Wararkii: Nov 27, 2006
- Wararkii ugu dambeeyay ee Safka hore ee ay isku
hor fadhiyaan Ciidamadda..
- Shir xasaasi ah oo u socda saraakiisha sar
sare ee Maxaakiimta..
- Shir ay isugu yimaadeen Beesha Dirirsame ee Gaaljecel..
- Ciidamo Itoobiyaan ah oo soo galay xalay Magaaladda
Galkacyo ..
- Garowe: Bajadkii Caasimada
Puntland waxa uu saaran yahay miiska wasiirka maaliyada DGPL.
Tacsi:
Inaa lilaah wa innaa
ileyhim raajicuun
Dhammaan Shaqaalaha iyo Maamulka. Hay’adda Danwadaag Relief &
Development organisation, oo fadhigeedu yahay Magaalada Leicester, waxa
ay tacsi u dirayaan, dhammaan qoysaski iyo eheladi uu ka geeriyooday
Allaha u Naxariistee Marxuum Maxamed Ashkir, oo si lama filaan ah ugu
geeriyooday magaalada Leicester.
Maxamed Ashkir waxa uu ka mid ahaa odayaasha hormuudka u ah Bulshada
soomaaliyeed ee ku nool Magaalada Leicester, waxa uuna ka geeriyooday
dhammaan jaaliyadda Soomaaliyeed ee ku nool Leicester.
Waxa aanu leenahay Allaha isagana Janatul ferdowsa ka waraabiyo,
ehelkiisa iyo guud ahaan reer Leicester na waxaan leeyahay samir iyo
iimman allaha idinka siiyo.
Aaamiiin
Maamulka Danwadaag
Laxiriir: abdi joje | saicentadv@yahoo.com
|
Wararkii ugu dambeeyay ee Safka hore ee ay isku
hor fadhiyaan Ciidamadda..
Waxaa sii xoogeysanaya cabsida laga qabo in uu dagaal qaraar uu dhex maro
ciidamada Itoobiya ee maalmahan ku soo qulqulayey magaalada Baydhabo iyo kuwa
Maxaakiimta Islaamiga ah ee iyana ku sugan Gobalka Bay, waxaana labada dhinac
soo gaaraya gurmadyo aad u xoogan, waxaa maalintii shalay ahayd magaalada
Muqdisho ka baxay ciidan aad u xoogan, iyagoo ku sii jeeda safka hore ee
deegaanka Buur-Hakaba, ciidankaasi ayaa la sheegay inay ka leexdeen wado ka
tagta magaalada Buur-Hakaba, ilaa iyo hadda lama garanayo halka ay ku wajahan
yihiin.
Ciidamadii Dowladda Federaalka ee ku sugnaa
xerada Daynuunaay ayaa shalay gebi ahaanba halkaasi laga saaray, waxaana
booskoodii lagu soo buuxiyey Ciidamo Itoobiyaa, waxaana Ciidamadii Dowladda
Federaalka dib loogu celiyey Xerada Manaas, inkastoo Saraakiisha Ciidamadaasi ay
arrintaasi si aad ah uga caroodeen, waxaana laga cabsi qabaa inay sameeyaan
Gadood.
Ciidamada Itoobiya iyo kuwa Maxaakiimta
Islaamiga ah ayaa isku jira wax ka yar 10Km, iyadoo dadkii ka ag dhawaa goobaha
la isku hor fadhiyo ay shalay ka cararayeen iyagoo u qaxaya Magaalada Muqdisho
iyo Baydhabo.
Sarkaalka hogaaminaya Ciidamada Itoobiya ayaa
la sheegay in uu shalay soo kormeeray safka hore ee Ciidamada ku sugan yihiin,
waxa uuna siiyey dardaarankii ugu dambeeyay, sidoo kale Saraakiisha Maxaakiimta
Islaamiga ah ayaa iyana dhiiragelin u tagay safka hore, waxaana loo sheegay inay
u diyaar garoobaan dagaal qaraar oo lala galayo caddowga Ummadda Soomaaliyeed ee
Itoobiya.
Garoonka Diyaaradaha ee Magaalada Baydhabo ayaa
waxaa ka socda hawlo aad u baaxad weyn, waxaana shalay ka soo degayey diyaarado
waaweyn oo siday ciidamo la sheegay in laga keenay wadanka Uganda oo la sheegay
in ay gashan yihiin Dareeska Ciidamada Itoobiya, isku soo duuboo waxaa muuqda
saansaantii ugu dambeysay ee dagaal ka dhex qarxa Maxaakiimta iyo Ciidamada
Itoobiya.
Shir xasaasi ah oo u socda saraakiisha sar
sare ee Maxaakiimta..
Iyadoo Dowladda Itoobiya ay caddeysatay inay weerar ku qaadeyso Golaha
Maxaakiimta Islaamiga ah oo inta badan haysta Dalka Soomaaliya, isla markana
nabad ku soo dabaalay ayaa waxaa arrintaani aad uga gilgilshay shacabka
Soomaaliyeed oo ku tilmaamay hadalada ka soo yeeray Miles Zenawi kuwo gardaro
ah.
Waxaa shir xasaasi ah uu u socdaa saraakiisha sar sare ee golaha Maxaakiimta,
waxaana shirkaasi shir guddoominaya madaxa amniga Golaha Maxaakiimta Sheekh
Yuusuf Indhacadde, waxaana la sheegay in labo shir uu ka dhacay gobalada Bay iyo
Sh/hoose, iyadoo loo diiday in saxaafaddu ogaato waxyaaabaha rasmiga ah ee looga
hadlayo shirarkaasi.
Dhamaan Saraakiisha Ciidamada Maxaakiimta Islaamiga ah ayaa waxay wateen dharkii
lagu yaqiinay ciidamada, waxayna dhamaantood isku dhaarsadeen in ay Itoobiya ka
difaaci doonaan Gudaha Dalka Soomaaliya.
Saraakiisha ayaa loo qaybiyey dhowr qaybood kuwo waxaa loo xilsaaray dhinaca
Hubka, kuwo gaadiidka, kuwo Tiknikada kuwana ciidamada.
Shir ay isugu yimaadeen Beesha Dirirsame ee Gaaljecel..
Shir ay isugu yimaadeen beesha Diri-same oo ka mid ah beelweynta Gaaljecel oo ay
ka qeyb galeen xubno isugu jiray odayaal, aqoonayano, ganacsato, dhalinyaro iyo
haween loogana hadlayay xaaladda ka jirta dalka muddooyinkan socday ayaa lagu
soo gabo gabeeyey magaalada Muqdisho.
Shirweynahan ayaa ka kala socday magaalooyinka B/weyne, demgada Ceelcali iyo
jubbooyinka ayaa gabo gabadii beeshu isla garatay qodobadan: in la sameeyo gudi
ku meel gaara oo socodsiiya arrimaha soo socda, qaab dhismeedka gudiyada iyo
howlohooda iyo qorshaha ay ku wada shaqeyn lahaayeen iyo maamul dhameystiran 3
Gabo-gabadii shirweynahaasi ayaa waxaa lagu doortay gudi farsamo oo uu
guddoomiye u yahay Dr. Xasan Cabdulle Cali, guddoomiye kuxigeen Abiikar Aadan
Isaaq, Xogheyn, C/rashiid Sheekh Amar. Gudigan ayaa waxay howshiisu noqon
doontaa inuu soo dhiso labo gole oo kala ah, gudi ganacsi iyo golaha
aqoonyahanada oo ay leedahay beesha Dirisame ee Gaaljecel iyo dardargelinta
Maxkamada Degmada Ceel Cali.
Xubnahii kulankaa ka hadlay ayay ka mid ahaayeen Nabadoon Yuusuf Aadan Maadey,
Nabadoon Macalin Isaaq Nuur, Nabadoon Cumar Daa’uud Yoonis, Nabadoon Cabdi
Haaruun (Cabdi Dhagay) Aadan Maajoor iyo Xubno Kale.
Ciidamo Itoobiyaan ah oo soo galay xalay Magaaladda
Galkacyo ..
Wararka naga soo gaaraya magaalada Gaalkacyo waxay sheegayaan in ciidamo
Itoobiyaan ah oo wata ilaa iyo 50 Tikniko ah ay soo galeen Magaalada Gaalkacyo,
kuwaas oo isku qaybiyey labo qaybood kana degay labo goobood Magaalada Gaalkacyo.
Ciidamada Itoobiya ayaa waxaa la sheegay inay ku wajahan yihiin dhinaca Aaga
Bandiiradley, waxaana laga cabsi qabaa in saacadaha Soo socda ay dagaalo ka
dhacaan Aagaasi, waxaana Gobalada Dhexe xalay oo dhan ku qulqulayey ciidamo aad
u xoogan oo wata Tikniko, sidoo kale ciidamo iyana aad u xoogan ayaa u dhaqaaqay
dhinacaa iyo Gobalka Bay.
W/D Amiin Yuusuf Khasaaro
E-Mail amiinkhasaaro@hotmail.com
Garowe: Bajadkii Caasimada
Puntland waxa uu saaran yahay miiska wasiirka maaliyada DGPL.
Shir looga hadlayay ammaanka Guud ee DGPL gaar ahaana kan Caasimada puntland ee
Garowe oo ay isugu yimaadeen Odoyaasha, aqoonyahanada, waxgaradka iyo Golaha
deegaanka Degmada Garowe ayaa ka dhacay Hoolka shirarka ee Degmada Garowe.
Shirkan looga hadlayay Nabad galyada oo ay soo qaban qaabiyeen xubnaha dawlada
hoose ee golaha deegaanka Degmada Garowe ayaa ugu horaynba waxaa halkaasi ka
hadlay Gudoomiyaha Degmada ahna Duqa Degmada Garowe Mr: C/qaadir Foodcade oo
sheegay in ay haboontahay wada tashigu isla markaana loo baahan yahay sidii loo
hormarkin lahaa Degmada Garowe in la iska kaashado dhan walba oo wax qabad u
baahan.
Duqa degmada Garowe ayaa goobtiii shirka ee maanta ka cadeeyay in waxyaabo badan
ay u dhamaadeen Degmada waxana uu shegay in ay u dhamaadeen, sharcigii caasimada
lagu dhiqilahaa, sidoo kalena waxa uu sheegay in miisaaniyadii loo dajiyay balse
buuyiri ay saarantahay Miiska Wasiirka wasaarada maaliyada DGPL.
Duqa degmada Garowe ayaa ku booriyay Odayaasha in ay ku dadaalaan sidii ay
xaqooda u dhacasanlahaayeen islamarkaana loo baahan yahay in mar walba laga wada
tashado wixii dagmada u qabsoomay oo aan cidna lagu halayn balse si wada jir ah
wax loo wada baadi goobo.
Dhamaan Duqaydii iyo Odayaashii halkaasi isugu timid ee kana hadashay ayaa
sheegay in mar walba wada tashigu fiican yahay islamarkaana meel looga soo wada
jeensado cid allaaliyo cidii amaanka wax u dhimaysa islamarkaana laga wada
shaqeeyo hormarka degmada.
A/rizak koronto
Garowe Puntland
Faafin: Nov 27, 2006
Guddoomiyaha Baarlamaanka DFKMG iyo Guddoomiyaha Golaha Shuurada oo Heshiis
Wada Saxiixay
Shariif Xasan iyo Sh. Aweys ayaa wada saxiixay
go'aano
Akhri
SomaliTalk
oo Waraysi la yeelatay Faarax Macallin Dawaara
oo ah siyaasi aad
looga yaqaan Kenya iyo Soomaaliya waraysigii aan la
yeelanay
Ka Dhegeyo halkan
BAYAAN JAALIYADDA DENMARK
oo ku wajahan
Puntland...
ka akhri halkan...
Jaamacadda Carabta oo ka digtay in ay Itoobiya
weerar ku qaado..
»Warar
ku saabsan xaaladda Magaalada Baydhabo..
»18
wadaado Tabliiq oo loo taxaabey Xabsiga Baydhabo
»Khudbaddii
Salaadda Jimcaha ee shalay oo ay Culimada ku
Wararka oo dhan ka akhri halkan... Guji... Nov
25
Maxaa Keenay
Guuldarada Ardeyda Soomaaliyeed
Sweden: warbixin uu soo diyaariyey macallin
Soomaaliyeed
Guji
Maxkamadaha:
Dhuxusha HAA, Qaadka MAYA?
Golaha
Maxaakiimta Islaamiga ah ayaa mar kale fursad siiyey kuwa Xaalufiya Dhirta
ayagoo dhanka kalena olole xooggan ugu jira la dagaalanka qaadka..
Akhri
Nov 23
»Qaar
ka mid ah Haweenka G/banaadir oo loo tababaray mashruuca ka faaiideysiga
Tamarata Qoraxda
»Leicester , UK::
Soo Bandhigid Dhaqan Soomaali
|