Samsam
Axmed Ducaale oo La Sheegay in Jeelka laga Siidaayey, laguna Wareejiyey
Hay'aadaha Xuquuqda Aadamiga
"iyo Shaqada hay'adahaas
Xuquuqda aadamiga ee ku sugan Hargeysa oo La Xadiddi doono"
Hargeysa | Febraayo 2, 2005
Wararka ka imanaya magaalada Hargeysa
ayaa sheegaya in Samsam Axmed Ducaale lagu wareejiyey Hay'adaha xuquuqda
Aadamiga ee Qaramada midoobey si ay ugu qaadaan Boosaaso.
Hay'adaha xuquuqul Insaanka ee lagu
wareejiyey Samsam weli xaaladeeda war kama soo saarin.
Ilaa hadda maamulka Hargeysa waxay ku
adkaysanayaan "in aan Samsam lagu kufsan Xabsiga", arintaas oo
khilaafsan sheegashadii ay Samsam ka sheegtay maxkamada Hargeysa
horteeda. Waxa ay sheegeen in mar kale Samsam "la baaray oo la waayey
wax sheegaya in la kufsaday" balse aan si rasmi ah adduunka loogu
shaacin waraaqahaas la sheegay in lagu cadeeyey in la baaray.
Waxayse murankaasi kala caddaan doonaa
marka ay Samsam si xor ah ula kulanto saxaafada xorta ah.
Wararka kale ee ka imanaya Hargeysa
ayaa sheegaya in la xadidi doono shaqada hay'adaha Xuquuqul Insaanka ee
kusugan Hargeysa, maadaama ay hay'adahaasi guteen waajibkoodii.