Dowlada FKMG Ah Ee Soomaaliya oo
Indhaha Ka Laabatay Ceelasha Shidaalka Ee Ay Kenya Ka Baarayso Xadka
Soomaaliya...
Waxaa dhowaanahanba isa soo tarayey ceelal shidaal
ah oo laga baarayo deeganada xadka Soomaaliya oo ay dowlada kenya ku guda jirto,
islamarkaana ay wararku tibaaxeen in meelaha ay ka baarayso ay yihiin deegaano
ku yaala gudaha wadanka soomaaliya, ayaan waxaan dadaalo dheeraad ah u galay bal
si aan wax uga ogaado arrintan sida ay u aragto dowlada kmg ah ee Soomaaliya.
 Ugu
horayn waxaan su'aalo ka waydiiyey dhowr masuul oo sar sare oo ka tirsan
dowladda FKMG ah waloow uu masuul kastaaba markaan su'aashan soo hordhigo uu
iisii xawilayey masuuliyiinta kale, waxaana su'aalahan oo ahayd: maxay dowlada
kmg ahi kala socotaa ceelasha shidaalka ah ee ay ka baarayso dowlada kenya
deegaanada ku dhow -dhow raaskaambooni? Gaar agaan xagga badda? ayaysan jirin
ilaa iyo hadda wax masuul ah oo kamida dowlada kmg ah oo iiga jawaaba ma jawaab
sugan ka bixiya, masuulyiin sar sare oo dhowr ah oo dowlada kmg ah ayaa
dhamaantood indhaha ka detay su'aashan , islamrakaana iigu wada jawaabay cid
kale waydii.
Waxaa layaab igu noqotay markii aan dhamaan mid
kasta oo ka tirsan DFKMG ee su'aashaas la weydiiyo uu yiraahdo cid kale waydii,
ayaan waxaan xasuusatay oraah murtiyeedkii ahaa (cidina uma maqna ceelna uma
qodna) waayo yaan waydiiyaa su'aashan yaase dalka soomaaliya ka masuul ah.
Arrintan oo hadal haynteedu mudo socotay ayaysan
jirin cid ka tirsan dowlada kmg ah ee soomaaliya oo si dhab ah uga hadashay ilaa
hadda, mana jiraan cid ku howalan ka hadlideeda, waxaana muuqata inay dowlada
kmg ahi indhaha ka qarsatay arrintan.
Yaasiin Maxamed Cali (faytin)
yaasiinfaytin@hotmail.com
Faafin: SomaliTalk.com | Feb 10, 2007
Kenya ma Badda
Soomaaliyeed ayey Shidaal Ka Qodaneysaa?
Dawladda Kenya ayaa dardar
gelisey baaritanka batroolka ay ka wado xeebta, waxaana soo baxay warar
tibaaxaya.
Akhri
| 
Daabaco
Boggan | Print
