Badhan : Xalay (Jimce ay soo geleysey Sabti Aug 8, 2008) saacadda Bariga
Afrika markii ay ahayd 11 habeenimo ayaa lammaane u dhashay dalka Jarmalka
tuulada Xabaashawacle oo ku taal buuraha Calmadow lagu wareejiyey
masuuliyiin ganacsato iyo waxgarad ah oo ka soo jeeda gobolka Sanaag.
Lammaanayaashan ayaa muddo
44 casho ah gacanta ugu jirey budhcad
badeed kasoo af-duubtay biyaha badda dalka Yemen 24 / 06 / 2008 dii.
Markii ay xorriyadooda heleen, Bosaso Aug 9, 2008 | Sawirka AP |
Wararka laga helayo goob joogayaasha ayaa tibaaxaya in lammaanayaasha ay
diif badani ka muuqatey , hase yeeshee aan wax jidh dil ah loo geysan, sidoo
kale qaabka sii deynta ayaa warar is khilaafsani kasoo baxayaan. waxana la
isla dhexmaryaa in lacag madax furasho ah oo dhan $ 850 kun oo doolar
laga bixiyey lammaanayaashaasi , halka masuuliyiinta goobjoogga ahi ay
beeninayaan in wax madax furasho ah la bixiyey.
Duqa degmada Laasqoray, Yuusuf Jaamac Dubbad, oo ah masuulkii ay
odayaashu ku wareejiyey lammaanaha markii la soo daayey, oo warbaahintu wax
ka weydiisey qaabka loo sii daayey labadaas qof "ayaa ka gaabsaday arrinta
ku saabsan madax furashada isagoo tilmaamay inay suuragal tahay inay jirto
madaxfurasho laga bixiyay labadan qof."
Waxana uu duqa Laasqoray oo warbaahinta la hadlayey uu intaas ku daray
"in toddobaadkii la soo dhaafay ay dawladda Jarmalku waan-waan la wadday
duqowda degaanka Laasqoray taas oo ku saabsanayd in si nabadgelyo ah loo
siidaayo la haystayaasha iyadoo duqowdu ay mar walba u dhexeeyeen dawladda
Jarmalka iyo afduubayaasha."
Subaxnimadii Sabtida (Aug 9, 2008) ayaa la geeyey lammaanayaashaas
magaalada Boosaaso, halkaasi oo ay uga sii gudbeen Nairobi, oo ka sii aadi
doonaan wadankoodii.
Intii ay Boosaaso joogeen waxaa loo qabtay xaflad lagu raali geleyey ayna
xarunta madaxtooyada DGPL ee Boosaaso kula kulmeen Gen. Cadde Muuse.
Madaxweynaha DGPL ayaa si gaar ah u sheegay in uu rali gelinayo lammaanaha
muddada lagu haystey dhulka Soomaaliyeed.
Waa markii ugu horreysey ee gobolka Sanaag afduub noocan oo kale ahi ka
dhoco , waana arin wer-wer ku abuurtay bulshada degaanka oo si weyn u
dheleeceeyey falalka afduubka iyo budhcad badeedaba.
Maxamuud Ciyoon / BADHAN
ciyoon10@hotmail.com
Daabaco
Boggan | Print
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)