Daabaco Boggan | Print

• Warbixintii: Saciid Antenno | May 12, 2006

  ---

 Madaxweynaha dowlada federaalka soomaaliya mudane:C/laahi yuusuf axmed iyo wafdigii uu hogaaminayey ayaa galabnimadii khamiista saacadu markey ahad 3:00 galabnimo ka duulay gegida diyuuradaha caalamiga ah ee libya, madaxweynaha iyo wafdigiisa ayaa ku sii jeeda magaalada Kanbaala halkaasi oo uu madaxweynaha iyo wafdigiisaba ay uga qeyb gelayaan shirka wadamada IGad oo halkaasi ka dhacaya

Madaxweynaha soomaliya oo dalka Libya ku joogay casuumad beryahanba ayaa intii uu joogay dalkan libya lalahaa kulamo joogta ah dowlada libya madaxdeeda kala duwan asigoo kala hadlay arrimo badan oo ay ka mid yihiin sidii soomaliya ay uga furan lahayd dowlada libya xafiis maamula howlaha iyo taakulada ay siineyso dowlada libya walaalaheeda soomaliya, waxaa kale oo ay ka wada hadleen sidii loogu tababari lahaa ciidamada. MMar uu ka hadlayey taakulaynta uu doonayo in ay Liibiya bixiso waxa uu sheegay aysan ahayn " dhaqaale aniga la ii dhiibo ee hadii aad dhaqaalo sineysaan dalka soomaliya geeya dalka, ogaadana halka ay ku baxaan dhaqaalahas" ayuu yiri c/rashiid yuusf Seed oo ah xoghaynta madaxweynaha.

Sidoo kale madaxweynaha waxaa loo sheegay shirka saaxil wasaxaraa oo ahaa in u dhaco bishan ayaa loo gudbiyey bisha juun ayadoo ajandaha shirkaasina uu noqon doono sidii soomaliya gebi ahaanba nabad loogu soo dabaali lahaa, ajandaha shirkaas oo uu madaxweynaha soomaliya soo gudbiyey dowlada libyana ay taageertay soo jeedintaas

Dhanka kale madaxweynaha soomaliya oo ku jiro aruurinta saraakiisha soomaliyeed ee ku baahsan dalka gudihiisa iyo dibadiisa qaarka mid ah saraakiishaas ayuu habeenkii khamiistu soo geleysey kula shiray hotelka uu degenyanaa, waxaana ka mid aha saraakishii ay is arkeen madaxweynaha - G/sare:maxamed warsame diiriye(xamari), oo ahaa saad-hayihii ciidamada Burco, Sarkaal police ah kana soo qalin jabiyey kuliyada booliska libya iyo tan sharciga -C/raxmaan axmed xirsi, sargaal. Ibraahin cali cumar iyo saraakiil kale oo xalay madaxweyna ay isku waafaqeen in ay dalka dib ugu laabtan waayoo dalkii magaca sarkaalnimo aad ku yeelateen ayaa idiin baahan ayuu yiri madaxweynaha ee kaalaya ka shaqeeya, xaquuqda ciidamadaasna waxuu sheegay in la ilaalin doono, dhammaan xaquuqda ciidamada soomaliya waayoo buu yiri waa laf dhabrata waxayna ahmiyad gaar ah siineysaa dowlada ciidamada qaranka soomaaliyeed dhamaan tood, waxaana ugu baaqayaa meel kasto oo ay aduunka ka joogan in ay dalkooda sidii ay u samatabixin lahaayeen ay u yimaadaan dalka amaan xumadu heyso.

Waana aqbaleen saraakiishaas (joogey Liibiya) oo isla markiiba xoghaynta gaarka ah ee madaxweyne Yuusuf ayaa dalbay safarkooda, waxaana howsha saraakiishaasi dhameynayo hada safaarada oo looga tagay maadaama uu maanta safar ahaa waftigu.

Madaxweyne yuusuf ayaa wada dadaal uu ku doonayo sidii loo tababari lahaa ciidamada soomaaliya, waxaana gacan mug leh uu ka haystaan in ay ku siiyaan beesha caalamka oo aad u soo dhaweysay fikirka iyo geedi socodka dowlada uu madaxweynaha ka yahay .

Gudoomiyaha urur goboleedka saaxil wasaxaraa mudane:Raafic madani ayaa mar uu la kulmay madaxweynaha soomaliya u gudbiyey ajandaha shirka saaxil wasaxaraa ee dhacaya 1-jun -06 in uu ahaanayo shirkaasi mid looga hadli doono sidii wax looga qaban lahaa nabada soomaliya madaxweynaha ayaa arintaasi si weyn loo u soo dhaweeyey. Waftiga madaxweynaha Soomaaliyaa ayaa waxuu ka sii aadayaa magalada kanbala dalka Suudan sida uu ii sheegay xoghayntiisa.

LIFAAQ: Uganda waxaa maanta oo Jimce ah May 12, 2006 markii saddexaad madaxweynenimo loo dhaarinayaa Yoweri Museveni, oo xukunka Ugandha qabsaday 20 sano ka hor. Wararka kale ee ka imanaya Ugandha ayaa sheegaya in madaxweynaha Ugandha uu maanta kala diray xukuumadiisii.

• Wararka kale ee Maanta: Jabuuti oo laga helay Hargabka Shimbiraha ee Dilaaga ah...

Qore:Saciid Antenno

Tripoli-Liibya

saciidanteno@yahoo.com

218-926449131  

Faafin: SomaliTalk.com | May 12, 2006

Wararkii hore ee casumaada madaxweynaha.

Madaxweyne C/laahi Yuusuf oo kulan la qaatay Hoggaamiyaha Dalka Liibiya

• Warbixintii: Saciid Antenno | May 9, 2006

  ---

Talaado, May 09, 2006 Madaxweynaha Dowladda Federaalka Soomaaliya, Mudane: C/llaahi Yuusuf Axmed iyo Wafdi uu hogaaminayo oo isniintii gaaray Wadanka Liibya ayaa kulan la qaatay Hoggaamiyaha Dalka Liibiya Col. Mucamar Al-Qadaafi.

Madaxweynaha Soomaaliya ayaa intii uu kulanka la lahaa Hoggaamiyaha Liibiya wuxuu uga warbixiyay xaaladda Soomaaliya, isagoo ugu baaqay Col. Qadaafi in uu ku lug yeesho geedi socodka loogu jiro nabadeynta Soomaaliya.

Madaxweyne Yuusuf sidoo kale wuxuu u sheegay Dhiggiisa dalka Liibiya in Golaha Dowladda Federaalka ay haatan ku wada sugan yihiin magaalada Baydhabo, halkaasi oo ay dowladda Federaalka howlaheeda ku sii wadato.

kulanka ka dib waxaa loo sameeyey casho sharaf madaxweynaha soomaliya iyo wefdigiisa waxaana cashada fadhiyey raiisul wasaaraha dalka libya Maxamuud baqdaadi & kuxigeenkiisa wasiirka arimaha africa wasiirka maaliyada wasiirka batroolka sida uu ii sheegay safiirka soomaliya maxamed xuseen maxamed ilkadahab oo fadhiyey casho sharafta loo sameeyey madaxweynaha iyo wafdigiisa, madaxweynaha libya oo sheegay in uu la garabtaagan yahay dowlada soomaliya ee curdanka ah taageero si ay u gaarto hanaankii dowladeed, gebi ahaan kulanka labada madaxweyne ayaa ku dhamaday guul & is afgara, madaxweynaha oo aan la ogeyn rasmiyan waqtiga uu baxayo iyo meesha uu ku wajahanyahay marka uu ka tago dalkan uu hada jogo ee libya.

Madaxweyne C/laahi yuusuf oo booqasho ku jooga dalka libya Caasimadiisa Tripoli

• Warbixintii: Saciid Antenno | May 9, 2006

  ---

Madaxweynaha Dowlada federaalka kmg ee soomaaliya, Mudane:C/laahi yuusuf axmed &Wafdi uu hogaaminayo ayaa Isniin 5:00 galabnimo soo gaaray Wadanka libya Kadib markii uu martiqaad rasmi ah ka helay dhigiisa dalka libya –mucamar al qadafi.

Madaxweynaha Soomaaliya iyo wafdigiisa oo dayuurad khaas ah uu u diray dhigiisa libya isaga oo jooga magaalada duseldorf ee dalka germany.

Haddii Banaanka laga helay, miyuusan u baahneyn gacan bini’aadannimo iyo Gargaar... AKHRI...

Madaxweyne yuusuf iyo wafdigiisa Waxaaa ku soo dhaweeyey gegeda diyuurada dalka libya madax sare oo ka tirsan xukuumada libya oo u ka mid yahay –Wasiirka arimaha Africa mudane:cali c/salaam tareki Mustafa qaroobi iyo madax kale oo sare. Waxaa kale oo soo dhaweeyey Safiirka soomaliya ee libya mudane maxamed xuseen maxamed ilkadahab iyo weliba qunsulka soomaaliya u fadhiya libya mudane:C/casiis maxamed ciise .

Madaxweynaha ayaa loo soo dhaweeyey si heer qaran ah imaatinka madaxweynaha ka hor ayaa waxaa magaalada libya wadooyinkeeda waxaa lagu arkayey calanka soomaliya oo dulbabanaya.

Madaxweyne yuusuf iyo wafdigiisa oo ka kooban 7todobo xubnood waxaa ka mid ah Xaaskiisa Marwo xaawo cabdi samatar , & xubno kale. [Sixid: wafdiga madaxweynaha kama uusan mid ahayn wasiiru dowlaha xafiiska madaxweynaha Khaalid cumar cali].

Mar aan wax ka weydiiyey goorta ay kulmayaan labada madaxweyne xoghaynta madaxweynaha mudane:C/rashiid yuusuf seed waxuu ii sheegay in ay kulmayaan maalinta talaadada ah. Madaxweynaha oo aaney ii suurto gelin in aan la kulmo asigoo sheegtay cudurdaar ah safarka dheer ee uu soo galay. lamana oga inta waftiga soomaaliya ay joogi doonaan dalka liibya ee uu casuumada ku yimid

Madaxweynaha iyo wafdigiisa oo degen hotel funduqkabiir oo ku yaala faras-magaalaha Caasimada Tripoli ayaan waxaan arkayey jaaliyada soomaaliyeed ee ku nool dalka libya oo isu qaban qaabineyso sidii ay ula kulmi lahaayeen madaxweynaha iyo wafdigiisa.

madaxweynaha ayaan la ogeyn in uu la kulmi doono iyo in kale jaaliyada soomaaliyeed ee dalka libya. madaxweynaha ayaa sidan oo kale u yimi sanadii hore ee 2005 bishan asigoo ka yimid shirka dowladaha carabta oo ka dhacayey dalka aljeriya ,soona maray dalkan libya kana duulay asiga oo aan la sameyn wax kulan ah jaaliyada soomaliyeed wallow uu raiisul wasaarihiisa uu la kulmay jaaliyada isla markaana uu uga cudurdaaray madaxweynaha in uu jeclaa in uu la kulmo jaaliyada balse safar shaqo oo deg deg ah uu galay madaxweynaha jaaliyada soomaaliyeed ee ku nool dalka libya oo ku qanacdey hadalkaas uu yiri raiisul wasaare cali maxamed geedi balse imanka ayaan la ogeyn madaxweynaha in uu la kulmayo iyo in kale jaaliyada soomaaliyeed ee uu san la kulmin weli.

• Wararkii kale ee maanta: May 9... halkan ka akhri.... Guji...

Qore:Saciid Antenno
Tripoli-Liibya
saciidanteno@yahoo.com
218-926449131  

Faafin: SomaliTalk.com | May 9, 2006 | Sixid:::

Wararkii hore ee casumaada madaxweynaha.

Madaxweynaha Soomaaliya oo Casuumad rasmi ah ka helay dhigiisa liibya 

April 28, 2006

Safiirka Soomaaliya u fadhiya dalka Libya iyo ururka ay ku bahoobeen 23-ka dowladood ee la isku yiraahdo Saaxil Wasaxaraa, Mudane Dr Maxamed Xuseen Maxamed (Ilka-Dahab), ayaa sheegay asigoo jooga xafiiskiisa safaaradda Soomaaliya ee tripoli in madaxweynaha dowlada federaalka kmg ah ee soomaaliya mudane:C/laahi yuusuf axmed uu casuumad rasmi ah ka helay dhigiisa dalka libya mudane:col-mucamaral al-qadafi.

Casuumada loo diray madaxweynaha soomaaliya ayaa ah mid labo weji leh midi waa kulan ku saabsan sidii ay uga wada hadli lahaayeen iskaashiga labada dowladood iyo weliba dhibaatada iyo macluusha baahdey ee ka taagan soomaaliya sidii wax looga qaban lahaa gacana ay uga geysan lahayd dowlada libya oo ay horey u jireen heshiisyo aan la dhameystirin la rabana in hada la dhameeyo dowlada libya ayaa sheegtay in ay dowlada soomaaliya ay hiil iyo hooba la garabtaagan tahay

Madaxweynaha ayaa sidoo kale waxuu ka qeybgalayaa shirka todobaad ee saaxil wasaxaraa inta uu joogo dalka libya, shirkan oo ah kan madaxweynayaasha Saaxil wasaxaraa oo ka furmaya `1,may-2006 dalka libya oo ah xarunta ururka saaxil wasaxara halka ay ku taalo. Shirka oo looga hadli doono arimaha ururka iyo sidii loo mideyn lahaa siyaasada africa iyo weliba arimaha soomaaliya, shirkaas oo socon doono labo maalin uun madaxweynaha yuusuf oo la filayo in uu ka soo qayb galo, sida uu ii sheegay danjire ilka dahab.

Waxaa ka socoto safaarada soomaaliya diyaar garowga soo dhaweynta madaxweynaha soomaaliya mudane c/laahi yuusuf axmed oo ku soo fool leh dalka libya si uu u dhameysto casuumadiisa uu u fidiyey dhigisa.

saciid -antenno
tripoli- libya
saciidanteno@yahoo.com

Faafin: SomaliTalk.com | April 28, 2006

WARARKII HORE EE SAFAARADA SOOMAALIDA EE LIIBIYA: Hoos ka akhri.

Safiirka Soomaaliya ee Saaxil Wasaxaraa Dr Ilka-Dahab oo ka warbixiyey shirkii ka dhacay Morocco

• Saciid Antenno
  Tripoli, Libya
  218926449131

  ---

Shir Jaraa'id Safiirka Soomaaliya ee Liibya

Safiirka Soomaaliya u fadhiya dalka Libya iyo ururka ay ku bahoobeen 23-ka dowladood ee la isku yiraahdo Saaxil Wasaxaraa Mudane Dr Maxamed Xuseen Maxamed (Ilka-Dahab) oo u warramayey warfidiyeenka gudaha iyo kuwa dibadda isagoo jooga xafiiskiisa safaaradda Soomaaliya ee Tripoli ayaa ka warbixiyey shirweynihii wadammada Saaxil Wasaxaraa ee ka dhacay magaalada Rabat ee dalka Morocco oo uu Safiirku u metelay dowladda Soomaaliya.

Dr Ilka-Dahab waxa uu sheegay inuu shirka furay Wasiirka Arrimaha Dibada ee dalka Morocco, ahna guddoonka Ururka Saaxil Wasaxaraa Mudane Yaxye Bin Ciise oo ka hadlay ugu horreyntiiba dhibaatooyinka ka jira Qaaradda Africa oo ah kuwo siyaasadeed, dhaqaale iyo dhinaca ammaankaba. Mudane Bin Ciise intii uu waday khudbaddiisa wuxuu ku soo qaatay dhibaatada abaareed ee maanta haysata waddanka Soomaaliya, wuxuuna yiri “waa in loo guntadaa sidii wax looga qaban lahaa dhibaatadaas haysata ummadda Soomaaliyeed.”

Yaxye Bin Ciise wuxuu u soo jeediyey shirweynaha in muddo ka yar 24 saac ay dowlad weliba uga soo jawaabto sidii wax looga qaban lahaa dhibaatada abaareed ee ka jirta Soomaaliya. Isla markii uu khudbadda ka baxay waxaa hadalka qaatay Ambassador Ilka-Dahab oo metelayey Soomaaliya, wuxuuna si toos ah u guda-galay ajandihii shirka oo ahaa arrimaha Africa sidii kor loogu qaadi lahaa iyo weliba arrimaha Soomaaliya oo ka mid ahaa ajandihii shirka horyaallay.

NATIIJADII DAGAALADII SOOMAALIYA | DAAWO SAWIRADAN Burburka Bangigii Ganacsiga ee Soomaaliya ee Muqdisho | Sawirkan waxaa la qaaday 2006, waxaana qaaday Muuse Maxamuud Jiisow Sawirka hoose waa Muqdisho sannadihii soddonkii (1930) Muqdisho: 1930's | Isha sawirkan: http://www.swan.ac.uk

“Waxaan si toos ah u hor dhigay saddax iyo labaatanka dowladood ee Saaxil Wasaxaraa sidii Soomaaliya wax loogu qaban lahaa haddii ay ahaan lahayd macluusha abaarta iyo caafimaadka, iyadoo waqtigan ay hal milyan iyo bar qofood la ildaran yihiin gaajo iyo macluul deegaanno ka mid ah Soomaaliya” ayuu yiri Safiirku. Safiirku wuxuu xusay nasiib wanaag intii uu waday khudbadda inuu shirka la soo hadlay Boqorka dalka Morocco oo ah Boqorka lixaad Maxamed Jilaal, uuna xaqiijiyey inuu u dirayo Soomaaliya markab sida deeq cunno ah oo ka kooban Bariis, Bur, Caano, Saliid, markabkaas oo hadda ku sii dhow Soomaaliya.

Dr Ilka-Dahab ayaa sidoo kale ii sheegay intuusan shirka Morocco u kicitimin la kulmay Wasiirka Arrimaha Dibada ee dalkan Libya Mudane Maxamed Siyaali oo ay ka wada hadleen sidii deeq loo gaarsiin lahaa dadka abaartu ku dhufatay ee Soomaaliya, weliba sidii deeqdaasi ay u noqon lahayd mid degdeg ah oo lagu daabulo diyaarado, taasoo Safiirku uu tibaaxay in weli uu jiro ballan-qaadkaasi.

Dowladda Libya ayaa iyadoo ballantaasi jirto waxaa Wasiirka ugu qeybsan Arrimaha Africa Mudane Cali Cabdisalaam Tareki oo fadhiyey shirka dowladaha Saaxil Wasaxaraa ee magaalada Rabat uu sheegay in dowladdiisu ay u direyso Soomaaliya deeq gaaraysa afar kun oo tan, laguna qaadi doono labo markab.

Waxaa sidoo kale shirkaas ka hadlay Wasiirka Arrimaha Dibadda Senegal Sheekh Tidiane Gagdio, wuxuuna si cad cad uga hadlay in dalka Soomaaliya uu yahay dal muddo ka badan 15 sano ay dagaallo sokeeye aafeeyeen, una baahan gacan mug leh in la siiyo, wuxuuna sheegay in dowladda Senegal iyo dowladda cusub ee Soomaaliya ay ku heshiiyeen in loo tababaro lix kun oo ciidan Soomaaliyeed iyo waxbarasho arday Soomaaliyeed, dhammaanna ay diyaar u yihiin inay fuliyaan heshiisyadaas.

Waxaa kale oo Mudane Tidiane uu sheegay inay deeq dirayaan, laakin wuxuu safiirka Ilka-Dahab ku yiri “si aysan isku dalab u noqon deeqda aan dirayno iyo tan ay dirayaan dowladaha oo loo helo wax kala duwan si baahidu ay u daboolanto waa inaad noo soo gudbisaa dalabka loo baahan yahay.”

Sidoo kale wuxuu Wasiirku si toos ah uu carrabka ugu dhiftay dowladihii shirka fadhiyey, gaar ahaan dowladihii ugu waaweynaa oo ay ka mid ahaayeen dowladaha Masar, Nigeria iyo Tunisia oo uu yiri “maxaad uga hadli la’dihin dhibaatada dowladda Soomaaliya ee walaalihiina ah”.

Markaas kaddib ayaa dowladahaasi waxay xiriir iyo kulamo la soo sameeyeen Ambassador Ilka-Dahab. Dhinaca dowladda Masar waxay safiirka wada kulmeen Wasiir ku-xigeenka Arrimaha Dibadda ee qaabilsan Arrimaha Africa Dr Daahir Farxaan, kaas oo ballan qaaday inay xaaladdu sida ay tahay u gudbin doonaan dowladdiisa, deeqda ay bixinayaan iyagoo sii maraya safaaradda Soomaliya ee Masar ama Jaamacadda Carabta, laakin buu yiri ay waajib muqadas ah tahay in si degdeg ah loo qaadi doono deeq loo fidinayo dadka tabaaleysan.

Sidoo kale waxay Safiirka Soomaaliya is arkeen Wasiirka Arrimaha Africa ee dowladda Nigeria, wuxuuna Wasiirku u sheegay Safiirka in markuu ku laabto dalkiisa inuu wixii deeq ah uu sheegi doono dowladdiisa, kaddibna ay u diri doonaan dalka Soomaaliya kaalmo degdeg ah.

Dr Ilka-Dahab wuxuu sheegay inuu isna la kulmay Wasiiru Dowlaha Maqrib iyo Africa u qaabilsan dowladda Tunisia Mudane Saalaxuddiin Jamaali oo aan ka wada-hadalnay ayuu yiri arrimaha labada dal iyo sidii ay gacan uga geysan lahayd dowladda Tuniisiya macluusha Soomaaliya maanta ka jirta, wuxuuna Wasiiru Dowluhu yiri “wixii dalab ah soo gudbi ee loo baahan yahay, diyaar bey u tahay Tunisia inay deeq u dirto Soomaaliya”. Wuxuu Wasiiru Dowluhu muujiyey sida ay dowladda Tunisa uga xuntahay dhibaatada soo foodsaartay dadka Soomaaliyeed.

Intii uu joogay Safiirku dalka Morocco wuxuu kaloo la kulmay mas’uuliyiin kala duwan oo ay ka mid yihiin kuwo ka socda xafiiska Boqorka Morocco iyo Wasiirka Arrimaha Dibadda Morocco Dr Cabdilatiif Bendahane iyo Agaasimaha Guud ee Carabta iyo Africa Dr Make Gawane, waxayna ka wada hadleen mas’uuliyiinta dowladda Morocco sidii kor loogu qaadi lahaa iskaashiga labada dowladood iyo inay siiyaan deeqo waxbarasho ardeyda Soomaaliyeed iyo weliba inay noo dhaqan celiyaan maliishiyaadka dowladda Soomaaliya, waana ay ka aqbaleen codsigiisa.

Shirkaas ayaa gebi ahaanba ku dhammaadey guul iyo is afgarad buuxa. Safiirka Soomaaliya ee dalka Libya iyo wadammada Saaxil Wasaxaraa ayeysan ahayn markii koowaad ee deeq uu dalka Soomaaliya gaarsiiyo, isagoo horey u gaarsiiyey dalka deeqo fara badan oo uu u weydiiyey dalka uu Safiirka ka yahay iyo weliba dowlado kale oo ay saaxiib yihiin, taasoo uu uga faa’iideynayo ummadda walaalihiis ah ee ay haysato dhibaatada.

Safiirka ayaa ah kan ugu firfircoon madaxda safaaradaha Soomaaliyeed ee maanta weli ka sii shaqeeya dunida, isagoo ay ka muuqato waddaniyad iyo dad jaceyl. Ambassador Ilka-Dahab oo aad uga murugoonayey dadka abaaruhu ku habsadeen ee laga soo daayey Telefishinka af carabiga ku hadla ee Al Jazeera ayaa wuxuu ii sheegay in indhihiisa ilmo ay qooyeen markii uu arkay dadka dhibaateysan ama hooyada uurka leh ama dhallaanka yaryar ee macluushu ku haysato Soomaaliya, wuxuuna Alle uga baryayaa inuu ka samatabixiyo gebi ahaanba dadka Soomaaliyeed ee dhibaatadu aafeysay.

Safiirku isagoo ka faa’iideysanayo fursaddan wuxuu u mahadcelinayaa dhammaan dowladaha jecel inay gacanta ka geystaan samatabixinta ummadda Soomaaliyed ee habaaraha ku dhufteen, gaar ahaan dowladda Morocco iyo dowladda Libya.

Saciid Antenno
Tripoli, Libya
Anteno100@hotmail.com
218926449131
Ama saciidanteno@yahoo.com

Faafin: SomaliTalk.com | March 24, 2006

Xildhibaan Casharo oo ka Hadlay Muranka "Shirkada Macdanta" ee ka Taagan Puntland