Riyadii
Xalay baan Rumeeysto, waan Riyaaqay!
Sawirka: (c) Amiin Caamir
Madaxweyna ku xigeenka
Somaliland oo naxsan ayaa sardha uu ku jiray ka booday!
Wuxuu
yidhi:
Waan riyooday, manaam baa
lay tusay, riyadeyduna waa run, waysoo gudi oo soo guurayn, Bari iyo
Boosaasay ka iman, way isasoo xijaabi, dhar badan bay laalaadin, indhaha iyo
afkuna waa qam, waa laygu diday, waan soo booday, acuudigaan boobay, walaac
iyo walbahaar baa igu batay, wan weyn baan qalay, digaag baan madaxa ka
jaray, dhiiggii baan guriga ku sayriyey, cusbo iyo cashar baan qooshay,
madaxa iyo minjahaan mariyey, miskibaan shitay, quud awliyaan qaniinay,
nasradaa isku dhacday, cindallahi oo dhan baa bunaysatay. Qayladhaan baa
timid, riyadii baa rumowday, cadawgii baa I horjooga, faqashtii baa soo
noqotay,uumi iyo qiiq baa iga baxay, waan kacoo kufay, isfiilitaa igu
dhacday, tusbax laba carablaan qoorta soo surtay, saalimoowgii baan ku
halgaaday, saljuglay u dhacday, shalmadii yo shareerkii baa laga dhuftay,
saraakiishaan ka adeejiyey, sakaraadkii baa la tusay, Somaliland bay timid,
saancadlay u adeegi, sir iyo sixir bay wadataa, saxariir baanu badi, saf
baanu ka mari, saliib baanu uxiri, sanka ilaa suulkaanu dilaacin, Faqashta
kaley tusaale u noqon!
Samsam oo murugo iyo taal
la hadli la’ baa hadal iska baadhbaadhay
Waxay
tidhi:
Adeerow miyaadan islaam
ahayn, miyaadan Soomaali ahayn, miyaadan gabdho dhalin, miyaan dumar kula
dhalan, miyeysan hooyo ku dhalin, miyaadan dhaqanka aqoon, miyaanan gabadh
yar ahayn, miyaadan abtigey aqoon, miyaadan insaan ahayn, miyaadan naxariis
aqoon, miyaanan dalkaygii joogin, miyaan dadku khaldamin, miyaan la amban
Karin, miyaadan odhan dhibanaan ahay, miyaadan Siyaad ka cabanayn, miyaadan
lahayn waa lay gumaaday, miyaadan lahayn beledkaygii ba’, miyaadan lahayn
waa lay mooraduugay, maxaad adigu sidan u sameyn, miyaadan kuwaa la mid
ahayn, maxaase aniga iyaga iga galay, maxaa aniga faqashta iga dhigay, maxaa
aniga aad iigu halqaban, maxaad iigu dalbatay wax magaradka, maxaa la ii
kufsaday, maxaa la ii jirdilay, maxaa gacmaha layga jabiyey, maxaan wax ku
cunaa haatan, ma afka uun baa cuntada laygu guri, maxaad guurtideyda u
maqliweydeen, maxaad dulmana u doodaha u caburiseen, maxaad cuqaasha u
caasideen, maxaad saxaafada u cabudhiseen, maxaad qareenadeydii u qisaasteen,
maxaad kabaryeeri karanbiyeeli cad gashan dhakhtar ugu sheegteen, maxaad
darawalkeygii diirka uga siibteen, markuu gaadhigeygii yidhi maxaad koodadka
u jebiseen, muxuu taliyaha baasi gaadhiga u gubay, wuxuusan lahayn muxuu ugu
tamashleeyey, maxaad Kaahinka Xaakim uga dhigateen, muxuu maxkamad ku qoslid
denbi uga dhigay, muxuu, tola’yeey, kii ikufsaday warkiisa ugu riyaaqi,
muxuu qofkii iinaxaba albaabka ugu tilmaami, muxuu hanjabaad iyo xarig iigu
goodiyey, muxuu dal ku joog iyo Fiise la’aan iigu hanjabay, muxuu igu yidhi
waxaad tahay Seera goys, muxuu muusooday markaan ilmeynaayo, muxuu dubaha
xun la dhacay aashteriga, muxuu ,Alla sii qaadku, xukun been ah xaf ka
siiyey, muxuu diraca xaakimka iyo keygu ku kala duwan yihiin, maxayse gaban
yaroo agoon ahi Goboka Waqooyi u qarxinaysaa!
Wuxuu
yidhi:
Adeerkaa maahiye kow dheh,
saancadle Faqashaad tahay, Soomaalina iskuma nihin, Islaamkana bidcaad ka
tahay, gabdhahayaguna waa gob, maaha Midgo’ iyo Sankadhuudhi, waa Bini
Haashim laandheere ah, saraakiisha ku silcisayna sareeyaan ka wada dhigi,
dalkana ma lihid oo soo galooti baad tahay, sun iyo hubka waxgumaadaad
wadataa, faqashtii hore iyo adiguba isuma kay dhaantaan, doofaarka haddii la
meydhaana waa uun doonfaar, Afku ku go’ye, Xaakimku sow innaga maaha,
mudiciga ku kufsadayna waayo, Cigaha Been-Been-Sii ka sanqaraana ma garan.
Dulmane u doode sow caduwullaahi maaha, maxkamad ku qosle sow caduwu-Rasuul
maaha, shacabkoo wax gartaana sow caduwu-Muslimiin maaha. Duqeyda iyo
Guurtidu sow qayili maaha, markay marqaamaana sow iska qayliya maaha, far
qaloocda iyo ul dhulka ku xar-xariiq maaha. Haddaba ismoogey meesha lagaa
raacay war ma u haysaa! Sow...Bidco, Binti-Daarood Biri geydo ma tihid!
Sawirka waxaan kasoo
qaatay
www.aminartis.com (Sawirku kun erey buu u dhigmaa!)
Cinwaanku waa heesta uu
ku luuqeeyo Max’ed Suleman Tubaac
C/Rahman Eelay
eediran@yahoo.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | 23/12/2004
Kulaabo bogga
www.SomaliTalk.com
|
Daabaco
Boggan | Print
