershay
- Ee xolod ka dhuubnaadayee qori ku
xoolaystay
- Mooryaanta xeegada u dhiib way
xasilaysaaye
- Xakamaha ku qabo muuse iyo caato waa
xubine
- Xertii maxamed dheeriyo xuseen xeerka
ku hagaaji
- U xanjeeri tuutaha dhakhsaba way
xammilayaane!
-
- Afartaasi waa xoge walaal hayga kala
xoorin
- Xilku waa belaayee ka joog xulafa
baastiisa
- Xornimada ogsoonoow ragbaa loo xiniin
tiraye
-
- Xatooyada tisqaaddiyo wexeer gobol la
xayddaantay
- Ee xuunsha xuunshaynta iyo maammul
lagu xiiqay
- Xarfaddiisa weeyaan amxaar
xera-xerantaasi
- Isxajara farriintiisi baad kala
xurmeyseene
- Xagal-weyntuu kuu dhiibayaa waa sun
xaammiya ahe
- Xabaal inaad gashaa kaaga roon
maandhow xabash-tuuge
- Xabis waadigii shalay jirooy kugu
xasuuguune
- Xog-ogaalna waatahay inaan lagu xaq
dhawrayne
- Xididdada gumaystaha inaan saarno waa
xayo e’
- Dhulkaygaa xorta ah hayga barin gaal
xinjira quutay
- Cudur xaalufiya bay sidaan AIDS xoog
badane
- Ha xawilin dhankii noo bed qabay
garasho waa xeele
- Xuddun hawgu xidhin meesha iyo xaramka
hoygeenna
- Ku xabeeban maayee runtana haygu
xaasidine
- Xisbi baa ilaah laga dhigtaa guulahay
xaqa e’
- Isagaa xannaan tala hayoo kala
xumaynayne
- Xamdi naqa ogsoonow kolbaa la is
xisaabaaye
- Ha xujayn kuwuu diinta baray xabashi
haw dhiibin
- Xigtadiyo sokeeyaha tix geli xidid ha
eedaynin
- Odayada xankaakubay ha xidhin xamasho
waa ceebe
- U xaqsoor dadweynaha xil waa la iska
giijaaye
- Hadday nabadda xoortoo markale ay
xidhiidh furanto
- Colaaddii xumaydiyo hadday xiinka
damin weydo
- Xoorka iyo dhidarkiyo haddaad xamil u
daag weydo
- Xeerka iyo qaynuunka iyo kaasho xuma
dhawrta
- Xiskaaga iyo maankaba ka dhawr qolo la
xaaleeyo
- Xadna yeelo soomaali waa qoom
xasaradeede!
Maxamuud Axmed Cabdalle (Shiine)
Email:
abdalle9@hotmail.com
»Jiifto
Yuusuf-Garaad ku socota [Shiine]
Afeef: Aragtida qoraalkan waxaa leh qoraaag kusaxiixan
Faafin: Somalitalk.com | Maarso 13, 2005
Waraysi Samsam
iyo Codsasho Caawinaad Soomaalino...
iyo
Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u
gudbineyso Maxkamadaha Aduunka ee Caalamiga ah, waxana ay...
Guji...
Kulaabo bogga www.SomaliTalk.com
Daabaco
Boggan | Print