Waxaan nasib u yeeshay in
laygu casuumo ka qaybalka caano shubkii Garaad Jaamac Garaad Cali oo ka dhacay
degmada Laas-Caanood, run ahaantii waxay ahayd caleemo saar aad loo abaabulay,
kaasoo aan dhihi karo wuxuu ka sareeyay qaabka abaabulka lagu yaqiinay marka la
dooranayo hogaamiye dhaqameed, dadka wax indha-indheeya qaarkood waxay
dareensanayeen abaabulkaan balaaran in uu salka ku hayo arrimo siyaasadeed,
ujeedaduna ka fog tahay caleemo saar, dadka arrimahaasi is tusay waxay ka
duulayeen aniga aragtideyda Prof, Cali Khaliif Galeyr oo ahaa Ra’isul Wasaarihii
Dowladdii Carta lagu soo dhisay oo isagu si aada uga dhex muuqday abaabulka
Caleema-Saarka Garaadka, hase yeeshee waxaa xusid gaara mudan casuumaaddii iyo
martiqaadkii sharafta mudnaa in ay kala kulmeen Duubabka dhaqanka iyo
Siyaasiyiinta Caleema Saarka Garaad Jaamac farxad iyo raynrayn, tasoo aan dhihi
karo waxay furtay albaab xirnaa, waxay isku keentay walaalo kala baaday mudo
dheer, oo aan is arag, kuwasoo dareemay ehelnimadii ka dhexeysay iyo in aysan
haboonayn in ay is gooyaan, dad walaalo ah oo ay ka dhexayso Rixim iyo Dhalyaba.
Magalada Laas-Caanood waa
magaalo furun ah, waxa isku hor fadhiya meel 30Km u jirta labada maamul ee
Waqooyi Bari iyo Waqooyi Galbeed, taasi waxay keeneysaa in ay noqoto meel ay ku
nool yihiin maleeshiyooyin fara badan oo hubkooda wata, dhex yaacayana magaalada,
hase yeeshee dadka deegaanku waxay xaqiijiyeen in magaaladu ay xasiloontay, gaar
ahaan dhinadca amniga, mana jirn meelo xitaa dadka lagu baarayo, lagu dilayo,
walina ma maqlin xabad dhaceysa, balse Tiknikadaas iyo maleeshiyooyinkaas fara
badan waxaa watay madaxda iyo Siyaasiyiinta Puntland, sida Madaxweynaha iyo
Wasiirada.
Dhinaca Diinta.
Gobalka Sool waa meel caan
ku ah fidinta Diinta Islaamka, waxay talis u ahaan jirtay Sayid Muxumad Cabdule
Xasan dhamaadkii Qarankii 19-aad iyo Qarnigii 20-aad, waxayna xarun u ahayd
Dawaariishtii, taasoo aynu og nahay wixii dhex maray iyaga iyo Gumeysigii saddex
geesoodka ahaa, sida la wada ogsoon yahayna waxaa lagu daadiyay dhiig badan oo
Shuhado ah, sida la og yahayna meeshii lagu daadiyo dhiig shuhado ciribteeda
dambe way ka muuqataa oo waxay noqotaa meel wanaagsan.
Gobalka Sool gaar ahaan
Laas-Caanood waxaa ka muuqday Nasrigii Illaahay iyo Iftiin Diimeed, Laas-Caanood
waxay leedahay Masaajid fara badan iyo Dugsiyo Diimeed oo aan dhihi karo xaafad
dhowr xabo ayaa ku yaal, weli ma arag intii aan socday meel ay ka jirto dacwo
intaa la eg, waxaa I cajab geliyay ragga iyo dumarka Magaalada Laascaanood sida
ay uga muuqato shacaa’irtii Diinta Islaamka iyo Soomaalinimada.
Waxaa kalloo la kulmay
Sheekh ka mida mashaa’iqta Soomaaliya ku caan baxay fidinta Diinta Islaamka iyo
fahamsiinta nuxurka Ujeedada waana Sheekh Max’ed Idiris, waxa uu ahaa dadkii ugu
muhiimsanaa ee halkaasi ka waday wacgelinta Diinta Islaamka iyo baraarujinteeda,
waxaana ilaah uga baryayaa in uu cimrigiisa u barakeeyo.
Degmada laascaanood waxaa
dhibaato ku haya Sunta Cagaaran oo loo Yaqaano Qaadka kaasoo uga yimaada
Itoobiya, run ahaantii markii aad dhabo gasho waxaa si barbar dhigeysaa kheyrka
socda iyo dhibaatada uu qaadku ku hayo bulshada.
Maalin maalmaha ka mida
Hotelkii aan deganaa nin Dhuuban oo qurux u dhashay, hase yeeshee aysan ka
muuqan quruxdaasi marka loo fiiriyo wajigiisa oo ay diif iyo darxumo ka muuqatay,
waxaana is iri, qofkaani waa uu xanuunsan yahay ayaa waxay indhaheygu ku dhaceen
isaga oo wata majin weyn oo Qaad ah nooca loo yaqaano Hareeri, run ahaantii aad
baan uga naxay, riyo ayay igu noqotay, markii hore waxay iigu muuqatay in
xanuunsan ama jirin, balse markii aan qaadka ku arkay ayay layaab igu noqotay,
waxaana weydiiday halka uu degan yahay iyo halka uu ka yimid , waxa uuna sheegay
in uu ka yimid Baadiya Buuhoodle ee Gobalka Togdheer, waxa uuna ii raaciyay in
Dadka reer Baadiyaha ah ay cunaan Qaadka gaar ahaan Geel-jirayaasha, waana arrin
murugo leh.
Ugaas Max’ed Wali
Ugaaska Beesha Sade ahna Afhayeenka Salaadiin Beesha Daarood.
Email:
kulmiyepress@hotmail.com
Waxaa soo tebiyey:
W/D Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com | Jun 10, 2006
SHARIIF
XASSANOW WAXAA KU HORYAALA LABA ARIMOOD OO KALA DARAN EE KALA DOORO, TAN
SADEXAADINA WAXAY TAHAY?
»Isbeddelka
aasaasiga ah ee ka dhacay Muqdisho| Abokor
»Talo-siin
Maxkamadaha iyo Maanso. | Caliqeyr
»Maxaa sababay
isbadka Muqdisho? Sidee buu ku waari karaa? | Caafi
»Ba' Dagaal
Oogaha, Barkhada Wadaadada iyo Baraaraha Shacabka
»Muqdisho:
shalay, maanta iyo barri (Q. 1aad/2aad) | Axmad
»Horumarka
Maxkamadaha Mogadishu: Guul mise Khatar? | Faysal
»Taladaan la
Ruugin, Waa Lagu Rafaadaa | C/xakiim
»WARQAD
FURAN OO KU SOCOTA MIDOWGA MAXAAKIINTA | Cumar
»Talo Wax-ku-ool ah
oo ku socota Maxkamadaha Islaamka | Yusuf
»Aynu wada dhawrno....
| Jaamac
»MUQDISHO
WAA LOO YAABAA | C/laahi
Daabaco
Boggan | Print
