warar ku saabsan Xariga Cabdi
Qaybdiid
Imaamka C/llaalhi khaliif
Rooble “xariga Cabd Qaybdiid wuxuu cirka ku shareerayaa dib
u heshiisiinta .
Qoraal uu soo saaray Imaamka
beesha Habargidir Imaam C/llaahi Khaliif Rooble ayaa si
kulul u cambaareeyay xariga Col, Cabdi Xasan Cawaale (Qaybdiid)
oo 17-kii bishan lagu xiray wadanka Sweden wuxuuna imaamku
xarigaasi ku tilamaamay mid sharci daro ah oo aan
waafaqsanayn qaynuunka caalamiga ah, maadaama Cabdi Qaybdiid
uu ahaa mas’uul ka mid ah wafdi qaranka o ka socda Dowlad
xor ah.
Wuxuu ugu baaqay Dowladda
Sweden in ay si shuruuf la’aan ah ku sii daayaan isla
markaana ay raagelin ka bixiyaan xirigaa si aysan labada
shacbi u xiriirkoodu u xumaanin iyo dekano ka dhex dhalata
labada shacbi, wuxuu kalloo cambaareeyay shaqsiyaadka
Soomaaliyeed ee ka dameeyay xirida mas’uulkaasi, waxayna
cirka ku laali doonaan dib u heshiisiin soomaaliyeed haddii
aan laga fiirsan talaabooyin noocaas oo kale ah.
Shaqsiyaad Soomaali-yeed oo
u ololeenaya sidii loo ..
Shaqsiyaad Soomaali-yeed oo
isugu jira siyaasiyiin, waxgarad iyo aqoonyahano ayaa dadaal
ugu jira ama u ololeenaya sidii maxkamad loo soo taagi cid
kasta oo xadgudub ka gaysatay gudaha dalka Soomaaliyaa gaar
ahaan markii ay jirtay dowladdii Max’ed Siyaasad Barre ilaa
iyo Dagaaladii sokeeya.
“Shacabka Soomaaliyeed ma
aysan cafin gacan ku dhiiglayaasha waayo iyaga ayaa is
cafiyay” ayay yiraahdeen xubnahaasi oo la sheegay in ay
warqad qoraal ah u gudbiyeen Qaramada Midoobey oo ay kaga
dalbanayaan in Maxkamad caalami ah la soo taago intii ku lug
lahayd wixii ka dhacay Soomaaliya.
Hadalkaan ka soo yeeray
xubnahaani waxa uu ku soo beegmay xilli Dowladda Sweden ay
gacanta ku soo dhigtay Cabdi Xasan Cawaale (Qaybdiid) oo
qaar ka mid dadka Soomaaliyeed ku eedeeyeen in falal xasuuq
ah ka gaystay gudaha dalka Soomaaliya.
Xubnahaan oo ku kalan sugan
wadamada Mareykanka, Canada Australia iyo Yurub ayaa sidoo
kale waxay qoraalo u gudbiyeen wadamadaasi si ay gacan uga
gaystaan soo qabashada qabqablayaasha.
imaan Xasan Jiirow “xariga
Cabdi Qaybdiid Wuxuu dhabar jab ku ..
Iimaan Xasan
Jiirow oo sheegay in uu yahay guddoomiyaha Gobalka Mudug
shalayna nakala soo xiriiray Magaalada Gaalkacyo ee gobalka
Mudug ayaa cambaareeyay falkii xariga ahaa ee loo gaystay
Cabdi Xasan Cawaale (Qaybdiid).
“Xariga Cabdi
Qaybdiid waxa uu dhabar jab ku yahay Dowladda Federaalka
gaar ahaan guddoomiyaha Baarlamaanka” ayuu yiri Iimaan Xasan
Jiirow oo ugu baaqay Dowladda Federaalka in ay gacan ka
gaystaan sidii loo sii deyn lahaa muwaadinkaa Soomaaliyeed.
Sidoo kale wuxuu
ugu baaqay booliiska Soomaaliyeed in ay gacan ka gaystaan
sii deynta Cabdi Xasan Cawaale (Qaybdiid).
Iimaan Xasan
Jiirow oo hadalka sii wata waxa uu sheegay denbi la isku
raacdo waxaa lagu soo afjaray Embagathi oo waxaa lagu
heshiiyay Dowladda Federaalka kaddib ciddii danbi gasha in
loo raacdo, mar uu ka hadlayay arrimaha Gobalka Mudug waxa
uu sheegay in heshiiskii nabadeynta ee u dhexeeyay beelaha
Sacad iyo Suleymaan waxgaradka Soomaaliyeed looga baahan
yahay in mar kale boorka ay ka jafaan wuxuuna ugu
mahadceliyay in intii u soo gurmatay heshiisiinta labadaasi
beelood ee walaalaha ah.
Dhanka kale waxa
uu ka hadlay arrimihii dhawaan ka dhacay Garoonka
Diyaaradaha ee Magaalada Gaalkacyo, wuxuuna sheegay Iimaan
Xasan Jiirow in xaaladda nabadgelyo ee Gobalka Mudug ay
wanaagsan tahay isla markaana heshiis hordhac ah laga gaaray
wixii ka dhacay Garoonka diyaaraha ee Magaalada Gaalkacyo
balse waxa uu u soo jeediyay dadaka kale ee degan waqooyiga
Gaalkacyo in si cadaalad ah lagu qaybsado wixii daqli ah ee
soo gala Gobalka Mudug.
Cabdi Qaybdiid oo
gaashaanka ku dhiftay Eedeymihii loo soo j..
Ciidanka Booliiska
wadanka Sweden ayaa weli waxay su’aalo weydiinayaan G/sare
Cabdi Xasan Cawaale (Qaybdiid) oo ay dhawaan xabsiga u
taxaabeen ciidanka Booliiska ee wadankaasi kaddib markii
lagu soo eedeeyay in uu falal xasuuq ah ka gaystay dalka
Soomaaliya, wuxuuna Cabdi Qaybdiid eedeymahaasi ku tilmaamay
kuwo aan sal iyo raad toona lahayn.
‘Ciddii caddeyn
haysa waa in ay la timaadaa’ ayuu yiri Cabdi Qaybdiid oo la
filayo in maalinta arbacada ah maxkamad la soo taago.
Dhinaca kale waxaa
weli socda baaqyada Dowladda Sweden lagaga dalbanayo sii
deynta Cabdi Xasan Cawaale Qaybdiid waxay baaqyadii ugu
dambeeyay ka yimaadeen Ra’isul wasaare ku xigeenka ahna
wasiirka arimaha gudaha Xuseen Caydiid oo sheegay in
Dowladda Sweden looga baahan yahay sii deynta mas’uulkaasi,
maadaama uu shacabka Soomaaliyeed ku heshiiyeen shirkii dib
u heshiisiinta Soomaaliyeed ee Nairobi.
Banaanbax looga soo
horjeedo Xariga Cabdi Qaybdiid ..
Waxaa maalintii
shalay ahayd fagaaraha Tarabuunka ka dhacay banaanbax aad u
balaaran oo ay dhigayeen dhamaan qaybaha kala duwan ee
ciidanka Booliiska Soomaaliyeed, waxayna banaanbaxaani kaga
soo horjeedeen xariga Cabdi Qaybdiid loogu gaystay wadanka
Sweden waxayna ku tilmaameen mid xadgudub ku ah sharafta
ummadda Soomaaliyeed gaar ahaan ciidanka booliiska
Soomaaliyeed.
Xubnaha Booliiska
ee banaanbaxayay ayaa waxa u ay ku dhawaaqayeen ereyo ay
kaga dalbanayeen dowladda Sweden in la sii daayo dibana
loogu soo celiya sharaftiisii iyo sumcaddiisii, sidoo kale
waxay dowladda federaalka ka dalbadaneen in ay gacan ka
gaysato sidii loo sii deyn lahaa Cabdi Xasan Cawaale (Qaybdiid)
oo isagu ka mid ahaa wafdigii guddoomiyaha Baarlamaanka oo
ka qaybgalayay shir looga hadlayay arrimaha dowladda wanaaga
iyo nabadeynta wadamada geeska Afrika.
Dhinaca kale
jaaliyadda Soomaaliyeed ee wadanka Sweden aya iyana dadaal
ugu jirta sidii loo sii deyn lahaa Cabdi Xasan Cawaale
Qaybdiid, waxayna jaaliyaddu la kulmeen mas’uuliyiin ka
tirsan wadanka Sweden.
Dowladda Federaalka
ee fadhigeedu yahay oo ka hadashey..
Dowladda Federaalka ee
fadhigeedu yahay Magaalada Jowhar ayaa ka hadashay xariga
Cabdi Xasan Cawaale (Qaybdiid) oo haatan ku xiran saldhig
booliis oo ku yaala wadanka Sweden kaddib markii lagu
eedeeyay in uu xasuuq ka gaystay gudaha dalka soomaaliya
gaar ahaan markii ay socdeen dagaaladii sokeeye, waxaya
sheegtay Dowladdu in ay aad uga xumaadeen
“Waa muwaadin Soomaaliyeed oo
nooga baahan in aan u gumano” ayuu yiri Salaad Cali Jeelle
oo ah wasiir ku xigeenka warfaafinta ee Dowladda Federalka,
wuxuuna ugu baaqay Dowladda Sweden in ay si deg deg ah ku
sii deyso sarkaalkaasi.
Salaad Cali Jeelle waxa uu
sheegay in Dowladda Sweden ay kala hadli doonaan sidii loo
sii deyn lahaa Cabdi Xasan Cawaale (Qaybdiid) oo ka mid ahaa
wafdi uu hoggaaminayay Gudoomiyaha Baarlamaanka oo ka
qaybgalayay shir ka dhacayay wadanka Sweden waxaana, xariga
Cabid Qaybdiid si xun uga xumaaday dadka Soomaaliyeed ee ku
nool wadanka Sweden oo sheegay in Dowladda Sweden looga
baahan yahay in si cadaalad ah arrintaasi uga howlgasho.
Safaarada Sweden ay ku
leedahay Nairobi oo laga dalbadey.
Wararka ka imaanay magaalada
Nairobi ee dalka Kenya waxay sheegayan in xildhibaano
Soomaaliyeed oo ka mid ah garabka Dowladda ee Muqdisho ay
warqad qoraal ah u gudbiyeen safaarada Sweden ay ku leedahay
Magaalada Nairobi oo ay kaga dalbanayaan sidii loo sii deyn
lahaa taliyaha ciidanka Booliiska Soomalaiyeed Cabdi Xasan
Cawaale (Qaybdiid) kaddb markii lagu xiray wadanka Sweden
iyadoo dowladda wadankaasi ay ku eedeeysay in uu xasuuq ka
gaystay wadana Soomaaliya gaar ahaan Magaalada Muqdisho.
Safaarada Sweden ee Kenya
iyada ayaa ahayd tii Cabdi Qaybdiid siisay dal ku galka
Sweden, halkaas oo uu kaga qaybgalay Cabdi Qaybdiid shir
looga hadlayay dowlad wanaaga iyo nabadda wadamada Geeska
Afrika.
Markii qoraalka loo gudbiya
safaarada Sweden ee Dalka kenay waxay u sheegtay xubnihii
Dowladda in ay gacan ka gaysan doonto sidi loo sii deyn
lahaa sarkaalkaasi.
Xubnaha Dowladda ee iyana ku
sugan Magaalada Muqdisho ayaa si weyn uga xumaday xariga la
kula kacay Cabdi Xasan Cawaale (Qaybdiid) waxayna ka
dalbadeen Dowladda Sweden in si shuruud la’aan u sii daayaan
Sarkaalkaasi oo ka mid ah ciidanka Booliiska.
W/D: Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com |
Oct 19, 2005
 Terry
oo Xusuusan Waayey Heshiiskii Shiidaalka ee "Consort" iyo
Puntland
Ra'iisul wasaaraha DFKMG oo warqad u
diray suuqa Ganacsiga Australiya ayaa si weyn uga digey
cawaaqibka ka dhalan kara heshiiska Puntland iyo shirkadaha
Shisheeye, waxaana arrintaas qoraal dher ka qortay jariidada
'The AGE'
Guji...
Oct 17
»CIR-MAAXIYAAL
SHIINEES AH OO SAHAN HAWADA SARE UGU BAXAY
»Carruurta
Soomaaliyeed ee Qurbaha iyo Dhibaatada Aabbe La'aanta
»“Qoor-qabad
Waxaruhu Biyaha kuma Qurquriyaan” | C/waaxid
»Dowladda
Karaamaysan Hala Taageero Si Aanu U Helno Kala Dambeyn
»Oktoobar
iyo Xafladda lagu Samaynayo Jawhar | Bashiir
»Qarnigii
hore ee somaaliya & qab qab layaasha maanta jooga |
Jamal
»Doorashadii
Golaha wakiilada somaliland | Qodax
»Miyaa
Maxamed-dheere la Masaafurinayaa | C/waaxid Khaliif
»CIIDAMADA
QARANKA OO LOO ABAABULAYO QAABKII USC | C/risaq
»Madaxda
PL oo Jowhar Lagu Maamuuso, kuwa kalena la Xiiro
|
c/waxid
»INJ.
MUNYE OO FOGEEYAY EEDEYN LOO SOO JEEDIYAY | Abucar
»Jini
Boqor oo Muqdisho looga baxshay ALLE BOQOR | C/raxman
»Dib
u heshiisiinta Soomaaliya: Maxaa qaldan? | Raage
»Somaaliya
Katarina iyo Rita | Amiin Yuusuf
»Waraaq
furan oo ku socota Ururka midnimada islaamka |
Saciid
»HALKEEN
XALKA KA RAADINAA??? | Xuseen
»Hargeysaay
hambalyo | C/Raxmaan Taysiir
»Dalka
Yaa Iska Leh, Dadka Yaa Umaqan | Axmed Cali
»Xasuuqii
Malka-durduro | Warfaa
»Morgan
oo Noqday Makaalintii Barre Hiiraale |
Maxamed
»Qarnigaan
qabiil ku faan qiimo Ma leedahay | Mowlidyare
»MIDOWGA
AFRIKA: MIDNIMO KATALIN MISE MINDIYO AFAYN? | Garaad
»DIGNIIN
CULUS: AIDS-KA & SOOMAALIDA |
Dhagaafe
»S.Y.U.P
oo War ka Soo Saaray Doorashada ka Dhacday Somaliland
»Gabadhii
xumaan damacda: "nin iga weyn ayaa lagu dari lahaa"|
Ikram | 
Daabaco
Boggan | Print
