-
Sheekh Shariif “lagama fursanayo dagaal
haddii aysan..”
-
C/llaahi Yuusuf “Beelaha Digil iyo
Mirifle.u soo jeediyey in ay .”
-
Ururka Midowga Afrika oo soo dhaweeyay Isbedelka ka
dhacay..
-
Hay’ado
cambaareeyay dilkii loo gaystay Malaq Seemow..
-
Ma dhabaa in MSN Messenger-ka uu lacag noqon doono.?
Sheekh Shariif “lagama fursanayo dagaal
haddii aysan..”
Sheekh
Shariif Sheekh Axmed oo ah guddoomiyaha
Midowga Maxaakiimta Islaamiga ah oo shalay
shir jaraa’id ku qabtay xarunta Midowga Maxaakiimta islaamiga ah ee magaalada
Muqdisho ayaa waxa uu sheegayin ay soo dhaweynayaan cid kasta oo talo
wax ool ah ku dareysa
xaaladda Soomaaliya, gaar ahaan gobalka Banaadir, mar wax laga weydiiyay waxa
laga yeelayo Hogaamiye kooxeedyada weli ku dhuumaaleysanaya qaybo ka mid ah
Magaalada Muqdisho, waxa uu yiri “waxaan u dirnay beelahooda ayaga ayaana ka war
sugeynaa haddii ay taa ku qanci waayaan lagama fursanayo dagaal”.
Sheekh Shariif Sheekh
Axmed waxa uu beesha caalamka ka codsaday in ay taageeraan rabitaanka Shacaka
Soomaaliyeed, waxaa kalloo uu sheegay in Midowga Maxaakiimta Islaamiga ah ay
diyaar u yihiin ay la hadlaan cid kasta, ha noqoto Dowladaha Caalamka iyo
Dowladda Federaalka.
Sheekh Shariif waxa uu u
soo jeediyay Shacabka Soomaaliyeed in ay adkeeyaan guulaha ay ka gaareen
magaalada Muqdisho.
Sidoo kale Guddoomiye ku
xigeenka midowga Maxaakiimta Sheekh C/qaadir Cali Cumar oo ka hadlayay xaflad
lagu furayay maxkamad Islaami ah oo ay yeelaneysay beesha Gaal-Jecel ayaa waxa
uu sheegay in hogaamiye kooxeeyadii ku haray magaalada Muqdisho haddii aysan soo
wareejin hubkooda ay barahooda ugu tagi doonaan, isagoo sheegay in ay ka war
sugayaan beelaha ay ka dhasheen.
C/llaahi Yuusuf “Beelaha Digil iyo Mirifle.u
soo jeediyey in ay .”
C/llaahi Yuusuf Axmed oo
ah Madaxweynaha Dowladda Federaalka oo gurigiisa ku qaabilay Odoyaal iyo
Waxgarad ka tirsan Beelaha Digil iyo Mirifle ayaa waxaa kulankaasi looga hadlay
wax-yaabihii maalintii doraad ahayd ka dhacay Magaalada Baydhabo.
Odoyaashii iyo Waxgaradkii
ka qaybgalay kulankaasi ayaa waxay Madaxweynaha u gudbiyeen fariin ah in ay aad
uga xun yihiin wixii ka dhacay magaalada Baydhabo.
C/llaahi Yuusuf oo ka
hadlay kulankaasi waxa uu sheegay in Beelaha Digil iyo Mirifle looga baahan
yahay in ay ka hor tagaan kuwa diidan in deeganadoodu noqdaan kuwo xasiloon,
waxaa kaloo uu sheegay in Dowladda Federaalka ay gacan siin doonto cid kasta oo
nabad ku soo dabaaleysa magaalada Baydhabo oo uu sheegay in ay tahay xarunta ku
meel gaarka ah ee Dowladda Federaalka, isagoo sheegay in uu aad uga xumaaday
dagaalkii yaraa ee ka dhacay magaalada Baydhabo.
Maxay ahayd diyaaraddii ka soo degtay
Garoonaka diyaaradaha ee…?
Waxaa shalay subaxnimadii
magaalada Jowhar ka soo degtay diyaar yar, waana markii ugu horeysay kaddib
markii ay dhaceen dagaaladii Balcad ay diyaarad noocaan oo kale ah ka soo degato
garoonkaasi.
Diyaarada oo ay isku
gadaameen ciidamo aad u xoogan ayaa waxaa laga qariyay saxaafadda, balse warar
ayaa waxay sheegayaan in diyaaraddu ay qaaday xubno ka tirsan Isbahaysiga oo
maalmahan ka sugnaa magaalada Jowhar.
Warar kale ayaa waxay
sheegayaan in diyaaradani ay ahayd diyaarad sahan ah oo tijaabo ah, waxaana la
sheegay in ay hordhac u tahay diyaarado kale oo maalmaha soo socda ka soo degi
doona garoonkaasi.
Diyaaraddii shalay ka soo
degtay garoonka Jowhar ayaa waxay ka dhega-fureysatay digniintii ay Midowga
Maxaakiimtu soo jeediyeen taasoo ahayd in aysan wax diyaar ah ka soo degin
garoonkaasi.
Ciidamada Midowga
Maxaakiimta Islaamiga ayaa iyagu kaabiga u saaran Magaalada Jowhar, halka kuwa
ka soo horjeedana ay iyana ku jiraan difaac, hase yeeshee afhayeen u hadlay
Midowga Maxaakiimta Islaamiga ah ayaa sheegay in aysan Maxaakiimtu ku talajirin
in ay wax weerar ah ku qaadaan magaalada Jowhar.
Ururka Midowga Afrika oo soo dhaweeyay Isbedelka ka
dhacay..
Ururka Midowga Afrika ayaa
si weyn u soo dhaweeyay is bedelka magaalada Muqdisho kaddib markii magaalada
looga akdaaday isbahaysigii isku magacaabay la dagaalanka Argagixisada.
Ururka Midowga Afrika waxa
uu sheegay in is bedelkaasi uu noqdo mid bulshada Soomaaliyeed u horseeda nabad
iyo dib u he-shiisiin si loo dhameeyo dhibaatadii Soomaaliya ka taagneyd 16 sano
ee ugu dambeeyay.
Ururku waxa uu u soo
jeediyay Midowga Maxaakiimta Islaamiga ah in ay wada hadal la furaan Dowladda
Federaalka si loo helo Qaran Soomaaliyeed, maadaama Soomaaliya mudooyinkii ugu
dambeeyay aysan helin qaran hantiya dhamaan dalka oo dhan.
Dhinaca kale Ururka
Jaamacadda Carabta ayaa isna si weyn u soo dhaweeyay is bedelka weyn ee ka
dhacay dalka Soomaaliya gaar ahaan magaalada Muqdisho, kaddib markii magaalada
laga saaray kooxihii dagaal oogayaasha ahaa.
Ururka Jaamacadda Carabta
waxa uu u soo jeediyay kooxaha gacanta ku haya magaalada Muqdisho in ay wada
xaajood la furaan Dowladda Federaalka si halkaasi uga baxdo shakiga iyo mugdiga
ku kala dhex jira labada dhinac, waxa uuna Ururku sheegay in soomaaliya ay siin
doonaan gargaar.
Hay’ado cambaareeyay dilkii loo gaystay Malaq Seemow..
Hay’adda Dhowrista iyo
Horumarinta Soomaaliya ayaa cambaareysay dilkii loo gaystay Malaaq Seemow Cabdi
Karuun oo ahaa Malaaq si weyn looga yaqaanay deegaanada Bay iyo Bakool, isla
markaana waxa uu ahaa malaaqyada u ololeeya dhinaca Nabadda, waxaa kaloo dilkaan
cambaareeyay Haya’-adaha Xaquuqda Aadanah Wanla-weyn Humarn Rights iyo Khaliif
Huudow , waxayna iyana ku tilmaameen mid ka baxsan Bini’aadannimada, waxayna
dhamaantood u soo jeediyeen dhinacyda isku haya magaalada Baydhabo in xaaladda
dejiyaan wixii khilaaf ahna ay ku xaliyaan wada hadal iyo is afgarad.
Waxaa kaloo iyana dilkaan
cambaareeyay Hay’-adaha Xaquuqda Aadanaha ee Ismaaciil Jimcaale iyo Elman iyagoo
ku tilmaamay mid ka hor imaaneysa shareecadda Islaamka, xeerarka soo jireenka ah
ee dhaqanka Soomaalida iyo baaqa caalamiga ah ee xaquuqda Aadanaha qodobkiisa
saddexaad oo leh “Qof walba waxa uu xaq u leeyahay in uu ku noolaado nabad iyo
xoriyo, sidoo kale Siyaasiyiinta Beelaha Digil iyo Mirifle ayaa iyana si aad ah
uga xumaaday qalalaasihii ka dhacay magaalada Baydhabo, waxayna sheegeen in
aysan marnaba ogolaan doonin in fal noocaan oo kale ah ka dhaco Magaalada
Baydhabo.
W/D Amiin Yuusuf Khasaaro
E-Mail
amiinkhasaaro@hotmail.com
Waxaa in dhawaaleba soo badanayey
emailo dad faro badani ay isku dirayeen oo sheegayey in uu qof kasta uu u diro
emailka 18 qof oo kale, ayaa noqotay hadal heynta ugu badan oo ay dad badani is
weydiiyaan ka dib marki lagu sheegay in uu MSN Messenger ku noqon doono
summerkaan aanu ku jirno lacag islamarkaana looga badbaadi karo in uu qofta
kasta uu diro 18 email.
Arintaan markaan dabo galnay waxaa soo
baxday inaysan sal iyo raad toona laheyn ay tahay uun dad kooban oo faafiyey
arintaan, cadeemooyinka aan heyno waxaa ka mid ah.
- Microsoft waxay tartan
weyn oo aysan filaneynin kala kulantay shirkadaha sida Yahoo iyo Google, ka
dib marki ay soo saareen email qaadkiisu uu aad u weyn yahay isla markaana
ay soo sareyn Messenger ka tayo fiican kan Microsoft, oo leh Phone calling
PC-to-PC, taasoo keentay in markaliya Microsoft ay weysay customers faro
badan oo ku xidhnaa.
- Microsoft si ay taasi
ooga hortagto waxay soo saartay LIVE series, oo ka kooban Windows Mail Live,
MSN Messenger Live, (www.live.com
ayaad ka arki kartaa tafaashiisa arintaan), Isla markaana ay u soo jiidan
laheyd customerskii horey ooga tagay.
Microsoft oo caan ku ah sameynta
barnaamijyada computerka ayaa hada soo sareyso MSN Messenger Live -BETA- oo hada
hawada ku jiro si tijaabo ah, hadi ay tani ku guuleysato waxay noqoneysaa in uu
noqon doono mid aad u tayeysan kana tayeysan midka hada jire ee Messenger 7.5.
Sidaas darteed, waxay ila tahay haatan
inaysan Microsoft ka dhigi doonin lacag Messenger LIVE ama kan iminka taagan ee
ah 7.5.
Ayanle yare
Computer Science
Univerisity of Karachi,
ayaanle@gmail.com
Faafin: SomaliTalk.com | Jun 11, 2006
Warbixin ku
saabsan dagaalkii shalay ka dhacay Baydhabo..
»Indha-Cadde
“kooxihii laga adkaaday waxay doonayaan in..
»Saraakiil Mareykan
ah oo ku soo jeeda Magaalada Baydhabo
»Dowladda Itoobiya
oo si taxadar leh uga hadashey is....
»Beesha Gaal Jecel
oo shaley Furatey Maxkamad Islaami ah
Wararka oo dhan
ka akhri halkan... Guji.. Jun 10
»Isbeddelka
aasaasiga ah ee ka dhacay Muqdisho| Abokor
»Talo-siin
Maxkamadaha iyo Maanso. | Caliqeyr
»Maxaa sababay
isbadka Muqdisho? Sidee buu ku waari karaa? | Caafi
»Ba' Dagaal
Oogaha, Barkhada Wadaadada iyo Baraaraha Shacabka
»Muqdisho:
shalay, maanta iyo barri (Q. 1aad/2aad) | Axmad
»Horumarka
Maxkamadaha Mogadishu: Guul mise Khatar? | Faysal
»Taladaan la
Ruugin, Waa Lagu Rafaadaa | C/xakiim
»WARQAD
FURAN OO KU SOCOTA MIDOWGA MAXAAKIINTA | Cumar
»Talo Wax-ku-ool ah
oo ku socota Maxkamadaha Islaamka | Yusuf
»Aynu wada dhawrno....
| Jaamac
»MUQDISHO
WAA LOO YAABAA | C/laahi