Waxaa laga soo guuriyey Kitaabka " Dhaqankii dadkii ehlu khayrka ahaa"

Waxaa Ingiriis ku baddalay Shiik Axmed fariid,

Waxaa Soomaali ku tarjumay,
Maxamed Axmed,
Toronto, Canada.  
alhudaa1@yahoo.ca 

BISMILLAAH ARRAXMAAN ARRAXIIM.

Assalaamu calaykum,

~ SHIIKH kamid ahaa dadkii Alle doortay ee hore wuxuu yiri: Xigmadda waxaa lagu qurxiyey saddex arrimood: "Ka qoomamayn kaddib markii dambi lasameeyo, caloosha oo aan aad loo buuxin, iyo in had iyo jeer lala fariisto kuwa saddex kufuray adduunka".

~ IMAAM ASH-SHAAFICI: Allaha unaxariistee wuxuu yiri: " Qofkii dadka hadalladooda kuu soo guuriya hadhoow buu adna hadal kaaqaadaa, qofkii dadka kugu ag-xanta hadhoow buu adoo maqan ku xantaa, Qofkii markaad raalli gelisid kugu sheega wax aadan ahayn, hadduu hadhoow kaa xanaaqana wuxuu kugu sheegaa wax aadan ahayn (oo xumaan ah)"

~ FUDAYL IBNU CIYAAD: Allaha unaxariistee wuxuu yiri: " Qofkii eed-sheegashadiisu badato saaxiibadiisaa yaraada"

~ IBRAAHIIM AN-NAKHACI: Allaha unaxariistee wuxuu yiri: " Haddii aad eegtid meelaha laysugu yimaado(oo khayrka leh), qofka ugu sharafta badan meeshaas weligiis waa kan aammuska badan, maxaa yeelay aammusku wuu qurxiyaa qofka caalimka ah, wuxuu kaloo yareeyaa dhacdhaca qofka aan cilmiga lahayn".

~ MACRUUF AL-KIRAKHI: Allaha unaxariistee wuxuu yiri: Haddaad aragtid qof mar walba isaga-hadlaya wax aan Alle raalli ka ahayn, taasi waxay calaamad utahay in qofkaas uu Ilaahiis ka siijeestay".

SHIIKH horana Allaha unaxariistee wuxuu yiri: " Qofka markii hadalkiisu kordhaba waxaa bata dhac-dhaciisa".

~ SUFYAAN ATH-THOOWRII: Allaha unaxariistee wuxuu yiri: " Walaalkaaga Muslimka ah markuu kaa maqanyahay khayrkiisa sheeg, sida aad adiguba ujeceshahay in lagaa sheego khayr marka aad maqan tahay".

SHIIKH kamid ahaa dadkii hore ee khayrka badnaa wuxuu yiri: " Qof idinka idinka mid ihi wuxuu ogyahay ceebtiisa, laakiin wuu jecelyahay, hayeeshee wuxuu walaalkiis oo muslin ah ku nacayaa war laga sheegay, taasina xaq maaaha".

~ ASH-Shacabi: Allaha unaxariistee wuxuu yiri:" Qofka qodqoda ceebta walaalkiis, walaalo la'aan ayuu soo baxaa".

~ SUFYAAN ATH-THOOWRII: Allaha unaariistee: Waxaa layiri haddii uu miskiin soo garaaco albaabkiisa aad buu u farxi jirey, wuxuu oran jiray: " Soo dhawoow waxaad tahay mid uyimid inuu dambigayga iga dhaqee"

~ FUDAYL IBNY CIYAAD: Allaha unaxariistee wuxuu yiri: " Masaakiintu waa dad aad u fiican, maxaa yeelay waakuwa risiqayaga qaada oo kaddib ku rida kafadda xasanaadka ee taalla Ilaahay hortiisa maalinta qiyaame".

SHIIKH Kamid ahaa raggii hore ee khayrka badnaa Allaha unaxariistee wuxuu yiri: " Ka dheeraanshaha meelaha buuqa iyo dooddu kasocotaa waxay kamid tahay dhammaystirka dabeecadda qofka".

DHAMMAAD TAXANIHII XIGMADDA LATARJUMAY.

~~~
~~~

Waxaan kadaba geynaynaa dhoowrkaan sadar oo xigmadda ah iyana:

IMAAM XASAN AL-BASRII: Allaha unaxariistee, ayaa wuxuu yiri Carabi ahaan: LEEYSAL IIMAANU BIT-TAMANNII, WALAA BIT-TAXALLII, WALAAKIN MAA WAQARA FIL QALB WASADDAQAHUL CAMAL oo micnaheedu yahay(iimaanku maaha wax layska rajeeyo helidiisa, wax laysku dhedhejiyo ama laysku qurxiyana maaha, laakiin waa wax qalbiga ku sugnaada, kaddibna camalfalku uu rumeeyo)".

Sidoo kale, Maalin baa Imaam Xasan Al-basrii arkay wiil dhallin yaro ah oo aad uqoslaya, markaasuu wuxuu ku yiri carabi ahaan: "HAL JUZTA AASIRAADH(Wiilyohow ma jidkii siraad baad gooysey), wiilkii wuxuu ugu jawaabay maya, markaasaa Imaam Xasan yiri: "Hadde maxaa qosolka kuugu wacan haddaadan jidkii siraad ee qiyaame aadan gooyn".

XIGMAD marka lasheego ma fiicna in aan laxusin LUQMAAN AL-XAKIIM, oo ilaahayba quraanka kusheegay inuu siiyey XIGMAD.

LUQMAAN AL-XAKIIM: Allaha unaxariistee, ayaa isagoo wiilkiisa waaninaya maalin wuxuu yiri carabi ahaan: YAA BUNAYYA LAA YAKUUNANNA ADDIIKU AKYASU MINKA YUNAADII BIL ASXAARI WA ANTA NAA'IM(Wiilkaygoow diiqu yuusan noqonnin mid adiga kaa fiican, maxaa yeelay, salaadda subax ayuu qaylinayaa diiqu, adiguna waad hurudaa"!.

 Qaybtii hore.. GUJI HALKAN

Waxaa tarjumay,
Maxamed Axmed,
Toronto, Canada. 
alhudaa1@yahoo.ca 

Faafin: SomaliTalk.com | March 17, 2003

Isxisaabi inta aan lagu xisaabin..... GUJI

Powered by www.SomaliTalk.com
All About Somalia and More...