Laascaanood: Waxaa Booqasho ku tagay Musharaxa
Jagada Madaxweynaha DGPL Eng. Abshir Muuse:
- Cabdifataax Jaamac
somalitalk: Laascaano
Somalitalk ( Laascaano ): Maalinimadii
Sabtida ee ay Taariikhdu ahayd 18-12-2004 ayay ahayd Markii uu
Gaaray Musharaxa Jagada Madaxweynaha DGPL Magaalada Laascaano
iyadoo aad ay ugu soo Dhaweeyeen Waxgaradka iyo Aqoonyahanada
Gobolka sool oo isugu jira Rag iyo Dumarba.
Waxaa Eng Abshir uu hore ugu
gudbay Aaga hore Ciidamada DGPL ay ka fadhiyaan Degaanka
Aricadeeye ee Laascaano waxaa halkaa ku soo dhaweeyay
saraakiisha Ciidamada waxaana ay iswaydaarsadeen Fagradahooda
Qadiyada dagaalada ay isaga Horjeedaan Ciidamada DGPL iyo kuwa
Somaliland, waxaa ay isku raaceen in ay Waajib tahay in la
difaaco Xuduudaha Gobolda Puntland Ruuxii ku dhintana uu yahay
Nin Dadkiisa iyo Dalkiisa difaacay, waxaa uu Eng Abshir u
sheegay Ciidamada mar uu la hadlaayay in loo Baahan yahay in la
helo Maamul fiican taasna ay u yihiin Musharax hogaanka DGPL in
ay Qabtaan kadibna ay ku Maamulaan Maamul Fiican oo cid walba ay
helaan Xuquuqdiisa.
Waxaa isagana ka hadlay
Musharaxa kale ee Cali Magan oo ah Nin Reer Sool isagoo halkaa
ka sheegay Qadiyada ku kaliftay in uu isku soo taago Musharaxa
Madaxweyne isagoo Da'deeda aan lahayn qadiyadaa oo ah ayuu yiri
in la helo Maamul Hufan iyo Qani nimo oo aan kala soo baxno
Dhulkeena Macdanta ku jirta, Cali Magan ayaa ah Nin soo bartay
Cilmiga Macaadinta Dhulka ku jirta kadibna uu halkaa ka sheegay
in uu Ogyahay Macaadin badan oo lagu gaari karo Qani nimo ay ku
jiraan Dhulka.
Waxaa iyagana halkaa ka hadlay
Saraakiisha Ciidamada DGPL ee Aagaas oo sheegay in ay ugu mahad
Celinayaan Booqashadooda ayna aad u soo Dhaweynayaan
Musharaxnimadooda.
Waxaa ay la kulmeen Labada
Musharax Odayaal fara badan oo ka tirsan Odayaasha Degaanka Sool
ayagoo ugu mahad celiyay waxqabadkii hore oo ah mid ka
tarjumaysa in ay wax qaban karaan Hagaagsan iyagoo ula jeeday
Ceelasha Biyaha iyo Korantada horamarinteeda ay ka Qayb qaateen.
Waxaa malintii labaad ee Axda
Subaxnimadii uu ku qabtay Xarunta D/Hoose ee Laascaano Musharaxa
Eng. Abshir Muuse warsaxaafadeed uu ugu tala galay Dadweynaha,
waxaa warsaxafadeedkaa kasoo qayb galay Gudoomiya Gobolka Sool,
Hogaamiye Dhaqameedyo Gobolka Sool Qaar ka mida iyo Aqoonyahano
kuwaas oo u xiiso Qabay in ay Dhageystaan Qudbada Musharaxa
iyagoo kaga bogan waayay Idaacada FM Laascaano mar uu waraysiyo
siiyay. Eng. Abshir ayaa ay Dadka Reer Laascaano ay hayeen
Magaciisa iyo Hadalhayntiisa, wax qabadka Muuqda ee Gobolada
Puntland Gaar ahaan Sool iyo Cayn.
Waxaa ugu horeyntii halkaa ka
hadlay Gudoomiyaha Gobolka Sool oo sheegay in ay Musharaxiinta
ay u siman yihiin lakiin Eng Abshir uu dheeryahay Wax qabadkiisa
Gudoomiha ayaa ku soo Dhaweeyay Musharaxa Cali Magan isagoo ka
hadlay sidii caadada u aheyd inay rabaan in ay wax badalaan waxa
uu ku soo Dhaweeyay Musharaxa Dhigiisaa Eng Abshir Muuse waxana
uu ka hadlay in ay Doonayaan in ay rabaan in ay wax ka qabtaan
Musuq maasuqa iyo Dhaqaale xumada, iyo kor uqaadida Arimaha
Bulshada, waxaa kaloo uu ka hadlay sida ay u diidan yihiin
Gudigii ay magacaabeen Madaxweynaha DGPL Maxamed Cabdi Xaashi oo
kala ahaa Gudiga Ansaxinta iyo Xalinta qilaafaadka oo ah mid aan
loo dhameyn taasna aysan keeni karin wax Sharci ah oo ku qoran
Xeerka DGPL ay ku heshiiyeen xiligii la dhisayay 1998 taas oo
aad looga baqayo in keento qilaafaad is jiijiid keena.
Fardihii lagu soo Dhaweeyay Eng Abshir Muuse oo
ay Fuulaan Ragii dhoola tuska sameynayay
Fardihii Lagu soo Dhaweeyay Eng Abshir Muuse
Waxaa shirka ugu Dambeyntii ka
hadlay Garaad Saleebaan oo guud ahaan ka hadlay Difaaca
Goboladaan iyo Musharaxiinta taas oo uu ku tilmaamay in ay tahay
mid keeni karta in ay Cadowga u helaan Tun jilicsanaan kadibna
hawo ay gasho in kastoo difaaca uu Adag yahay waxa uu sheegay in
ay soo dhaweynayaan Eng Abshir Muuse oo ah Muwaadin laga wada
garanaayo Dalkaan Guud ahaan Puntland ayana ku faraxsan yihiin
hadii uu Qabto Jagada Madaxweynah DGPL.
Cabdifataax Jaamac
somalitalk: Laascaano
Somalitalkpl@yahoo.com