Sheikh Shariif Sheikh
Axmed oo Caawa uga qeyb qaatay dhinaca khadka
Taleefanka Kulan ay lahaayeen Jaaliyadda
Soomaaliyeed ee Wadanka Switzerland gaar ahaan
Magaalada Zürich
Zürich, 24.02.07
SomaliSwiss
AxmedDhicisow, Mustaf Gobdon
somalichradio@bluewin.ch
Tel.0041.797983805
Jaaliyadda
Soomaaliyeed ee ku nool Magaaladda Zürich ee dalka
Switzerland ayaa waxay Caawa oo Sabti ah isugu
yimaadeen Kulan looga hadlayey marxaladda adag ee
dalka iyo dadka Soomaaliyeed uu ku sugan yahay iyo
sidii loogu hortagi lahaa,
Weerarka lagu hayo shacabka iyo joogitaanka
Ciidammada Xabashada ay joogaan dhulka Soomaaliya
iyo kuwa dabadhilifka ah ee dalka ku soo hoggamiyey
cadowga,
Kulankan
ayaa waxaa khadka Taleefonka si toos ah uga soo qayb
galay Amiirka Muslamiinta Soomaaliyeed Sheikh
Shariif Sheikh Axmed oo kulankaas ka soo jeediyey
warbixin ku saabsan Xaaladda Muqaawamada ka socoto
dalka iyo sida loogu baahan yahay in qofkasta oo
waddani Soomaali ah oo muslim ah,
Waa inuu kaalin wax-ku-ool ah ka qaato difaaca
Diinta iyo Dalka wuxuuna ugu qayb qaadan karaa af
iyo addin. Maal, Muruq iyo Niyadba,
Inkastoo aan halkan lagu soo koobi karin Khudbadii
iyo hadaladii guubaabada ahaa ee Sheekhu sheegay
ayaa hadana,
Sheikh Shariif wuxuu Sheegay in maanta Soomaalida
gudaha iyo dibedda joogtaa boqolkiiba 70% ay fahmeen
in xalka kaliya oo lagu nabadeyn kara Soomaaliya uu
yahay in labada gacan lagu qaado KITAABKA QUR’AANKA,
lagana dhigto dastuurka lagu dhaqayo dadka iyo dalka,
Haddii sidaas la yeeli waayo way adag tahay sidii
lagu walaloobi lahaa loona heli lahaa nabad waarta,
Sheikhu wuxuu guud ahaan Jaaliyadda Swissku kula
dardaarmay inay cudaddooda mideeyaan naftooda iyo
maalkooduna u huraan halganka loogu jiro sidii looga
saari lahaa Tigreega ku soo duullay dalkeenna Hooyo,
Waxaa kaloo kulankaas ka hadlay hormuudka Jaaliyadda
Soomaaliyeed ee Gobolka Zürich Sheikh Xassan Naaji
wuxuu Jaaliyadda ku guubaabiyey in qofkasta uu xil
iska saaro sidii uu u gudan lahaa waajibaad
muqaddaska ah ee Diffaaca Diinta iyo dalka,
Wuxuuna intaasi ku daray in haddii la isku duuban
yahay wax weyn la qaban karo waayo far kaliya Fool
ma dhaqdo sidaas ayuuna hadalkiisa ku soo
gabagabeeyey,
Jaaliyadda Somalyeed ee wadankan Swisska gaar ahaan
Zuich ayaa waxay ku ballameen in Jimco kasta ay
kulmaan waxna uqabtaan taageerida ay u hayaan dadka
ladagaalamaya cadowga wadanka kusoo duulay ee
Tigreega,
Sidaasoo kale waxaa dhowaan kulan Banaanbax Cabasha
uu ka dhici doona 09.03.007 (Maarso 9) Jineva
Xarunta UN, sidaas oo kala ah uu kadhici doonaa
Magaalada Caasimada ah ee Berna ee wadankan Swisska,
Dadweynaha sharafta leh ee xaqqa jecel iyo inta
taageerta Maxaakiimtana waxaan kacodsaneynaa in ay
nala soo xiriiraan si aan hiil iyo hooba ula garab
taagnaanno Walaalaha Somalia ku dhibaateysan ee xaq
udirirka ah,
SomaliSwiss AxmedDhicisow, Mustaf Gobdon
somalichradio@bluewin.ch
Tel.0041.797983805
:::
C/Laahi
Yuusuf Hadal uu Ka Jeediyey London, UK....
|
Radiomidnimo
:::
Sh. Shariif Cabdi Nuur: Dagaalama
Ciidmada Itoobiyaanka
Khasaaraha Dagaalkii Dhex Maray kooxaha Hubaysan Iyo
Ciidamada Ethiopia
. Muqdisho: Weerar ka fool ka fool
ah oo lagu qaaday...
.Gacma Dheere oo ka codsaday Saxaafadda in aysan...
.Wasiirka Gaashaandhiga Uganda oo soo gaarey Muqdisho..
.FIFA oo Darbaweyne ka dalbaday in uu faahfaahin ka bixiyo.
.DKMG ah oo soo dhaweysay Go'aankii Qaramada Midoobey
.C/llaahi Yuusuf oo ku sii jeeda dalka Belgium..
.Jabahada Xoraynta Soomaali Galbeed Oo Dagaalo Ba'an Kula
Wararka oo dhan
ka akhri halkan... Feb 24
|