WARARKII:: July 3, 2006
- Dowladda Cali Geeddi oo ay soo Wajahday
Xaalada Cakiran..
- Dekedda oo maalinta sabtida ah uu ku
soo xiran doono Markab ay u raran ..
- Dowladda Ereteriya oo sheegtay in aysan
ilaabi doonin abaalkii ay u galeen..
- Wafdi ka socda Dowladda Talyaaniga oo
ku soo fool leh..
- Wafdi ka socda ka socda Qaramada
Midoobey oo shalay la kulmay Golaha Maxaakiimta.
- Maxaakiimta
Islaamiga oo la guddoonsiiyay deeq daawo..
- Guddoomiyaha Gobolka
Banaadir oo la kulmay masuuliyiinta dowladda Hoose
Dowladda Cali Geeddi oo ay soo wajahday xaalada
cakiran..
Dowladda Cali Max’ed Geeddi oo doraad ka badbaaday
in la rido ayaa haatan waxaa soo wajahay dhibaato hor leh o la doonayo in looga
taqluso, kaddib markii ay si isdaba joog ah isku casilayaan inta badan
wasiiradii ay ka koobneyd dowladdaasi.
Cali Max’ed Geeddi
ayaa haatan garan la’, cidda u ku bedelayo wasiiradaasi, waayo waxaa isaga codka
kalsoonida siiyay 80 ka tirsan Golihiisa Wasiirada, haddii uu damco in uu Golaha
baarlamaanka ka raadiyo Wasiiro cusub taasi way ku adkaaneysaa waayo, lagama
helayo hal xubin oo taageersan Cali Max’ed Geeddi, dadka siyaasadda u kuurgala
ayaa waxa ay sheegeen in Cali ay mar fursad soo martay, taasoo ahayd markii uu
helay codka kalsoonida ay la gudbooneyd in uu iska casilo xilka, hase yeeshee
maanta waxaa la doonayaa in meel cidlaa la soo istaajiyo, waxaana haatan Cali la
gudboon in uu si dhaqsi leh isaga casilo xilkaasi, iyadoo Salaad Cali Jeele uu
ku eedeeyay C/llaahi Yuusuf iyo Shariifka in ay ka dambeeyaan burburka Dowladda
Cali Max’ed Geeddi.
Dekedda oo maalinta sabtida ah uu ku soo
xiran doono Markab ay u raran ..
Warar aanu helnaya
ayaa waxay sheegayaan in Maalinta sabtida ah dekedda Magaalada Muqdisho uu ku
soo xiran doono markab tijaabo ah oo ay u raran Hay’adda WFP, kaasoo mucaawino u
sida dadweynaha ku nool Magaalada Muqdisho.
Qaramada Midoobey
ayaa waxay horey u sheegtay in ay si dhaqsi leh u soo gaarsiin doono mucaawino
dalka ku nool Gobalka Banaadir, iyadoo maalmahan dekedda weyn ee Magaalada
Muqdisho ay ka socotay howl lagu nadiifinayo, waxaana laga soo saaray biro duug
ah oo yaalay gunta hoose ee badda, maadaama Dekedda mudo 11-sano ah wax shaqo ah
laga qaban.
Dadweynaha ku nool
Gobalka Banaadir ayaa la filayaa in ay si aad ah soo dhaweeyaan arrintaani,
iyadoo Garoonka Weyn ee Magaalada Muqdisho uu haatan si caadi ah u wato
howshiisa ayna ka soo degayaan diyaarado. Howsha lagu furay Dekedda iyo Garoonka
Diyaaradaha Golaha Maxaakiimta kaddib markii ay ka adkaadeen hogaamiye
kooxeeyadii oo mudo 15 sano ah hor taagaan shacabka diidayna inay qabtaan howlo
noocaan oo kale ah. Golaha Maxaakiimta ayaa maalmahan lagu wareejinayay goobihii
uu qaranku lahaa, waxaana ugu damebeyay iyadoo maalintii shalay ahayd golaha
maxaakiimta lagu wareejiyay Dugsigii tababarka Ciidamada Booliiska iyo waliba
halkii laga hogaamin jiray ciidanka Booliiska Soomaaliyeed.
Dowladda Ereteriya oo sheegtay in aysan ilaabi doonin abaalkii ay u galeen..
Wasiirka Arrimaha
dibada ee Dowlada Ereteriya ayaa waxa uu sheegay in Dowladda Ereteriya ay gacan
siin doonto shacabka Soomaaliyeed, maadaama mudadii ay halganka ku jireen ay
gacan ku siiyeen halgankaasi oo ay kaga xoroobayeen Dowladda Itoobiya.
“Abaalkaasi ma
ilaabi doono, waxaana diyaar u nahay in haatan aan gudno” ayuu yiri Wasiirka
Arrimaha Dibadda oo sheegay in Dowladda Itoobiya aysan rabin in Soomaaliya ay
noqoto dowlad, isla markaana ay hesho xasilooni.
Dowladda Ereteriya
waxay sheegtay in ay si dhaqsi leh shacabka Soomaaliyeed u soo gaarsiin doonto
mucaawino, waxayna si weyn u soo dhaweysay is bedelka ka dhacay Magaalada
Muqdisho.
Dowladda Ereteriya
ayaa dhawaan lagu eedeeyay inay shixnado hub ah ka dejiysay magaalada Muqdisho,
hase yeehsee Dowladda Ereteriya waa ay beenisay warkaasi, waxayna sheegtay in
warkaasi ay faafisay Dowladda Itoobiya oo iyadu si sharci daro ah ku soo gashay
gudaha dalka Soomaaliya.
Wafdi ka socda Dowladda Talyaaniga oo ku soo fool leh..
Waxaa maalmaha soo
socda Magaalada Muqdisho soo gaari doona wafdi ka socda Dowadda Talyaaniga oo uu
hogaaminayo Safiirka Talyaaniga ee Soomaaliya.
Safiirka ayaa u
imaanaya Magaalada Muqdisho sidii uu kulamo ula yeelan lahaa madaxda Maxaakiimta
Islaamiga ah, sidoo kale waxa u kuurgalayaa xaaladda nabadgelyo ee Magaalada
Muqdisho.
Safiirka ayaa kal
hore kula kulmay Magaalada Dhuusa-mareeb Guddoomiyaha Golaha Shuurada Sheekh
Xasan Daahir Aweys oo ay isla soo qaadeen arrimo fara badan, hase yeeshee
safarkaas safiirku ku tagay Magaalada Dhuusamareeb waxaa ka carootay Dowladda
Federaalka oo sheegtay in talyaanigu wado qorshayaal uu ku doonayo in uu ku
burburiyo Dowladda Federaalka, hase yeeshee Dowladda Talyaanita waa ay beenisay
warkaasi, waxayna sheegtay in ay dhex dhexaad ka tahay arrimaha Soomaaliya ay
taageersan tahay Dowladda Federaalka.
Wafdi ka socda ka socda Qaramada Midoobey oo
shalay la kulmay Golaha Maxaakiimta..
Maalintii shalay ahayd ayaa Magaalada Muqdisho soo
gaaray wafdi ka socda Qaramada Midoobey, waxa uuna wafdigaasi kulan gaar ah la
yeeshay Golaha Maxaakimta Islaamiga ah, waxaana la isla soo qaaday sidii
Qaramada Midoobey ay gacan u siin lahayd shacabka Soomaaliyeed ee ku nool dalka
gaar ahaan magaalada Muqdisho oo bilihii la soo dhaafay ay ka dhaceen dagalo ay
waxyeelo ka soo gaartay dad fara badan.
Wafdigaani ayaa waxa ay sheegeen in sida ugu
dhaqsiyaha badan ay gargaar u soo gaarsiin doonaan shacabka Gobalka Banaadir,
iyadoo guddoomiye ku xigeenka Golaha maxaakiimta uu sheegay in Golaha
Maxaakiimta ay diyaar u yiiin ay sugaan ammaanka Hay’adaha samafalka ee ka socda
Qaramada Midoobey, waxa uuna wafdigaasi shalay soo kormeeray goobi muhiim ah oo
ka tirsan Muqdisho, isla shalay ayay dib ugu laabteen magaalada Bayroobi iyagoo
warbixin siin doona Qaramada Midoobey.
W/D Amiin Yuusuf Khasaaro
E-Mail:
amiinkhasaaro@hotmail.com
Gudoomiyaha midowga maxaakiimta Islaamiga oo maanta la guddoonsiiyay deeq daawo
mucaawino ah oo dhan hal tan
Guddoomiyaha Midowga maxaakiimta islaamiga Sheekh
Shariif Sheekh Axmed ayaa maanta la wareegay deeq daawo mucaawino ah oo uu soo
gaarsiiyay Md. Faarax Axmed Max'ed oo wakiil ka ah jaaliyadda Soomaaliyeed ee ku
dhaqan dalka Jarmalka.
Deeqdan dawada ah oo ay soo dhiibeen ururka
xiriirka Soomaaliya iyo Jarmalka oo uu wakiil ka yahay Manfred Albander ayaa
waxaa loo soo marsiiyay Md. Faarax Axmed Max'ed oo isagu dhowaan Muqdisho soo
gaaray, waxaana wareejinta deeqdaasi goob joog ka ahaa guddoomiyaha Gobolka
Banaadir ahna duqa magaalada Muqdisho Max'ud Xasan Cali Cadde (Gaabow).
Deeqdan dawada ah oouu hadal gaaban ka jeediyay
Md. Faarax Axmed Max'd ayaa wuxuu sheegay in kaddib markii ay ogaadeen in
magaalada Muqdisho ay nabad gelyadeeda dib u soo noqotay isla markaana ay
maxkamaduhu la wareegeen gacanta ku haynta caasimadda dalka ee Muqdisho ayaa
wuxuu sheegay iyadoo laga shidaal qaadanayo xiriirka ka dhexeeya dowladda
Jarmalka iyo Soomaaliya ayaa wuxuu ururka xiriirka Jarmalka iyo Soomaaliya ugu
talo galay in deeqdani uu u soo diro Soomaaliya, wakiilna uu isagu ka yahay,
taasoo uu sheegay in ay sii xoojineyso howlaha nabad gelyada iyo wax u qabashada
dadka u baahan.
Dawadan ayaa isugu jirta noocyada dawada ee kala
geddisan, waxaana loogu talo galay in la gaarsiiyo dadka u baahan sida ugu
dhaqsiyaha badan.
Sheekh Shariif Sheekh Axmed oo isna ka hadlay
munaasabadda guddoonsiinta deeqdaasi ayaa ka mahad celiyay deeqdan wax ku oolka
ah, wuxuuna ku bogaadiyay ciddii isku xil qaantay inay tahay cid u soo gurmatay
shacbiga Soomaaliyeed.
Guddoomiyaha Gobolka Banaadir ahna duqa magaalada Muqdisho Max'ud Xasan Cali
Cadde (Gaabow) oo kulan xasaasi ah la yeeshay masuuliyiinta dowladda Hoose
Guddoomiyaha gobolka Banaadir ahna duqa magaalada
Muqdisho Dr. Max'ud Xasan Cali Cadde (Gaabow) ayaa xafiiskiisa shir kula yeeshay
ku xigeennada duqa magaalada Muqdisho, howl wadeennada, saraakiisha ciidanka
deegaanka iyo shaqaalaha dowladda hoose ee magaalada Muqdisho.
Kulankan ayaa looga hadlay dardar gelinta howlaha
dowladda hoose haddey noqon laheyd maamulka waaxda dhulka iyo arrimaha suuqyada
iyo shaqaalaha iyo nadaafadda.
Guddoomiyaha oo xubnahaasi la hadlay ayaa uga
warramay howlahaas ballaaran ee hor yaalla xilligan dowladda hoose iyo sida
loogu baahan yahay in loo labalaabo, iyadoo lagu shaqeynayo howlaha iskaa wax u
qabso, cid kastana uu waajib ka saaran yahay inay ka qaadato kaalinteeda.
Gudoomiyuhu waxa uu ku boorriyay dhammaan
masuuliyiinta dowladda hoose in maadaama ay nabaddii iyo ammaankii la wareegeen
maxaakiimta islaamka, dibna ay u soo noqotay nabaddii muddada dheer ka maqneyd
caasimadda dalka ee Muqdisho ay dowladda hoose waajib ku tahay in kaalintii lagu
yiqiinay ay ka qaadato maadaama caasimaddu ay tahay muraayaddii dalka, wuxuuna
sheegay in xoogga la saaro oo tallaabta koowaad ay noqoto dhinaca nadaafadda iyo
uruurinta qashinka, wuxuuna ka codsaday qoysaska Soomaaliyeed ee ku dhaqan
Muqdisho in qoys kasta uu gurigiisa hortiisa ka bilaabo, wuxuuna faray
saraakiisha iyo ciidanka deegaanka inay ka qaataan kaalintooda.
Wafdi ka socda Hay'ada Q.M oo saakay ka soo
dagay Airport-ga caalamiga
Wafdi ka socda Hay'ada Q.M
oo saakay ka soo dagay Airport-ga caalamiga ah ee
magaalada
Muqdishu ayaa kulan kula leh Maasuuliyiinta Maxaakimta.
Kulankaan oo ah mid loo diiday in saxaafadu ka
qeyb gasho ayaysan jirin cid si rasmi ah u og wax yaabaha looga wada hadlayo,
inkasta oo ay jiraan warar sheegaya in ay ka wada hadlayaan sidii Hay'adaha Q.M
ay uga howlgali lahaayeen magaalada Muqdisho.
Muuse Maxamud Jiisow
Somali39@hotmail.com
Muqdisho Somalia
002521576666
002521653623
Faafin: SomaliTalk.com | July
3, 2006
Fikradda Dowladda Maraykanka ee ku Aaddan
Soomaaliya.....
Dowladda Maraykanku waxa ay DFKMG iyo
Maxkamadaha Islaamiga ugu baaqday in ay dib u bilaabaan wada hadalkii Khartuum.
Afhayeenka Wasaarada Arrimaha Dibadda
Maraykanka, Tom Casey,
oo ka hadlayey arrimaha Soomaaliya ayaa yiri: "Dowladda Maraykanku waxa ay
taageereysaa hirgelinta dowlad shaqayneysa oo ay ka mid yihiin dhammaan qaybaha
Soomaaliya." Waxana uu intaas ku daray "Sidaas waxaa lagu gaari karaa oo keliya
in la yeesho wadahadal guud oo ay ka qayb qaataan dhamman qaybaha Soomaalida
sida bulshada rayidka ah, haweenka, ganacsatada, hoggaamiye dhaqameedka, iyo
Maxaakiimta Islaamiga & Hay'adaha Federaalka ee Kumeelgaarka ah".
Fikradda guud ee USA ee ku aaddan Soomaaliya
ka dhegeyso:
Halkan..... (Real Player) | ama
Halkan...... (MP3).
Kacdoon la mid ah
Kii Muqdisho ka Socda Jubadda Hoose....
»Ra’isul Wasaare Geeddi
oo doonaya in uu dowladiisa isku..
»Shirkii IGAD oo la
sheegay in uu hareeyay khilaaf ku aadan..
»Wasiiro Farabadan oo
markale is casiley ka dib markii..
Wararka oo dhan
halkan ka akhri.... Aug 2
Kulan Cilmiyeed
Dhowaan ka Furmi Doona Magaalada Qardho
Degmada Qardho iyo qaar
kale oo kamid ah magaalooyinka gobollada w/bari waxaa diyaar garow
loogu jiraa..
AKhri
Aug 2
WARSAXAAFADEED:
XAFIISKA QARAMADDA MIDDOBAY U QAABILSAN
ARRIMAHA SIYAASADDA SOOMAALIYA
Ergayga Gaarka ah ee
Xoghayaha Guud ee Qaramadda Middobay u qaablisan arrimaha Somalia
ayaa...
Akhri...
|