Daabaco Boggan | Print

Sanad Guurada Koowaad ee maalinta dadka Dhimirka Waxa uga dhimanyihiin oo Muqdisho si weyn looga xusay....

• Somali39@hotmail.com
  Muqdisho somaliya
  0025215576666

  ---

Cunista Qaadku Waa Khatar Axmed Nuur Yuusuf Guuleed garaacidii o ka muuqato C/qaadir Cabdow Max’ed Cabdi Carab Huruuse

Xaflad ballaaran oo lagu xusayay sanad guuradii koow-aad ee ka soo wareegatay aas-aaska xarunta lagu xanaaneeyo dadka waalan ee Dr. C/raxmaan Cali Cawaale (Xabeeb) ayaa maalinimadii Khamiista ka dhac-day magaalada Muqdisho gaar ahaan Hotelka Naasahablood.

Munaasaddaas oo si weyn loo soo agaasimay ayaa waxaa ka soo qeyb galay masuuliyiin ka socday maxkamadaha Islaamiga, marti sharaf iyo xubno ka socday dadka waalan ee xaruntaasi lagu xanaaneeyo waxaana ugu horreyntii halkaasi ka hadlay guddoomiye ku xigeenka koowaad ee waaxda Caafimaadka Golaha Maxkamadaha Sheekh C/laahi Cumar Ciid, wuxuuna sheegay inay tahay arrin kheyr ah in la xanaaneeyo dadka dhimirka la’.

”Bulshada Soomaaliyeed waxaa looga baahan yahay inay ku daydaan xaruntan isla markaana dadka ganacsatada ah waa inay gacan ka geystaan taakuleynta xaruntan oo mudan in lagu daydo” ayuu yiri Sheekh C/laahi Cumar Ciid oo si weyn u amaanay ahmiyadda ay xaruntan u leedahay bulshada, waxaa sidoo kale halkaasi ka hadlay guddoomiye ku xigeenka 2aad ee golaha Fulinta ee Midowga Maxkamadaha Islaamiga soomaaliyeed Sheekh C/qaadir Cali Cumar oo sheegay in loo baahan yahay in bulshadu ku dayato shaqsi kasta oo sameeya wanaag, isla markaana loo mahad celiyo cid kasta oo wanaag sameysa.

Sheekh C/qaadir wuxuu kaloo sheegay in daryeelka baaxadda leh ee ay xaruntan fidiso ay tahay mid ku dayasho mudan.

Cunista Qaadka waa Khatar Sabta Cudurada ku Dhaca  Dhimirka

Sidoo kale waxaa halkaasi ka hadlay kal-kaaliye sare C/raxmaan Cali Cawaale (Xabeeb) oo sheegay in xaruntan lagu xanaaneynayo haatan bukaano dhimirka la’ oo tiradoodu dhan tahay 39 ruux oo dumar iyo rag isugu jira, wuxuuna sheegay in 11 ka mid ah ay haween yihiin, 28-na ay rag yihiin.

”Ma jirto cid gacan nagu siisa daryeelka aan u fidino dadka waal-waalan ee ku jira xaruntan, waxaana jira rag muddo waalnaa oo haatan caafimaad qaba” ayuu yiri Dr. Kal-kaaliye sare Xabeeb oo intaa ku daray in haatan ay jirto ballan qaad ay u fidisay hay’adda WHO oo uu sheegay inay ka ballan qaadday dawooyin balse aysan jirin wax soo gaaray haatan.

Ugu dambeyntii waxaa halkaasi ka hadlay mid ka mid ah dadka waalan oo lagu magacaabo Cabdi Carab oo sheegay in haatan uu wanaagsan yahay balse markii la keenaya xaruntan uu ahaa mid ka xir-xiran gacmaha iyo lugaha oo aan wax cuneyn.

”Waxaan mahad u soo jeedinayaa dhammaan inta gacanta ka geysatay daaweynta bukaanadan ku jira xarunteena, waxaana lama iloobaan ah Dr. Xabeeb oo habeen iyo maalinba nala jooga xarunta” ayuu yiri Cabdi Carab oo sheegay in seddax bilood uu xarunta ku jiray haatanna uu caafimaa-dkiisu wanaagsan yahay.

Waxaan sidoo kale wareysanay xubno ka mid ah dadka waalan oo uu ka mid yahay C/laahi Max’ed Abshir (Haruuso) oo sheegay in 15 sano uu miyirka la’aa isla markaana uu soc-socon jiray wadooyinka magaalada Muqdisho qeybo ka mid ah, ”Markii ugu horreysay ee aan miyirka beelo waxaan dhihi karaa wuxuu iga soo gaaray xanuunkaas jaad fara badan oo aan cuni jiray, jaadkuna waa mid qatar ku ah bulshada” ayuu yiri Mr. Haruuso.

Sidoo kale waxaan wax ka weydiinay xubno kale oo ay ka mid yihiin C/qaadir Cabdow Max’ed oo isagu sheegay in uu farsamo yaqaan sameeya TV-yada iyo rikoorada ka ahaa dalka Itoobiya, markii uu magaalada yimidna uu waashay, isagoo taasi sabab uga dhigay cunista jaadka.

Sidoo kale Axmed Nuur Yuusuf Guuleed ayaa isaguna sheegay in muddo 24 sano ah uu ahaa waali dhaqanto isla markaana aan wax cuneyn, wuxuuna sheegay in markii uu xaruntan yimid uu haatan fayow yahay, wuxuuna ugu baaqay bulshada Soomaaliyeed inay soo caawiyaan xaruntan iyo dadka ku jiraba.


Somali39@hotmail.com
Muqdisho somaliya
0025215576666
002521653623

Faafin: Nov 25, 2006

Maxkamadaha: Dhuxusha HAA, Qaadka MAYA?
Golaha Maxaakiimta Islaamiga ah ayaa mar kale fursad siiyey kuwa Xaalufiya Dhirta ayagoo dhanka kalena olole xooggan ugu jira la dagaalanka qaadka.. Akhri Nov 23

»Qaar ka mid ah Haweenka G/banaadir oo loo tababaray mashruuca ka faaiideysiga Tamarata Qoraxda

»Leicester , UK:: Soo Bandhigid Dhaqan Soomaali

Xuquuqda Qoraalka Copyright Akhri..