SOMALITALK.COM DALSAN
w w w . S o m a l i T a l k . c o m
SOMALITALK - WARAR

  • Ra'iisul wasaaraha oo magacaabay Guddi soo habeeya Barnaamijkii Sadexda Guddi ay keeneen oo howlahaas wali ku guda jira.
  • Shir ay leeyihiin Wadamadii ku waxyeeloobay Tsunami oo Somaliya lagu casuumay.
  • Gudoomiyaha Baarlamaanka Soomaaliya Sh Xasan Shiikh Adan iyo Gudoomiyaha Bankiga Dhaxe ee Soomaaliya Prof Maxamuud Maxamed Culusoow, ayaa ku kulmay Magaalada Nairobi ee Dalka Kenya,

Ra'iisul wasaaraha oo magacaabay Guddi soo habeeya Barnaamijkii Sadexda Guddi ay keeneen oo howlahaas wali ku guda jira.

Canab Mumtaz
canabmumtaz@hotmail.com
SomaliTalk.com | Nairobi | Jan 27, 2005

 
Somali Prime Minister Ali Mohamed GhediKulankii Gollaha wasiirada oo lagu soo bandhigay dhowr qorshe oo ay keeneen sadexdii guddi ee kala ahaa Gudiga Nabad galyada, Gudiga Dib u heshiisiinta iyo Gudiga Taakuleynta iyo la xaajoodka Beesha Caalamka ayaa dood dheer ka dib markii la isku afgaran waayay sida loo kala qaadayo qoraaada guddiyaas uuna ka dhashay buuq waxa uu Ra'iisul Wasaaraha magacabay guddi ka kooban kow iyo toban xubnood oo uu shir gudoomiye u yahay waxayna bilaabeen in ay kala shaandheeyaan qorshayaashi ay keeneen sadexdaas guddi oo aad u badnaa.
 
Guddigan oo baryahan sii wadi doona howlahaas ayaa lagu wadaa marka ay soo afjaraan in la keeno qorshihii guuritaanka iyo goorta ku haboon ee la guurayo iyadoo loo soo bandhigayo Gollaha wasiirada waxa ka qabsoomay arrimaha ay Wadaan.Guddigaas oo kala ahaa.
 
1-Cabdiraxmaan Aadan Ibraahim (Ibbi)
2-Cali Axmed Jaamac Jangali
3-Ibraahim Sh.Cali Jeebbo
4-Ismaaciil Maxamed Hurre (Buubaa)
5-Fahma Axmed Nuur
6-Maxamed Nuuraani Bakar
7-Maxamuud Maxamed Gacmadheere
8-Ibraahim Isaaq Yarow
9-Xuseen Baantuu
10-Ibraahim C/qaadir Dhaqane
11-C/rashiid Maxamed xidig
 
Gollaha wasiiradda Ayaa dood waxaa ka dhex abuurtay Qorshe uu keenay Wasiirka Amniga Qaranka oo ku saabsanaa sida Somaliya looga soo dabaali karo Amni Buuxa oo ay ku shaqayso DFKMG ah shanta sano ee socota gaar ahaan caasimada oo xiligan u baahan amni xoogan Iyadooo ah Saldhigii dalka iyo xaruntii Dowladaba Waxa uuna xusay lagama maarmaanimada Ciidamo shisheeye.
 
Arintan Wasiirka Amniga ayaa buuq keentay iyadoo ugu dambayna uu wasiirka kala diray gollaha Wasiirada Waxaana howlahaas oo dhan sii wadaya guddigan cusub oo filayo in ay soo afaraan maanta illaa bari.
 
Dowladda Waxay haysataa illaa hadda Qarash Dhan toban milyan,mana'ahan kuwo dabooli kara Baahidooda laakiin waxay ka caawin kartaa in ay ku furdaamiyaan Howlaha adag ee ka haysta ka bixista dowladda iyo Baarlamanka Nairbi iyo dirista wafdiyada si ay ugu sii diyaariyaan goobihii ay dagi lahaayeen sida xafiisyo,Gawaari Qalab ay ku shaeeyaan  iyo Idaacadii ay kala hadli lahaayeen Shacabka laakiin waxaa wali maqan figrad laga midaysan yahay oo ah halka ay dowladdu dagi lahayd iyo xiliga ku haboon oo waqti kale qaadan doonta ka hor inta aan la isla meel dhigin ka hadalka amaanka iyo Ciidamada Amniga Dowlada ilaaliya.
 
Dhaqaalaha ay Dowladu ka heli karto Caalamka waa mid aad uga yar  baahidooda laakiin waxay ku xirayaan kuwa bixinaya deeqaha sida hadba dowladda u noqoto mid si sax ah ugu dhaqan gali karta dalka,iyagoo ka sii fiirsanaya in ay dhaqaale badan ku bixiyaan inta ay ku sugan yihiin magaalada Nairobi waana tan keentay in ay wax badan socon waayaan.

Shir ay leeyihiin Wadamadii ku waxyeeloobay Tsunami oo Somaliya lagu casuumay.

Canab Mumtaz
canabmumtaz@hotmail.com
SomaliTalk.com | Nairobi | Jan 26, 2005

 
Maxamad Cismaan Maye oo ah W/Deegaanka iyo ka hor taga Aafooyinka DFKMG ah  ee Somaliya iyo Wasiir ku xigeenka W/Arrimaha dibada Cumar Maxamad Dafeedow ayaa caawa u ambabaxaya shir ka dhacaya Dalka Thailand,waxaana kulankan ka soo qayb galaya Dhamaan wadamadii ku waxyeeloobay Mowjadihii Badda ee hareerayay Wadamo badan oo ku yaala Q/Aasiya.
 
Shirkan looga hadlayo Qasaarihii Tsunami waxaa somaliya ku casuuntay dowladda Thailnd waxa uuna socon doonaa Mudo shan Maalmood ah,Wafdiga ka socda Somaliya ayaa soo bandhigi doona Qasaarihii Somaliya ka soo gaaray mowjadihii badda ee soo gaaray Xeebaha Barrig Afrika sida uu xaqiijiyay wasiirka deegaanka Maxamad Cismaan Maye oo caawa iiga waramayay safarkooda. 
 
Wasiirka Waxa uuna intaas ku daray in ay ka hayaan Xaafun oo ah halka uu ka dhacay qasaaraha ugu badan ee Somaliya ka  soo gaaray mowjadaha badda Sawiro iyo warbixino muujinaya Dhibka uu gaystay Tsunami ayna soo qaadeen qaar ka mid ah Gollaha wasirada oo dhawaan halkaas ku tagay booqasho si ay uso qiimeeyaan qasaarahas,wafdigana waxay warbixin doona Caalamka dhibkaas somaliya soo gaaray.
 
Xaafuun oo ku taalla Meel ka mid ah somaliya waxaa dhawaan booqday hay"addo iyo Wariyayaal Somali iyo Ajnabi ah,waxayna ka keenaan warbixino kala duwan oo ku saabsan Qasaarihii Somaliya ka soo Gaaray Tsunami oo leh muuqaal iyo Qoraalo iyagoo ku soo bandhigay Meelo kala duwan oo warbaahinta ah,Cadaymihii ugu dambeeyayna waxay xaqiijiyeen in dadka ku dhintay ay gaarayaan ku dhawaad laba boqol in kalena lagu la'yahay halka qasaaraha guryaha iyo xoolahaba aysa tiro lahayn.
 
Hay'addaha ka gaystay gacanta ma'ahan kuwo sidaas u badan laakiin waxaa gargaar u fiddiyay SHirkadaha Xawaaladaha Somaliya oo ku deeqay Lacag,halka dowladda China ay ku wareejisay Madaxweynaha DFKMG ah ee Somaliya C/llaahi Yuusuf Axmad Lacag dhan $100,000.balse  waxa ka badan qasaaraha soo gaaray dadkaas oo wali aan laga haynin Tirakoob sax ah.
 
Canab Mumtaz
canabmumtaz@hotmail.com
SomaliTalk.com | Nairobi | Jan 26, 2005

Gudoomiyaha Baarlamaanka Soomaaliya Sh Xasan Shiikh Adan iyo Gudoomiyaha Bankiga Dhaxe ee Soomaaliya Prof Maxamuud Maxamed Culusoow, ayaa ku kulmay Magaalada Nairobi ee Dalka Kenya,

Axmed Muuse Cabdulle  axmeddheere65@hotmail.com

Dr Culusow & Dr Shariif Xasan

Kulankan waxa uu ka dhacay Hotelka Garande Rajense waxaana labada Mas uul uga wada hadlayeen Xaalada Soomaaliya Dhinaca Dhaqaalaha,Nabadgalyada,Caafimaadka,Waxbarasha iyo Guud ahaan xaalada Iyo qaabka ugu fudud oo ay ku howl gali karaan hay adaha dhaqaalaha wadanka Soomaaliya,

Gudoomiyaha Bankiga dhaxe ee Soomaaliya waxa uu mahad Balaran ujeediyay Madaxwaynaha Soomaaliya Mudane Cabdulaahi YusufAxmed,Raysulwasaaraha Soomaaliya Prof Cali Maxamed Geedi,Gudoomiyaha Baarlamaanka Soomaali Sh Xasan Sh Adan, Xubnaha Golaha Wsiirada iyo Golaha Baarlamaanka Soomaaliya, isagoo sheegay in ay aqbaleen magacaabistiisa,

Isagoo sheegay in uu ku faraxsanyahay Xilka Qaran ee loo Doortay sheegayna in uu ku shaqayn doonaa Cadaalad Sinaan iyo sidii u horu mar, ugaarsiin lahaa Shacabka iyo Dalka Soomaaliya,

Waxa uuna Sheegay in uu dhawaan Bilaabi Doono hoowlihiisa shaqo, waxaa isaguna Halkaasi hadalo Hanbalyo iyo Dardaaran ah ka soo jeediyay Gudoomiyaha Baarlamaanka Soomaaliya Sh Xasan Sh Adan


Video Xaafuun: Daawo  dialup | broadband [VOA]

Madaxweynaha DGPL oo Maanta Magacaabay Golahiisa Wasiirada DGPL
Liiska magacyada wasiirada iyo wasiir xigeenada 16- wasaaradood ka akhri
Guji... Jan 26

Co.Barre Hiiraale: "Waan Xariirnay Moorgan Lakiin..."
Barre Hiiraale oo Waraysi siiyeyey Somalitalk
Wasiirka A/Dibadda oo wareysi siiyey Sharq-Alwsat
Kulankii Golaha Wasiirada ee Maanta
Wararka oo dhan halkan ka akhri... GUJI... Jan 26

Ajandaha Wasiirka Amniga Qaranka Soomaaliya
Maxamed Qanyare Afrax ayaa ka hor jeediyay Kulankii Golaha Wasiirada Soomaaliya ee ku saabsanaa Qaabka Soomaalida Hubka looga dhigayo... Guji... Jan 25

Wararkii Qowmiyadaha Ku Hoos Nool Gumeysiga Itoobiya: Ka akhri radio Xorriyo... Guji...

Axmed Yaasiin oo Is-hor-taagey Maxkamada Rafcaanka oo la Saari lahaa Samsam
Axmey Yuusuf Yaasiin oo sababtiisa xabsiga loogu taxaabay Samsam Axmed Ducaale ayaa dalbaday in...
Guji... Jan 25

Caydiid: Soomaaliyeed uma baahna Ciidamo Shisheeye
 
Dadka Soomaaliyeed iyaga ayaa ka tashanaya Arimahooda, Aduunka waxa ay uga baahanyihiin.. Guji.. 24

Wafdi uu hogaaminayo Wasiirka arimaha Dibadda DFKMG oo u ambabaxay Abuuja
Sareeye Guuto Yuusuf Saranle oo Lagu Diley Muqdisho
Fanaankii Cabduqaadir Shiikh Cali Sanka oo geeriyoodey
Baarlamaanka KMG oo Walaac ka Muujiyey Tegitaanka Xamar
Yalaxow: "Geedi ma ahan nin Cadaana waa nin Soomaaliya"
Shaati Gaduud: "ciidamo shisheeye waa lagama maarmaan"
Maalinta Warfaafinta Soomaaliyeed ee 21 Jannaayo
Wararka oo dhan ka akhri halkan... Guji...  Jan 23

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD