Munaasabad
loo sameeyay furitaanka sanadkii Waxbarashada ee Jaamacada Niileyn
Waxaa habeenkii xalay ahaa xaflad isugu
jirtay furitaanka sanad-dugsiyeedka 2006-2007 ee Jaamacadda Niiley faraceeda
Muqdisho, Sagootinta Ustaad C/rixiin Cabdala oo ahaa madixii kormeerayay
imtixaanaadkii laga qaadayey ardaydii ku jirtay jaamacadaasi iyo afur loo
sameynayey marti ka kala socotay qaybaha kala duwan ee Bulshada ayaa waxaa
ugu horeyntii halkaasi ka hadlay guddoomiyaha Jaamacadda Niileyn C/qaadir
Macalin Max’ed Geeddi oo sheegay in Jaamacadda Niiley ay tahay Jaamacad muqo
50 sano iyo wax ka badan soo jirtay, iyadoo sanad kasta ay ka qallin
jabiyaan kumaanan kun oo ku kala nool Daafaha Dunida, isagoo sheegay in
Jaamacadda Niileyn ee Magaalada Muqdisho ay ka kooban tahay Maamulka
Ganacsiga, Xisaabaadka Ganacsiga, Dhaqaalaha, Caymiska, Culuunta Siyaasadda
iyo Cilmiga Bulshada, Sidoo kale waxaa Jaamacadda lagu bartaa Daraasaadka
Islaamka, Cilmu Nafsiga iyo Luuqadaha Carabiga iyo INGIRIISKA. Waxaa kalloo
ka hadlay Safiirka Suudaan ee Soomaaliya Cumar Aseyn Al-Axmed oo isna
sheegay in uu aad ugu faraxsan yahay in uu caawa ka qaybgalo xaflad loo
sameynayo Jaamacadda Niiley Faraceeda Muqdisho, sidoo kale waxaa ka hadlay
Dr. C/Rixiin Cabdala oo ah madixii kormeerayey imtixaanaadkii
sanad-dugsiyeedka 20056-2007, isagoo ka yimid Suudaan, waxa uuna sheegay in
nabadgelyada ka jirta Soomaaliya ay u saamaxeyso in qaybo kale oo ka tirsan
Jaamacaddaasi ay ka furaan Soomaaliya
Max’ed
Ibraahim Bilaal “Waxaa rabnay inaan idiin keeno Amxaaro nool nool”
Guddoomiyaha Maxkamadda ee Al-Bayaan ee ka
hawlgasha Gobalada Bay iyo Bakool ayaa waxa uu sheegay in maalintii shalay
ahayd Ciidamo Itoobiyaan ah ay soo weerareen deegaano ka tirsan Magaalada
Buur-Hakaba oo ka tirsan gobalka Bay.
Ciidamadaas ayuu sheegay inay aad u
hubeysnaayeen isagoo sheegay in ay qalqlgeliyeen dad-weynaha ku nool
Magaaladaasi oo uu sheegay inay kula kaceen falal ka baxsan
bini’aadannimada.
“Markaan u diyaar-Garoownay, anagoo gacan ka
heleyna Bulshada ku nool Magaalada Buur-Hakaba ayay cagaha wax ka dayeen”
ayuu yiri Bilaal oo intaa raaciyey “Nasiib daro nooma suurogelin in aanu
keeno Amxaaro nool nool si aan u tusno Beesha Caalamka”.
Bilaal waxa uu meesha ka saaray inay xoog kula
wareegeen Magaalada Buur-Hakaba, isagoo sheegay inay magaalada galeen markii
ay ka baxeen Ciidamadii Itoobiyaanka ahaa ee soo galay, hase yeeshee mas’uul
u hadlay Dadka deegaanka ayaa waxa uu sheegay in ay is rasaaseyn kaddib ay
magaaladaasi kula wareegeen Maxaakiimtu.
Sheekh Shariif oo iclaamiyey Jihaad..
Sheekh Shariif Sheekh Axmed oo ah Guddoomiyaha
Guddiga Fulinta ee Maxaakiimta Islaamig ah ayaa shalay shir jaraa’id ku
qabtay Villa-Baydhao, waxa uuna shirkaasi jaraa’id ku faahfaahiyey ciidamo
Itoobiyaan ah oo soo galay deegaano ka tirsan Dalka, waxa uuna si gaar ah
farta ugu fiiqay magaalada Buur-Hakaba oo uu sheegay in ay dadkii deganaa
halkaasi ay kula kaceen falalkii ay kula kici jireen dadka Soomaaliyeed ee
ku nool xuduudaha u dhexeeya Itoobiya iyo Soomaaliya.
Sheekh Shariif waxa uu u soo jeediyay
Ciidamada Maxaakiimta meel kasta oo ay joogaan in ay u diyaar garoobaan
jihad looga hortago ciidamada Itoobiya ee soo galay gudaha wadanka
Soomaaliya.
Ugu dameyntii waxa uu sheegay Sheekh Shariif
in ay ku dagaalami doonaan wada ilaahey ayna dhinacooda guushu ahaan doonto,
waxaa la qiyaasayaa in ay gebi ahaanba burbureen wada hadaladii u dhexeeyay
Maxaakiimta iyo Dowladda Federaalka, kaddib markii kooxba kooxda kale ku
eedeysay inay mas’uul ka tahay hirgelin la’aanta heshiiskii khartuum.
Dhinaca kale Sheekh Yuusuf Max’ed Siyaad Indha-Cadde oo ah madaxa ammaanka
Maxaakiimta Islaamiga ah ayaa isna waxa uu caalamka u soo jeediyey inay la
socdaan faragelinta ay Itoobiya ku hayaan Soomaliya.
C/raxmaan Diinaari “Ciidamada Dowladda waxay u
tageen Buur-Hakaba sidii ..
Iyadoo maalintii shalay ahayd lagu waramey in
ay ciidamo isugu jira Kuwa Dowladda Federaalka iyo kuwo Itoobiyaan ah ay soo
galeen magaalada Buur-Hakaba ayaa afhayeenka Dowladda C/raxmaan Nuur Max’ed
(Diinaari), waxa uu sheegay in ay magaalada Buur-Hakaba tageen ciidamo ka
socday Dowladda Federalka, ayna halkaasi u tageen si ay u soo eegaan
xaaladda nabadgelyo ee Magaalada, isagoo sheegay in dadka ku nool
Buur-Hakaba ay yihiin kuwo taageersan Dowladda.
C/.raxman Diinaari waxa uu beeniyay inay
shalay Buur-Hakaba galeen ciidamo Itoobiyaan ah, waxa uuna wararkaasi ku
tilmaamay kuwo ay faafinayaan Maxaakiimta Islaamiga ah oo uu sheegay inay
uga danleeyihiin in ay sidii ay weerar ugu soo qaadi lahaayeen Magaalada
Baydhabo oo xarun u ah Dowladda.
Ciidamo ka tirsan Maxaakiimta Islaamiga oo ku
sii qulqulaya..
Shalay ayaa waxaa Magaalada Buur-Hakaba soo
galay Ciidamo ka tirsan Dowladda Federaalka iyo kuwo Itoobiyaan ah, hase
yeeshee markii maxaakiimtu ay maqleen arrinkaasi ayaa waxay ciidamada
Maxaakiimta loo soo jeediyey inay u diyaar garoobaan jihad.
Markiiba waxay ciidamada Maxaakiimtu u
dhaqaaqeen dhinacaa Buur-Hakaba iyagoo u socda gutu-guutooyin kuna hubeysan
hub aad u culus.
Ciidamadii ku xareysnaa Carbiska iyo Laanta
Buuro ayaa iyana u dhaqaaqay dhinacaa iyo Buur-Hakaba, waxaana laga cabsi
qabaa in uu iska hor imaad xoogani dhex maro Ciidamada Maxaakiimta islaamiga
ah iyo kuwa Dowladda Federaalka ah oo taageero xoogan ka hela kuwo
Itoobiyaan ah, sidoo kale shacabka Soomaaliyeed ayaa si aad ah uga soo
horjeeda inay dalkooda soo galaan Ciidamo Itoobiyaan ah.
Faahfaahin Dheeraad ah oo ku saabsan
Buurhakaba..
Maalintii shalaya ahayd ayaa ciidamo isugu
jira Dowladda Federaalka iyo kuwo Itoobiyaan ah waxay soo galeen oo ay la
wareegeen Magalada Buur-Hakaba oo 60Km u jirta magaalada Baydhabo.
Ciidankaasi oo saacado kooban fadhiyay
halkaasi ayaa waxay la kulmeen Odoyaasha iyo Waxgaradka Magaaladaasi, iyagoo
u sheegay in Buur-Hakaba ay tahay magaalooyinka laga taageersan yahay
Dowladda Federaalka, iyagoo sheegay in wixii haatan ka dambeeya ay sugi
doonaan ammaanka.
Ciidamada Itoobiya iyo kuwa kale ee Soomaalida
ah ee la socday ayaa waxaa wajiyadooda laga dareemayey cabsi iyo walwal
kaddib markii la soo gaarsiiyey, in ay magaalada Buur-Hakaba ku soo wajan
yihiin Ciidamada Maxaakiimta Islaamiga.
Ciidamadii halkaasi ku sugnaa ayaa waxay
maqleen rasaas meel fog ka dhaceysa, waxayna taasi gelisay dareen, waxaana
lagu amray in ay dib uga soo gurtaan Buur-Hakaba, iyagoo markii dambe ay soo
glaeen maleeshiyooyinka Deegaanka.
Ciidamada Itoobiyaa ayaa markii dambe waxay ku
xaroodeen xerada Daynuunaay, iyadoo mas’uul u hadlay deegaanka Buur-Hakaba
uu sheegay inay dhacday is rasaaseyn ay kaga dhinteen hal qof, saddex kalana
ay kaga dhaawacmeen, balse ma sheegin khasaaraha dhinaca kale gaaray.
W/D Amiin
Yuusuf Khasaaro
E-Mail :
amiinkhasaaro@hotmail.com
Safiirka Suudaan ee Soomaaliya oo sheegay in
in Dowlada Suudaan ay ku rajo.
Safiirka Dowladda Suudaan u fadhiya Soomaaliya
Cumar Azeyn Al-Axmed ayaa waxa uu sheegay in Dowladda Suudaan ay aad ugu
rajo weyn tahay in ay wax ka soo baxaan Shirka 30 bishan ay isugu imaanayaan
Maxaakiimta Islaamiga ah iyo Dowladda Federaalka.
“Haddii la wada hadlo, waa talaabo horey loo
qaaday” ayuu yiri Safiirka oo intaa raaciyey “Dowladda Suudaan 50 sano ay ku
soo jirtay dagaal sokeeye, maanta waxay goosteen in ay wax walba ku xaliyaan
wada hadal iyo is afgarad”.
Safiirka oo xalay ka qudbeynayey xaflad lagu
furayey sanad Jaamacadeedka 2006-2007, ayaa waxaa kalloo sheegay in Dowladda
Suudaan ay aad ugu faraxsan tahay nabadgelyada ka soo cusboonaatay Dalka
Soomaaliya taas oo uu sheegay inay keeni karto horumar iyo barwaaqo.
Safiirku waxa uu sheegay in Dowladda Suudaan ay weligeed wadi doonto sidii
ay Soomaaliya cagaheeda isugu taagi lahayd.
Dowladda Federaalka oo beenisay in ay dalka
soo galeen Ciidamo..
Afhayeenka Dowladda Federaalka C/raxmaan
Diinaari ayaa si kulul u beeniyay in ay dalka soo galeen ciidamo ka socda
Dalka Itoobiya, waxa uuna wararkaasi ku tilmaamay mid lagu baneysanayo in
Maxaakiimtu ay dagaalo ka ridaan magaalada Baydhabo oo xarun u ah Magaalada
Baydhabo.
“Iyaga ayaa u yeeraya maxaakiimtu ciidamada
Shisheeye” ayuu yiri C/raxmaan Diinaari oo sheegay in Maxaakiimta Islaamiga
ah ay yihiin kuwii ku xadgudbay heshiiskii Khartuum isagoo sheegay inay
dagaalo ka wadaan qaar ka mid ah gobalada Dalka.
Wuxuu sheegay C/raxmaan Diinaari in Dowladda
Federaalku ay diyaar u tahay inay ka miro dhaliso heshiiskii Khartuum ee u
dhexeeyay Dowladda Federaalka ah iyo Maxaakiimta, hase yeeshee waxa uu
sheegay in deegaanada ay ku sugan yihiin maxaakiimtu ay ka wadaan caburin,
waxa uuna si gaar ah farta ugu fiiqay Magaalada Kismaayo oo uu sheegay in ay
ka wadaan falal ay si aad ah uga xumaadeen bulshada ku nool Magaalada
Kismaayo.
Geeddi oo shaaciyey in haddii aan Dowladdu la
taageerin ay halis ugu jirto..
Cali Max’ed Geeddi oo dhawaan kulan la yeeshay
Safiirka Talyaaniga u fadhiya Soomaaliya ayaa waxa uu u sheegay in Dowladda
Federaalka ah ay u baahan tahay in laga saacido dhinaca ammaanka si ay u
fushato hawlaheeda waxa uuna ula jeeday sidii dalka loo keeni lahaa Ciidamo
Shisheeye oo gacan siiya Dowladda Federaalka.
Geeddi waxa uu sheegay in Soomaaliya ay ku sii
kordhayaan wax uu ugu yeeray kooxaha Argagixisada ah, kuwaas oo uu sheegay
in laga dareemi doono wadamada Geeska Afrika haddii aan si dhaqsi leh looga
hortagin.
“Shirkii Nayroobi ee lagu dhisay Dowladda
Federaalka ah, waxay beesha caalamku ballanqaaday in Dowladda laga taageeri
doono dhinaca ammaanka, hase yeeshe ilaa iyo haatan ma jiraan cid arrinkaasi
ka dhabeysay” ayuu yiri Cali Max’ed Geeddi oo sheegay in mudadii ay dhisneyd
Dowladda Federaalka ah ay wax u qaban weyday arrimo la xiriira dhinaca
ammaanka, waxa uuna safiirka ka codsaday in uu gacan ka gaysto sidii
Soomaaliya looga qaadi lahaa cunaqabateynta hubka, si ay dalka u yimaadaan
Ciidamo nabad ilaalin ah oo gacan siiya Dowladda Federaalka.
Warar ku
saabsan Xaaladda Magaalada..
Warar naga soo gaaraya Magaalada Kismaayo
waxay sheegayaan in xaaladda Magaalada Kismaayo ay haatan degan tahay kaddib
markii ay doraad ka dhaceen banaanbaxyo rabshado watay kuwaas oo looga soo
horjeeday maamulkii ay dhawaan maxaakiimtu kaga dhawaaqeen Magaalada
Kismaayo, waxaa dib loo furay ganacsigii, sidoo kale waxaa dib loo furay
jidadkii ay xireen dadkii banaanbaxayey.
Dadka ayaa lagu
amray in aysan socon Karin wixii ka dambeeya 9:00 habeenimo, waxaa magaalada
lagu arkayey wixii waqtigaa ka dambeeya ciidamo hubeysan oo gaaf wareegaya.
Sidoo kale waxaa Dekedda Kismaayo shalay ku soo xirtay markabkii labaad oo
sida badeecooyin kala duwan, sidoo kale, waxaa iyana dib u furmay
wadooyinkii ka bixi jiray Magaalada Kismaayo ee tagi jiray gobalada ku dhow
dhow magaalada
Sheekh Shariif oo kulan la yeeshay safiirka
wadanka talyaaniga u fadhiya..
Guddoomiyaha Golaha Guddiga Fulinta
Maxaakiimta Islaamiga ah Sheekh Shariif Sheekh Axmed ayaa maalintii shalaya
ahayd kulan gaar ah kula yeeshay safiirka Talyaaniga u qaabilsan Soomaaliya
Mario Riffeli, waxana kulankaasi la iskula soo qaaday arrimo la xiriira
xaaladda uu haatan dalku marayo, iyo sidii uu u qabsoomi lahaa kulan ka
horeeya midka Khartuum oo ay isugu imaanayaan Dowladda Federaalka iyo
Maxaakiimta kaas oo ka dhacaya Magaalada Nayroobi.
Maxaakiimta ayaa waxay sheegeen in ay diyaar u
yihiin in ay ka qaybgalan kulanakaasi, hase yeeshee waxay sheegeen in loo
baahan in marka hore la fuliyo heshiiskii lagu gaaray magaalada Khartuum kal
hore.
Sheekh Shariif waxa uu sheegay inay mar kasta
ka soo horjeedaan in dalka la keeno cidamo shisheeye, waayo ayuu yiri maanta
dalka waa uu xasiloon yahay, sidoo kale waxa uu safiirku sheegay in
Maxaakiimta iyo Dowladda Federaalka looga baahan yahay inay muujiyaan
dabacsanaan iyo isku kalsoonaan.
Indha Cadde oo ka warbixiyey safar uu ku.tagey
wadanka .
Madaxa Ammaanka ee golaha Maxaakiimta Sheekh
Max’ed Siyaad (Indha-Cadde) ayaa ka warbixiyey safar uu ku tagay dalka
Imaaraadka Carabta waxa uuna sheegay in uu halkaasi kula kulmay mas’uuliyiin
ka socotay Dalka imaaraadka Carabta iyo Jaaliyadda Soomaaliyeed ee ku dhaqan
Dalkaasi, waxa uuna uga warbixiyey xaaladda uu haatan dalkku marayo, isagoo
sheegay in 100% la isku haleyn karo nabadgelyada Dalka Soomaaliya, gaar
ahaan gobalada ay ka taliyaan Maxaakiimta Islaamiga ah.
Waxa uu sheegay Yuusuf Indha-Cadde in
ganacsatada ku nool Dalka Imaaraadka Carabta uu ka dhaadhiciyey sidii ay uga
qayb-qaadan lahaayeen difaaca dalka oo uu sheegay in ay u soo hanqal
taagayaan Ciidamada Itoobiya.
Maanta ayaa la filayaa in Yuusuf Indha-Cadde
in uu gaaro Gobalka SH/hoose isaga oo ay la socdaan qaar ka mid ah
Xildhibaanada Baarlamaanka oo uu ku jiro Pof. C/raxmaan Ibbi, mar la
wareystay Ibbina waxa uu sheegay inuu aad ugu faraxsan yahay in Dadka ku
nool Gobalka Sh/hoose ay dib u helaan maamulkoodii.
W/D Amiin Yuusuf Khasaaro
E-Mail :
amiinkhasaaro@hotmail.com
Ugaas Maxamed Weli:: Barre
Hiiraale Kismaayo ma maamuli jirin ee Xamar baa laga maamulayey
Sidaas waxaa yiri Ugaaska beesha Mareexaan ahna afhayeenka salaadiinta
beelaha Daarood., sidaas waxa uu yiri mar waraysi lala yeeshay, Waxan auu
Barre Hiiraale ugu baaqay in uu qaato Nabada, markaasna loo ballan qaaday
jagadii uu ka doono in laga siinayo Maxkamadaha, waxaana taas shardi u ah in
uusan daadin dhiiga "mareexaan", waa sida uu hadalka u dhigay'e"...
Dhegeyso
Halkan..
Addis Ababa: Wiil dhalin yaro ah oo lagu
dilay Addis Ababa dhexdeeda.
Wararka ka imaanaya magaalada caasimada u
ah dalka Ethiopia ee Addis Ababa ayaa sheegaya in ay toogasho ku dileen
ciidamada Ethiopia wiil dhalin yaro ah.
Wiilkan dhalin yarada ah ee la togtay ayaa
ahaa arday, waxa la sheegayaa in Ardey la oran jirey Wondwosen Gutu oo wax
ka dhigan jirey dugsiga sare ee Medhanialem ay ciidanka federaalku
toogasho ku dileen.
Ardeygan oo ahaa 16 jir ahaana xubin
firfircoon oo ka tirsan uruka mucaaradka ah ee loo yaqaan (Kinijit).
Ardaygan la dilay ayaa waxa uu maalin ka
hor qeeybiyey waraaqo ah jadwalka kacdoonka dadweeynaha kuwaas oo ka dhan ah
xukuumada kaligiis talisnimada Ethiopia waraaqhaasoo si wayn looga
akhristay caasimada.
Galabnimada Axada ardeygu mar uu ka soo
laabanayey fiirsiga ciyaaraha ee English Premier ayeey ciidanka federaalka
loo yaqaan dhexda u galeen kadibna ay toogasho ku dileen.
maahan markii ugu horaysay ee ay ciidamda
Ethoipia ay si bareero ah fal dil ah ay u gaystaan Ardayda wax ka barata
dugsiyada iyo jaamacadaha dalkaasi Ethiopia waxaana jiray arday badan oo
ilaa iminka la layhaay qaarkoodna la helay maydkoodii kuwasoo u badan Oromo,
ayna ku jiraan Somali, Amxaro iyo qoomiyadaha kale ee dalkasi wadda daga.
A/rizak koronto
Garowe puntland
Qoraal dheer iyo sawiro oo ka so
baxay xafiiska gudoomiyha golaha safalaka & horumarinta somaliyeed
oo uu ku saxiixnaa sh : axmed maxamed suleemaan oo na soogaarey ayaa
waxaa ay ahaayeen sidaan ,
Somali Relief &
Development Council
المجلس الصومالي
للأعمال الخيرية والتنمية
Tel: 854155,
235646, 930773: Mobile: 577471, 552755, 506308
Email:
kaalmeeye@hotmail.com
Web:
www.samafale.com
Ref: G.S.H.S/26/06
Date: 09 / 10 /2006 16/ 09 /1427.H. Muq.Somalia.
Wejigii labaad ee xiridda biyaha
ee webiga Shabeelle oo la soo gebagebeeyay
Ilaahay fadligiisa waxaa lagu
guuleystay in la soo gebogebeeyo wejigii labaad ee xiridda biyaha
webiga Shabeelle , waxaana lagu guuleystay maalintii jimcaha
6/10/2006 in la xiro halkii ugu darneyd ee webigu ka goostay oo
aheyd buqda Moyko, taasoo dhanka koonfureed kaga beegan magaalada
Jowhar , waxaana xiritaanka biyahaas qeyb weyn ka qaatay Golaha
Samfalka & Horumarinta Soomaaliyeed oo gacan ka helay maamulka,
ganacsatada,,dadweynaha & Hay’adaha gobolka qaarkood
Haddaba mar haddii lagu guuleystay
xiritaanka Buqda Moyko , waxaa loo baahan yahay arrimaha soo socda
:-
- In kaalmo lala gaaro dadkii
waxyeelladu ka soo gaartay fatahaadda , dadkan oo ka barakacay
guryahoodii , dalaggii beeruhuna ka go’ay.
- In la hagaajiyo jidadkii ay
gooyeen biyuhu , kuwaas oo burbur lixaad leh soo gaaray, waxaana
ugu horreeya jidka dheer ee isku xira Muqdisho iyo Magaalada
Jowhar.
- In la carro tuuro meelaha laga
yaabo in ay biyuhu mar kale ka goostaan, si looga hortago
fatahaado cusub iyadoo xilligii roobkuna soo dhaw yahay.
Dhanka kale mashruucii tabarrucaad
ururinta ahaa ee ay qabanqaabisay Shirkadda warbaahint Horn Afrik
taariikhdu markii ahayd 22/09/2006, taasoo lagu yaboohay lacag dhan
$27,075 waxaa ilaa hadda lacagtaas ka soo xerooday lacag dhan
$18999.25 oo u dhiganta 70 % lacagihii la ballan qaaday,waxaa kaloo
la soo gaarsiiyey Golaha alaabooyinkii la yaboohay oo ay ka mid
ahaayeen Cirbadaha kaneecada , Maro kaneecooyin , Faleebooyin iyo
Timir , taasoo dhammaan la gaarsiiyey goobihii dhibku ka dhacay.
Haddaba waxaa ka mid ahaa
shirkadihii ama Hay’adihii dowrka weyn ka qaatay bixinta
tabarrucaadkaas wixii ay yabooheenna bixiyey:-
-Dahabshiil , Global Money
Transfer, Jubba Airways, Africa Muslim agency , Nadwa Al –shabaab
Alcaalamal Islaami(WAMY) , Shirkadda S company, shirkado iyo
shakhsiyaad kale oo bixiyay lacagihii ay ballan qaadeen.
Waxaa kaloo jira lacago kale oo soo
gaaray Golaha oo aan horay loo yaboohin taasoo gaaraysa :$8500 ,Waxaana
ka mid ah shirkadaha lacagahan ku deeqay :-
-Shirkadda Hormuud : $ 5000 -
Xawaaladda Amaana : $1000
- Ganacsatada daawada : $ 1500
– qaar ka mid ah Jaaliyadda Soomaaliyeed ee ku dhaqan Jarmalka
: $850
Isu geyn lacagaha u soo ururay wax
ka qabadka dhibaatada Fatahaadda webiga Shabeelle ilaa hadda waa : $
27,299.25
Baaq
Golaha Samafalka & Horumarinta
Soomaaliyeed wuxuu ugu baaqayaa dhammaan shacabka Soomaaliyeed in ay
is kaalmeeyaan , maadaama lagu jiro Bisha Ramadaan ee Barakaysan,oo
ajarka camalka wanaagsan la labalaabaayo.
Haddaba ciddii afurinaysa dad
sooman ama dhiibeysa Zako( fidri ama Zakada Maalka) Goluhu wuu soo
dhoweynayaa , wuxuuna u balan qaadayaa in uu gaarsiiyo ciddii loogu
talagalay, ogaadana qofkii qof sooman afuriya wuxuu leeyahay
ajarkiisoo kale, sida uu caddeeyay Nebigeenna suubban (NNK) .
Mahad celin
Golaha samafalka & Horumarinta
Soomaaliyeed wuxuu u mahadcelinaya Shirkadaha iyo shakhsiyaadka ku
tabarrucay kaalmadii loogu talagalay wax ka qabashada dhibaatada
fatahaadda webiga Shabeelle.,iyo warbaahinta qeybta lixaadka leh ka
qaadatay hawshan,sidoo kale Goluhu wuxuu u mahadcelinayaa maamulka ,
iyo dadweynaha gobolka Sh/Dhexe oo intii tabartooda aheyd ku
dadaalay wax ka qabadka arrintaas.
Goluhu wuxuu ka codsanayaa dadka
aan weli bixinnin tabarrucaadkii ay yabooheen iyo kuwa doonaya in
ay ka qeybqaataan tabarrucaadka in ay soo dedejiyaan waxa ay
bixinayaan , kuna soo hagaajiyaan acounada Goluhu ku leeyahay
shirkadaha xawaaladaha .
Cid kastoo walaalahood kaalmeysana
waxaan ugu duceynaynaa inuu Alle u kaalmeeyo ,uuna ugu bedello wax
ka kheyr badan wixii ay baxsadeen, Aamiin .
Guddoomiyaha Golaha
Samafalka & Horumarinta Soomaaliyeed
Sh Axmed Maxamed Suleymaan
Muuse maxamuud Jiisow
musejisow@hotmail.com
muqdisho somaliya
002521576666/002521653623