Wararkii:: Jan
31, 2007
- Golaha
Muslimiinta Kenya oo codsaday in ay la
kulmaan Sheekh Shariif.
Xaaji Abuukar Caddaani oo maanta lagu filayo
in la soo taago maxkamad..
- Midowga
Afrika oo soo dhaweeyey qorshaha uu
Talyaanigu ku doonayo in uu Soomaalida..
- Shirkii
Midowga Afrika oo ay ka soo baxeen go’aano
ay ka mid yihiin…
- C/llaahi
Yuusuf oo sheegay in uu soo dhaweynayo
qorshaha beesha..
Weeraro
xooggan oo xalay lala beegsaday Fariisimada
Ciidamada Itoobiya ee Ceel-Cirfiid
Weeraro xoogan ayaa xalay laga maqlayay
deegaanka Ceel-cirfiid ee Magaalada Muqdisho iyo
Suuqa Darmoole ee Duleedka Magalada waxaana
baraha ciidamada lala beegsday qoryaha
Madaafiicda ka dhacada, waxaana xooga ay
leedahay rasaastaas darted laga maqlaayay
magaalada oo dhan.
Ma aha markii ugu horeysay ee la weeraro baraha
ciidamada Itoobiyaanka ee dhinaca Ceel-Cirfiid,
iyadoo qasaaraha uu dhaliyay weerarkaas aan la
ogeyn ayaa hadana dadka deegaankaas ka ag dhow
xalay soo foodsaartay cabsi aad u xoogan.
Weerarkaan ugu dambeeyay ayaa xalay lagu qaaday
fariisimada ciidamada Itoobiyaanka ayaa la
sheegay inay ka qeyb qaateen 3-gaari oo ay saran
yihiin qoryaha Tiknikada loo yaqaan sida ay
sheegeen dadka deegaanka.
Maxamuud Axmed
Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
Golaha
Muslimiinta Kenya oo codsaday in ay la kulmaan
Sheekh Shariif.
W/D Amiin Yuusuf Khasaaro
E-Mail
amiinkhasaaro@hotmail.com
Iyadoo dhawaan uu gaaray Magaalada Nayroobi
guddoomiyihii Gudiga Fulinta Sheekh Shariif
Axmed, isla markaana kulamo la yeeshay
mas’uuliyiin ka tirsan Dowladaha Mareykanka iyo
Talyaaniga ayaa wararka ka imaanaya magaalada
Nayroobi waxay sheegayaan in Golaha Muslimiinta
Dalka Kenya ay dowladda Kenya ka dalbadeen in ay
kulan la yeeshaan Sheekh Shariif Sheekh Axmed,
si ay wax uga ogaadaan Sheekh Shariif, maadaama
aysan weli warbaahinta ka arkin iyo waliba
kulamadii uu la yeeshay mas’uuliyiintaasi.
Tacsi Naxdin Leh
Haddaanu nahay Beesha Siciid Harti ee
degan gobalka Minnesota waxa aanu tacsi
wada jir ah u direynaa qoysaskii ay ka
geeriyoodeen Maxamud Xaji Xashi iyo
Professor, Ismaaciil Ducaale Qambi.
Waxa aanu Alle uga baryeynaa in uu
janada ka waraabiyo eheladii ay ka
tageena samir iyo iimaana ka siiyo,
AMIIN, AAMIIN, AAMIIN.
Abdimalik Askar
651-428-6963
Abdimalik.Akar@hennepintech.edu
|
Golaha
Muslimiinta Kenya oo si aad ah u taageeray
waxyaabihii ay Maxaakiimtu ka qabteen
nabadgelyada Muqdisho, ayaa waxay horey uga
qaybgaleen kulamo bada oo ka dhacay dalka Kenya
gudihiisa iyo waliba dibaddiisa, kuwaas oo looga
hadlayey sidii loo adkeyn lahaa ammaanka dalka
Soomaaliya.
Golaha
muslimiinta ayaa waxay horey uga caroodeen
falalkii ay Dowladda Kenya kula kacday Maxaabiis
Soomaaliyeed oo ay u gacan gelisay Dowladda
Itoobiya, waxayna horey u sheegeen in wixii
dhibaato ah ee soo gaara dadkaasi ay
mas’uuliyadeeda qaadi doonto Dowladda Kenya,
waxay kaloo sheegeen Dowladda Kenya ay
burburisay sharciyada u yaala maxaabiista iyo
waliba dadka soo galootiga ah, waxayna ka
codsadeen in aysan maxaabiis dambe u gacan gelin
Dowladda Itoobiya, waxay kaloo sheegeen in
Dowladda Kenya aysan dhex dhexaad ka aheyn
arrimaha Soomaaliya oo ay la safatay Mareykan
iyo Itoobiya. Sheekh Shariif oo haatan ku sugan
Hotel ku yaala dalka Kenya gaar ahaan magaalada
Nayroobi, ilaa iyo haatanna wax war ah lagama
hayo wixii ka dambeeyey kulankii uu la yeeshay
safiirka Mareykanka iyo wasiir ku xigeenka
arrimaha dibadda ee dalka Talyaaniga.
Xaaji
Abuukar Caddaani oo maanta lagu filayo in la soo
taago maxkamad..
Iyadoo maalintii isniinta ahayd Xaaji Abuukar
Cumar Caddaani la soo taagay maxkamad ku taala
dalka Kenya ayaa maanta la filayaa in mar kale
maxkamadda dib loogu soo celsho, kaddib markii
Dowladda Kenya ay sheegtay in Xaaji Abuukar
Cumar Caddaani uu dalka Kenya ku soo galay
sharci daro.
Wiilkiisa C/qaadir oo la wareystay ayaa waxa uu
sheegay in aabihiis uusan sharci daro ku soo
gelin dalka Kenya, balse uu ku soo galay fiisaha
dal ku galka Kena, waxa uuse sheegay in
aabbihiisa lagu haysto sharci daro, waxa uuna ka
codsaday Dowladda Kenya in ay xoriyaddiisa dib
ugu soo celiso Aabbihiis.
Shacabka Kenya iyo golaha Muslimiinta Kenya ayaa
dadaal ugu jira sidii Xaaji Abuukar Cumar
Caddaani dib loogu soo celin lahaa xoriyaddiisa,
waxayna sheegeen in Xaaji Abuukar lagu haysto
cadaalad daro, waxayna codsadeen in sida ugu
dhaqsiyaha badan loo sii daayo, Dowladda Kenyana
ay siiso magangelyo.
Xaajigu waxa uu ka mid ahaa taageerayaashii
Golaha Maxaakiimta, isagoo ka taageeri jiray
dhinaca maaliyadda iyo waxyaabo kale.
Midowga
Afrika oo soo dhaweeyey qorshaha uu Talyaanigu
ku doonayo in uu Soomaalida..
Midowga Afrika oo kulan madaxeed ugu dhamaaday
magaalada Adisb-Ababa ee dalka Itoobiya ayaa
waxa uu si aad ah u soo dhaweeyey hadalkii ka
soo yeeray Ra’isul Wasaaraha dalka Talyaaniga oo
ahaa in dalkiisa uu ku martigelinayo shirweyne
oo ay isugu yimaadaan dhamaan kooxaha Soomaalida.
“Intaan la geyn dalka Soomaaliya ciidamada nabad
ilaalina, waxaa haboon in la qabto shirweyne
qaran, waayo dal aan heshiis ahayn ciidan lama
geyn karo” ayuu yiri Midowga Afrika oo sheegay
in keenista Ciidamo shisheeye ee Soomaalia ay ka
horeyso in marka hore shir la isugu keeno
dhamaan kooxaha Soomaaliyeed oo ay ku jiraan
Maxaakiimta Islaamiga ah.
Midowga Afrika waxa uu soo dhaweeyey deeqdii ka
soo yeertay Dowladda Talyaaniga ee ahayd in 14
Milyan oo Doolar uu Talyaanigu ugu deeqayo
hawgalka nabad ilaalinta ee Soomaaliya, waxa
uuna ku tilmaamay midowga Afrika deeqdaasi mid
soo dedejineysa in Soomaaliya loo diro ciidamo
nabad ilaalin ah oo soo celiya nabaddii iyo
karaamadii ummadda Soomaaliyeed, maadaama dalku
ku jiray 17 sano dagaalo Sokeeye
Shirkii
Midowga Afrika oo ay ka soo baxeen go’aano ay ka
mid yihiin…
Waxaa magaalada Adis-Ababa ee Dalka itoobiya
xalay lagu soo gaba-gabyey kulan Maddaxeedkii
Ururka Midowga Afrika waxaana looga hadalay
arrimaha Soomaaliya waxayna sheegeen Madaxdii ka
qaybgashay in waqtigaan ay haboon tahay in
Soomaaliya loo diro Ciidmo Nabd ilaalin ah oo
badala kuwa itoobiya oo iyagu gacan siiyey
Dowladda fedaraalka ah meesha ka saaray
Maxakamadahii islaamiga ahaa/
Midowga Afrika waxa uu isku raacay in dhamaan
Kooxaha Soomaaliyeed loo qabto kulan Dib u
hashiisiin ah waxaana arrintaan aqbalay
Madaxwaynaha Dowladda fedaraalka C/laahi Yuusuf
Axmed oo sheegay in Dowlada ay dadaal u gali
doonto sidii ay isugu keeni la hayd Bulashada
Soomaaliyeed.
Sidoo kale Midowga Afrika waxa uu soo jeediyey
in Soomaaliya loo diro Ciidamo Gaaraya 8-kun oo
Askari hase yeeshee Midowga Afrka waxa uu codsi
ka hayaa Waddamada Ugand, Neyjeeriya oo sheegay
inay hayaan ilaa 2-kun oo Ciidamo ah balse waxa
ay Shruud kaga dhigeen in Ciidamadaasi loo helo
dhaqaale ay ku howl galaan.
Isku soo duuboo kulan Madaxeedkii Afrika waxaa
laga dhadhansan karay in loo baahan yahay in
Soomaaliya loo qabto Shirwayne dib u hashiisiin
ah oo lagu dhiso Dowlad Sal-Balaaran.
Dhinaca kale Dowladaha Maraykanka iyo Midowga
Yurub ayaa waxa ay wadaan Qurshe ah in
Soomaaliya loo dhiso Dowlad ay kawada muuqdaan
dhamaan Kooxaha Soomaaliyeed.
Maanta oo
la filayo in la doorto ninkii lagu bedeli lahaa
Guddoomiyihii Baarlamaanka..
Maanta ayaa la filayaa in kulan ay isugu
yimaadaaan Golaha Baarlamaan kaasoo noqon doona
mid lagu doorto Gudoomiyaha Baarlamaanka ka dib
markii Gudoomiyihii Baarlamaanka Shariif Shikh
Aadan laga qaaday xilkii ka dib markii lagu
Eedeeyey inuu ku takri falay xilkii loo dhiibay
isla markaana uu ku xadgudbay Axdiga ku meel
gaarka ah.
Ragga u tar-tamaya Gudoomiyenimada Golaha
Baarlamaanka ayaa waxaa ugu cad-Cad Shiikh Aadan
Max’ed Nuur (Madoobe), Saalim Caliyow
ibrow,Max’ed Aadan Madeer iyo Ibraahim Kiish
Buur, waxayna shalay Baaralamaanka u soo
gudbiyeed wax qabadkoodii iyo Taariikh
Nololeedkoodi waxa uu mid walba sheegay in uu
xilkiisa u gudan doono si cadaalad ah isla
markaana Baarlamaanka uu ku hogaamin doono sida
Axdiga ku meel gaarka ah uu qabo.
Masuuliyiinta ugu sareesa Dowladda ayaa waxa ay
wadaan dadaal ah sidii xilkaasi uu ugu guulaysan
lahaa Shiikh Aadan Madoobe oo si aad ah isugu
dhow yihiin halka warar qaar ay sheegayeen in
qaar ka mid ah Xildhibaanada ay aad u doonayaan
in uu xilkaasi ku guulaysto Saalim Caliyow Ibrow
oo sheegeen in uu yahay Nin aqoon u leh
arimahaasi isla markaasi muddo ku soo jiray
Siyaasadda Soomaaliya.
C/llaahi
Yuusuf oo sheegay in uu soo dhaweynayo qorshaha
beesha..
Madaxwayne C/llaahi Yuusuf Axmed ayaa aqbalay in
Soomaaliya loo qabto Shirwayne dib u hashiisiin
ah oo ka soo qaybgalaan dhamaan Kooxaha
Soomaaliyed hase yeeshee Madaxwayne waxa uu
sheegay in loo baahan yahay in Shirkaasi lagu
qabto gudaha Waddanka Soomaailya maadaama
Shirarkii hore lagu qaban jiray Dalka dibadiisa.
Madaxwaynaha waxa uu hadalkaani ka sheegay mar
uu kulamo la yeeshay Wakiilka Midowga Yurub oo u
qaabilsan arrimaha Soomaaliya, Ra’iisul
Wasaaraha Wadanaka itoobiya, kaaliyaha Xoghayaha
Arimaha Dibada Maraykanka iyo Masuuliyiin kale
oo ka socotay Qaarada Afrika iyo jaamacadda
Carabta waxayna dhamaatood isku raaceen in
waqtigaan loo baahan yahay in Soomaaliya loo
qabto Shirwayne dib u hashiisiin ah oo ay ka
qaybgalaan Maxkamadaha islaamiga ah si
Soomaaliya u hesho Nabad galyo Buuxda,
Madaxwaynaha waxa uu sheegay in uu u
hugaansamayo Baaqyada ka soo yeeraya Beesha
Caalamaka ee ah in Soomaaliya ay mar kale ay
isugu timaado Shirwayne Qaran.
Idaacadda
VOA oo furaysa idaacad af-ka soomaaliga ku
hadasha
12 Feberaayo 2007 ayaa lagu wadaa in Idaacadda
VOA (Voice of America) ay bilowdo idaacad joogto
ah oo ku hadasha afka soomaaliga kuna wajahan
Geeska Afrika.Koox weriyeyaal Soomaaliyeed ah oo
u shaqeeya Idaacadda VOA xarunteeda Washington
oo kaashanaya weriyeyaal ka soo hadlaya afrika
iyo meel kasta oo dunida ka mida ayaa diyaar u
ah inay malaayiin Soomaali ah u soo gudbiyaa
warar sugan oo daray ah (mar kasta cusub).
“Waxaan rabnaa inaan ku biirno bahda warbaahinta
Soomaalida” ayuu yiri Madaxa Idaacadda VOA,
isagoo intaa raaciyay waxaan doonaynaa inaan
dadweynaha Soomaaliyeed gaarsiino warar sugan,
waqiga la socda, nuxur leh waqtigan xasaasiga ah
ee taariikhda gobolka soo martay”
Idaacadaas waxay hawada ku jiraysaa nus saac
maalin walba todobada cisho, waxayna soo tabin
doontaa wararka Caalamka oo ay ku jiraan Kuwa
Soomaalid. iyo weliba Geeska Afrika. Sidoo kale
waxay baahin doontaa Musik, dodo iyo waraysiyo
iyadoo fursad loo siin doono dhagaystayasha
mararka qaar in dhagaystayaasha ay wararka qaar
ay ra’yigooda ka dhiibtaan.
Idaacada VOA laanteeda Afka Soomaaliga Waxaa
maalgeliyay dowladda Maraykanka, iyadoo Geeska
Afrika ay ka baahisa luqadaha Amxaariga, Cafarta,
Oromada iyo Tigreega, iyadoo laanta Afka
Soomaaliga ee VOA ay horay u shaqayn jirtay
sannadihii 1992-94 Laanta Afka Soomaalga ee VOA
waxaa laga baahin doonaa Mowjadaha AM, FM iyo
mowladaha gaagaaban iyadoo ay soo geli doonto
saacadaha 1600 UTC oo u dhiganta (7:00 p.m )
xilliga Soomaaliya, waxaana lagu soo celin
doonaa 1700 UTC (8:00 p.m).
Waxaa idaacaddas laga dagaysan karaa 88.8 FM
Capital Voice ee magaalad Muqdisho, waxaad kaloo
ka dhagysan kartaa websiteka
Frequencies-ka aad ka dhagaysan karto waxay kala
yihiin
Frequencies: 1600-1630 UTC: 13580 Khz, 15620 Khz,
1431 Khz
1700-1730 UTC: 13580 Khz, 15620 Khz Idaacadda
VOA waxaa markii ugu horeysay ay hawada gashay
1942-kii, waxay baahisaa 1000 saacadood oo ah
warar, warbixino, barnaamijyo waxbarasho iyo
kuwo dhaqanka ah todobaad kasta, waxaana
dhagaysta dad gaaraya 115 milyan, waxaana ka
baxa 44 luqadood.Wixii faahfaahin dheeraada la
xiriir
VOA's Office of Public Affairs at (202) 203-4959
or via e-mail at publicaffairs@voa.gov.
W/D Amiin Yuusuf Khasaaro
E-Mail
amiinkhasaaro@hotmail.com
Xafiisyadii Maamulkii
Hore Ee Jowhar Oo La Biliqaystay Iyadoo Aysan
Soo Gaarin Maamulka cusub
Wararka naga soo
gaaraya xarunta gobolka sh/dhexe ee jowhar ayaa
sheegaya in magaaladaasi ay gashay xaalad kala
guur ah iyo fowdo ah iyadoo maalintii shalay
ahayd Bililiqo loo gaystay xafiisyadii maamulkii
Max’ed cumar xabeeb (maxamed dheere) oo halkaasi
ka talin jiray ,iyadoo gaar ahaana Gurigii
Maxamed dheere uu ka deganaa Jowhar iyo weliba
xaruntii ra’iisal wasaare Cali maxamed Geeddi uu
ka deganaa halkaasi xiligii ay dowladdu
fariisinka ka dhigatay Jowhar, kuwaasoo laga
qaatay qalabkii xafiisyada iyo waxii agab ahaa
ee halkaas yaalay...
AKHRI WARKA OO DHAN...
Wariyaha RX uga soo
warrama dalka Ogaadeenya ayaa noo soo sheegay dagaal
adag oo ka dhacay Gudhis, oo ka tirsan degmada Fiiq,
kaasoo khasaare aad u wayn loogu gaystay ciidammada
caga-jiidka ah ee gumaysatada Itoobiya.
Cutubyo ka
tirsan ciidammada sida gaarka ah u tababaran ee
xoreynta Ogaadeenya ayaa markii ay taariikhdu ahayd
26/01/07 waxay weerar ku qaadeen ciidammo ka socda
gumaysatada Itoobiya oo hawlgallo millatari u yimid
nawaaxiga Gudhis, waxayna weerarkaas si wayn ugu
jabiyeen ciidammadii gumaysatada Itoobiya ee halkaas
loo soo diray. AKHRI HALKAN...
Dood cilmiyeed
ka dhacday Minneapolis: Dhibaatadda Somalia,
Ethiopia & Geeska Afrika
Minneapolis: Shir cilmiyeed balaaran oo lagu
gorfeeynayay raad-reebka eey keeni karto
duulaanka gardarradda ah ee ciidamadda Itoobiya
ku soo qadeen gudaha Soomaaliya iyo saameeynta
duulankani ku yeelan karo xiriirka labada dal
ayaa galabnimadii Sabtida ee taariiqdu ku
beegneeyd Janaayo 27, 2004 lagu qabtay
Magaaladda Minneapolis ee Gobolka Minnesota...
AKHRI...
"Xiriirka
ay reer Yurub iyo Reer Galbeedku la leeyihiin Afrika waa xiriirkii gumeysiga"
Sidaas waxaa yiri safiirka Itoobiya u fadhiya China,
warkaas iyo madaxweynha Shiinaha oo booqasho ku maraya 8 dal oo Afrika ah..
ka akhri halkan...
Jan 30
Beelaha Tigreega
iyo Beesha Cayr oo kulan dhawaan ku yeelan doona Addis-Ababa
iyo Dowladda Talyaaniga oo sheegtay in dalkeeda ay ku qabaneyso shir dib
u heshiisiin Soomaaliyeed..
Akhri.. Jan
30
Lacag dhan $3 million
ilaa $7 million oo ay kala Qaybsanayaan Range iyo DGPL
Lacagtaas oo qarsoodi ahayd waxaa
shaaca ka qaaday wargeyska Herald ee ka soo baxa Australia...
Akhri....
Guddoomiyeyaasha
Degmooyinka G/Banaadir oo cabasho ka muujiyay in xilalka laga qaadayo
iyo Prof. Dalxa oo xarunta Madaxtooyada kula kulmay qaar ka tirsan
Fannaaniinta...
Akhri...
Horn Relief oo Markii
ugu Horreysey ka Hirgelinaysa Ceel Riig ah Magaalada Badhan... Akhri...
Kenya
ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey
baaritanka batroolka ay ka wado xeebta, waxaana soo baxay warar tibaaxaya...
Akhri...
DGPL oo Caddayn weydey Meesha ay ku Baxeen Lacagihii ay hore u Bixiyeen
Shirkadaha Macdanta
Madaxweyne Cadde Muuse oo ku sugan Dubai oo
kulan la yeeshay shirkadaha ayaa la sheegay in...
Akhri...