Wararkii: Sept 27, 2006
- Baaritaan lagu sameeyn doono dadkii ka
dambeeyey falkii lagula kacay Calankii Soomaaliyeed
- Cabdulaahi Yuusuf oo sheegey in soomaaliya ay qabsan rabaan Kooxo …
- Sheybaarkii ugu horeeyey ee lau baaro cudurka Qaaxada laga furey..
- Itoobiya oo soo dhawaysay falkii lagula kacay Calanka soomaaliya…..
- Sh.
Shariif oo u soo jeediyey Shacabka in ay u diyaargaroobaan ..
- Warar ku saabsan Barre Hiiraale iyo halka..
- Hay’adda Danwadaag Relief and
development organization oo raashin u qeybisay qoysas tabaaleysan
- Cali Maxamed Geddi oo Dublumaasiyiin
kula shiray Nairobi .
- Gen Maxamuud Muuse Xirsi (Cadde) madax
waynaha DGPL oo ka dhoofay boosaaso
- BOOSAASO:Madaxweynaha Puntland oo kulan
la qaatay ganacsatada Puntland.
- Dagaallo cadowga lagu jabiyay oo ka
dhacay meelo kala duwan.
DAAWO:
Khudbadii uu Buubaa ka jeediyey Qaramada Midoobey::
Sheybaarkii ugu horeeyey ee lau baaro cudurka Qaaxada laga furey..
W/D Amiin Yuusuf Khasaaro
E-Mail
amiinkhasaaro@hotmail.com
Waxaa maalintii shalay ahayd si rasmi ah xarigga looga jaray Shaybaar
casri ah oo lagu baaro candhuufta Qaaxada, waxaana Sheybaarkan laga hir
geliyay Xarunta daaweynta cudurka Qaaxaada ee Guuleed ee Magaaladan
Muqdisho.
Sheybarkan oo ah Sheybaarkii ugu horeeyey ee noociisa ah ee laga
hirgaliyo Magaaladan Muqdisho ayaa wuxuu fududeynayaa baarista
candhuufta oo markii hore abuurkeeda loo qaadi jirey dalka dibaddiisa.
Dr Axmed Yuusuf Guuleed oo furitaankii Sheybaarkaas ka hadlay ayaa waxa
uu sheegay in sheybaarkan ay ka faa’ideysan doonaan dad fara badan oo
hadda ka hor iyagoon is baarin qaadan jirey Daawo taasoo uu sheegay inay
dhibaato ku ahayd dadka soomaaliyeed.
Dr Guuleed wuxuu sheegay in Sheybarkan uu sahlayo in la ogaado heerka
Qaaxada qofka qaba cudurka si uu u helo dawo tankeedu isku dheeli tiran
yahay.
Dr Axmed wuxuu u soo jeediyay bulshada soomaaliyeed inay iska dhaafaan
daawada ay qaadanayaan oo uusan u soo qorin dhaqatar ku takhasusay
cudurka Qaaxada taasoo uu sheegay in isaga ay dhibaato u keeneyso
bulshada dhaxdeedana uu cudurkii si sahal ah ugu faafayo.
Sheybarkan oo loo soo tababaray Sheybaaristayaal ayaa waxaa la filayaa
inay ka faa\ideystaan bulshada Soomaaliyeed oo iyagu baahi weyn u qabay
in dalka laga hir geliyo Sheybaar noocaan ah, sidoo kale wuxuu u soo
jeediyay saxaafadda inay ka qayb qaataan sidii bulshada loogu wacyigalin
lahaa dhibaatada cudurka Qaaxada taasoo waqtiyadan dambe si aad ah ugu
faafay waddanka Soomaaliya, isagoo Dr Guuleed uu sheegay in dalka
Soomaaliya aysan ka jirin Mashruuc dawladeed ee ka hor tagga cudurka
Qaaxada.
Cabdulaahi Yuusuf oo sheegey in soomaaliya ay qabsan rabaan Kooxo …
Madaxwayne C/llaahi Yuusuf Axmed ayaa la sheegay in uu quraalo u kala
diray Ururka Midowga Afrika, Midowga Yurub, Mareykanka iyo Qaramada
Midowbay wuxuuna qoraalkiisa ku sheegay in koox mintid ah oo xariir la
leh Argagixisada caalimiga ah ay isku balaarinayaan gudaha Dalka
Soomaaliya kuwaas oo doonayaan in ay nabadgalyo xumo ku abuuraan
Wadamada geeska Afrika oo uu sheegay in haddii aan si dhakhso ah looga
hor tagin ay imaan doonto ayadoo xaaladooda faraha ka baxada oo waxa
laga qaban waayo, C/llaahi Yuusuf wuxuu sheegey Dowladda fedaraalka
aysan awood u la heyn in ay ka hortagto kooxahaasi,”haddii Soomaaliya
loo waayo Ciidamado nabad ilaalin ah waxaa caalamka u soo jeedinayaa in
qalab iyo tababarro la siiyo Ciidamada Soomaaliyeed si ay uga hortagaan
kooxahaasi “ayuu ku yiri qoraalka C/llaahi Yuusuf, wuxuuna intaa sii
raacayey “waxay qabsadeen Magaalada Kismaayo waxa ay doonayaan in
qabsadeen Magaalooyin kale, waxa ay doonayaan in qalalaaso ku abuuraan
Wadamada dariska la ‘ah Soomaaliya,C/llaahi Yuusuf waxa la filayaa in uu
u amababaxo Wadamo ka tirsan IGAD waxaana ka mid ah Wadamada Kenya,
Itoobiya iyo Uganda asagoo war bixin ka siin doona wararkii ugu
dambeeyey ee Soomaaliya gaar ahaan Qaraxii ka dhacay Magaalada Baydhabo
iyo qabsashadii Magaalada Kismaayo ee Maxaakiimta Islaamiga ah, Wadamada
IGAD ayaa la sheegay in ay wax qarsh ah u la yihinn Ciidamada nabd
ilaalinta ah ee loo soo diraayo Soomaaliya sidoo kale wax ay la yihiin
ciddii ka taakulayn la hayd daabulidda ciidamada qalabka iyo sahaydooda
kale.
Itoobiya oo soo dhawaysay falkii lagula kacay Calanka soomaaliya…..
Markii Maxkamaduhu qabsadeen Magaalada Kismaayo ayaa markiiba waxa ay
bilaabeen in ay dhulka dhigaan calankii Soomaaliya taasi waxay ka
carysiisay Bulshada Soomaliyeed meel kasta ay joogaan ayagoo ku
tilmaamay fal naxdin ku abuuray Ummada Soomaaliyeed.
Dowladda itoobiya oo aad u necab calanka Soomaalyeed islamarkaana
doonaysa in gabi ahaanba la waayo ayaa si way u soo dhawaysay falkii
lagu tuuray calankii Soomaaliya markii Maxaakiimta qabsadeen Magaalada
Kismaayo” wax badan ayaa gubteen Calankayga waxaa i farax galiyey sida
aad calankiina yeesheen “ ayuu yiri afhayeen u hadley Dowladda Itoobiya
oo u soo jeedisay Bulshada Soomaaliyeed in ay ka dhiidhiyaan falkii lagu
sameeyey Calankii Soomaaliyeed, hase yeeshee Mas’uul u hadlay Golaha
Maxaakiimta ayaa waxa uu sheegay baaritaan lagu sameeyn doono dadkii ka
dambeeyey falkii lagula kacay Calankii Soomaaliyeed.
Sh.
Shariif oo u soo jeediyey Shacabka in ay u diyaargaroobaan ..
Guddoomiyaha Guddiga fullinta ee Maxaakiimta Islaamiga Shiikh Shariif
Shiikh Axmed iyo wafdigii uu hoggaaminayay ayaa maamilinimaddii shalay
ka soo degay garoonka diyaaradaha ee magaaladan muqdisho.
Sheikh Shariif ayaa ka war bixiyay safarkisii uu ku soo kala bixiyay
qaar ka mid ah dalalka carabta.
Guddoomiyaha Golaha fulinta ee Maxkamadaha ayaa soo degitaankiisii wuxuu
la hadlay saxaafadda isagoo shacabka soomaaliyeedna ugu yeeray u diyaar
garowga difaaca dalka Hooyo.
Guddoomiyaha ayaa si ba’an u dhaleeceeyay Xukuumadda Itoobiya oo uu
sheegay inay duulaan ku tahay Gudaha Soomaaliya, sidaa darteed ayuu mar
kale shacabka Soomaaliyeed waxa uu ugu yeeray ka qayb qaadashada difaaca
dalka laga difaacayo xukuumadda Melles Senawi..
Warar ku saabsan Barre Hiiraale iyo halka..
Barre Aadan Shire Barre Hiiraale oo ah Wasiirka gaashaan dhigga ee
Xukuumadda Federaalka Soomaaliya oo dhawaan isaga taageerayaashiisu ay
isaga baxeen magaalada |Kismaayo kaddib markii ay gacanta ku dhigeen
Maxaakiimta Islaamiga ayaa warar ka ag dhawi waxa ay sheegayaan in Barre
Hiiraale oo wata gaadiid fara badan inuu soo gaaray qaybo mid ah gobolka
gedo, gaar ahaana tuulada Geriileey oo boqol kilo mitir u jirta
Magaalada Baardheere.
Wararka naga soo gaaraya magaalada Baar-dheere ayaa sheegaya in
magaaladaasi ay haatan ka socdaan barnaamijyo loogu diyaar garoobayo soo
dhaweynta Barre iyo taageerayaashiisa kuwaasoo maalmo ku sii hakan doona
baar-dheere iyagoo kaddibna u sii gudbi doona Magaalada Baydhabo.
Warar kale ayaa waxa ay sheegayaan in Barre Gobolka Gedo uu ka bilaabi
doono abaabul uu ku doonayo siduu u qabsan lahaa Magaalada Kismaayo oo
uu muddo 7 Sanadood ah soo xukumayay iyadoo qaar ka mid ah nabadoonada
beesha uu ka soo jeedo Barre Hiiraale ay sheegeen in Magaalada Kismaayo
ay qabsadeen beelo isbahaystay
W/D Amiin Yuusuf Khasaaro
E-Mail
amiinkhasaaro@hotmail.com
Cali Maxamed Geddi oo
Dublumaasiyiin kula shiray Nairobi .
Maxamed Cabdi
Maxamed Bootaan
Somali talk
Nairobi Kenya
Botaan1@hotmail.com
 Ra’iisal
Wasaaraha DFMG ah mudane Cali Maxamed Geeddi ayaa kulamo kala duwan kula
yeeshay Magaalada Nairobi ee caasimada Kenya xubno Diblomaasiyiin reer
galbeedka wadamadooda u fadhiya dalka Kenya.
Kulankaan ayaa waxaa uu
ka dhacay safaaradda Somalia ee magaalada Nairobi waxaana ay ka wada hadleen
arimo badan oo ka mid ah xaalada Somalia waxaana ka mid ahaa arinta magaalada
kismaayo oo ay la wareegeen maxaakinta islaamiga ahee somaliayeed iyadoo Diblomaasiyiinta
iyo Raisul wasaare Cali Maxamed Geeddi ay si wada jir ah u canbaareeyeen
qabshashda magaalada kismayo waxaana ay ku tilmaameen in maxaakintu jabiyeen
hishiiskii magaaladda kartuum balse dublumaiyiinta ayaa waxay ugu baaqeen
dawlada dhankeeda in ay wali ka qoosan wada hadalka oo ay la sii wadaan
maxaakinta islaamiga ah ee somaliyeed ee gacanka ku haya gobolada dalka Somalia
inta badan.
Sidoo kale
dublumaasiyiinta iyo Raisul wasaare gedi ayaa waxay si wada jir ah u
cambaareeyen isku deygii dilka ahaa ee la doonayay in lagu qaarajiyo Madaxweynaha
DFKMG ee Soomaaliya mudane c/laai yusuf axmed 18kii bishaan September aan ku
jiro ,waxayna sheegeen Diblomaasiyiinta inay ka xun yihiin falkaas oo ay ku
tilmaameeyn inoo carqlad galin karo geedi socodka nabadda Somalia.
Kulanaasi kadib ayaa
Risul wasaaraha Somalia Cali Maxamed Gedi waxaa uu kulan la qaatay wasiirka
amniga qaranka Kenya john majuke balse kulankooda wax war ah oo ka soo baxay ma
soo gaarin ilaa iyo iminka Somali talk balse kulankooda waxa ay isla soo qaadeen
waan idin soo gudbin doonaa hadii eebe idmo.
Gen Maxamuud Muuse Xirsi (Cadde) madax waynaha DGPL oo ka dhoofay
boosaaso
 Madax
waynaha dawlad goboleedka Puntland ee somaliyeed Gen Maxamuud Muuse Xirsi (Cadde)
ayaa waxa uu ka dhoofay garoonka diyaaradaha ee magaalada Boosaaso ee xarunta
gobolka bari ahna magaalada ganaciga punt land waxaana madax waynuhu u baqoolay
dalka isutaga imaaraadkacarabta iyadoo garoonka diyaarahda ee boosaaso ku sii
macsalaameeyeen xubno ka tirsan dawlad goboleedka puntland
.
Madaxwaynaha DGPL ayaa waxaa socdaalkiisa ku wehliyay mas`uuliyiin kala duwan
oo ka mid ah dawlad goboleedka Puntland wasiiradeeda iyo baarlamaankeeda.
Wafdiga madaxwaynaha ayaa waxaa garoonka diyaaradda ee magaalada Boosaaso .
Safarka madax
waynaha ayaa waxaa uu ku macneeyay dhamaystirka mashaariic ay horay dawladda
imaradka carabtu u bilawday oo ka socday puntland.
Maxamed Cabdi
Maxamed Bootaan
Somali talk
Nairobi Kenya
Botaan1@hotmail.com
Safarka
madaxwaynaha DGPL ayaa ku wajahan wadamo ay ka mid tahay isutaga imaaraadka
carabta lamana xaqiijin waxa uu safarkan uu ku tagayo imaartaadka carabta uu ku
saabsan yahya ilaa iminka.
Waxaase la xaqiijiyay in uu tagi doono imaaraadka carabta isaga iyo wafdi sare
oo uu hogaaminayo kuwaasi oo ay ka midyihii golaha xukuumada xildhibaano iyo
xubno ka tirsan ganacsatada puntland.
Waa markii ugu horaysay ee wafdi heerkan oo kale ah oo uu madaxwaynuhu
hogaaminayo oo ay ka mid yihiin ganacsato iyo wasiiro iyo qaar ka mid ah golaha
xildhibaanada puntland ay safar ugu anbabaxaan wadanka dibediisa gaar ahaana
imaaraadka carabta.
[Madaxweynaha
Puntland oo kulan la qaatay ganacsatada Puntland... HOOS KA AKHRI.]
A/rizak koronto
garowe puntland
QORAAL KA SOO BAXAY
GOLOHA SAMAFALKA IYO HORUMARINTA SOOMAALIYEED
Qoraal dheer ooku saabsan xaaladda fatahaadda webiga Shabeelle iyo baahida deg-degga
ah ee u baahan in wax laga qaabto ayaa maanta waxaa magaalada Muqdisho ka soo
saaray guddoomiyaha Golah Samafalka iyo horumarinta Soomaaliyeed, wuxuuna
qoraalkaasi u qornaa sidan, kaasoo ku saxiixnaa guddoomiyaha golahaas....
AKhri......
Hay’adda Danwadaag Relief and development
organization oo raashin u qeybisay qoysas tabaaleysan
Hay’adda Danwadaag Relief and development
organization oo xarunteedu tahay magaalada Leicester ee dalka Ingiriiska, ayaa
xafiiskeeda Muqdisho ugu deeqay qoysas u badan dadka soo baro-kacay raashin
isugu jira Saliid, Bur, Sokor & Galey, waxaana tallaabada hay’adaasi si weyn u
soo dhoweeyey dadkii ay hay’adaasi u qeybsay raashinka.
Wakiilka Muqdisho ee hay’adaasi Max’uud Max’ed Xaaji oo isagu gacantiisa ku
qeybinayey raashinkaasi ayaa sheegay in aysan aheyn markii ugu horreysay &
markii ugu danbeysay ee hay’ada Danwadaag Relief and development organization
raashin u qeybsi dadka danyarta ah ee ku tabaaleysan magaalada Muqdisho, wuxuuna
sheegay in horay ay u saacideen qoysas fara badan oo ka mid ah kuwa ka soo qaxay
gobolada Koofurta Soomaaliya, sidoo kale-na ay qalab waxbarasho gaarsiiyeen
Deegaanada Puntland.
“Dad gaaraya 520 qofood oo isugu jira haween, caruur & dad da’ ah oo aan heli
karin wax ay ku afuraan ayey hay’adda Danwadaag Relief and development
organization waxey gaarsiisay Raashin loo qeybiyey Saliid, Bur, Sokor, Galey”
ayuu yiri madaxa qeybta Muqdisho ee hay’adaasi Max’uud Max’ed Xaaji, wuxuuna
sheegay in muddadii ay ku jireen qeybinta raashinka ay dhibaatooyin kala duwan
kala kulmeen dadka raashinka loogu deeqay, maadaama buu yiri marka loo eego
baahida jirta & xadiga raashinka ay qeybinayaan uu yahay mid aan dabooli karin
baahida kumanaanka kun ee qofood ee doonaya in ay helaan raashin ay ku afuraan.
“Waxaan u mahadcelinayaa mas’uuliyiinta hay’addan oo marar badan inoo keenay
raashin, hay’adaha kale & ganacsataduna waxaan ka codsaneynaa in ay ku daydaan
tallaabada hay’adaasi maadaama lagu jiro bisha barakeysan ee Ramadaan” ayuu yiri
Axmadey Ibraahim oo ka mid ah dadkii ay raashinka u qeybisay hay’adda Danwadaag
Relief and development organization.
Hay’addu sidoo kale waxey bishan ramadaan ku talo jirtaa inay gobolo kale oo
dalka ah, gaarsiiso Barnaamijka Afurka.
Faahfaahin dheeraad ah lasoo xiriir
Cabdixakiim Jaamac Jooje ( Danwadaag Secretary )
saicentadv@yahoo.com
BOOSAASO:Madaxweynaha
Puntland oo kulan la qaatay ganacsatada Puntland.
Madaxweynaha Dawlad Goboleedka Puntland Gen: cade muuse ayaa kulan kula yeeshay
xarunta madaxtooyada ee magaalada Boosaaso, ganacsatada waaweyn ee dawlad
goboleedka Puntland gaar ahaan ganacsatada wax dhoofisa.
Kulankan oo qaatay saacado ayaa madaxwaynuhu u soo jeediyay in ay ganacsatadu
mideeyaan ganacsigeed islmarkaana ay yeeshaan hal mabda sidii ay dalka u
gaarsiin lahaayeen ganacsi furan oo xawaare sare leh,
Madaxwaynuhu waxa uu ganacsatada ku canaantay in aysan wadanka sidii la rabay
ugu hawlgalin ayna gaarsiin wadanka xadaarada ganacsiga isaga oo aad ugu
canaanta ganacsadata puntland in ganacsigoodu uu ku xiran yahay oo kaliya
wadamada khaliijka lakiin loo baahan yahya in la sii dhaafo oo la isku xiro
yurub iyo aasiya.
Kulankan ayaa madaxweynuhu u soo jeediyey
in ay ganacsatadu, ganacsigooda mideeyaan isla markaasna ay wada tashi sameeyaan
marka ay xoolaha iyo waxyaalaha kale ay dhoofinayaan si aanay khasaare ugu
dhicin.
Madaxweyne Gen: Cadde Muuse waxaa uu ganacsatada u ballan qaaday in uu xoogga
saari doono sidii loo kobcin lahaa dhaqaalaha iyo ganacsiga Puntland, waxana uu
ku guubaabiyey baayacmushtarka, in ay xilkasnimo iyo wada tashi sameeyaan si ay
u guuleystaan.
Lakiin ganacsatada puntland ayaa dhaliilo xoogle kulankaas ka soo jeediyay iyaga
oo xukuumada cade muuse ku eedeeyay inaysan wax la taaban karo ka qaban dhanka
ganacsiga isla markaana ay gaqaadaan canshuur xoogleh taasi oo aan ganacsiga wax
loogu qaban cidkale oo shacabkana aan waxloogu qaban.
Ganacsadatu waxay madaxwaynaha ka codsadeen in uu u hawlgalo sidii wadanka looga
hirgalin lahaa ganacsi heersare ah oo loo maro hab dawli ah isla markaana la
iska kaashado ganacsiga iyo sidii wadanka looga hirgalin lahaa waxsoosaarka
dhanka warshadaha oo baryahan danbe puntland ku soo badanayay.
Ganacsadadii halkaasi ka hadahsy ayaa ugu baaqay xukuumada cade muuse in ay iska
tiirriso meesha isla markaana dhaliilaha hadiyo gooraaleba uga imanaya
xukuumadiisa ganacsatada uu iska awdo si loogaaro ganacsi xor ah oo fur furan
waa sida ay hadalka u dhigeene.
Kulankan ayaa waxaa ka qayb galay mas'uuliyiinta ugu sarsarraysa rugta ganacsiga
Puntland, xubno ka socda dalladaha rugta ganacsiga Puntland iyo isimo, waxana uu
kulankani ku dhammaaday waji wanaagsan ah.
Kulankan ayuu madaxweynuhu ka cadeeyay in ay bixisey DGPL lacagtii lagu dhisi
lahaa buunadada laag isla markaasna ka codsadey in ganacsatadu sida dawlada oo
kale ay soo dedejiyaan saamigooda.
Si kastaba Madaxwaynaha puntland ayaa garwaaqsaday dhaliilihii ay ganacsatadu u
soo eediyeen xukuumadiisa isla markaana balan qaaday in xukuumadu ay keenayso
warshado si ay ganacsatadu uga faa iidaystaan isla markaana uu wadanku hor mar u
gaari lahaa, taasi oo hadii ay xukuumadu isku daydo goor horeba la aamin san
yahay in kumaaankun oo reer puntland ah oo shaqo la'aan ah ay ka helilahaayeen
shaqo wanaagsan, lakiin taasi ma dhicin lamana xaqiijin karo sida uu cade muuse
ugu hawlgali karo keenista warshado dalka.
A/rizak koronto
Garowe puntland
MUSLIM AMERICAN SOCIETY OF MINNESOTA(MAS-MN)
"Markii ugu horeysay taariikhda MN"
MAS-MN waxay Muslimiinta deggan labada magaalo ee mataanaha ah iyo
nawaaxigeeda ku martiqaadayaan inay ka soo qeybgalaan Afur, Casho iyo
Taraawiixdii ugu horeysay ee lagu tukan doono Goobta kulamada ee
Minnesota ugu weyn Minneapolis Convention Center. Waxaa TARAAWIIXDA
TUJIN DOONA:
<
SHEIKH Sayid Al-Mutawali Alsharqaawi oo ah qaari iyo Imaam ka yimid
jaamacadda Al-Azhar. Waxaa kaloo goobta ka hadli doono culumo ay ka mid
yihiin: Sh. Abdalla Idiris, Gudoomiyaha Markazka waxbarashada Islaamka
ee Waqooyiga America.
GOOBTA: Minneapolis Convention Center 1301 2nd Av. South,
Minneapolis, MN
GOORTA: Sabtida, Septmeber 30, 2006 6:00pm
Wixii faah faahin fadlan la xiriir Tawxiid Islamic Center (612)827-2804
or MAS (651)457-7170 and Ummutu Muhammad Center (612)823-1943 or
Al-Taqwa Mosque (651)292-9675.
Barnaamijkii Radio Xoriyo
26 September 2006
Dagaallo cadowga lagu jabiyay oo ka dhacay meelo kala duwan.
Askar badan oo ka goosatay ciidammada gumaysiga ee Ogaadeenya.
Jaaliyada Ogaadeenya ee Sydney oo shir wayn isugu timid.
Galbeedka Oromiya oo dagaal ku dhex maray ciidammada Itoobiya
Barnaamijkii Kadeedka Gumaysiga iyo Go,aanka Geesiga(Q4aad).
======================
Dagaallo cadowga lagu jabiyay oo ka dhacay meelo kala duwan.
Wariyaha RX uga soo warrama dalka Ogaadeenya ayaa noo soo sheegay weerarro
dhawr ah oo ciidammada xoreynta Ogaadeenya ku qaadeen kuwa gumaysiga
Itoobiya ee ku sugan magaalooyin ka mid ah dalka Ogaadeenya.
Markii ay taariikhdu ahayd 18/09/06 waxay ciidammada sida gaarka ah u
tababaran ee xoreynta Ogaadeenya weerar mir ah ku qaadeen ciidamada
gumaysiga Itoobiya ee fadhigoodu yahay magaalada Awaare, waxayna weerarkaas
ugu gaysteen khasaare aan faahfaahintiisa la haynin.
17/09/06 waxay sidoo kale ciidammada xoreynta Ogaadeenya weerar mir ah ku
qaadeen ciidammada gumaysiga ee fadhiya magaalada Dhagaxmadow, waxayna u
gaysteen khasaare ba’an.
Ciidammada xoreynta Ogaadeenya ayaa sidoo kale weerar ku qaaday baabuur
kolonyo ah oo ciidamada gumaysigu leeyihiin oo marayay meesha lagu magacaabo
Qolqolow, oo ka tirsan degmada Qabridaharre, waxayna halkaas kaga dileen 7
askari, 8 kalana way kaga dhaawaceen. Dagaalkan waxay ciidammada gumaysigu u
adeegsadeen qoryaha waawayn e gawaadhida lagu jiido, sida qoriga Zuuga loo
yaqaano.
20/09/06 cutub ka tirsan cidammada xoreynta Ogaadeenya ayaa weerar mir ah ku
qaaday ciidammada gumaysiga ee fadhiya Galaalshe, waxayna ka dileen 5 askari,
6 kalana way ka dhaawacen.
21/09/06 waxay sidoo kale cidammada Ogaadeenya weerar mir ah ku qaadeen
ciidammada gumaysiga ee fadhiya magaalada Malayko, waxayna weerarkaas ugu
gaysteen khasaare ba’an oon faahfaahintiisa la haynin.
Markii uu dagaalkani dhacay waxay cidammada gumaysigu ku gadoodeen
dadaynihii magaalada degganaa, iyagoo rasaas oodda kagaga qaaday, waxayna
halkaas ku dileen wiil yar oo 4 jir ah oo uu dhalay nin lagu magacaabo
Caddaani Rafle. Waxay sidoo kale halkaas ku dhaawaceen 3 qof oo shacab oo ay
ka mid tahay wiilka dhintay hooyadii.
Dhinaca kale waxaa magaalada Dhagaxbuur dhawaan lagu xidhxidhay dadwayne
rayad ah oo aad u fara badan o dhawr boqol oo qof gaadhaya. Waxaanan
magaciisa ka helnay nin lagu magacaabo C/casiis Qalqallocow.
Askar badan oo ka goosatay ciidammada gumaysiga ee Ogaadeenya.
Ciidammada gumaysiga Itoobiya ee ku hawlgala dalka Ogaadeenya ayaa beryahan
denbe kordhiyay goosashada iyo amar diiddada, iyadoo ay ugu wacan tahay guul
darrooyinka iyo jababka ka soo gaadhaya goobaha dagaalka iyo nolol xumada ku
haysata xeryohooda.
Sida uu ku soo warramayo wariyaha RX ee Ogaadeenya waxaa dhawaan magaalada
Dhagaxbuur ka goostay 8 sargaal oo ka mid ah raggii ugu sarsarreeyay
ciidammada gumaysiga ee ku sugan magaalada Dhagaxbuur.
18/09/06 Xamaro iyo Fiiq waxaa sidoo ka goostay 50 askari oo ciidammada
gumaysiga ka tirsan. Isla Fiiq ciidammo gumayisga ah oo ka goostay ayaa
dhexda lagu gaadhay, waxaana iyaga cidankii raadcada ahaa dhex maray dagaal
adaga, iyadoo ay ku kala dhinteen 2 askari.
16/09/06 waxaa magaalada Sagag ka goostay 14 askari.
Ciidammadaas goostay waxaa laga daba diray ciidammo kale, kuwaasoo dhexda ku
gaadhay, waxaana dhex maray dagaal adag, iyadoo ay ku kala dhinteen 8
askari. Ciidammadii goosashada ahaa intii badbaaday halkii ayay socodkoodii
ka sii wateen.
Dhinaca kale baxsashada faraha badan ee ciidammada gumaysiga
Itoobiya waxay keentay in cidamada ka soo jeeda qowmiyada Oromada si gaar ah
loo ilaalyo, kuwa ku sugan meelo badan ooy Ogaadeenya ka mid tahayna hubkaba
laga dhigo. Warar lagu kalsoon yahay ayaa sheegaya in tallaabadani ay ka
denbaysay amar ka soo baxay kaligii taliye Meles Zenawi oo ku baaqaya in
askarta Oromada iyo Ogaadeenya u dhalatay la waardiyeeyo, hubkana gacanooda
laga ilaaliyo.
Dhinaca kale 22/09/06 waxaa magaalada Harar lagu toogtay
labo ka mid ah saraakiisha ugu sarraysa ciidammada gumaysiga ee Harar.
Jaaliyada Ogaadeenya ee Sydney oo shir wayn isugu timid.
Maalintii sabtida ahayd ee bisha Sebtemer 23 ahayd waxaa magaalada Sydney
ee waddanka Australia lagu qabtay shir waynoo ay ka soo qayb galeen xubnaha
Jaaliyadda Ogaadeenya ee magaalada Sydney.
Shirka waxaa lagaga hadlayey Xaaladda Geeska Afrika guud ahaan iyo gaar
ahaan Ogadenya iyo Itoobiya. Waxaa warbixin waafi ah oo ku saabsan Ogadenya
iyo halganka xaqa ah ee Shacabka Ogadenya ku jiraan ka soo jeediyay G/Xigeenka
aad ee JWXO mudane Maxamed Ismaaciil Cumar.
Sida uu wariyaha RX ee magaalada Sydney Dubbad Kooreeye noo soo wariyey
wuxuu guddoomiye ku xigeenku si faahfaahsan uga warramey burburka Itoobiya
ku soo fool-leh iyo guul darrada ka raacday Ololihii ballaadhnaa eey ku soo
qaadday Ogaadeenya. Wuxuu sheegay in Ciidankii Itoobiya uu baxsi joogta ah
ku jiro, haddana xeryahooda lagu ilaaliyo.
Guddoomiye ku xigeenku wuxuu hoosta ka xarriiqay baahida loo qabo in
halganku si siman meel kasta uga horumaro oo dibad iyo gudaba isu dheeli
tirnaado. Guulaha waaweyn ee la gaadhay hadda waxay macno sameyn karaan
markii la joogteenyo, lana sii xoojiyo ayuu yidhi guddoomiye ku xigeenku.
Dadkii shirka isugu yimid waxay ku baaqeen in la taageero JWXO, lana sii
laban laabo dadaalka loogu jiro sidii heeryada gumeysiga laisaga tuuri lahaa.
Galbeedka Oromiya oo dagaal ku
dhex maray ciidammada Itoobiya
Dagaal adag ayaa toddobaadkii hore ciidammada gumaysiga Itoobiya ku dhex
maray galbeedka gobolka Oromiya. Dagaalkan ayaa u dhexeeyay ciidammo uu
asalkoodu yahay Oromo oo ka tirsanaa cidammada gumaysiga Itoobiya iyo kuwo
daacad u ah ururka TPLF, wuxuuna dagaalkaasi ka dhacay meesha lagu magacaabo
Naqamtee, oo ku taalla galbeedka gobolka Oromiya.
Dagaalkan ayaa billowday, ka dib markii lix askari oo Oromo ahi ay heleen
meel ay askarta TPLF ku jidhdilayaan shan askari oo kale oo Oromo ah oo laga
keenay dhinaca xadka. Markaas ka dib ayay lixdii askari ee Oromada ahaa
waxay rasaas oodda kaga qaadeen kuwii Tigreega ahaa ee ciqaabayay askarata
kale ee Oromada ah. Askaratii Oromada ahayd ee dagaalkan ka qayb gashay ayaa
la sheegayaa inay baxsadeen.
Dhinaca kale warar ka soo baxay Ururka OLF ayaa sheegaya in xukuumadda
Itoobiya ay ciidammo aad u fara badan soo dhoobtay Geedo, oo ku taalla
badhtamaha gobolka Oromiya, halkaasoo ay marki hore ciidammo yari ka joogeen.
Ururro badan oo Oromo ah ayaa askarta Oromada ah ee ciidammada xukuumadda ka
tirsan ugu baqay inay is-abaablaan, isla markaana ay isu diyaariyaan sidii
gaashaanka ugu dhigi lahaayeen dhibaatooyinka kala duwan ee taliska Addis
Ababa u gaysanayo dadwaynohooda rayadka ah
26
September 2006.
Axmed
Gaal-Eri
Radio Xoriyo
waxaad ka dhegaysan kartaa Mawjadda 25 MB ee dhererkeedu yahay 11865 KHZ,iyo
internetka
Radioxoriyo.com,Ogaden.com
Maalmaha Talaadada iyo Jimcaha 7: 30PM waqtiga Afrikada Bari
Faafin: SomaliTalk.com | Sept 27, 2006
Dowladda Federaalka oo sheegtay in uu burburey heshiiskii..
»Shariif
Xasan oo Booqasho ku tegey Nairobi...
»Warbixin
ku saabsan xaalada Magaalada Kismaayo..
»Barre
Hiiraale oo Dowladda federaalka ka dalbadey Gurmad..
»Cali
Geeddi oo sheegay in kooxaha argagaxiso ay....
»Ciidamo
Itoobiyaan ah oo soo galay deegaano ka..
»Ururka
wershedlayda oo looga dhawaaqay muqdisho..
Wararka oo dhan ka akhri... Sept 26
Nin Soomaali ah oo
lagu dilay K/Afrika
kadibna lagala baxay Xubnaha Jirka ee Muhiimka ah sida Maskaxda,
Wadnaha, beerka, Kilyaha, iyo...
Guji... | 
Daabaco
Boggan | Print
