Maxey ku doorteen Islaamka?
Maxamed Knut Bernström
- Tarjumadii: Ikraam Cali-kaar
Waxaa uu
ahaa muddo badan siyaasi howlo kala duwan dibadda dalkiisa uga soo
qabtay. Sidoo kale waxaa uu ahaa sanadihii afartameeyaddii mas’uul
katirsan Wasaaraddii Arimaha Dibada Sweden ee ay Qaramada Midoobey u
dirtay dalalka Marooka,Venesuela iyo Spain. Misna wuxuu xilliyo kala
duwan intii u dhaxeysay sanadihii 1976-dii- 1983-dii, ahaa danjire u
fadhiya dalkiisa dalalkaasi kor ku xusan qaarkood, isagoo weliba
Islaamka qaatay bilowgii siddeetamayadii.
Haddaba siddii caadada noo aheyd
sheekooyinkeenii Maxey ku doorteen Islaamka, ayaa maanta qormadeenan
waxaan ku soo qaadaneynaa sida uu ku soo Islaamay danjire reer Galbeed
ahaa, Islaanimadiisana aysan la socon dowladii uu magaceeda u fadhiyey
meelihii kala duwanaa ee ka soo shaqeeyey isagoo qarsanaayey
Islaanimaddiisa. Sidey arrintaasi ku dhacday isagoo ka sheekeynayana
Maxamed waxaa uu ku bilaabay sidatan:
Waxaan ahay nin Odey ah, Illaahey baa
mahad lahee nolosheyda barkeeda waan soo qaatay, Inaan Muslin noqdana
waa mid ay ku jirtay gacanta Alle. Sidaasi aawadeed iminka nolol cusub
ayaa ii bilaabatay, intey soconeyso iyo sidey ahaan doontaba waa mid uu
ogyahay Allaha weyn ee Xaqa lugu caabuddo. Balse inta ka harsan
nolosheyda waxaan jecelahay inaan Islaamka iyo dadkiisa u shaqeeyo.
Anigu markeygii hore waxaan ahaa nin
Masiixi ah oo heystay Madhabta Katolska. Waxaa maalin dhacday in la
qorsheeyey bal in wax laga badalo Kaniisadaha madhabta Katolska. Si
casriyen iyo dib u habeyn loogu sameeyo intaba. Maxaa yeelay waxaa la
ogaaday inaaney dadku iman kaniisada oo aysan cibaadeysan, maba
dareensana iney ahaayeen dad Masiixiyiin ah, sidaas ayaa la is yiri
dadka waa la soo celin karaa cibadaada iyo kaniisadaba. Isbadalkaasi
waqtiga uu dhacayo waxaan ahaa danjiraha Sweden u fadhiya dalka
Venesuela. Waxaaban xasuustaa in baaderigii yiri maalintaasi ”Shirkii
kaniisadaha ee Roma ka dhacay waxaa go’aan lugu gaaray in Adeegyada
bulshada ee Diintu fareyso iyo cibaadeysigaba lugu dhigo ama lugu sheego
afka looga hadlo dalka markaasi la joogo oo howlgalka laga fuliniyo”
…..Cajiib!!.....oo ma hadda ayaan ku hadli karaa af aanan u dhalan?
Weliba aan aheyn tii rasmiga aheyd ee diintu ku soo degtay. Alleylaha
waa midaan soconeyn!
Muddo gaaban kadib waxaan iri ” sidan
Alleylaha kuma noolaan kartidee , maxaad sameysaa??” Waxaan markaasi
bilaabay inaan baadi goobo meel kale oo ka duwan noloshan waxaan qabay
dareen ah inaan doorto booqasho aan ku tago dalka Marooko, doorashada
dalkaasina waxaa iiga soo baxay waxyaabo ay kamid yihiin.
-
Sida Islaamka halkaasi ka yahay
-
Sida wacan ee loo tukanayo
-
Iyo Sida quruxda badan ee had iyo jeer looga hadlo bisha Ramadaan
iyo fadligeeda.
Waxyaabahaasi oo dhan waa kuwo si
xoogan ii soo jiitay annigoo ka hor ogeyn Islaamka waxa uu yahay.
Waxaan markaasi nafteyda ku iri ”sidan quruxsan oo keliya Islaam kuma
ahaan karitd, ee waa inaad u tukataa sida wacan ee loo tukanayo. Balse
inta aysan taasi dhicin waa inaan marka hore ogaadaa wax badan oo
Islaamka ah, sida Islaamku muxuu yahay?? Yaa loogu talagalay iwm?
Markaasi dabadeed waxaan bilaabay
inaan Quraanka Kariimka oo afka Ingiriisiga loo tarjumay akhriyo, waxaan
si dareen xoogan ku jirto u akhriyey Suurada Al- Falaq.
Illaahey isagoo suuradaasi ahmiyada ay
leedahay ka hadlaya ayuu yiri ” Qul acuudu Birabil falaq, min shari maa
khalaq” ( Waxaad tiraahdaa ”Nabiyow” waxaan ka magan galay Eebaha Subaxa
abuuray. Wixii Shar leh sharkiisa). Markii aan Suuradaasi akhriyey
waxaan durbaddiiba dareemay iney jirto awood iga sareysa. Quraankuna waa
inoo sheegay in sharta uu Alle abuuray isagana laga wakiisho. Sababtoo
ah waxkasta Illaahey baa abuuray isageyna gacantiisa ku jiraan.
Maalin baa tagay kaniisadda ileyn
waxaan ahay nin ku xiran kaniisadda, durbadiiba waxaan dareemay in leyla
hadlayo oo la ileeyahay ” Adigoo doonaya inaad Islaamka qaadato oo
niyada ku haya, hadana masiixi ma ahaan kartidee kala daa” Durba waxaan
garwaaqsaday iney tahay xaq inaan labada Diimood kala doorto, Islaamka
oo aan hada ku qanacsanahay iyo masiixiyadii oo weli igu dambeysa.
Islamarkiiba waxaan qaatay go’aan ah inaan Islaamo, waxaana halkaasi ku
qiray Shahaadada anigoo qirtay Jirtaanka Eebbe iyo Rasuulkiisa Maxamed
(scw).
Islaamka qaadashadiisa waa sheyga iigu
qiimaha badan ee maanta, waayo waxaa guud ahaan isbadal ku dhacay
nolosheyda oo dhan. Waxaan xasuustaa in nin Marookan ah igu yiri beri
markaan islaamka qaatay kadib ”Dadkiinan reer galbeedka ah waad naga
fiican tihiin markaad Islaamka qaadatan, annaga u dhalanay diinta sidey
tahay uguma dhaqano” Tani waa mid i tusineysa in arrinkani wax ka jirro.
Xijaabka ay diintu fareyso gabadha
Muslimada ah waa mid mudan in la qaato, iyadoo laga tusaalo qaadanayo
dar daarankii Rasuulkeena Muxamed (scw). Haweenkuna markaasi waxey ka
bad baadayaan sharkasta oo ku soo socotay.
Haweeneyda la yiraahdo Ann Sofie oo
iyadu ku xeel dheer Islaamka waxna ka dhigta jaamacadda Lund ee dalkan
Sweden, ayaa maalin aan la kulmay igu tiri ”Kawaran haddii arrinka
xirashada xijaabku aanu quseyn oo keliya haweenkii u dhaxay Nabi Maxamed
(scw) balse ay tahay mid guud ahaan la farayo muslimaadka oo dhan.”
Hadalka Ann Sofie aad buu ii farxad geliyey waxaana hubaati ah in
dumarka ay arrintaasi fahmi doonaan. Gebebabaddii aad bey farxad iigu
tahay in anigoo diblomaasi shisheeya ah qaatay Islaamka, waxaana
Islaamka iyo dadkiisa u rajeynaa hormar adduun iyo mid Aakhiraba insha
Allaah!
==== Dhamaad===
Ikraam Cali-kaar,
SomaliTalk Team, Gothenburg, Sweden
ikraam_k@hotmail.com
Faafin: SomaliTalk.com | Dec 21, 2004
Kulaabo bogga www.SomaliTalk.com
Powered by
www.SomaliTalk.com All About Somalia and More...
|