Barnaamijkii
Radio Xoriyo
Ciidammada gumaysiga oo haweenay ku toogtay magaalada Sagag.
Jaaliyadda Ogaadeenya ee Waddanka Australia oo shirar wadda.
Amnesty
International oo Itoobiya ugu baaqay inay si dayso madaxda mucaaradka.
Qaramada
Midoobey oo ku baaqday in la joojiyo dagaalka Muqdisho.
Faalo:Shidaalka
Ogadenya(Taariikhdiisa iyo Damaca
Waalan ee Gumaysiga Itoobiya).
======================
Wararka naga soo
gaadhaya Magaalada Sagag ayaa sheegaya in ciidammada gumaysiga Itoobiya ay
magaalada Sagag ku toogteen haweenay lagu magu magacaabo Sahra Cabdi C/llaahi
oo hooyo u ahayd siddeed carruur ah.
Alla ha
u naxariistee Sahra waxay ka mid ahayd 16 qof oo in muddo ahba ay ciidammada
Itoobiya ku hayeen xabsiga magaalada Sagag, kuwaasoo lagu tuhmay inay
taageeraan Jabhadda Waddaniga Xoreynta Ogaadeenya.
Ehalada
iyo qaraabada dadkaas xabsiga Sagag lagu hayo ayaa ka cabsi qaba in iyagana
la toogto, waxaana cabsidaas ku sii kordhiyay iyadoo loo diiday inay dadkaas
soo booqdaan. Dadkan ayay ciidammada Itoobiya jidhdil aad u ba’an u gaysteen
muddadii ay halkaas ku haysteen.
Wararka
ka imanaya gobolka Jarar ayaa iyaguna sheegaya in ciidammada gumaysatada
Itoobiya ay odayaal 15 gaadhaya ka soo qaqabteen deegaannada ku dhaw Ceelka
Bullale, oo dhawaan si wayn loogu jabiyay ciidamada gumaysatada Itoobiya.
Odayaashan ayaa lagu eedeeyay inay badbaadin waayeen sargaal caan ah oo
ciidammadaas watay, kaasoo kaligii dhinac u fiigay, ka dibna u galay
ciidammada xoreynta Ogaadeenya.
Dhinaca
kale maalintii talaadada ahayd ee bisha May 16-ka ahayd waxaa magaalada
Qabridaharre dhexdeeda isku af-dhaafay Ugaas Maxamed Duullane, oo ka mid ah
oday dhaqameedyada sida wayn looga qadariyo gobolka Qorraxey, iyo sargaalka
xukuma ciidammada gumaysiga Itoobiya ka jooga magaalada Qabridaharre iyo
nawaaxigeeda.
Murankan
ayaa sargaalka gumaystada Itoobiya iyo Ugaaska dhex-maray, ka dib markii uu
sargaalkaasi Ugaaska ka dalbay inuu ka qayb qaato hawlo uu ku tilmaamay inay
yihiin kuwo nabadda lagu sugayo, balse uu Ugaasku si geesinimo leh ugu
jawaabay sargaalkaas, isla markaana u sheegay in isaga loo xilsaaray sugidda
nabadda uu sheegayo, oon loo baahnayn inuu dib ugu soo noqdo dadwaynaha
rayadka ah.
Sargaalkan ayaa Ugaaska dalabkan u soo jeediyay, ka dib markii dadwaynaha
magaalada Qabridaharre ay diideen inay soo xaadiraan shir uu sargaalku ku
dhawaaqay in la yimaado oo la xidho dhammaanba maharadaha magaalada ku
yaalla, hase yeeshee dadwaynaha ayaa maharadohoodii xidhay, balse ku gacan
saydhay in shirkaas yimaadaan.
In ka
yar labo toddobaad ayaa laga joogaa markii ay ciidammada gumaysatada
Itoobiya qasabka ku shiriyeen dadwyanaha magaalada Qabridaharre ee ay ugu
hanjabeen inay laynayaan dad badan oo agtooda qiimo ka leh.
Jaaliyadda Ogaadeenya ee Waddanka Australia oo shirar wadda.
Wararka
naga soo gaadhaya Waddanka Australia ayaa sheegaya in is-abaabul ballaadhan
oo shirar ah ay Jaaliyaadka Ogaadeenya ee Australia ka waddo Gobaladda
waddanka Australia, kuwaasoo ay keentat in ay kulmaan si ay uga wadda
tashadaan dagaalada ka socda Ogaadeenya ee ay waddo xukuumadda Itoobiya oo
dhibaatooyin loogu gaystay dadka rayidka ah ee aan waxba galbsanin.
Waxay
Jaaliyaduu shir ballaadhan isugu timid 6 May 2006, shirkaas oo ay ka soo
qaybgaleen dhamaan Jaaliyaadka Ogaadeenya ee waddanka Australia, waxaana
shirkaas ka soo gaybgalay aqoonyahano u dhashay Ogaadeenya, Madaxda Jabhadda
Waddaniga Xoreynta Ogaadeenya oo uu ka mid yahay Gudoomiye ku xigeenka
kobaad Dr Mohamed Ismaciil Omar iyo Mohamed Ibrahim oo isaguna xubin ka ah
Golaha Dhex ee Jabhadda waddaniga Xoreynta Ogaadeenya.
Hawlo
badan ayay wadaan Jaaliyaadku oo ay ka wadaan dhamaan Gobalada Waddanka
Australia, waxayna shirkii ka dib billaabeen xidhiidho dhan walba ah oo ay
ku xoojinayaa waxqabadka iyo ka warhaynta dhulkoodii Hooyo.
Waxaa
sidoo kale dadaal badan wadda dumarka ka soo jeeda Soomaalida Ogaadeenya
waxayna ku bohoobeen Urur, kaasoo hawshiisii si dhab ah u guda-galay.
Amnesty
International oo Itoobiya ugu baaqay inay si dayso madaxda mucaaradka.
Ururka xuquuqda
aadanaha daneeya ee Amnesty International ayaa xukuumadda Itoobiya ugu
baaqay inay shuruud la’aan sii dayso dad 76 qof gaadhaya oo lagu eedeeyay
khiyamo qaran iyo denbiyo kale oo la xidhiidha kacdoonkii ka dhashay
doorashadii ay xukuumadda Meles musuqmaasuqday saddankii hore.
Ururka Amnesty
International ayaa bayaan uu soo saaray ku sheegay in dadkanoo ay ka mid
yihiin madaxdii mucaaradka, suxufiyiin iyo dad xuquuqda aadanaha u
dhaqdhaqaaqa, ay u xidhan yihiin damiirkooda oo kaliya.
Ururka Amnesty
International ayaa sheegay inuu shaki wayni kaga jiro ballanqaadka ay
xukuumadda Zenawi bixisay ee ah in dadkan la saari doono maxkamad caadil ah.
Xukuumadda
Itoobiya ayaa dad 129 gaadhaya oo u badan madaxdii xisbiga CUD ku eedaysay
denbiyo ay ka mid yihiin khiyaamo qaran iyo isku day afgenbi.
Masuuliyiin
Maraykan ah ayaa iyaguna xukuumadda Itoobiya ku dhaleeceeyay tallaabadii
bahalnimada ahaydee ay ka qaaday dadkii ka gadooday musuqmaasuqii doorashada,
waxayna xukuumadda Itoobiya ugu baaqeen inay si degdeg ah u sii dayso dadka
faraha badanee ay xabsiyada ka buuxisay.
Qaramada
Midoobey oo ku baaqday in la joojiyo dagaalka Muqdisho.
War-saxaafadeed uu
soo saaray Golaha Ammaanka ee Qaramada Midoobey wuxuu dhinacyada ku
dagaallamaya magaalada Muqdisho ugu baaqay inay xabad-joojin sameeyaan.
Golaha Ammaanku wuxuu kula taliyay dhinacyada ku dagaallamaya magaalada
Muqdisho inay dagaalka joojiyaan oo oggolaadaan in hawlihii bani’aadamnimada
dib looga billaabo aaggaas.
Golaha Ammaanka ee Qaramada Midoobey wuxuu sheegay inuu si wayn u taageersan
yahay dowladda ku mneelgaadhka ah ee Soomaaliya iyo marba sida u hirgaliso
ku dhaqanka dastuurka fadaraalka ah ee soomaalidu ku heshiiyeen.
Golaha Ammaanka ee Qaramada Midoobey ayaa sidoo kale hoosta ka xariiqay
taageerada uu u hayo dadaallada nabadeed ee ay wadaan urur goboleedka IGAD,
ergayga Qaramada Midoobey u qaabislan arrimaha Soomaaliya iyo dalalka
daneeya arrimaha Soomaaliya, wuxuuna ka codsaday dhinacyada kala duwan ee
Soomaalida inay gacan siiyaan dadaallada nabadeed ee la wado.
Golaha Ammaanku wuxuu dib u xusuusiyay 19-ka wadan ee xubnaha ka ah Qaramada
Midoobey inay adkeeyaan xayiraadda hubka ee Saaran dalka Soomaaliya.
19 May 2006.
Axmed Gaal-Eri
Info@radioxoriyo.com
raadioxoriyo@yahoo.com
Radio
Xoriyo waxaad ka dhegaysan kartaa Mawjadda 25 MB ee dhererkeedu yahay 11865
KHZ,iyo internetka Radioxoriyo.com,Ogaden.com Maalmaha
Talaadada iyo Jimcaha 7: 30PM waqtiga Afrikada Bari
Faafin:
SomaliTalk.com | May 19, 2006
Ayaan Xirsi oo ka
baxday Baarlamaanka Holland Been-abuurkeedii soo shaac baxay awgeed...
waxana ay sheegtay in ay aadeyso....
GUji...
AYAAN XIRSI OO
QARKA U SAARAN IN LAGALA NOQDO DHALASHADA HOLLAND
Warbixintii Ibraahim Saalax...
Guji....
»Ha
isku deyin in aad Allaah la dagaalanto. (Ayaan waa tusaale...)
»Holland: Shaki
iyo muran ka taagan sharciga Ayaan Xirsi
|