Dawladda Itoobiya xaq ma u
Leedahay in Gobal ka mid ah Jamhuuriyadda Soomaaliya ay la
gasho heshiis caalamiya ?
Dawladda Itoobiya xaq miyaa in
khayraadka soomaaliyeed ay daldalato kuna bedelato Maandooriyaha
cagaaran ee Qaadka !
Tan iyo qaran jabkii
Soomaaliyeed horaantii sanadkii 1991kii, wadanka Itoobiya oo
helay fursad qaaliya oo soo marta, maadaama ay cadowgoodii
koowaad uu burburay, waxay si toosa iyo si dad badanba
faraha ugula jirtay ummadda Soomaaliyeed ee aafeeysay
cudurka aan dawada lahayn ee QABYAALADDU. Balse maamulka uu
hormuudka ka yahay Meles Senaawi markii indhaha caalamku ku
soo jeestaan wuu inkiri jiray oo waxwalba soomaalida
dhexdeeduu ku tilmaami jiray inkastoo wax kajiraan haddana
maamulkaasi waxaan shaki ku jirin in aabbo ka yahay
dhiiladaas.
14 kii sano ee la soo
dhaafay maamulka Meles Senaawi wuxuu la wareegay deegaano
badan oo ku yaala xuduudii awalba laga muransanaa ee
dhankii Jamhhuuriaydii soomaaliya soo xigsanaa. Magaalooyin
badan oo xuduudda dheer ku yaalay oo calankii buluugga ahaa
ka babanayay waxaa maanta ka lulmanaya calanka wadanka
Itoobiya waxaana si toosa u xukuma maamulka ka
dhisan Addis-ababa, waxaana adkaan doonta mustaqbalka haddii
dawlad adag la helo sidii gacanta Itoobiya looga bixin lahaa
magaalooyinkaas oo waxaan shaki ku jirin inay khariidad
cusub la imaan doonto Itoobiya oo dhul teedsan xuduudda oo
doqoni magarato ah maanta ay isasiisay xukuumadda u
baarqabka ka yahay Meles Senawi.
Dhiiladdii ugu xumayd waxay
dhacday Asbuucan horaantiisii ka dib markii dawladda
Itoobiya ay si bareer ah u shaacisay inay heshiis la gashay
maamulka Puntland oo ay la saxiixatay heshiis caalamiya oo
qeexitaankiisii saxaafadda laga dheehday. Su'aalaha maanta
Itoobiya horyaal xagga shuruucda caalamiga waxaa weeye
sharciga baneenaya in dowladda itoobiya ay heshiis la geli
karto gobal ka mid ah dhulwaynaha soomaaliyeed. Qaanuunka
caalamiga ah waxaa weeye dawlad qaran dhiggeeda kale ayaa
heshiis la geli kara. Maamulka punt-land waxaa dhiggiisa ah
maamulka ka dhisan Jigjiga ee kilinka shanaad, waxaana la
ogyahay madaweynaha qoomiyadda soomaaliyeed ee kilinka
shanaad iska daa heshiis uu la gaaro wadamo shisheeyee fasax
hadduuna ka haysan dawladda dhexe inuuna safrin karin.
Maamulka Addis-ababana waxaa dhigooda ah maamulkii laga
dhidbo dalka soomaaliya, wixii intaas ka soo hara waa
bililiqo aan geed loogu soo gaban oo ay wado xukuumadda
meles Senaawi.
Zenawi (Itoobiya) |
Shacabka laga gaday cudurka |
Gen. Cadde (PL) |
|
Shacabka deggan
Gobolaad Woqooyi bari ee Soomaaliya ma ku
baraarugsan yihiin heshiiskaas Qaadka cudurku ku
hoos jiro looga bedelanayo khayraadkooda, mase
lagala tashaday arintaas, mase shacabku taloba maleh,
malaha dawlada Gen. Cadde Muuse waxay la mid tahay
tii uu bedeley oo wax looma sheegi karo! |
|
Itoobiya waxaa mustaqbalka
sugaya dacawado badan oo ay ka gashay dadka soomaaliyeed ee
ay ku habsatay masiibadu. waxaa sugaya hubkii iyo miinadii
ay ku soo daldalaysay 14kii sano ee la soo dhaafay ee
galaaftay kumanaal muwaadiniin soomaaliyeed ah, waxaa sugaya
kala qaybinta iyo cad cad u goynta ay ku hayso jamhuuriyadii
soomaaliyeed, waxaa sugaya qabqablayaashii ay soomaaliya
kusoo hogaaminaysay dhibkay gaysteen, waxaa sugaya dadkii ay
soo dirsatay ee mu'maraadka ku sameeyay culumo badan oo la
khaarjiyay. Maantana waxay dafirtaba waxay qiratay oo
saxiixday inay boobayso khayraadkii dalka soomaaliya iyadoo
sheegtay in maamul gobaleed heshiis la gaadhay, kuna
quusinaysa kuwii lalahaa gacansaar bay lahaayeen oo
xisbigeedii SRRC oo u badan dawlada aan wali caga dhigan ee
lagu dhisay Nayroobi. Itoobiya adduunka maanta waxay ku soo
kordhisay sharci cusub oo aan waligii la maqal oo ah in dal
la aqoonsanayahay xudduudiisii caalamiga ah la iska geli
karo oo intii la rabo lagoosan karo.
Cawska Sumaysan oo lagu
badelanyo Aargosatada adduunka dheemanka ka ah
Nuxurka
heshiiska oo dhan waxuu ahaa shirkad ka ganacsata Qaadka oo
la rabo in saro loo qaado oo la sahlo tashiilaad dheeriyana
la siiyo sidii Qaad tiro badan Itoobiya looga qaadan lahaa
bedelkeediina ay Itoobiya ka qaadato dhankaas Kalluunka,
Aargoosatada, iyo milixda ku darsoo dekadaha Boosaaso iyo
marsada Garacdna ay siday rabto u maamulato.
Qaadka oo ah
nooc ka mid maandooriyaha adduunka mamnuuca ka ah, waxay
ahayd in sidii loola dagaalami lahaa oo loo yarayn lahaa
diiradda la saaro ee ma-ahayn in la dardargeliyo sidii loo
soo daabuli lahaa, waxay ahayd in xitaa haddii la awoodi
kari waayay in la joojiyo in canshuur xad-dhaaf ah la saaro,
isla markaana Ganacsadihii ka shaqeeya aan la dhiiri gelin
oo loo aqoonsado cadow wadanka sun u walaaqaya. Nasiib daro
kuwa masuuliyiinta sheeganaya ee leh Maamulka Addis-ababa
ayaan heshiis la galnay, waxay bedelkeedii suntaas cagaaran
ku bedelanayaan khayraadkii ugu qaalisanaa dalka
soomaaliyeed ee kaluunkii ,Aargoosatadii ,Milixdii iyo
waliba geed udugii Maydiga.
Dawlad haddaad
sheeganaysid waajibaadka kaa saaran dadkaaga, waxaa ugu
horeeya inaad ilaaliso caafimaadkooda, waxbarashadooda,
nabdgelyadooda iyo khayraadkooda, waxaana ognahay Qaadku
intaba inuu col u yahay oo caafimaad xumo, saaqidnimo
waxbarasho iyo xasilooni daro uu kow ka yahay. Eeg Sigaarka
oo aan maandooriye lagu sheegin adduunka sida loola
dagaalamo oo canshuurtiisa cirka loo saaro, looguna qoro
baraarujin loola dan leeyahay in laga fogaado. maamulka
Punt-landna waxay xayaysiin iyo faan moodeen in Itoobiya
qoraal lala saxiixdo kaasoo ah mindidaad lagugu gowrici
lahaa oo aad u dhiibtay cadowgaagii koowaad.
Mele Senewi
talaabo kastuu qaado, waa wax u daran ummadda soomaaliyeed,
waxuu noqday dacawo wan heshay oo maalin cad goosanaysa.
Meles Senaawi daraad baradii Soomaaliya
ayuu ruqdsaday oo Hargaysa waa looga heesaa,shalay
lug ayuu la kacay oo Gedo iyo Ceelberde calankiisi
libaaxa ahaa baa ka babanaya. Maantana calooshii
ayuu la baxay oo Boosaaso iyo Garacad Suncagaaran ayuu ku
gatay. Tolow berina madaxa ma ruqsan doonaa
oo Xamar manoogu imaanayaa !!!!!!!!?.
AKHRI: Ciribtirka
Cunitaanka iyo Ka Ganacsiga Qaadka
Cabdi Xasan
Somalitalk.Com/Muqdisho
abdi172@hotmail.com
Faafin: SomaliTalk.com | Jan 28, 2005
KHAYRAADKA DHEX JIIFA
SOOMAALIYA.... GUJI...
 Ciribtirka
Cunitaanka iyo Ka Ganacsiga Qaadka
Soomaalida Minnesota oo isku ballansaday In ay Cunitaanka
Qaadka ka Cirib Tiraan Gebi Ahaanba Meel ay Soomaali Kaga Nooshahay Dunida
Guud Keeda...
Guji...
Kulaabo bogga www.SomaliTalk.com
| 
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah.......
GUJI....