SHIRKII BEENTA AHAA (Maanso)

Maansadan waxa curiyey Maxamed Xirsi Guuleed, taariikhdan 30-08-2007 oo ku beegan isla maalintii ay soo shaacbaxday in shirkii Xamar  ku soo dhammaatay natiijo laŽaan. Waxa jiray gabay hore oo uu Maxamed Xirsi ku sii saadaaliyey natiijada shirkaas. Gabayga hore ka fiiri tusaale ahaan halkan  

Wuxu yidhi: 

1. Shirkii beenta ahaa
2. Saw wax baabaŽay maaha? 
    
3. Intii aanu bilaaban
4. Bil horteed warkan sheegay
5. Sow buruuf hadda maaha? (Tixraac halkan...)’ 
    
6. Waxay baaq daldaleen
7. Ama buunan tumeen
8. Ama maal bixiyeen
9. Hal bacaad lagu maalay
10. Iyo boodh la afuufay
11. Sow bulshooy lama moodo? 
     
12. Raggii baadilka doortee
13. Xaqqa beeca yar siistay
14. maanta baylah aduunyiyo
15. boori sow kuma taallo? 
     
16. Biidhi qaate hungoobiyo
17. Naag busaaradi haysiyo
18. Wixii buuryaqab gaalo
19. laga buuxshay garaashka
20. Wax miyey bedeleen?
21. Mise Baaderigiibaa
22. Bartuu doonayey gaadhoo
23. Baahidiisi dhammaatay? 
     
24. Maxaa beeso qasaartay
25. Maxaa duul sharaf belay
26. Muxuu gaal balagtii leh
27. Birmad doolar keenayoo
28. Lagu boobay qallaylka 
     
29. Maxaa baalashleyaaliyo
30. Jirri qaad u basaastay
31. Inta daar laga buuxshay
32. Bogga laysugu saaray
33. Beel ayey metelaan. 
     
34. Fa nacuudu billaahi
35. Bilaash-xayte hallaabiyo
36. Bakhti-hiigyada leexday
37. Ee gumayste bahaystay 
     

Maxamed Xirsi Guuleed

abdibashir@hotmail.com

2007-08-30