Xaaladda
bani’aadamnimo ee Ogaadeenya ayaa ka sii daraysa, iyadoo xooluhu ay aad
u dhammaadeen, biya la’aan xumi ay ka jirto, heerka nafaqa xumaduna uu
gaadhay meel halis ah, sidaas waxaa isniintii ka digay hay’adda arrimaha
gargaarka u qaabilsan Qaramada Midoobey.
Xaaladdu way ka
sii daraysaa xilliga Jiilaalka, oo ah inta u dhaxaysa Janawari iyo
Maarso, sidaas waxa alagu sheegay bayaan ka soo baxay Hay’adda Qaramada
Midoobey u qaabilsan isku xidka arrimaha bani’aadamnimada ee OCHA.
Bayaankan waxaa
kaloo lagu sheegay in, in kastoo Ogaadeenya laga fulinayo mashaariic
dhibaatada abaaraha lagula dagaallamayo, haddana loo baahan yahay in
gargaar dheeri ah la gaadhsiiyo oo gaar ahaan u badan adeegyada aan
cuntada ahayn.
Dhibaatooyinka
ugu badan ee dadwaynaha Soomaalida Ogaadeenya hadda haysta waa biya
la’aantam iyadoo Ceelashii laga cabbi jiray ay ku fillaan la’yihiin
dadka oo dhan. Gaar ahaan markii Baraagihii laga cabbi jiray ay waxna
gudheen, waxna ay ciidammada gumaysiga Itoobiya u diideen dadkii lahaa
inay ka cabbaan, si ay iyagu u isticmaalaan.
Guddoomiye
ku xigeenka JWXO oo booqasho ku jooga Norway.
Guddoomiye ku
xigeenka Jabhadda Waddaniga Xoreynta Ogaadeenya Maxamed Ismaaciil Cumar
ayaa maalmahanba booqasho ku joogay dalka Norway. Guddoomiye ku xigeenku
wuxuu kulanno kala duwan la yeeshay dadwaynaha Soomaalida Ogaadeenya eek
u dhaqan dalka Norway iyo masuuliyiin ka tirsan dawlada Norway.
Warbixin ku
saabsan booqashada guddoomiye ku xigeenka waxaa magaalada Oslo nooga soo
diray wariyaha Radio Xoriyo;
QM:
Eritereya iyo Itoobiya waa inay xadkooda calaamadeeyaan.
Itoobiya iyo
Eritereya waa inay xadka u dhexeeya asteeyaan sidii afar sano ka hor
lagu heshiiyay, isla markaana ay la kulmaan guddiga masuulka ka ah
astaynta iyo jeexidda xadka, sidaas waxaa yidhi Golaha Ammaanka ee
Qaramada Midoobey.
Golaha Ammaanka
ayaa bayaan uu jimcihii soo saaray kaga codsaday labada dal ee Itoobiya
iyo Eritereya ugu baaqay inay la kulmaan guddiga u xilsaaran astaynta
xadka oo ay kala shaqeeyaan sidii go’aankiisa loo fulin lahaa, iyadoon
la dib-ridin.
”Waxaan labada
dhinacba si xoog leh uga codsanaynaa inay kulanka ka qayb qaataan oo la
shaqeeyaan, isla markaana fuliyaan waxa uu guddigu ka dalbayo oo dhan,
si loogu guulaysto astaynta xadka, sidaas waxaa lagu yidhi bayaanka
Golaha Ammaanka.
Bayaankan waxaa
sidoo kale lagu sheegay in labada dal ee Eritereya iyo Itoobiyaba ay
oggolaadeen oo ku heshiiyeen in go’aanka guddiga ee astaynta xadka ku
saabsan uu noqdo mid kama danbays ah oo waajib ku ah labada dhinacba.
Dawlada
Eritereya ayaa oggolaatay go’aanka guddigii Qaramada Midoobey ee loo
xilsaaray xal u-helidda dhibaatada xuduudeed ee Itoobiya iyo Eritereya,
hase yeeshee waxaa go’aanka ku gacan saydhay xukuumadda Itoobiya. Beesha
caalamka ayaa sidoo kale ku guul darraysatay inay xukuumadda Itoobiya ku
qasabto inay u hooggaansanto go’aanka Qaramada Midoobey.
Askar
Itoobiyaan ah oo Soomaaliya soo galay.
Wararka ka
imanaya magaalada Hargaysa ee gobolka Waqooyi Galbeed ee dalka
Soomaaliya ayaa sheegaya in Ciidammo Itoobiyan ah oo tiradooda lagu
qiyaayey 15 askri ay soo gaadheen maagalada Hargaysa.
Askartan oo u badan qowmiyada Xabashida iyo tiro yar oo Oromo ah, ayaa
soo gaadhay magaalada Hargaysa, ka dib markii ay ka soo goosteen
ciidammada gumaysiga Itoobiya ku sugan gobolka Qorrexey iyo magaalada
Gurdumi.
Askartan
Itoobiyaanka ah ayaa la sheegayaa inay u sii gudbeen dhinaca magaalada
Gaalkacyo, ka dib markii magaalada Hargaysa lagaga furtay hubkii ay
wateen.
Goosashada ayaa
ku badan ciidammada Itoobiya iyadoo nolol xumuada iyo maamul xumada
ciidammada gumaysiga ka dhex jirta ay sabab u tahay inay koox-koox ugu
goostaan marba meesha ay is-leeyihiin waad ku nabad galaysaan. Inta
badan waxay isu dhiibaan dalalka Eritereya iyo Jabuuti.
Radio Xoriyo
28 February 2006.
Axmed Xidig
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 31 MB ee dhererkeedu
yahay 9820 KHZ, Maalmaha Talaadada iyo Jimcaha 7: 30PM waqtiga Afrikada
Bari
XAALAD ADAG OO SOO WAJAHDAY ARDADA SOOMAALIYEED EE
KUNOOL WADANKA MALAYSIA. Qaybtii 2aad... Akhri
Warbixin
dheer oo ku saabsan khudbadihii laga jeediyay kulankii Baarlamaanka
ee Baydhabo..
C/llaahi
Yuusuf "Baarlamaanka waxaan ka codsanayaa in aanan isku koobin
xilalka".. Cali Max’ed Geeddi "Mudadii aan kala maqneyn waxaan ku
nooleyn xaalad laga naxo”" hadaladaas iyo wararkii Soomaaliya oo
faahfaahsan
ka akhri halkan.. Guji..
Feb 27
Qanyare,
Muuse Suudi, Cumar Finish, Bashiir Raage oo Qabtay shir Jaraa’id
»Shiikh
Aweys” Niman Ajnabi ah oo dalka jooga ma jiraan..
»Max’ed
Dheere oo Warqad gaarsiiyay Isbahaysiga...
»C/llaahi
Yuusuf oo uusan la socon Ra’isul Geedi oo gaarey..
»Roob
ka da’ay shalay Magaalada Baydhabo…
»Xubno
ka tirsan DFKM ah oo magaalada kismaayo..
»Finland
oo dalkeeda dib u celinaysa dad Soomaaliyeed...
iyo
Warar GooGoos ah ka akhri halkan... Guji...