Usbuuc kadib Baarlamaanka FKMG oo is-weydiinaya Ajandihii uu ka doodi
lahaa, Xukuumada oo is khilaafasan, Baarlamaanka oo u kala qaybsamay laba iyo
Ciidamada Ethoobiya oo la wareegay Amaanka Goobta shirka.
“Dood ka dhalatay Ajande sameyntii Baarlamaanka DFKMG”
- Waxaa isku soo dubaridey, sawirada qaaday: Maxamed Macallin
Cismaan{All-an} SomaliTalk.com Baydhabo.
fatxumaalik@hotmail.com
muuqaalka guud ee Banaanka hoolka baarlamaanka -- Baydhabo
Iyadoo mudooyinkan ay jiraan khilaafyo aad u badan oo in mudo ah soo
jiitamey, islamarkaana uu u dhexeeyey Awoodaha kala duwan ee dowlada,
islamarkaana noqdey khilaafyo aan la xakameyn Karin ayaa kulan ay Talaadadii
(Oct 16, 2007)isugu yimaad xubnaha Baarlamaanka, oo ay soo xaadireen 224 mudane,
uuna shir gudoominayey Gudoomiyaha Baarlamaanka Sh. Aadan Madoobe, iyadoo ay ku
wehliyaan labadiisa ku xigeen ayaa Gudoomiyaha Baarlamaanka u soo gudbiyey
Xildhibaanada in uu hayo qoraalo fara badan oo loo soo gudbiyey isaga.
qayb ka mid ah fadhiga Baarlamaanka oo ay ku jiraan Xukuumada iska soo horjeeda
Qoraaladan loo soo gudbiyey ayaa gudoomiyaha ku sheegay in ay u soo
gudbiyeen, Ra’iisul Wasaaraha, Wasiirka Dastuurka iyo 22 Wasiir oo soo jeedisay
in Xukuumada ay Baarlamaanka weydiisato kalsooni, Gudoomiye Sh. Aadan Madoobe
ayaa mudanayaasha kala dooransiiyey in Ajedihii hore ee la xisaabtanka Xukuumada
la sii wadayo iyo in laga hadlo soo jeedintii 22-ka Wasiir.
Cosoble, Finish iyo xubno kale oo fikir iska dhaadhicinaya
Intii aysan doodu bilaaban ayaa mudanayaasha loo Akh’riyey qoraaladii kala
duwanaaa ee uu gudoomiyaha uu sheegay, Akh’rinta qoraalada kadib ayaa waxaa
dhacay buuq iyo sawaxan badan oo mudanayaasha qaarkood ay ku doonayeen in ay is
qoraan, halka kuwo kale ka soo horjeeday soo jeedinta Gudoomiyaha, gunaanadkii
waxaa la gudagalay doodii.
Xildhibaano arrinsanaya
Xildhibaan Cali Baashe X.Max’uud ayaa ku bilaabay doodiisa “ Run ahaan tii
waxaan u hambalyeeynayaa shir gudoonka, wadanku dowlad ma laha, aduunyaduna wali
kama dhicin in 22-wasiir ay soo jeediso in Baarlamaanka kalsooni weydiisato,
islamarkaana aan lagu dhisin mudo kooban, waxaana khatar ugu jirnaa in nala
qabsado, sidaas darted Md. Gudoomiye waa in Baarlamaanku uu go’aan ka gaaraa
Xukuumada waqtigeedu uu dhamaadey”.
waxaa fadhigan ku jira Wasiirada is diidan
Xildhibaan Ibraahim Yarow waxaa uu isna yiri “ Qodob dastuuri ah ayaa jira oo
ah, Baarlamaanka Ummada Soomaaliyeed baanu nahay waxaan sugaynay 12-ka Oktoobar
waa maalintii loo qabtey Xukuumada in ay Kalsooni weydiisato Baarlamaanka sida
uu qabo Axdiga KMG qodobkiisa 11-aad, wax warqad Madaxweyne oo khuseeya ma
jiraan, Xukuumada waxa laga sugaayey waad og-tihiin, waa qoritaanka Dastuurka ee
aniga waxaan qabaa in Xukuumada kalsoonida loo qaado oo go’aan weyn laga
gaaro”.
Wasiirada Hidaha iyo Amniga iyo kuwo kale
Xidhibaan Cabdi Axmed Dhuxulow isna waxaa uu yiri “si degan aan u xisaabtano,
Baarlamaanku sharciyad ayuu leeyahay, waxaa loo baahan yahay in la keenaa
mooshin ay soo jeediyaan in ka badan 20 Xildhibaan oo soogudbisa in kalsooni loo
qaado Xukuumada, hawshuna waxay inoo mareysay la Xisaabtanka Xukuumada qaybtii
ugu dambeysay waxay ahayd Wasaarada Maaliyadda oo loo qabtey mudo 10- maalmood
ah inay keento Miizaaniyadii Dowlada, ma aha in nalagu qasbo wax aan la ogeyn
ujeedada laga leeyahay, xiligii aan ogaan lahayn meesha ay martey 32-dii Malyan
cidii qaadatey, cida aan ku ogaan lahayna ay tahay Wasaarada Maaliyada ma ahan
in boor isku qaris arin u eg in lala yimaado”.
xildhibaanada sida weyn u doonaya in Xukuumada Afka dhulka loo geliyo
Xildhibaan Cawad Axmed Cashara waxaa uu qabaa “Dowladu waa ku guuldareysatay
in Dastuurka la qoro, waana qodob dastuuri ah qodobkaas in la raaco ayaan qabaa,
waayo masiirkii Ummada Soomaaliyeed ayaa mugdigalay ee waa in deg deg
madaxweynuhu u soo magacaabaa Ra’iisul Wasaare cusub”.
Salaad cali jeele oo ka dhaadhicinaya fikir qaar ka mid ah Xildhibaanada
Xildhibaan Salaad Cali Jeele oo ka mid ah Wasiiradda sida weyn u doonaya in
Xukuumada ay jirto ayaa qaba fakir ah “ mudane Gudoomiye Xeer hoosaadkeena
waxaan ku jirin in wasiiradu ay qabsan karaan shir, iyadoo aysan joogin Ra’iisul
Wasaaraha iyo ku xigeenadiisa, wasiirna xaq uma laha inuu shir gudoomiye Golaha
Wasiiradda, ma rabo inaan carabka ku dhufto, Xukuumada in kalsooni weydiisato
Baarlamaanka iyadaaba imaanaysa ee waxaan qabaa in la eego qodobka 11-aad ee
Axdiga KMG iyo qodobka 8-aad, Ajandihii hore ayaa ah midka jira si loo
xisaabiyo Xukuumadda”.
Gudoonka Baarlamaanka oo ay ka muuqato la socoshada hawlaha adag ee horyaalay
mudanayaasha Baarlamaanka Maanta
Xildhibaan Macallin Jiis “waxaa amakaag ah in is-haysadka Xukuumada la keeno
halkan, mudane Gudoomiye Golaha Wasiiradu waxay leeyahay, Ra’iisul Wasaare iyo
Xeer hoosaad ayaga u gaar ah, inay inaga nagula soo galaan gashaan ma ahan,
waxaan codsanayaa in la sii wado la xisaabtanka Xukuumada, si loo ogaado cidii
ay ku maqan tahay wixii dhaqaalo ahaa ee dalkan soo galay, aniga taas ayey iiga
dhegan tahay, aniga haba ii soo dhaweyninna is-haysad Wasiiro iga fogeeya, yaana
Baarlamaanka looga doodin, waxaana soo jeedinayaa in dib loogu laabto la
xisaantankii Xukuumada ee inoo socdey”.
midig Xasan maxamed Nuur, Bixid wasiirka Dastuurka
Xildhibaan Col. Axmed Cumar Jees “Arinta aynu wadnay waa in la sii wadaa, waa
badanahay iyo waa yar nahay arintu ma aha ee waa in Mooshin cusub la keenaa, ee
ay Xildhibaano soo gudbiyaan, ma ahan wasiiro in mooshin ay soo gudbiyaan,
sidaas darted waa laga ma maarmaan in qodobadii hore ee la xisaabtanka Xukuumada
loo noqdo si aan u ogaano wax alle wixii maqan lacag ha ahaaden ama Baabuur
iyo wax kale”.
Xildhibaanada qaarkood oo markii banaanka ay u soo baxeen ka arinsanaya hawsha
adag ee hortaal...
Maxamed Macallin Cismaan{All-an} Somalitalk Baydhabo.
fatxumaalik@hotmail.com
SomaliTalk.com | Oct 17, 2007
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
| 
Daabaco
Boggan | Print