Dhaartii Baarlamaanka oo
Dib u Dhac ku yimid
- Waxaa mar kale dib
loo dhigay ilaa Agoosto 21keeda.
Waxaa diyaarisay Canab Mumtaz.
Waxaa si wayn loo wada sugayay
in maalinta khamiista ah la dhaariyo xubnaha
baarlamaanka oo marar badan horay u baaqday sababo la
xiriira khilaafka beelaha oo wali aan soo afjarmin awgiis.
War ka soo baxay xafiiska
warbaahinta ee guddiga fuddeybta IGAD maanta ayaa lagu
sheegay in dhaarta baarlamaanka ee mudadaas loo qabtay aysan
qabsoomi qarin sababo jira awgood.
Sababahaas oo ay ka mid yihiin
in wali aan la helin tirada baarlamaanka oo dhamaystiran
isla markaana uu wali taagan yahay khilaafkii beelaha qaar
ka dhex jiray iyo cabashooyinka oo soo badanaya ayaa keentay
in dhaarta baarlamaanka uu dib dhacan ku yimaado.
Dhaarta baarlamaanka oo ay ka
soo qaybgalayaan wasiirada arrimaha dibada ee urur
goboleedka IGAD ayaa la qaban doonaa 21 ka bishan ilaa 22 ka
iyadoo waqti la siinayo beelaha dhiman sidii ay u soo gudbin
lahaayeen xubnaha ka maqan ee uga qayb galaya baarlamaanka.
Guddiga xalinta khilaafaadka
ayaa si wayn uga cabanaya eedaymo ka soo kala gaaraya
beelaha qaarkood maalin walba iyagoo ka cabanaya in si
qaldan wax loo qaybiyay ilaa hadana ay hayaan liisas kala
duwan oo is khilaafsan taasna ay tahay dhibaatada ugu wayn
ee ku ah caqabada adag howlaha guddiga xalinta khilaafaadka
iyo dhisida baarlamaankaba.
Hogaamiyayaasha siyaasada iyo
madaxda dhaqanka ayaa iyagana waxaa ka jira khilaaf ka
dhashay soo xulida baarlamaanka iyadoo siyaasiyiintu ay
rabaan in ay la wareegaan awooda qaybinta baarlamaanka waana
arrimaha kale ee dib u dhigay soo gudbinta baarlamaanka.
Danjiraha dowlada kenya u
qaabislan arrimaha soomaaliya Mr.affey ayaa dhawaan sheegay
in hayaan liis ku filan oo ka qayb gali kara kulanka ugu
horeeya ee ay yeelanayaan baarlamaanka hadii ay dhacdo in
lagu soo gudbin waayo balanta ugu dambaysa ee loo qabto
beelaha.
Ergada ku sugan madasha shirka
oo kor u dhaafaya 500 ilaa 600 iyo kuwo kale oo meelo kala
duwan ka yimid ayaa mid walba waxa uu dadaaal ugu jiraa
sidii uga mid noqon lahaa xubnaha baarlamaanka. Mid ka mid
ah ergadii ku sugnayd mudada uu bilowday shirka illaa hadda
ayaa ii sheegay in ay xaq u leeyihiin dadkii waqtiga badan
ku lumiyay shirkan.
Eragada ku sugan madasha
shirka iyo kuwa dagan hotelada ayaa soo maray marxalado kala
duwan qaarkood waxaa laga xiray raashinkii iyo jiifkii halka
qaar kale ay dhib badan u muteen sidii ay ku heli lahaayeen
liiska erganimo oo muddo ku qaatay qaar kale waxay ku
waayeen naftooda intii ay ku sugnaayeen goobaha shirarka.
Xubnaha la rabo in qabaa'ilada
Soomaaliyed qaybsadaan waa 275
xubnood kuwaas oo afar beelood
middiiba loo qoondeeyey 61, halka
beesha loo bixiyey 'NUS' loo
qorsheeyey 31 xubnood. Waxaana jira
warar sheegaya in ila hadda la soo
gudbiyey magacyada 110 xubnood ayna
dhiman yihiin in la soo gudbiyo
165-ka haray.
Waxay
ahayd horraantii bishan Agoosto
markii dhaarinta xubnaha
barlaamaanka dib loogudhigay
Agoosto 19keeda, waxaa taas ka
horeysey in bishii hore ee July 19keedii
ay IGAD sheegeen in xubnaha
baarlamaanka la dhamaystiri doono
doono 30kii July , oo markaas la
dhaarin doono, waxaase taas dib
loogu dhigay Agoosto 4, dabcan
taasina ma qabsoomin.
Marka la dhaariyo xubnaha
baarlamaanka, waxa ay xubnahaasi soo
dooran doonaan madaxweynaha
kumeel-gaarka ah oo la qorsheeyey in
uu dalka maamulo muddo shan sano ah
oo dalka lagu gaarsiinayo doorsho
lagu soo doorto madaxweyne rasmi ah.
Eeg sidii ay xubnihii baarlamaankii
Carta u doorteen C/Qaasim iyo sidii
la isu reebreebay.
Shirkan hadda socda waxaa isku soo
agaasimey IGAD oo ka kooban dalalka
Djibouti, Ethiopia, Eritrea, Kenya,
Sudan & Uganda, waxaana uu markii
hore (October
2002) ka bilowday magaalada
Eldoret, kaddibna bishii Febraayo ee
2003 ayaa loo soo raray Mbagathi,
Nairobi oo uu hadda kasii socdo -
ilaa muddo aan la aqoon waayo labo
sano ayaa waxaa uga dhiman labo
bilood. (Soomaaliya waxay xubin ka
tahay IGAD laakiin xubin-nimadeedu
ma shaqaneyso waqtigan ilaa ay
markale dawlad noqoto).
|
|
canabmumtaz@yahoo.com