• Midowga maxaakiimta oo shalay si rasmi ah ula wareegay garoonkii diyaaaradaha Muqdisho...

• Sheekh Shariif “Waxaan doneynaa in aanu la wada hadalno cid kasta..”

• Maanta oo la filayo in Magaalada Baydhabo ay soo gaaraan ..

• Ciidamo Itoobiyaan ah oo qabsaday Magaalada...

• Midowga maxaakiimta oo maanta la filayo in ay la wareegaan Garoonka Jasiira...

• 1-da Luulyo oo si aad ah looga xusay Soomaaliya...

Midowga maxaakiimta oo shalay si rasmi ah ula wareegay garoonkii diyaaaradaha Muqdisho...

Midowga Maxaakiimta oo maalmahan guulo wax ku ool ah ku gaaray Gobalka Banaadir ayaa maalintii shalay ahayd waxay si fudud kula wareegeen garoonkii Weynaa ee diyaaradaha ee Magaalada Muqdisho oo isagu mudo gacanta ugu jiray kooxo maleeshiyo ah oo aan cidna ka amar qaadan.

Ciidamo ka tirsan golaha Maxaakiimta Islaamiga ah oo wata dhowr tikniko ah ayaa tagay garoonkaasi, iyadoo hor joogihii Kooxda Maleeshiyada ahayd ee haysatay garoonkaasi uu ku warejiyay Garoonka Golaha Maxaakiimta Islaamiga ah.

Garoonka oo isagu u baahan dayactir aad u xoogan ayaa waxaa lagala baxay dhagxaantii iyo carradii ku jirtay Garoonkaasi, taasoo loo iib geeyay suuqyada Magaalada Muqdisho, waxaana la filayaa in saacadaha soo socda Midowga Maxaakiimtu la wareegaan Dekedda Weyn ee Magaalada Muqdisho oo halbowle u ah dhaqaalaha bulshada ku nool Magalada Muqdisho.

Sheekh Shariif “Waxaan doneynaa in aanu la wada hadalno cid kasta..”

Aayadaha Qur’aanka Maxay Galabsadeen.

Mas’uuliyiin ka tirsan Midowga maxaakiimta Islaamiga ah iyo dhaqdhaqaaqa bulshada rayidka ah aya shalay kulan ku yeeshay Hotel Naaso Bahlood, waxaana kulankaasi looga hadlay is bedelka cusub ee ka dhacay Magaalada Muqdiso oo ay sababteeda leeyihii midowga Maxaakiimta, kadib markii ay ka adkaadeen qabqablayaashii dagaalka ee mudada 16-ka sano ahayd dhibaatada ku hayay Bulshada Soomaaliyeed.

Kulankaan oo socday dhowr saacadood ayaa waxaa lagu lafa guray sidii loo adkeyn lahaa Nabadgelyada Magaalada Muqdisho, isla markaana loo furi lahaa ilaha dhaqaalaha ee Gobalka Banaadir.

Xubnihii ka qaybgalay kulankaasi ayaa waxay isku afgarteen in la magacaabo guddi ka kooban 11 xubnood kuwaas oo ka soo baaraandega sidii maamul loogu sameyn lahaa Gobalka Banaadir, loo furi lahaa ilaha dhaqaalah, isla markaana dib loogu dhisi lahaa wadooyinka iyoi goobaha kale ee adeega Bulshada.

Guddigaas shan ka mid ah waxaa qaatay Golaha maxaakiimta Islaamiga ah, labo waxaa qaatay bulshada rayidka ah, labo kalana waxaa qaatay ganacsata, labada kalana waxaa loo magacaabay dad magac ku leh Magaalada Muqdisho, waxaa kaloo la isku afgartay in si wadajir ah looga hortago cid kasta oo ku soo xadgudubta qarannimada Soomaaliya.

Maanta oo la filayo in Magaalada Baydhabo ay soo gaaraan ..

Wararka naga soo gaaraya Magaalada Baydhabo waxay sheegayaan in maanta la filayo in magaaladaasi ay soo gaaraan wafdi ka socda Midowga Afrika, Jaamacadda Carabta, urur goboleedka IGAD iyo Qaramada Midoobey kuwaas oo la filayo in ay u kuur galaan xaaladda Soomaaliya.

Wafdigaan ayaa waxaa uu kulamo la yeelan doonaan Xubnaha Dowladda ee ku sugan Magaalada Baydhabo oo ay isla soo qaadi doonaan sida loo dhameystiri lahaa wada xaajoodka u dhexeeya Dowladda iyo Golaha Maxaakiimta.

Wafdigaan ayaa kadib waxay u soo gudbi doonaan Magaalada Muqdisho oo kulamo kula yeelan doonaan Golaha Maxaakiimta Islaamiga ah sidii ay iyana isula meel dhigi lahaayeen sidii heshiis dhab u dhex mari lahaa labada dhinac.

Ciidamo Itoobiyaan ah oo qabsaday Magaalada...

Ra'iisul wasaaraha Ethiopian Meles Zenawi oo wajiga qabsaday markii uu khudbada jeedinayey Xoghayaha Guud ee Qaramada Midoobey Kofi Annan, khudbadaas oo ku saabsanayd arrimaha Afrikaanka, taas oo uu  July 1, 2006 ka jeediyey kulanka Midowga Afrika uga socda caasimada dalka Gambia ee Banjul. Kulankaas oo laba maalmood soconaya waxaa looga hadlay arrimaha Soomaaliya iyo gobolka Dafur ee dalka Suudaan. Sawirka REUTERS. Khudabada Warbixinta Khudbada Annan ka akhri halkan...

Wararka naga soo gaaraya Magaalada Buula Xaawo ee Gobalka Gedo waxay sheegayaan in ciidamo Itoobiyaan ah oo aad u hubeysan ay shalay gebi ahaanba la wareegeen Magaalada Buula Xaawo.

Ciidamadaan ayaa waxay Magaalada ka degeen dhowr meelood oo ku yaala duleedka Magaalada Buula Xaawo, hase yeeshee dadweynaha ku nool Magaalada Buula Xaawo ayaa dareen xoog leh ka muujiyay soo gelitaanka Ciidamada Itoobiya ee Magaalada Buula Xaawo.

Ciidamada Itoobiya ayaa waxay xoog ku forteen gawaari siday Muwaacino oo ay lahayd Hay’adda CARE kuwaas oo ay haysteen kooxo burcad ah oo gawaaridaas ku doonayay lacag aad u fara badan.

Ma ahan markii ugu horeysay oo ay ciidamada Itoobiya soo galaan dalka Soomaaliya, waxayna wararka qaar sheegayaan in ciidamada Itoobiya ay ku soo wajahan yihiin Magaalada Baydhabo oo xarun u ah Dowladda Federaalka.

Mas’uul u hadlay Dowladda Itoobiya ayaa waxa uu sheegay in Ciidamada Itoobiya ee galay Soomaaliya ay yihiin kuwo doonaya in ay difaacaan Dowladda Federaalka.

Qaybaha kala duwan ee bulshada ku nool Magaalada Muqdisho ayaa si weyn u cambaareeyay qabshada Ciidamada Itoobiya ee degmada Buula Xaawo.

Midowga maxaakiimta oo maanta la filayo in ay la wareegaan Garoonka Jasiira...

Warar aanu helnay ayaa waxay sheegayaan in Maanta lagu wado in Midowga Maxaakiimta Islaamiga ah si rasmi ah loogu wareejiyo Garoonka Diyaaradaha ee Jasiira ee ku yaala Duleedka Madiina oo mudooyinkaan dambe isticmaali jireen xubnihii ka tirsanaa Isbahaysigii "la dagaalanka Argagixisada".

Garoonkaan ayaa la sheegay in uu muhiimad gaar ah ugu fadhiyo Midowga Maxaakiimta, waxa uuna noqonayaa garoonkii ugu dambeeyay oo ay Maxaakiimta la wareegaan Garoomada Diyaaradaha ee ku yaala magaalada Muqdisho, waxayna maalintii shalay ahayd la wareegeen garoonkii weynaa ee Diyaaradaha Magaalada Muqdisho, sidoo kale waxay horey ula wareegeen garoonka Diyaradaha ee Cisaley iyo Garoonkii Diyaaradaha ee Dayniile, waxaana la filayaa in maalmaha soo socda si rasmi ah ula wareegaan Dekedda Weyn ee caalamiga ah ee Magaalada Muqdisho.

1-da Luulyo oo si aad ah looga xusay Soomaaliya

Habeen hore iyo shalay ayaa waxaa si weyn dalka looga xusay sanadguuradii 46-aad ee ka soo wareegtay markii xoriyadda qaadatay Koofurta Soomaaliya, waxaana ku lamaansanaa Markii Waqooyi iyo Koofur ay midoobeen.

Xaruna Xisbiga ee Magaalada Muqdisho ayaa habeen hore waxaa ka dhacay Calan saar uu ka qaybgalay Duqa Magaalada Muqdisho Maxamuud Xasan Cali Cadde Gaabow, waxa uuna sheegay in maanta ay tahay maalin ku weyn bulshada Soomaaliyeed.

Wararka ka imaanaya Magaalada Bay dhabo waxay sheegayaan in Guddoomiyaha iyo Ra’isul Wasaaraha ay ka qaybgaleen xaflad lagu maamuusayay sanadguuradii 46-aad ee ka soo wareegtay markii ay xoriyadda qaateen Gobalada Koonfureed, isla markaana ay midoobeen Waqooyi iyo Koofur, hase yeeshee xusaskaan iyo fantasiyahan waxay ku soo beegmeen xili ay ciidamada Itoobiya ku soo xadgudbeen dhulka Soomaaliya, waxayna ku tusineysaa in 46-sano kadib ay Ciidamada Itobiya haweystaan in ay soo galaan gudaha wadanka Itoobiya, taasoo la sheego in ay ugu wacan tahay burburkii ku yimid ciidamadii xoogga dalka Soomaaliya, iyo waliba dad daba dhilif u ah kuwaas oo aan garaneyn qiimaha qarannimada Soomaaliyeed oo la dhihi karo waxaan ku daatay dhiig aad u fara badan.

W/D Amiin Yuusuf Khasaaro

E-Mail amiinkhasaaro@hotmail.com

 Faafin: SomaliTalk.com | Jul 2, 2006

Xisbiga Ramaas oo Bayaan ka soo Saaray Garoowe
Waxana uu xisbiga Ramaas shaaca ka qaaday in... Guji....