Waxaan ahaa caruur aad u da’yar markii aan bilaabay inaan xiiseeyo Diinta Islaamka islamarkaasina aan urruuriyo. Rug buugaagta laga akhristo oo ku taallo magaalada aan ku dhashay ayaan maalin anigoo ku jira urruurinta macluumaad la xirriira Diinta Islaamka waxaan ka helay Quraanka kariimka oo loo badalay afka Jarmalka, kaasoo tarjamudiisa la sameeyey sanadku markuu ahaa 1750-kii, sidda ku cad buug uu kaga faalloonayo qoraaga la yiraahdo Goethe oo isagu qudhiisa ku howlanaa qorista buugaga kaga hadlaya Diinta Islaamka islamarkaasina tarjumay Quraanka kariimka.

Markii aan akhriyey Kitaabkaas qadiimka ah ee loo badalay afka Jarmalka waxaan dareemay inaan helay wax uun nafteyda hagay oo macno u yeelikara. Kolka aan sii dheehday sida qeexan ay diintu wax walba u sheegtay. Waxaan ogaaday markaas in Diinta oo waqti yar jirtay ay tahay mid hormar gaarsiisay qaramo badan oo qaatay, taasoo aan u dareemay hormarka qowmkaasi ay ugu wacan tahay qaadashada Diinta Islaamka ay qaateen.

Muddo yar kadib markii aan ka tagay magaaladeydii aan ku koray waxaan saaxiib la noqday Muslimiin badan oo ku noolaa magaalada Berliin, waxaan u raaci jiray goobaha Diiinta lugu barto waxaan sidoo kale kala qeyb qaadan jiray shirarka ay kaga hadlayaan guud ahaan Diinta Islaamka, taasoo aan si aad ah u xiiseyn jiray. Intii aan ka tirsanaa asxaabtaas waxaan helay xaqiiqda dhabta ah iyo inaan ogaado Diintu waxey tahay, taasoo ugu dambeyntii kaliftay inaan caddeeyo in Diinta Islaamka tahay tan saxda ah ee aan raadinayey islamarkaasina aan aaminsanahay.

Sideedana Islaamku waxaa uu sheegaya in Illaahey oo keliya uu jiro isagana uu yahay kan abuuray kownkan aynu ku nool nahay. Halka diimaha kale ay isku qaseen seyniska iyo hormar ku sheega maanta jira ee casriga looga dhigay cinwaan. Sidaas aawadeed Diintani waa mid aan marna laga been abuuri karan oo naftaada ay jeclaaneyso.

Markaa dabadeed waxaan bilaabay inaan barto Diinta Islaamka oo aan baaritaan ugu dhaqaaqo xaqiiqda dhabta ah ee Diintani xambaarsan tahay. Baariteynkeeygiina kuma aanan guul darreysanee waxaan ogaaday macnaha weyn ee ay xambaarsan tahay iyo iney tahay dhambaal loo soo diray ummaddu iney tahay.

Diinta Islaamka waa diin cadaaladeed oo xaqa iyo baadilka kala saartay sidaas daraadeed waxaan anigoo ku faraxsan kuna qanacsan Diintan iyo sida ay u qurux badan tahay go’aansaday inaan Islaamo, anigoo qiraya inuu jirro Illaaha weyn ee xaqa lugu caabusdo Maxamed-na uu yahay Rasuulkii NNK, waxaana maanta ahay nin Alle qiray jiraankiisa, kana fogaaday dhamaan wixii uu nafeyda ka xarimay.

Lasoco cadadka dambe insha Allaah