SOMALITALK.COM
w w w . S o m a l i T a l k . c o m
SOMALITALK - WARAR

Wararkii: Feb 8, 2007

  • Faahfaahin dheeraad ah oo ku saabsan kulankii Dhex marey Meles Zanawi iyo Beesha Cayr.
  • Magacyada Wasiirada Cusub ee Raiisul Wasaare Geedi
  • Geedi” Wasiirkii gudan waaya Xilkiisa waa la eryayaa…
  • Baarlamaanka Uganda oo isku khilaafay in soomaaliya loo diro…
  • Dowladda fedaraalka ah oo shalay soo bandhigtey hub laga keeney..

Faahfaahin dheeraad ah oo ku saabsan kulankii Dhex marey Meles Zanawi iyo Beesha Cayr.

Waxaa Muqdisho dib ugu soo laabtay 10-Xubnood oo ka tirsan Beesha Cayr oo isugu jiray Siyaasiyiin, Waxgarad, Odayaal iyo Aqoonyahano ka dib markii ay Magaalada Aids-Ababa kulan kula soo yeesheen Ra’iisul Wasaaraha wadanka itoobiya, waxayna isla soo qaadeen sidii Beesha Cayr uga qaybqaadan lahayd xasilinta wadanka isla markaana ay u taageeri lahayd Dowladda fedaraalka, kulankan ayaa waxaa ka mid ahaa Xubnihii ka qaybgalay Max’uud Max’ed Culusow waxa uuna sheegay in martiqaad ka heleen Dowladda itoobiya isagoo sheegay in kulankaasi uu ahaa mid Dowladda itoobiya looga tuhun bixinayey arimo fara badan oo laga faafiyey Beesha Cayr waxa uuna sheegay Culusow in kulankaasi la ‘isugu afgartay in la sii xoojiyo xiriirka u dhexeeya labada dhinac isla markaana la bixiyo Tuhunadaasi.

Max’uud Culusow waxa kale oo uu sheegay in labada dhinac la ‘isku afgartay in la qabto Shirwayne dib u hashiisiin ah oo lagu dhiso Dowlad karti badan.

Mar wax laga waydiiyey in labada dhinac la’iskula soo qaaday arimo la xiriira Shiikh Xasan Daahir Aways waxa uuna sheegay in arimahaasi aan la ‘iskula soo qaadin hase yeeshee wuxuu sheegay inaan wax handadaad ah lagu sameyn Karin Dadkii taageersanaa Maxkamadahii islaamiga ahaa hadii uusan dambi faraha kula jira.

Max’uud Culusow waxa uu sheegay in kulankaasi uu daba socday kulan Muqdisho horay ugu dhexmaray Wasiirka arimaha dibada iyo Xubnahaan kaasoo la’iskula afgartay kulan lagu qabto magaalada Adis-Ababa, Beesha Cayr ayaa waxay Dowladda itoobiya u gudbisay inaysan marnaba la shaqayn doonin Dowladda uu Madaxda ka yahay C/laahi Yuusuf Axmed waxa uuna ku tilmaamay mid ku dhisay Aarsi waxaa kaloo Dowladda itoobiya u soo jeediyeen in la sii daayo Xubno ka tirsan Beesha Cayr oo ay xir-xirtay Dowladd fedaraalka oo ay sheegeen in ay gacan siiyeen Dowladda itoobiya waxayna ka codsadeen Dowladda itoobiya ay dhex-dhexaad ka noqoto isheysiga Beelaha Soomaaliyeed.

Magacyada Wasiirada Cusub ee Raiisul Wasaare Geedi

Ra’iisul Wasaare Cali Max’ed Geedi ayaa isku shaandheyn ku sameeyey Golihiisa Wasiirada waxaana isku shaandheyn xilalkoodii ku waayey Qaar ka mid ah Golihii Wasiiradda kuwana Xilalkoodii ayaa laga bedalay,

waxayna kala yihiin Wasiiradda.

  • ku Xigeenka Ra’iisul Wasaaraha ahana Wasiirka Howlaha Guud iyo Guriyeynta Xuseen Max’ed Faarax Caydiid, [oo waayey jagadii wasiirka arrimaha gudaha]
  • Wasiirka arimiha Gudaha, Max’ed Shiikh Max’uud Gacma-dheere,
  • ku Xigeenka Ra’iisul Wasaaraha ahana Wasiirka Tacliinta Sare Saalim Caliyow Ibarow,
  • Wasiirka Warfaafinta Madoobe Nuunow,
  • Wasiirka Caafimaadka Qamar Aadan Cali,
  • Wasiirka Xanaanda Xoolaha Cali Jaamac Jangali,
  • Wasiirka Dib u Dhiska iyo Dib u Dajinta C/raxmaan Shiikh,
  • Wasiirka Caddaaladda Xasan Dhimbil Warsame,
  • Wasiirka dib u hashiisiita Max’ed Cabdi Xayir Maareeye
  • wasiirka Macdanta Maxamed Nuuraani Bakar,

Wasiir ku xigeenada

  • Xasan Cabdi Suuri wasiir ku xigeenka dib u heshiisiinta iyo jaaliyadaha.,
  • Axmed Maxamed Cabdi wasiir ku xigeenka warshadaha.,
  • Ibraahim Abiikar wasiir ku xigeenka shaqada iyo shaqaalaha.,
  • abdi Xaaji Yariis wasiir ku xigeenka ganacsiga.,
  • saaq Maxamed Maxamud wasiir ku xigeenka wasaarada awqaafta iyo arrimaha diinta.,
  • c/rxman Xaaji Ismaaciil wasiir ku xigeenka macdanta iyo biyaha.,
  • abdi Axmed Xaaji Faarax wasiir ku xigeenka maaliyada.,
  • yuusuf Geelle Ugaas wasiir ku xigeenka warfaafinta.
  • Xasan Abiikar Maxamed (Japan) wasiir ku xigeenka hidaha iyo tacliinta sare.,
  • Maxamed Cabdi Xuseen (Beekoos) wasiir ku xigeenka batroolka iyo tamarta
  • Isaaq Maxamed Nuur Daqarre wasiir ku xigeenka beeraha

Wasiir dowlayaasha

  • Cabdalla Boos Axmed wasiiru dawlaha wasaarada hawlaha guud iyo guryeynta.,
  • axamed Axmed Kulan wasiiro dawlaha wasaarada beeraha.,
  • Khaalid Cumar Cali wasiiru dawlaha golaha wasiirada.,
  • axmed Cumar Gaagaale wasiiru dawlaha boostada iyo isgaarsiinta
  • c/raxmaan Xuseen Aadan Wasiiro Dowladaha arimiha dibada iyo iskaashiga Caalimiga ah.

Geedi” Wasiirkii gudan waaya Xilkiisa waa la eryayaa…

Cali Max’ed Geedi oo ah Ra’iisul Wasaaraha Wadanka Soomaaliya ayaa kulankiisii ugu horay la yeeshay Wasiirada Cusub oo iyagu shalay la magacaabay waxa uu sheegay in sababaha ay Dowladau isku shaandheyn ugusameesan ay tahay ka dib markii Qaar ka mid Wasiirada ay xilalkoodii gudan waayeen isla markaana sameeyey Musuq-maasuq iyo wax is daba marin.

Ra’iisul wasaaraha waxa uu sheegay in Wasiirada Cusub looga baahan ayahay in ay la yimaadaan Dar-dar la xiriirta howshooda isagoo sheegay in wixii haatan ka dambeeya Wasiirkasta lala xisaabtami doono.

Maanta ayaa la filayaa in Wasiirada Cusub lagu hor dhaariyo Madaxwayne C/laahi Yuusuf Axmed

Baarlamaanka Uganda oo isku khilaafay in soomaaliya loo diro…

Baarlamanka waddanka Uganda ayaa shalay lagu waday inuu kulan ka yeesho Ciidamada Uganda oo loo dirayo Wadanka Soomaaliya waxaana kulankaasi lagu waramay in dib loo dhigo Mudo todobaad ah ka dib markii Maucaaradka waddanka Uganda ee sheegeen inay aad uga wal-walsan yihiin in Soomaaliya loo diro Ciidamo Nabad ilaalin ah

“ Ciidamo fara badan ayaa loo diray Wadanka Soomaaliya wayna ku guuldareysteen inay Soomaaliya Nabad ka dhiliyaan hase yeeshee Ciidamo aan sidaasi u Awood badneyn u maleynmeeno inay Nabad ka keeni doonaan “ ayey yiraahdeen Xubnaha Mucaaradka ee Wadanka Uganda waxaa kaloo sheegeen in loo baahan yahay in la cadeeyo Cidda bixinaysa Kharshaka Ciidamada oo ay sheegeen in ay ogyihiin in Kharashkaasi ilaa haatan aan meelo la saarin waxayna soo jeediyeen in Dowladda ay ka tanaasusho darista Ciidamadaasi.

Dowladihiin horay u balan qaaday in ay Soomaaliya Ciidamo u diriyaan ayaa dib ula laabtay dirista Ciidamadaasi.

Dowladda fedaraalka ah oo shalay soo bandhigtey hub laga keeney..

Maalintii shalay ahayd ayaa Ciidanka Booliska Nabadgalyada ee Gobolka Banaadir Howgal ay sameeyeen ayey ku soo qabteen Hub ay Dowladdu sheegtay in ay ahaayeen Hubkii lagu weerari jiray Xarumaha Dowladda fedaraalka ah iyo Ciidamada Itoobiya.

Salaad Cali Jeele oo ah Wasiir ku Xigeenka arimaha Gaashaandhiga ayaa mar uu ka hadlayey Hubkaas waxa uu sheegay in ay Booliksa ay ku guulaysteen inay gacanta ku dhigaan Hubkaasi oo uu sheegay in laga soo qabtay Degamada Dayniile gaar ahaan Dugsi shanaad isagoo sheegey laguna raad joogo Kooxihii Hubkaasi faraha ku hayey .

Salaad Cali Jeele waxa uu sheegay in ay Ciidamada Nabadgalyada soo afjari doonaan Kooxaha caadaystay in carqaladeeyaan Nabadgalayada Gobolka Banaadir waxa uuna u soo jeediyey Shacbka Gobolka in ay la shaqeeyaan Ciidamda Amaanka soona sheegaan halka ay ku dhuumaaleystaan

Waa markii ugu horeysay oo ay howgal ay sameeyaan Ciidamada Nabadgalyada kuna soo qabtaan Hub ay Dowladdu ku sheegtay in uu ahaa Hubkii lagu waarariyey Xarumaha Dowladda isagoo sheegay in dhawaan Maxkamad la soo taagi doono Qaar ka mid ah Kooxahaasi

W/D Amiin Yuusuf Khasaaro
E-Mail amiinkhasaaro@hotmail.com

Faafin: SomaliTalk.com | Feb 8, 2007

Zakariya Xaaji:-Waa In Loo Diyaargaroobaa Sidii Tegreega Dalka Looga Xorayn Lahaa
Xildhibaan Zakariya X.Maxmuud oo isagu ka mid ah guddiga arrimaha dibada ee Golaha wakiilada, isla markaana xubin joogta ah ka ah baarlamaanka Carabta ayaa xaflad lagu qabtay magaalada Dimishiq taas oo lagu soo dhaweynayey xildhibaanka ka sheegay in ay Soomaalidu u diyaar garowdo sidii ay dalkooda uga xorayn lahaayeen xoogaga Tegreeyga ee ku soo duulay.
Xafladan oo ay ka soo qayb galeen dadaweyne aad u tiro badan iyo xubno ka socday Safaaradda Soomaalida ee dimishiq gaar ahaan xoghayaha Safaaradda C/raxmaan Barqiya, guddoomiyaha Jaaliyadda Soomaaliya Fu’aad iyo Shiikh C/casiis Calas ayaa waxa uu Zakariye ku dheeraaday Taariikhdii soo jireenka ahayd e u dhaxaysay Shacabka soomaaliyeed iyo Dawladda Itoobiya ee ay gadhwadeenka ka yihiin qawmiyada Tegreey..
.Akhri...


oilShirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu bixisay..
Akhri...


Lacag dhan $3 million ilaa $7 million oo ay kala Qaybsanayaan Range iyo DGPL
Lacagtaas oo qarsoodi ahayd waxaa shaaca ka qaaday wargeyska Herald ee ka soo baxa Australia... Akhri....

oilKenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya... Akhri...

DGPL oo Caddayn weydey Meesha ay ku Baxeen Lacagihii ay hore u Bixiyeen Shirkadaha Macdanta
Madaxweyne Cadde Muuse oo ku sugan Dubai oo kulan la yeeshay shirkadaha ayaa la sheegay in... Akhri...

 

Kulaabo bogga  www.SomaliTalk.com 
© www.SomaliTalk.com

BAARID | SEARCH