"waayadii hore soohdinta Itoobiya badda ayay ku sinnayd, hase ahaatee kolkii ay weydey awood ku filan oo ay wax isaga caabbido, xoogagga kiristaanka ahina ay wax kaalmo ah taaran waayeen ayay soohdimahayagii badda gaarsiisnaan jirey waxay u gacan-galeen quwado muslin ah" Menelek II: April 10, 1891... Akhri... Xuseen Maxamed Faarax Ceydiid Ra'iisul-wasaare K/xigeenka ahna Wasiirka Arrimaha Gudaha DFKMG ee lagu soo dhisay Nairobi oo Magaalada Muqdisho dhawr maalmood kadib markii ay qabsadeen ciidamada Ethiopia kula hadalyey odayaal dhaqameedyo ayaa  sheegay in la baabi'inayo Xadka Soomaaliya oo lala midaynayo Ethiopia, oo Hal Ciidan ay yeelanayaan, Hal dhaqaale yeelanayaan, hal Baasaboor ay qaadanayaan Soomaalida iyo Itoobiyaanku. Xuseen Caydiid: Jan 2, 2006... Akhri.. Ciidamo Itoobiyaan ah oo harsanaya Geed-hindi;  Muqdisho Jan 4, 2007.  AFP Qoraalkii  uu C/Risaaq Xaaji Xuseen  2002  Ka Qoray Faragelinta ay Itoobiya Ku Hayso Arrimaha Gudaha ee Soomaaliya, kaas oo ku aadan arrimaha Maanta taagan.. Akhri Meles Zenawi: Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

W/D: Amiin Yuusuf Khasaaro

E-Mail amiinkhasaaro@hotmail.com

Muqdisho, Soomaaliya

---

Caruurta marka ay cayaarayaan oo hadalku bato ayaa mid ka mid ah wuxuu soo jeediyaa erey Soomaalidu si aad ah u taqaan oo ah “Yeeri Yeeri Yam” Yaxaas ku qaaday Yam”. Ereyadan macno weyn ayay ku fadhiyaan oo wuxuu kuu tusaaleynayaa in ninka yeer yeerka badan uu Aamuso xitaa haddii uu yaxaas ku qaado inaadan hadli Karin oo aadan dhihi Karin “War iga dhiga Yaxaaska”.

Markii ay Soomaaliya ay ka dhaceen Dagaalada sokeeye waxaa abuurmay Kacaan dhinaca war baahinta ah waxaana si aad ah u soo dhaweeyay bulshada Soomaaliyeed oo ah iyagu kuwo ku nool dhinaca hadalka kuwaasoo mar kasta doonaya inay helaan war cusub,

Magaaladan Muqdisha ee aan ku noolahay waxa waqtigii Sagaashameeyadii ka bilowday war baahin xor ah gaar ahaan dhinaca wargaysyada kuwaasoo dadku si aad ah u akhrisan jireen, hasa yeeshee sanadkii 2000 markii la soo gaaray waxaa abuurmay kacaankii Idaacadaha, waxaana Muqdisha laga furay illaa iyo dhowr iyo toban idaacadood kuwaasoo soo tabinayay dhacdo kasta, xitaa warbaahinta waxay ka qayb ka qaadatay horumarinta Dalka Soomaaliya, waxayna bulshada tusiyeen inay keligood isku gargaari karaan, waxaana ugu dambeeyay markii ay dhaceen fatahaaddii Webiyada iyo daadadkii roobabka in bulshadii Soomaaliyeed ee dibad iyo gudaba ay dadkaas u soo gurmadaan

Dhawaan ayaa Barlaamaanka Soomaaliya wuxuu ansaxiyay mooshin ah in dalka lagu soo rogo xaalad deg deg ah oo muddo seddax bilood .ah lagu maamulayo waxaana awooddii oo dhan gacanta loo galiyay Madaxweyne Cabdullaahi Yuusuf Axmed. Markii muddo seddax maalmood laga joogo go’aankaas ayaa seeftii Cabdullaahi wuxuu kula dul dhacay qaar ka mid ah warbaahinta Soomaaliyeed oo markiiba albaabada loo laabay, waxay dadku markiiba yiraahdeen “Waw Seeftii Dabdullaahi waa bilaabatay, laakiin ma ahayn inuu warbaahinta aado waayo Bulshadu ma haystaan wax nabadgelya ah oo habeen walba waxaa Muqdisha ka dhacaya Qaraxyo iyo dil joogta ah, waxayna ahayd inay xoogga saaraan dhinaca ammaanka .

Nin oday ah ayaa markii uu maqlay in dhowr idaacadood albaabada loo laabay ayaa waxa uu yiri “warbaahinta dalka waxay yihiin kuwo dhex dhexaad ah ee soo tabiya wararka dalka iyo dibaddiisa, waayo ma maqli lahayn waxa ka dhacaya cirifka ugu shisheeya ee Dunida, mana ahayn in dawladdu taabato warbaahinta”, Nin kale ayaa waxa uu yiri “Warbaahintu waa kuwo wax badbaadiya mararka qaarkood, waayo subixii maarkaad Jaraa’idada akhrisid idaacadahana dhagaysatid oo laagu sheego hebel baa halkaas lagu dilay, waxaa markiiba dib maskaxdaada uga baaraysaa yaa geystay falkaas, halk uu dilku ka dhacay isla markiiba waxaad ogaaneysaa in shilkaas dhacay uu yahay mid adiga dareen ku galinaya, markiibana gurigaaga ayaad iska joogeysaa adigoo ka cabsanaya in aano qabiil laguu dilo”.

Xiritaankii Idaacadaha Shabeele Horn Afrik , Qur’anka Kariimka iyo xafiiskii Al Jasiira ee Muqdisha ayaa waxaa si aad ah uga xumaaday bulshada Soomaaliyeed oo ku tilmaamay inay tahay mid lagu deg degay, waayo waxay yiraahdeen shacabka Soomaaliyeed waxay u baahan yihiin Nabad, Wiil dhallinyaro ah ayaa waxa uu sii daba dhigay “Aniga shakhsiyan waxaan is lahaa warbaahintan waxaa caburin doona Maxkamadaha siday u joojiyeen qaadka iyo shineemooyinka ayay u xiri lahaayeen, marka aad bay la yaab iigu noqotey in la yiraahdo Dawladdii Federaalka ayaa idaacadahaas xirtay”

Gabar aad u dhagaysata Idaacadaha ayaa waxa ay tiri “War Dawladdu ma oga miyaa in caalamkii isku fur furmay oo la helayo wab-site-yo aad markiiba ka heleysid warkii ugu danbeeyay iyo is gaarsiin casri ah, marka waxaan dhihi lahaa dawladda inay faraha ka qaaddo warbaahinta dalka ee curudka ah haddii kale waxay bulshada u arkayaan mid caddiifad lala xiriirin karo”., anigoo maraya wadada black Sea ayaa waxaa iga hor yimid nin odey ah, wuxuuna I weydiiyay “War Maxaa dhacay oo idaacadaha loo xiray?”, markaas ayaan ku iri “Dawladdu way diidday in wax walba la sheego, Isbaaro Dil, Dhac iyo Qarax,”, Markaasuu ii lsii daba dhigay “Iska Qora ama iska Tabiya Tahniyad iyo Tacsi”, markaas ayaan ku iri “Tacsida ayaaba la isaga daba imaan karaa oo lagu dhihi karaa War hebel tacsidiisii maxaad u sheegtay oo habeen hore lagu dilay meel heblaayo?

Guntii iyo gebagabadii Saxaafadda maanta ka weyn wax afka sharooto laga saaro, sidoo kalena laga gudub xilligii la oran jirey “Waa Juuq la’ amase Jabaq la’, waxaa kaloo laga gudbay hal hayskii caruurta ee ahaa “Yeeri Yeeri Yam, Yaxaas ku Qaaday Yam”.

 Godinyahay ima Gooyseyn Haddaan Gabalkey kugu daabneyn: bishan December waa mid taariikhda gashay waayo waa markii ugu horeysay oo.. Guji

W/D: Amiin Yuusuf Khasaaro.
E-Mail: amiinkhasaaro@hotmail.com

• Meles Zenawi: Hadalkii Diinaari ee Sarbeebta ahaa oo aan Soomaalidu fahmin iyo Xuseen Caydiid oo ah fikirka Saxda ah iyo Qorshaha/Hindisaha/Aragtida ama VISION-ka dhabta ah ee Dawladda... Akhri...

Faafin: SomaliTalk.com | Jan 17, 2007

---

EEG BOGGA ARAGTIDA/MAQAALADA DADWEYNAHA..... GUJI...