Baaq ay soo saartay beesha Absame ee ku nool Sweden.

Shir iyo kulamo faro bdan oo ay yeesheen aqoonyahanada, culumo udiinka , waxgaradka iyo haweenka beelwaynta Absame, ayaa lagu lafo guray sida looga arinsan lahaa xaalada cusub ee Somaaliya.

Shirkaas kadib waxay beeshu soo saartay go'aano iyo baaq, sidaan ayayna u qoreen. 

Kadib markii umadda Soomaaliyeed ay aayeheeda ka tashatay iskana wareejiyeen gaalo raacyadii iyo jaajuusiinta cadawga caadaystay dhiiga iyo ka ganacsiga ummada ayaa cadawgii ay u shaqaynayeen is qarin waayay barqocadna soo badheedhay taasoo marqaati madoonto u noqonaysa inaan cadawgu doonaynin nolosha iyo horumrka umadda Soomaaliyeed. 

Hadaba hadaan nahay Beelwaynta Absame waxaan soo saarnay go'aanadaan. 

1. Beesha Absame oo ah lafdhabarka halgan kasta ee umadda soomaaliyeed la gasho cadawga kala duwan ee umadda Soomaaliyeed, ayay beeshu go'aan ku gaartay in ay sii xoojiyaan kor u qaadida halganka xoreynta Soomaaliya oo dhan, islamarkaana ay la shaqeeyaan dhamaan cid kasta oo isku taagta midnimada iyo xoreynta umadda Soomaaliyeed.
2. Beesha Absame ma aqoonsana wax dawlad ah ee ka jirta geyiga Soomaliya balse ay jirto duulaan qaawan oo ay soo qaaday xabashida soona adeegsatay caade qaatayaal magac Soomaaliyeed wata.
3. Beesha Abasme waa ka soo horjeedaa kala qaybinta umadda soomaaliyeed sidoo kalena magac u bixinta hadba ninka ay xabashidu ku dilayso ummada Soomaaliyeed. Sidaas awgeed wax wada dhalad naga dhexeeya ma jiraan C/laahi yuusuf iyo waxa raacsan marba hadii aan ku kala tagnay kitaabka Allaah iyo sunada Rasuulkeena sharafta badan (CSW).
4. Beesha Abasame way ka dhiidinaysaa xasuuqa lagu hayo umadda soomaliyeed meel kasta oo ay joogto, iyadoo xasuuqaan uu qarniyaal ku socday umadda soomaaliyeed.
5.  Waxaan ugu baaqaynaa umadda Soomaaliyeed inay iska difaacaan cadawga gardarada ku haya dhawrtaana sharaftooda iyo midnimdooda kana digtoonaadaan dhagaraha cadawgu u maleegayo. Guushana waxaa helaya xaq u dirirka iyo ninka dhulka u dhashay.
6. Beesha absame aqoon fiican ayay u leedahay dhaqanka xabashida iyo dadka ay ku shaqaysanayso sidaa daraadeed waxaan umadda soomaaliyeed u sheegaynaa in xabash uusan soo kordhinaynin hormar iyo nolol ee waxa laga dhaxlayo ay tahay bur bur iyo in laysku diro iyaga dhexdooda. Inkastoo cadaw uusan kala roonayn hadana xabashida taariikh madaw ayay umadda Soomaaliyeed ku leedahay, marnaba ku naaloonmayaan dhulka soomaaliyeed.
7. Beeshu Waxay aaminsantahay in la gaadhay xiligii Soomaali midoobilahayd gumaystahana gabalkiisu dhacay, lana gaadhay xiligii la dulaysan lahaa.
8. Darajada Xabashi bixiso ee ugu sareysa waa jaajuus, waxayna isku dishaa jaajuusiinta dhexdooda, sidaa awgeed kan la socda iyo kan aan la socon waa isugu mid.
9. Xabashida iyo waxa raacsan hoog iyo halaag ayay ku danbayn doonaan aduunka inta la jooga aaqirana ciqaab iyo caro Allaah ayaa u danbaysa.
10. Hababa waxaan umadda Soomaaliyeed ugu baaqaynaa inay taageeraan walaalahooda dagaalka kula jira cadawga umadda Soomaaliyeed islamarkaana maskax, maal iyo muruqba ka qayb qaataan. Maantay wax noo hadhay malaha wax aan dhawrayno oo aan ahayn inaan ku dhimano wadada xaqa ahna majiraan.
11. Cadawgu wuxuu qorsheynayaa inuu xasuuq ba'an u geyso umadda soomaalyeed gaar ahaan meelaha laga diidan yahay, hadaba ummadda waxaan ugu baaqaynaa inay ku jihaadaan oo iska celiyaan duliga lala maagan yahay. Waxaan ugu baaqaynaa beelaha Soomaaliyeed ee beenta loo sheegayo inay walaalohood garab istaagaan dagaalkana la galaan.
12. Ugu danbayn Beeshu waxay taageersatahay cid kasta oo u gargaarta Kitaabka Allaah doonaysana inay ku xukunto dalka.

Qoraalkan oo ay ku saxiixnaayeen 42 qof, waxaa lagala xiriiri karaa: Jaamac Maxamed Email: jmaxamed@gmail.com