Indhoolayaasha Dugsiga Al-Nuur oo la gaarsiiyey Deeq Lacageed
Waxaa maalintii shaleyd ahayd [March 14, 2008] Dugsiga Indhoolayaasha Al-Nuur ee Magaalada
Muqdisho la gaarsiyey Deeq lacageed oo ay soo dhiibeen Jaaliyadda Soomaaliyeed ee
Dalka Norwey gaar ahaan Gobolka Keristian Sands
Deeqdaan oo ay isku soo dubarideen Gabdho soomaaliyeed ee ku nool Gobalkaas oo
ay horkacaysey Xaliimo Maxamed Weheliye , waxaa Deeqdaas loo soo marsiiyey
Shirkadda Dahabshiil waxaana wakiil uga ahaa Maxamed Ibraahiim Cilmi(Jirdde)
Deeqdaan oo ka koobneyd Lacaga gaareysa 10Milyan shilin soomaali ayaa waxaa ka
gudoomey Maamulaha Dusiga indhoolayaasha Al-Nuur Cabdi fitaax Maxamed Daahir
wuxuuna isagana u mahadceliyey intii isku soo howshey Deeqdaas lacageed oo ay
ugu horeeyaan Jaaliyada Norwey wuxuuna si gaar ah uga mahadceliyey Xaliimo
Maxamed Weheliye isagoo Ilaah uga baryey in uu mid ka khayr badan ugu badelo
Waxaa kaloo halkaas ka Hadley Maxamed Ibraahim Jirde oo ku hadlayey Magaca
Shirkadda Dahabshiil oo isna u mahadceliyey intii isku soo dubaridey Deeqdaas
lacageed wuxuuna u soo jeediyey Jaaliyadaha kale ee soomaaliyeed ee ku nool
dibadaha in ay ku daydaan Gabdhahaas oo iyaga gartey in ay kaalmeeyaan Dadka
soomaaliyeed ee dhibaateysan
Lacagtaan oo mid mid loo gudoonsiiyey ardeyda wax ka barata dugsiga ayaa waxaa u
Hadley ardeyda Cabdikarim Daahir Xuseen oo usoo jeediyey dadka soomaliyeed in
gacansiiyaan Ardeyda wax ka barata dugsiga
Waxaa munaasabadii gudoosiinta lacagtaas Xiriirinayey Barqad Cawaale oo isaga
isku howley Gaarsiinta lacagtaas
Sidoo kale waxaa ka hadley Canab xuseen Maxamuud oo ku hadleysey magaca
waalidiinta oo iyana u mahadcelisey intii soo dhiibtey Sadaqadaas
Hadaba cidii dooneysa in ay kaalmeyso ardaydaas Indhoolayaasha waxay ugu soo
hagaajinkaraan
Email dwf@diswelf.org
Web-ka diswelf.org
Tel 002521-5511979
Tel 2525-929781
Tel 2521-218433
Tel 2521-856308
Fax-2521-216370
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | March 16, 2008
|