Warbixin dheer oo ku
saabsan Qaraxyadii shalay ka dhacay Magaalada Baydhabo
Cabdulaahi Yuusuf oo ka Hadley…
Cali Maxamed Geedi oo Qaraxaasi Dusha u saariyey ..
Shiikh Shariif oo qaraxaasi ku Tilmaameyin ay ka dambeysey ….
Qaramada Midoobey oo Cambaareysey …
Shalay ayaa afaafka hore ee Xarunta uu ku shiro Golaha Baarlamaanka ee
ADC ayaa waxaa ka dhacay labo qarax oo si aad ah isugu dhoweyd, qarixii
hore waxa uu dhacay mar uu Madaxweyne C/llaahi Yuusuf Axmed uu ka
soobaxay hoolalka shirarka xiligaas oo ay ku shirayeen Golaha
Baarlamaanka, kulankaas loo doonayey in aqlabiyad loogu qaado Xukuumadda
uu hogaamiyo Cali Max’ed Geedi, hase yeeshee madaxweynuhu markii uu u
soo dhawaaday halkii uu ka raaci lahaa gawaarida, ayaa waxaa ka dhacay
qarixii koowaad kaas oo baabi’iyay dhawr gaari oo ay ku jireen kuwo uu
lahaa Madaxweyne C/llaahi Yuusuf, sidoo kale waxa uu qaraxaasi baabi’yay
labo gaari oo kuwa tiknikada ah, inkastoo aysan markii hore ka soo bixin
warar dheeraad ah oo ku saabsan qaraxaasi, ayaa haddana waxaa dhacay
qarixii labaad, waxa uuna isna gaystay khasaaro la mid ah kii hore, ilaa
iyo haatan waxaa la xaqiijiyey in ay ku dhinteen ilaa iyo 8 ruux oo uu
ku jiro nin ay qaraabo yihiin C/llaahi Yuusuf Axmed, kaas oo ku
basbeelay gawaaridii halkaasi ku gubatay.
Ololka iyo Uurada ka soo baxeysay halka uu ay ka dhaceen qaraxyadu ayaa
waxay dadku noo sheegeen in aysan arag qaraxyo la mid ah noocaan, iyadoo
goobtii uu ka dhacay qaraxuhu ay isku hareereeyeen Ciidamada Ammaanka ee
Dowladda Federaalka, hase yeeshee waxaa la damcay in dhowr jeer la
joojiyo kulankii Baarlamaanka u socday, waxaase arrinkaasi diiday qaar
ka mid ah Xildhibaanada oo sheegay in aan dheg jalaq loo siin waxa
halkaasi loo yimidna laga dhabeeyo, taasina waxay keentay in
Guddoomiyaha Baarlamaanka Shariif Xasan uu sheego in xubnaha
Baarlamaanka ay cod aqlabiyad ah Dowladda Federaalka ee uu madaxda ka
yahay Cali Max’ed Geeddi, markii uu hadalkaasi ka soo baxay Guddoomiyaha
Baarla-maanka waxaa bilowday buuq iyo sawaxan, iyadoo qaar ka mid ah
Xildhibaanada ay sheegeen in waqtigan aysan ku habooneyn oo mar kale dib
la isugu soo laabto, hase yeeshee waxaa taasi ku adkeystyay Guddoomiyaha
oo markii ku dhawaaqay in Dowladdii Cali Max’ed Geeddi ay badbaaday cod
aqlabiyad ahna ay heshay.
Qaar ka mid ah Xildhibaanada baarla-maanka ayaa waxay sheegeen in ay
hanjabaad uga timid Qaar ka mid ah mas’uuliyiinta ugu sareysa dowladda,
loona sheegay in haddii ay raaci waayaan dowladda laga saari doono
magaalada Baydhabo, waxayna Xildhibaanadaasi sheegeen in sida ugu
dhaqsiyaha badan ay magaalada isga bixi doonaan arrimo la xiriira
dhinaca ammaanka.
Xildhibaanadaasi ayaa sidoo kale sheegay in aysan jirin wax cod ah oo
loo qaaday Dowladda Federaalka, isla markaana Guddoomiyaha Baarla-maanka
uu isaga dhawaaqay in Dowladdii ay heshay cod kalsooni ah.
Haddii aan dib ugu laabano Qaraxyadii ka dhacay shalay agagaarka xarunta
Golaha Baarlamaanka ilaa iyo haatan ma jirto cid sheegatay inay ka
dambeysay falkaasi, warar ayaa waxay sheegayaan in falkaasi dadka
qaarkii ay la xiiririnayaan Afartii bishan dagaalkii ka dhacay Garoonka
Diyaaradaha ee Magaalada Baydhabo kaas oo ay ku dhinteen dhowr qofood oo
ka tirsan dadka deegaanka, qaar kale ayaa waxay sheegayaan in qaraxaasi
laga lahaa ujeedo ah in la soo dedejiyo in dalka la keeno Ciidamo
Shisheeye oo ka socda Wadamada IGAD, warar kale ayaa waxay sheegayaan in
ismaan-dhaafka u dhexeeya dowladda Federaalka ay keeni karto
qaraxyadaasi, ilaa iyo haatanna wax war ah kama soo saarin qaraxaasi.
Warar ayaa waxay sheegayaan in qaraxaasi ay ku dhaawacmeen ilaa iyo 16
qofood oo u badnaa ciidamadii ilaalada gaarka ah u ahaa Madaxweyne
C/llaahi Yuusuf Axmed iyo dad ganacsi ku haystay halka uu qaraxu ka
dhacay, warar kale ayaa waxay sheegayaan in dadka ku waxyeeloobay ay ku
jiraan sarakiil ka tirsan dalal deris la ah Soomaaliya.
Warbaahinta caalamka intooda badan waxay faafiyeen in C/llaahi Yuusuf oo
ku dhaawacmay Qaraxaas hase yeeshee mar la wareeystay waxa uu sheegay in
Naftiisa ay khatar gashay balse uu ka badbaaday mar wax laga waydiiyey
in ku geeriyooday Qaraxaas walaalkiis wax uu sheegay C/llaahi in
walaalkiis uusan waxba kaga duwanayn kuwa ku geeriyoodey Qaraxaasi, waxa
uuna Qaraxaasi ku tilmaamay mid ay ka dambeeyeen kooxa Argagixisa ah.
Gudoomiyaha Golaha fulinta Maxkamadaha Islaamiga Shiikh Shariif Axmed
ayaa waxa laga weydiiyey asagoo ku sugan Jabuuti Qaraxaasi waxa uuna
sheegay in Qaraxaasi ay soo abaabushay Dowlada Itoobiya oo maalmahaanba
gacan bidixaynaysay C/llaahi Yuusuf waxayna doonaysay in halkaas ay ku
khaarijiso.
Ra’iisul Wasaare Cali Max’ed Geedi ayaa isana Qaraxaasi dusha ka saaray
kooxo Argagixiso ah balse farta kuma fiiqin cidda ay ahaayeen waxa uuna
sheegay in loo qabtay Qaraxaasi labo qofood oo haatan ku xiran xabsiga
Magaalada Baydhabo.
Qaramada Midoobay ayaa canbaareesay Qaraxaasi oo sheegtay in lala
damacsanaa in lagu dilo Madaxwayne C/llaahi Yuusuf, waxaa kaloo sheegtay
in Qaraxaasi oo keeni karo in uu sii kordho qalalaasaha ka tagaan dalka
Soomaaliya.
Qaraxii Baydhabo iyo Sooradii lagu dilay Magaalada Muqadisho waa
calaamatu su’aal ka kala taagan Magaalooyinka Muqdisho iyo Baydhabo.
W/D Amiin Yuusuf Khasaaro
E-Mail:
amiinkhasaaro@hotmail.com
Qaraxii Baydhabo iyo Shirkii Jaraa'id ee
Buubaa ee Nairbi....
sawirka gawaari gubanaysa baydhabo 18/09/06/
AP
Wararka naga soo gaaraya magaalada Baydhabo
ee xarunta KMG u ah dawlada somalia ayaa tibaxaayaan weerar laba gaari
oo ay ka buuxdo waxyaabaha qarxa ay ku qorxeen banaanka xarunta ADC-da ee ay
baaralamanka somalia ku shiraan waxaana ilo wareed ay sheegayaan in ugu
yaraan 10 ruux ay ku qorbaxeen waararkaas oo ah kii ugu horeeyay oo
noociisa ah oo lagu qaato madax waynaha somalia tan iyo markii la doortay
2004 dhamaadkeedii ka dib laba sano iyo bar shir ka socday kenya, iyadoo
dhaawaca qaraxyadaan ay ku dhaw yihiin 12 qof sida aan ka helay ilo wareed
waxaana galabta la keenay magaalada Nairobi isbitaalo ku yaal dhaawaca qaar
ka mid ah sida SOMALITALK ay u xaqiijeyeen xafiiska madax waynaha ee Nairobi
Ismaaciil buubaa Nairobi REUTERS Ismaaciil
buubaa Nairobi REUTERS
Wasiirka arimaha dibada dawlada somalia
Ismaaciil Buubaa ayaa maanta shir jaraid ku qabtay magaalada Nairobi ee
caasimada kenya isagoo ku dheeraaday ka hadalka qaraxyadii ka dhaay maanta
ka dhacay baydhabo u sheegay in Weerarkan oo lala beegsaday Madaxweynaha
Soomaliya C/laahi Yusuf Ahmed iyo kolanyo gaadiid ah oo la socday,oo markaas
ka soo baxay xarunta ADC kadib markii oo halkaas hadal ka soo jeediyay .
WAsiirka oo hadalkiisa sii wata ayaa yiri ''
weerarkaan waxaa uu ahaa mid sida calaamadaha iyo faraha Ururka Al- qacida,
balse wasiirka arimaha gudaha Xuseen caydiid oo u waramay TV-ALJAZEERA ayaa
waxaa uu sheegay in arintaan aan lagu dag dagin oo gudi wasaaradiisu u
xilsaaray sidii loo baari lahaa isagoo sheegay in madax waynaha gaarigii oo
la socday xitaa oo dabku qabsaday waxaana oo intaasi ku daray in ay ilaa iyo
hata war ka hayn wax masuul ah oo ku wax yeeloobay marka laga reebo xubno ka
ag dhaw dhaw madaxtooyada oo ay ka mid yihiin staffka gaarka ah ee madax
waynaha.
sawirka gaari gubanaya baydhabo
18/09/06/ AP
gaadiidka madaxwaynaha oo basaysa
baydhabo 18/09/20 AP
Qarax ka dib ayaa waxaa golaha baarlamaanka
DFKMG ah ee somaliyeed ansaxsheen dawladii 3 ee raisul wasaare geedi dhiso
tan iyo 2004 markii oo madax wayne c/laahi yuusuf magcaabay geedi ka dib
markii maxamed dheere booskii xildhibaanimada ku wareejiyay
geedi,xildhibaano gaaraya 199 ayaa maanta kasoo xaadiray kalfadhigii
Baarlamaanka,174 xildhibaan ayaa siisayay codka kalsoonida oo gacan taag
ahaa sida oo ku dhawaaqay afhayeenka baarlamaanka somalia Shariif Xasan .
Dhanka kale maxaakinta islaamiga ah ee
somaliyeed ayaa canbaareeyay weerarkaan oo ku tilmaamay in ay ka danbayso
dawlada Ethopia sida ay sheegeen .
Maxamed Cabdi Maxamed Bootaan
Faah faahin Somali Talk Nairobi Kenya
Qaraxyo aad u waaweyn oo
lala beegsaday madaxweyne C/laahi Yuusuf oo ka dhacay xaruntii
baarlamaanka uu ku shirayay
Sept 18, 2006: Qarax
gilgilay dhamaan daafaha magaalada Baydhabo ayaa waxa uu ka dhacay
irirdka hore ee Baarlamaanka magaalada Baydhabo kaasoo lala beegsaday
Madaxweyne Cabdulaahi Yuusuf Axmed xili uu kasoo baxay shir ay lahaayeen
Mudaneyaasha Baarlamaanka federaalka ah oo la doonayey in loogu codeeyo
in kalsooni la siiyo xukuumadda cusub ee ra'iisul wasaare Cali Max'ed
Geeddi iyo qorshe howleedkiisa lixda bilood ee soo socota.
Madaxweynaha Somalia ayaa
ka qeyb galay kulan looga hadlayey sidii xukuumada federaalka Soomaaliya
cod loo siin lahaa isagoo qudbad gaaban oo dardaaran iyo waano ah
halkaasi ka jeediyey, isagoo intaa kaddibna u dhaqaaqay dhinaca iyo
xarunta madaxtooyada balse marka uu ka sii baxayay afaafka hore ee halka
uu shirka ka socdo ayaa waxaa mar kaliya halkaasi ka dhacay qarax weyn
oo lagu soo qariyay gaari qooqan ah oo nus saac ka hor bartaas la soo
dhigay, kaasoo geystay khasaare isugu jira dhimasho iyo dhaawac iyo
weliba gaadiid gaaraya ilaa toban oo halkaasi ku bas beelay.
Qaraxan ayaa sababay inay
dhintaan in ka badan toban ruux oo uu ku jiro Col. Jigle Yuusuf Axmed oo
ay walaalo yihiin madaxweyne C/laahi Yuusuf Axmed iyo qaar ka mid
ilaaladiisii iyo darawalkiisii.
Madaxweynaha ayaa ka
badbaaday Qaraxaan iyadoo aanan la xaqiijin sababta dhabta ah ee ka
danbaysa Qaraxaasi.
Dhinaca kale dadkii ku dhaawacmay
qaraxaasi ayaa durbadiiba loola cararay magaalada Nairobi ee dalka
Kenya, iyadoo halkaasi diyaarad looga qaaday.
Waa markii ugu horreysay ee qarax noocan
oo kale ah uu ka dhaco magaalada Baydhabo tan iyo intii ay soo degtay
dowladda Federalka ee Soomaaliya, waxaana haatan halkaasi ka jira cabsi
aad u xooggan.
Muuse maxamuud jiisow
musejisow@hotmail.com
muqdisho somaliya
002521576666/002521653623
Muqdisho somaliya